https://www.facebook.com/110218250454780/

Kasangguni - Sangguniang Bayan ng Hagonoy

Home
Philippines
Hagonoy
Kasangguni - Sangguniang Bayan ng Hagonoy

Ang Kasangguni ay ang opisyal na pahayagan ng Sangguniang Bayan ng Hagonoy 2019-2022.

Isa din po ito sa mga paraan upang mabilis tayong makatugon sa mga suhestiyon ng ating minamahal na mga mamamayan ng Hagonoy sa aspetong pagsasabatas/lehislatibo.

30/06/2022

Opisyal na larawan ng naganap na Pamimitagan ng Paglipat Tungkulin ng Sangguniang Bayan 2019-2022 sa bagong administrasyon ng Sangguniang Bayan 2022-2025, kahapon 29 Hunyo 2022.

30/06/2022

PANOORIN ang pananalita ni Ate Charo sa kanyang pagtanggap ng tungkulin bilang bagong halal na Pangalawang Punong Bayan ng Hagonoy.

"Asahan po ninyo na gagampanan namin ang aming tungkulin na may kababaang loob at punong-puno ng pagmamahal at pagkalinga sa aming mga kababayan."

30/06/2022

SB ON NUMBERS: Talaan ng Pagdalo ng mga Miyembro ng Sangguniang Bayan (2019-2022)

Sa kabuoang 131 na bilang ng Karaniwang Pulong ng Sangguniang Bayan ng Hagonoy sa ilalim ng administrasyon Cruz, si Konsehal Lamberto T. Villanueva ang may pinakamaraming beses ng pagdalo. Susundan siya nina Konsehal Millord S. Cruz (121).

Ang pinakamadalas na ma-late sa lahat ng Konsehal ay si Konsehal Raulito C. Manlapaz, Jr. (74), SK Cudia (73), at Kenneth A. Bautista, Jr. (72).

Samantala, si ABC Jhane Dela Cruz ang may pinakakaunting bilang ng pagdalo na 79 lamang. 62 beses din siyang na-late. Samantala 39 ang pagliban na walang pasabi ni ABC Dela Cruz, at 4 ang opisyal na pagliban.

Sa kabuoan, ang Pangalawang Punong Bayan Angel L. Cruz, Jr. ay 103 beses dumalo ng pulong ng SB. Ang 30 niyang pagliban ay opisyal - On Leave at Official Business.

30/06/2022

PANOORIN ang Panayam ng Kasangguni kay Ate Charo, ang bagong Pangalawang Punong Bayan ng Hagonoy.

Sinagot ni Ate Charo rito ang mga tanong gaya ng:
1. "Ano ang aasahan ng mamamayan sa kanyang pamumuno";
2. "Paano masisiguro na wasto ang Paglalaan at Paggastos ng Pondo ng Munisipyo;"
3. "Maninindigan po ba kayo sa mga isyu na taliwas sa tunguhin at prinsipyo ng inyong partido at sarili";
at iba pa.

29/06/2022

SB ON NUMBERS: Liham Kahilingan ng mga Dokumento sa Ehekutibo

Sa buong SB, si Konsehal Maria Cristina G. Perez, Kenneth A. Bautista, Jr. at Vice AngelBoy ang tatlong may pinakamaraming liham sa iba't ibang tanggapan. Layuning alamin ng mga liham ang mga impormasyong kinakailangan ng SB para sa kanilang pag-akda ng kapasiyahan at kautusan.

Sa 73 liham ni Konsehal Perez, 18 dito ang tungkol sa mga tanong pang-COVID na nakatukoy kay Punong Bayan Raulito T. Manlapaz, Sr. at Dr. Rommel S. Pajela. 22 sa 53 liham ni Konsehal Bautista ay mga tanong pang-COVID din.

Samantala, ang nilalaman ng 43 na liham ni Vice AngelBoy ay mga tanong at hiling na impormasyon sa Punong Bayan at Pinuno ng mga Tanggapan ng Pamahalaang Bayan hinggil sa pondo, pagpapatupad ng mga naaprubahang mga kautusang pambayan ng SB, at kawalan ng Internal Rules and Regulation (IRR) ng mga kautusang pambayan.

May 37 at 32 namang liham sina Konsehal Millord S. Cruz at Elmer S. Santos. Sumunod sa kanila sina Konsehal Reynaldo O. Santos at Lamberto T. Villanueva na may 15 at 13.

Ang may pinakakaunting naiakdang liham ay sina SK Carlo DJ. Cudia, ABC Jhane Dela Cruz, Konsehal Michael Darwin M. Cruz, at Raulito C. Manlapaz, Jr.

