Ontoy Sherwin Pacete

Ontoy Sherwin Pacete This is my personal page....Krrruuhhaayy mga migz!

Happy @ 46Jon Sherwin Pacete
01/05/2026

Happy @ 46

Jon Sherwin Pacete

08/04/2026

Mayad nga aga mga kasimanwa, KAPTAN TA RON ang sara sa mga pinaka importante nga ibedensya, dya amo ang DEPEKTIBO nga Kontrata kang DBP-DCI kag ni Former Governor Dodod Cadiao. Sa tulad sangka ibedensya na lang ang atun gina hulat kag ipasaka ron natun ang dyang panibag-o nga reklamo sa opisina kang OMBUDSMAN.

Indi magnaba sa 100 M!łyőn nga kwarta kang pumuluyo ang gin gasto sa sangka DEPEKTIBO nga KONTRATA nga kon sa diin ginapabayad ang mga pasyente sa hospital nga myembro kang Philhealth ka tag 1,700 pesos para sa sangka hospital info system nga may dyan lang man nga LIBRE nga tugro kang DOH(IHOMIS).

Manabat ang dapat manabat💪👊

Jon Sherwin Pacete

DRAFT complaint-affidavit batok sa mga responsable nga mga empleyado kag opisyal kang gobyerno probinsyal nga nag-sertip...
31/03/2026

DRAFT complaint-affidavit batok sa mga responsable nga mga empleyado kag opisyal kang gobyerno probinsyal nga nag-sertipika, nag-pirma, nag-rekomendar, kag nag-pagwa kang kwarta ka pumuluyo sa sangka DEPEKTIBO nga KONTRATA nga naga pabayad sa mga pasyente kang Angel Salazar Memorial General Hospital nga myembro kang PhilHealth ka tag 1,700 pesos kada pasyente nga imbes LIBRE lang kon daad gin islan gid nanda kang MAY BAYAD nga klase ka hospital information system!

SERBISYO PUBLIKO, BUKOT NEGOSYO! Amo GID DYA ang dapat MANGIN PRAYORIDAD sa OSPITAL kang mga ANTIKENYO! WARA dapat GINABALIGYA ang SERBISYO nga para sa PUMULUYO!

Manabat ang dapat manabat👊👊💪💪

Jon Sherwin Pacete

27/03/2026

Daw gets ta ron kadya ang diskarte sa DTR RETRIEVAL haw, hambalon anay nga indi ron kuno ma-retrieve ang DTR, tapos pagawadon kaw dayon CERTIFICATION/CERTIFIED TRUE COPY, kag hambalon nga amo dya ang required kang revenue code hehehe sige, pwede man daad ra kon amo gid man kara ang plastada, pero ang pamangkot ANDUT GINAPABAYAD PA GID ANG HEA BENEFICIARIES PARA SA AMO DYA NGA PROSESO?? Ang pagpanukot kang 150 pesos PER DTR para lang makita ang DTR nga KUNO INDI MA RETRIEVE, BUKOT dya ti NORMAL kag labi gid ka QUESTIONABLE nga SISTEMA.

Pwede ta makita ano nga klase ka resibo ang gintugro nyo?? Official receipt gid man bala ukon Acknowledgement receipt lang?? Kay kon may bayad, dapat may klaro kag legal nga basehan.

Kadya nagaduro ron ang gapadab-ot kang kapareho nga experience, INDI KUNO MAKITA ANG DTR PERO KON MAGBAYAD KAW 150 PESOS PER DTR, GULPI LANG MAKITA MAN GLE hehehe😅 Ano dya SERBISYO? ukon STYLE NYO??😁

Padalman ta dya mga kasimanwa. Hay kon amo dya ang nagakaratabo sa gobyerno ta nga may mga indi mayad kag makaduruda nga plastada DAPAT LANG NGA MABISTO DYA! Masadya dya kon magka-BISTOHAN NA.👊👊💪💪

Jon Sherwin Pacete

26/03/2026

ISYU SA 900 pesos nga gina pabayad sa mga beneficiaries kang HEA. Dapat kuno baydan ka tag 150 pesos ang DTR retrieval (per DTR/Month) so 900 tungaon mo sa 150 = 6 .. So 6months ang iga claim kang mga beneficiaries. Sa diin nayon nga section kag paragraph sa New Revenue Code kang Provincial government nyo dya gin base???? Amo gid ra ang nabutang dyan tag 150 pesos ang sukot kon mag request certification or certified true copy PER DTR??? Lihog ko lang ha NO NEED MAG GAWAD KANG MGA EMPLEYADO NGA MAG CLAIM KANG HEA KANG CERTIFIED TRUE COPY OR ANO MAN NGA CERTIFICATION HAY WARA RA SA GUIDELINES KANG DOH!!!!

NAGA TINUDLOANAY KAMO DYAN HAW?

