Provincial Department of Health Office - Isabela

15/06/2026

𝐀𝐋𝐎𝐍 𝐍𝐆 𝐊𝐀𝐋𝐈𝐍𝐆𝐀: 𝐌𝐀𝐇𝐈𝐆𝐈𝐓 300 𝐑𝐄𝐒𝐈𝐃𝐄𝐍𝐓𝐄 𝐒𝐀 𝐃𝐈𝐕𝐈𝐋𝐀𝐂𝐀𝐍 𝐀𝐓 𝐌𝐀𝐂𝐎𝐍𝐀𝐂𝐎𝐍, 𝐍𝐀𝐀𝐁𝐎𝐓 𝐍𝐆 𝐒𝐄𝐑𝐁𝐈𝐒𝐘𝐎𝐍𝐆 𝐏𝐔𝐑𝐎𝐊𝐀𝐋𝐔𝐒𝐔𝐆𝐀𝐍 𝐀𝐓 𝐏𝐇𝐈𝐋𝐇𝐄𝐀𝐋𝐓𝐇 𝐘𝐀𝐊𝐀𝐏 𝐑𝐄𝐆𝐈𝐒𝐓𝐑𝐀𝐓𝐈𝐎𝐍

Hindi hadlang ang distansya upang maihatid ang serbisyong pangkalusugan sa bawat mamamayan. Sa pamamagitan ng PuroKalusugan Strategy at PhilHealth YAKAP Registration, matagumpay na naihatid ng Department of Health-Cagayan Valley Center for Health Development (DOH-CVCHD), katuwang ang mga lokal na pamahalaan at iba pang ahensya ng gobyerno, ang mga mahahalagang serbisyong pangkalusugan at panlipunan sa mga bayan ng Divilacan at Maconacon, Isabela noong Hunyo 8-10, 2026.

Sa ilalim ng temang “Shore to Care: Alon ng Serbisyo Hatid ng PuroKalusugan,” mahigit 300 residente ng Divilacan at Maconacon ang nabigyan ng mga serbisyong pangkalusugan at panlipunan, kabilang ang mahigit 200 miyembro ng Agta at iba pang Indigenous Peoples (IP) communities mula sa Brgy. Dimapula at Dimasalansan sa Divilacan at Brgy. Reina Mercedes sa Maconacon.

Kabilang sa mga serbisyong naihatid ay ang:

✅ Medical consultations at health assessment/screening
✅ Health education at Information, Education and Communication (IEC) sessions
✅ PhilHealth YAKAP Registration
✅ Water, Sanitation and Hygiene (WASH) advocacy
✅ PuroKalusugan advocacy at community mobilization
✅ Pamamahagi ng mga gamot at bitamina
✅ Paglulunsad ng mga bagong PuroKalusugan sites sa Brgy. Dimasalansan at Dimapula

Ang mga bagong PuroKalusugan sites ay magsisilbing mahalagang daan upang mas mapadali ang pag-access ng mga residente sa mga pangunahing serbisyong pangkalusugan at panlipunan. Patunay ito na sa pamamagitan ng mas pinaigting na koordinasyon, bayanihan, at whole-of-government approach, walang komunidad ang maiiwan sa pagsusulong ng Universal Health Care.

Mula baybayin hanggang kabundukan, patuloy na umaabot ang kalinga at serbisyong pangkalusugan para sa bawat Pilipino.

15/06/2026

𝐏𝐢𝐧𝐚𝐥𝐚𝐤𝐚𝐬 𝐧𝐚 𝐒𝐞𝐫𝐛𝐢𝐬𝐲𝐨 𝐬𝐚 𝐁𝐚𝐲𝐛𝐚𝐲𝐢𝐧: 𝐃𝐎𝐇-𝐂𝐕𝐂𝐇𝐃, 𝐍𝐚𝐠𝐬𝐚𝐠𝐚𝐰𝐚 𝐧𝐠 𝐈𝐧𝐬𝐩𝐞𝐤𝐬𝐲𝐨𝐧 𝐚𝐭 𝐓𝐞𝐤𝐧𝐢𝐤𝐚𝐥 𝐧𝐚 𝐆𝐚𝐛𝐚𝐲 𝐬𝐚 𝐦𝐠𝐚 𝐁𝐚𝐲𝐚𝐧 𝐧𝐠 𝐌𝐚𝐜𝐨𝐧𝐚𝐜𝐨𝐧 𝐚𝐭 𝐃𝐢𝐯𝐢𝐥𝐚𝐜𝐚𝐧