29/06/2022

SB ON NUMBERS: Kapasiyahan at Kautusan ng mga Kasangguni (2019-2022)

Sa buong Sangguniang Bayan, si Konsehal Elmer S. Santos ang may pinakamaraming Kapasiyahang naiakda at napagtibay sa loob ng tatlong taon (2019-2022). 81 ay tungkol sa iba’t ibang kahilingan, 41 ang para sa Barangay Budget, at 37 naman ang luksang parangal para sa mga namayapang lingkod bayan ng Hagonoy. Ikalawa rin si Konsehal Santos sa pinakamaraming kautusang naiakda at napagtibay na may kabuoang bilang na 13. Pinakamarami sa mga ito ay para sa paglikha ng mga permanenteng posisyon (10).

Si Konsehal Raulito C. Manlapaz, Jr. naman ang may pinakamaraming kautusang naiakda at napagtibay sa buong SB na may bilang na 21. Taunang Pondo (4) at Supplemental Budget (6) ang pinakamarami sa kanyang naiakda bilang Tagapangulo ng Lupon sa Pananalapi. Bilang Tagapangulo ng Lupon sa Kagalingang Panlipunan, naiakda at napagtibay rin ni Konsehal Manlapaz ang ayuda para sa mga katandaan (2), at paglikha ng mga permanenteng posisyon (2). Pangalawa rin siya sa pinakamaraming naiakda at napagtibay na Kapasiyahan na may bilang na 92.

Samantala, sa mga halal na Konsehal ay si Konsehal Michael Darwin M. Cruz ang may pinakakaunting kapasiyahang naiakda at napagtibay na 10 lamang. Si Konsehal Maria Cristina G. Perez naman ang may pinakakaunting kautusang naiakda at napagtibay na 3, sinundan siya ni Konsehal Reynaldo O. Santos na 5 kautusan. Tatlong halal na Konsehal naman ang wala ni isang napagtibay na kautusan (Konsehal Kenneth A. Bautista, Michael Darwin Cruz, at Lamberto Villanueva).

Ang ex-officio member naman ng SB na si ABC Jhane Dela Cruz ay may pitong kapasiyahan lamang. Gayundin si SK President Carlo DJ. Cudia na may siyam na kapasiyahan lamang. Parehas silang walang naiakdang kautusan sa loob ng tatlong taon.

Samantala, sa huling Karaniwang Pulong ng SB 2019-2022 ay naaprubahan ang isang Pambayang Kautusan ni Konsehal Millord Cruz.

29/06/2022

Ano ang aasahan ng mga taga-Hagonoy sa Sangguniang Bayang pamumunuan ni bagong halal na Pangalawang Punong Bayan Igg. Ma. Rosario "Ate Charo" R. Sy-Alvarado?

Panoorin po natin ang panayam ng Kasangguni kay Ate Charo bukas, 30 Hunyo 2022 | 9:00 ng umaga, dito lamang sa Kasangguni FB Page.

28/06/2022

Abangan bukas ang Talumpati ni Vice AngelBoy sa Pamimitagan ng Pagsasalin ng Tungkulin ng kanyang administrasyon ng Sangguniang Bayan (2019-2022) sa bagong administrasyon (2022-2025) ni bagong halal na Pangalawang Punong Bayan Ate Charo.

29 Hunyo 2022 | 3:00 nh.
Facebook Live

28/06/2022

𝐁𝐔𝐖𝐀𝐍𝐀𝐍𝐆 𝐀𝐘𝐔𝐃𝐀 𝐒𝐀 𝐌𝐆𝐀 𝐊𝐀𝐏𝐈𝐓𝐀𝐍, 𝐊𝐀𝐆𝐀𝐖𝐀𝐃, 𝐀𝐓 𝐓𝐀𝐍𝐎𝐃
𝐀𝐀𝐁𝐎𝐓 𝐒𝐀 𝟔.𝟖 𝐌𝐈𝐋𝐘𝐎𝐍𝐆 𝐏𝐈𝐒𝐎 𝐊𝐀𝐃𝐀 𝐓𝐀𝐎𝐍

Pasado sa ikalawang pagbasa ng Sangguniang Bayan ang mga Panukalang Kautusan Blg. 2021-245, 2021-248, at 2021-249 na iniakda ni Konsehal Kenneth A. Bautista Jr.
Nag-uutos ito na mapagkalooban ng Municipal Assistance Allowance mula sa General Fund ng Tanggapan ng Punong Bayan ang mga Kapitan, Kagawad at mga Tanod ng 26 na Barangay ng Hagonoy. Ang kabuuang halaga nito ay humigit kumulang 6.8 Milyong piso.