Indi bala dapat klaruhon ta dya, bukot dya ti simple lang nga miscommunication kundi sara dya ka seryoso nga isyu kang accountability kag posible abuse of process.

Una, bisan pa ginapanginwara kang Provincial accounting office nga sanda ang direkta nga nagapanukot kang 900, indi na kadya mabalewala ang pinaka-importante nga punto, MAY GINA PANGAYO NGA KWARTA SA MGA EMPLEYADO PARA SA RETRIEVAL KANG ANDA DTR NGA DAPAT LIBRE KAG ACCESSIBLE BILANG OFFICIAL GOVERNMENT RECORDS.

Ang pamangkot kadya;

1. Andut gina-pabayadan ang retrieval kang DTR nga kinahanglan para sa HEA claims?
➡️Ang DTR bukot dya personal nga dokumento kang opisina dya public record nga may kaangtanan sa sweldo kag benepisyo kang empleyado. Indi dapat dya paghimuon nga burden sa mga frontliners nga nagserbisyo kang pandemya.

2. Andut ginpasa sa OPDRRMO ang pagkolekta kang kwarta??
➡️Ang pamangkot sin-o ang nag-authorize kadya? May legal nga basehan bala ang amo dya nga sistema? Ang pag allow kang amo dya nga pamaagi dya maga resulta sa informal collection scheme nga wara klaro nga legal foundation.

3. Indi bala dya indirect collection gihapon? Bisan pa ginahambal nga order of payment kag may proseso sa Treasurer’s Office, ang realidad amo dya;
➡️May kwarta nga ginapangayo antes ma-access ang importante nga dokumento. Ang dya nga sitwasyon nagapakita kang systemic failure, indi lang communication gap.

4. Mas mabug-at dya nga isyu bangud frontliners ang apektado. Sanda kadya ang nagrisgo kang anda kabuhi kang pagsalakay ni COVID-19 ngatu, kag kadya sanda pa ang ginapabayad para mabuol ang anda benepisyo???

5. Kon wara pa nakita ang DTR, andut may ginapangayo ron nga bayad???
Dya ang pinaka-kritikal nga punto;
➡️ PAANO KAW MANUKOT PARA SA RETRIEVAL KANG DOKUMENTO NGA GINAHAMBAL NINYO NGA WARA PA GANI NAKITA??? Ang dya nga inconsistency nagapakita nga may serious lapses sa record management kag proseso.

Bottom Line; Ang gobyerno may obligasyon nga magtugro kang serbisyo nga episyente, transparent, kag wara ginabutang sa alang-alang ang empleyado. Ang bisan ano nga collection nga wara klaro nga legal kag procedural basis dapat usisaon. Ang dya nga isyu magapadayon, dapat imbestigaran, klarohon kag manabat ang dapat manabat!👊👊👊💪💪💪💪

Jon Sherwin Pacete

SABAT TA SA OPDRRMO TUNGOD SA 900 PESOS NGA “FACILITATION” SA HEA KAG ANG MATUOD NGA ISYU Ang ginpagwa nga pahayag kang ...
25/03/2026

SABAT TA SA OPDRRMO TUNGOD SA 900 PESOS NGA “FACILITATION” SA HEA KAG ANG MATUOD NGA ISYU

Ang ginpagwa nga pahayag kang OPDRRMO Antique wara gid nakasabat kang isyu sa baylo, nagtugro pa gid dya kang mas mabug-at nga pamangkot.

Klaruhon ta.

Ang anda mismo nga pahayag nagaako nga may ginpanukot nga kwarta halin sa mga personnel bangud sa pagproseso kang Health Emergency Allowance (HEA). Bisan ano pa ang itawag dya kara ”facilitation,”assistance,” ukon ano pa man, ang kamatuoran amo dya;

May ginpanukot nga kwarta nga may kaangtanan sa pag-release kang benepisyo kang gobyerno.

AMO DYA ANG SENTRO KANG PROBLEMA.

UNA, ang ginatawag nga 900 pesos ginpanukot kuno daan (advance) kag dya paagi sa opisyal nga opisina nga may awtoridad magbaton kang bayad. Sa gobyerno, ang bisan ano nga bayad dapat ginabayad direkta sa husto nga opisina kag may opisyal nga resibo dayon. Ang bisan ano nga lihuk wara dapat dya nagadara kang seryoso nga pamangkot sa legalidad kag transparency.

IKARWA, ang pag-angkun nga dya nga bayad ginabase sa “Revenue Code” wara nagakahulugan nga dya insakto kag angay. Bisan pa may rugyan kadya nga bayad, rugyan gihapon ang mas importante nga pamangkot;

- ANDUT ginapabayad ang empleyado para magbuol kang anda kaugalingon nga record?
- ANDUT ginasab-it ang bayad sa pag-release kang HEA?
- ANDUT ginapasa sa empleyado ang problema kang record-keeping kang opisina?