Upang patuloy na mapalakas ang serbisyong pangkalusugan sa mga baybaying komunidad ng Isabela, nagsagawa ng malawakang pagbisita at inspeksyon sa mga medikal na imprastraktura ang mga opisyal ng Department of Health - Cagayan Valley Center for Health Development (DOH-CVCHD) na pinangungunahan ni Regional Director Dr. Ferdinand Benbenen sa mga bayan ng Divilacan at Maconacon noong Hunyo 8 hanggang 11, 2026.

Katuwang ni Dr. Benbenen ang mga opisyal ng Health Facility Enhancement Program (HFEP) sa pamumuno ni Ar. Eduardo T. Diego, Jr., kasama sina Engineer Jay-ar Tatto; Health System Resilience Project (HSRP) Engineer Wilbert Cureg, Development Management Officer IV Dan Christian Reyes at mga health officers mula sa Provincial DOH office ng Isabela at DOH-CVCHD; naging katuwang din ang mga lokal na opisyal ng pamahalaan sa pagbisita sa mga Super Health Centers (SHCs) at Rural Health Units (RHUs) ng mga nasabing bayan upang matiyak ang kalidad ng mga pasilidad.

Unang ininspeksyon ang Divilacan Super Health Center na kasalukuyang ipinatutupad sa pakikipagtulungan ng Department of Public Works and Highways (DPWH), kung saan kabilang sa proyekto ang konstruksyon ng pasilidad at karagdagang suporta sa pamamagitan ng Memorandum of Agreement (MOA) sa pagitan ng DOH at ng lokal na pamahalaan upang matiyak ang ganap na pagkumpleto at operasyonalidad nito. Kasunod nito, nagsagawa rin ng inspeksyon sa Phase 2 ng Maconacon Super Health Center para naman sa pagpapatuloy at pagkumpleto ng naturang proyekto sa ilalim rin ng implementasyon ng DPWH.

Kahanay ng mga isinagawang site inspection, nagtungo rin ang mga opisyal ng DOH-CVCHD sa tanggapan ni Maconacon Municipal Mayor Dr. Aida Manalay upang talakayin ang mga estratehikong hakbang para sa maayos at tuluy-tuloy na operasyon ng mga pasilidad pangkalusugan sa bayan. Kabilang sa mga binigyang-diin sa talakayan ang pagkumpleto sa mga dokumentong kinakailangan para sa pagpapatupad ng HSRP na popondohan ng World Bank para sa pagsasaayos ng Maconacon Super Health Center, kung saan ang kabuuang pondo ay para sa rehabilitasyon ng mga imprastraktura kabilang ang Animal Bite Treatment Center (ABTC), Infectious/TB Room, Family Planning Room, at Adolescent Health Center upang mailapit ang libre at abot-kayang serbisyong medikal sa mga residente, gayundin, ay ilalaan para sa mga medikal na kagamitan tulad ng Portable X-Ray Machine at isang 10 KVA Solar Power System na magsisilbing backup na kuryente sa tuwing may power outage.

Inaasahang matatapos ang konstruksyon ng dalawang SHC sa loob ng taong ito at matapos makumpleto ang mga kinakailangang kagamitan, manpower complement, at iba pang operational requirements ay target na maging ganap na operational ang mga pasilidad sa susunod na taon upang higit na mapalapit at mapahusay ang paghahatid ng serbisyong pangkalusugan sa mga mamamayan ng Divilacan at Maconacon

Kasama rin sa naging pagbisita ang pagsusuri sa katayuan ng DRRM-H at ang pagbibigay ng teknikal na gabay upang mapatibay ang lokal na kahandaan, pagtugon, at koordinasyon sa mga emerhensiyang pangkalusugan. Bukod dito, nagkaloob din ng teknikal na tulong sa bagong Pharmacist-in-Charge ukol sa supply chain management, partikular sa pagsubaybay sa imbentaryo, pag-update ng talaan, at pagtutugma ng mga gamot para sa wastong pamamahagi nito. Sinuri rin ang mga imbakan upang mapalakas ang pharmaceutical management at matiyak ang tuluy-tuloy na suplay at ligtas na pangangasiwa ng mga gamot.

Ang magkasanib na inspeksyong ito ay patunay sa matatag na koordinasyon ng DOH Cagayan Valley at ng mga lokal na pamahalaan upang mapunan ang kakulangan sa serbisyong medikal, partikular sa mga underserved at unserved areas, habang tinitiyak na ang bawat mamamayan ay may mabilis na akses sa de-kalidad at abot-kayang pangangalaga ng kalusugan.

08/06/2026

Month of June
Health Celebrations

08/06/2026

✨ CELEBRATING HOPE, NEW LIFE, AND VICTORY OVER CANCER!✨

Ngayong National Cancer Survivors Day, sama-sama nating ipagdiwang ang lakas at katatagan ng ating mga cancer survivors sa komunidad! Ang kanilang kwento ay patunay na may pag-asa basta't tayo ay nagtutulungan.

Ready to make the switch? Simulan natin sa 4 Healthy Habits na ito:

🥦 1. Kumain ng gulay at prutas – Umiwas sa mga pagkain na sobrang matataba at maaalat. Choose fresh, nutritious, and balanced meals!
🏃‍♂️ 2. Mag-ehersisyo ng 30 minuto kada araw – Keep your body moving! Kahit simpleng paglakad, jogging, o home workouts ay malaking tulong sa kalusugan.
🚭 3. Huwag manigarilyo at uminom ng alak – Say NO to bad habits na sumisira sa baga at atay. Alagaan ang katawan para sa pamilya.
🩺 4. Regular na magpa-screening sa health care provider – Don't skip your check-ups! Tandaan, early detection is key para sa mas mataas na tsansa ng paggaling.

The health of our community starts with YOU. Kapag pumili ka ng tamang gawi, hindi mo lang pinoprotektahan ang sarili mo—nagiging inspirasyon ka rin para magbago ang iba!

05/06/2026

Ngayong Dengue Awareness Month, paalalahanan natin ang bawat pamilya na ang pag-iwas sa dengue ay nagsisimula sa ating sariling tahanan.

⏰ Tuwing Alas-Kwatro, ugaliin ang:

✅ TAOB – Itumba ang mga lalagyan na maaaring maipunan ng tubig.
✅ TAKTAK – Alisin ang naipong tubig sa mga paso, gulong, at iba pang lalagyan.
✅ TUYO – Panatilihing tuyo at malinis ang paligid.
✅ TAKIP – Takpan ang mga imbakan ng tubig upang hindi pamugaran ng lamok.

Ang lamok na nagdadala ng dengue ay mabilis dumami sa mga lugar na may nakatiwangwang na tubig. Sa simpleng 4S Strategy at sa araw-araw na pagsasagawa ng Taob, Taktak, Tuyo, Takip, makatutulong tayo sa pagpigil ng pagkalat ng dengue sa ating komunidad.

🚨 Magpatingin agad sa pinakamalapit na health facility kung may sintomas ng dengue tulad ng mataas na lagnat, pananakit ng ulo at katawan, pagkahilo, o pagdurugo.

💙 Sama-sama nating pangalagaan ang ating pamilya at komunidad lalo na ngayong paparating na tag-ulan sa ating bansa.

01/06/2026

Is it just "bad posture," or is it something else? 🤔 Let’s check!

Body:
Ngayong Scoliosis Awareness Month, pag-usapan natin ang likod ng ating mga anak. A lot of parents assume na kapag kuba o tabingi ang balikat ng bata, "tamad lang umupo nang maayos." But did you know? Early signs of Scoliosis often don't cause any pain at all!

Huwag nating hintaying sumakit ang likod nila bago tayo kumilos. Detecting it early means easier management and a straighter path to a healthier future. 🩺✨

The 30-Second Home Check (The Adam's Forward Bend Test):
Gawin ito habang nakatayo ang iyong anak (patalikod sa iyo):

Papayukuin ang bata nang tuwid ang mga tuhod, na parang hahawakan ang mga daliri sa paa.

Tingnan ang kanilang likod: Pantay ba ang kaliwa at kanang bahagi?

May napansin ka bang umasbok o mas mataas na bahagi sa isang panig ng tadyang o ibabang likod?

Call to Action:
If you notice any unevenness, uneven shoulders, or a tilted waist line, huwag mag-atubili. Consult a pediatrician or an orthopedic doctor for a proper check-up.

28/05/2026