IKATATLO, gin-ako kang anda mismo pahayag nga ang mga DTR kang panahon kang COVID indi na maretrieve. Dya sangka internal nga problema ninyo dyan. Indi dya makatarungan kag indi husto nga ang epekto kadya ipasa pa gid sa mga personnel nga nagserbisyo kang tion kang pandemya.

Pinakaimportante sa tanan;

Ang benepisyo kang gobyerno WARA dapat ginakondisyon paagi sa personal nga gasto kang empleyado.

Ang Health Emergency Allowance ginatugro bilang pagkilala sa sakripisyo kang atun health workers. Wara dya ginhimo agud mangin proseso nga kinahanglan pa nanda maggasto antes nanda mabaton ang anda nga benepisyo.

Dya bukot isyu kang personalidad.
Dya bukot isyu kang pagpasibangdanay.

Dya isyu kang prinsipyo;

“Ang serbisyo publiko indi dapat magdugang kang kabug-at sa mga tawo nga ginaserbisyohan kadya.”

Nagapanawagan kita kang bug-os nga transparency, pagsunod sa husto kag legal nga proseso, kag gilayon nga pag-untat kang bisan ano nga pamaagi nga nagadara kang dugang nga gasto ukon delay sa mga empleyado.

Kun wara gid kang may sala ukon irregularidad, wara man dapat kahadlukan sa pagtugro kang klaro, dokumentado, kag legal nga sabat.

Tubtob nga wara dya nasabat, magapabilin ang mga pamangkot kag kinahanglan dya sabton.👊💪

Jon Sherwin Pacete

24/03/2026

Palihog ko rugyan sa Provincial Accounting Office, yuhoo! May naga reklamo rugya kanakun nga mga empleyado kag sanda kadya mga FRONTLINERS during covid, ma claim sanda kang Health Emergency Allowance(HEA). ANDUT KINAHANGLAN PA NANDA MAG TUGRO ka 900 pesos para ma ukay ang anda nga DTR??!! Kag para ma kumpleto kag magdasig ang pag release kang anda kwarta??! Tandai ANDA KWARTA! ANDA RA KWARTA!! Ano dya ang 900? Para sa diin ra? Sin-o ang nagkuon kaninyo nga himuon nyo ra?! HEA is funded by government(DOH), SO NO ONE HAS THE RIGHT TO DEMAND PAYMENT FOR ITS RELEASE!

Tugro nyo ron ra ang HEA kang mga FRONTLINERS kon indi nyo gusto ma OMBUDSMAN kag CIVIL SERVICE COMMISSION! Please👊💪

Jon Sherwin Pacete

1,700 nga gina kolekta sa KADA PASYENTE nga may Philhealth sa Angel Salazar Memorial General Hospital para sa sangka DEP...
23/03/2026

1,700 nga gina kolekta sa KADA PASYENTE nga may Philhealth sa Angel Salazar Memorial General Hospital para sa sangka DEPEKTIBO nga KONTRATA sa tunga nanday Former Governor Dodod Cadiao kag kang DBP-DCI kag KWESTYONABLE sa LAYI tungod WARA ti OTORISASYON kang Sangguniang Panlalawigan pero naga padayon gihapon ang pagbayad kang MILYON-MILYON nga pondo kang pumuluyo. Pira ka tuig ron nga gina himo nanda dya rugyan sa atun hospital. BUKOT dya ti LIBRE tungod GINABAYDAN dya kang PUMULUYO mismo. Tungod dya kadya mapasaka kita kang reklamo sa Office of the Ombudsman agud ang tanan ma klarohan kag manabat ang dapat manabat👊

Jon Sherwin Pacete

Mayad nga aga mga kasimanwa😉Kape ta sa binit suba☕️Jon Sherwin Pacete
17/03/2026

Mayad nga aga mga kasimanwa😉
Kape ta sa binit suba☕️

Jon Sherwin Pacete

13/03/2026

Mga dokumento ang atun nabaton kadya nga hapon nga may kaangtanan sa 300 milyon nga Solar Photovoltaic project nga ginpanagtag ni former Governor Dodod Cadiao sa mga kapitan antes kang eleksyon, kag mga dokumento sa ginabanta nga 100 milyon nga transaksyon sa DBP-DCI bisan wara dya kang aprubado nga MOA halin sa Sangguniang Panlalawigan.

Atun dya usisaon kag tun-an ka mayad. Kon may makita kita nga mga iregularidad sa dya nga mga transaksyon, handa kita magpasaka kang kaso batok sa mga nag-aprubar, nag-certify, nagpirma, kag nagpatigayon kang pag-release kag paggamit kang kwarta kang pumuluyo sa ilegal nga pamaagi.

Jon Sherwin Pacete

Address

Caridad
Hamtic
5715

Telephone

09453424300

Website

Alerts

Be the first to know and let us send you an email when Ontoy Sherwin Pacete posts news and promotions. Your email address will not be used for any other purpose, and you can unsubscribe at any time.

Shortcuts

Share

Category