Nilinaw ni Konsehal Kenneth A. Bautista na hindi kasama sa mapagkakalooban ang mga Barangay Secretary at treasurer.

𝗕𝗶𝗹𝗮𝗻𝗴 𝗮𝘁 𝗛𝗮𝗹𝗮𝗴𝗮 𝗻𝗴 𝗺𝗮𝗯𝗶𝗯𝗶𝗴𝘆𝗮𝗻 𝗻𝗴 𝗮𝘆𝘂𝗱𝗮
𝗮. 𝟮𝟲 𝗻𝗮 𝗞𝗮𝗽𝗶𝘁𝗮𝗻 - 𝗣 𝟱,𝟬𝟬𝟬.𝟬𝟬 𝗸𝗮𝗱𝗮 𝗯𝘂𝘄𝗮𝗻 𝗯𝗮𝘄𝗮𝘁 𝗶𝘀𝗮;
𝗯. 𝟭𝟴𝟮 𝗻𝗮 𝗕𝗮𝗿𝗮𝗻𝗴𝗮𝘆 𝗞𝗮𝗴𝗮𝘄𝗮𝗱 - 𝗣 𝟭,𝟬𝟬𝟬.𝟬𝟬 𝗸𝗮𝗱𝗮 𝗯𝘂𝘄𝗮𝗻 𝗯𝗮𝘄𝗮𝘁 𝗶𝘀𝗮; 𝗮𝘁
𝗰. 𝟱𝟮𝟬 𝗻𝗮 𝗺𝗴𝗮 𝗕𝗮𝗿𝗮𝗻𝗴𝗮𝘆 𝗧𝗮𝗻𝗼𝗱 - 𝗣 𝟱𝟬𝟬.𝟬𝟬 𝗸𝗮𝗱𝗮 𝗯𝘂𝘄𝗮𝗻 𝗯𝗮𝘄𝗮𝘁 𝗶𝘀𝗮.

Ang mga allowance na ito ay iba pa sa kanilang natatanggap na benepisyong sahod kada buwan.

Iginiit ni Konsehal Lamberto Villaueva na kailangang sumunod sa itinatadhana ng Local Government Code of 1991 na sa bawat barangay, 20 tanod lamang ang maaaring italaga at maisama sa masterlist ng DILG. Dagdag pa ni Konsehal Villanueva “Kung tama po ang pagpopondo ng isang barangay ay siguro po ang Kapitan ay hindi na mangangailangan ng additional 5,000.00 pesos na allowance. Doon pa lang sa kanilang personal services ay puwede na nilang makuha kung tama ang gagawing pagbabadyet po, paglalaan."

15/06/2022

NO QUORUM DAHIL SA TAAS NG KALAKHAN

Sa ikalawang pagkakataon sa Administrasyong AngelBoy Cruz, no quorum ang Sangguniang Bayan ng Hagonoy. Sa 11 miyembro ng SB, lima lang ang nakadalo. Anim ang kinakailangan, kasama na ang presiding officer na siyang Pangalawang Punong Bayan.

Si ABC Jhane Dela Cruz na nauna nang nagpasabing makadadalo ay hindi na rin nakatuloy. Hindi na umano makalulusong ang kanyang sasakyan dahil sa taas ng kalakhan.

9:00 ng umaga ang umpisa ng pagpupulong. 10:00 ng umaga ang todong taas ng kalakhan.

Sina Konsehal Maria Cristina G. Perez at Michael Darwin M. Cruz ay nauna nang nagpasabing hindi makadadalo dahil hindi mabuti ang pakiramdam. Wala namang pasabi sina Konsehal Raulito C. Manlapaz, Jr., Reynaldo O. Santos, at SK Carlo DJ. Cudia.

Dahil sa kawalan ng sapat na bilang upang makapagdaos ng pagpupulong ang Sangguniang Bayan, hindi natalakay ang mga Kautusang magkakaloob ng 500.00 Php buwan-buwan sa mga barangay Tanod; 5,000.00 Php buwan-buwan sa mga Kapitan ng barangay; at 1,000.00 Php buwan-buwan sa mga Kagawad ng barangay.

Hindi rin natalakay ang pagbabagong-uri ng lupang bukid sa barangay San Miguel upang maging lupang pangkomersyal na pagtatayuan ng REV Resort.

Ang tanging nakadalo lamang ay sina:

1. Vice AngelBoy L. Cruz, Jr.
2. Konsehal Millord S. Cruz
3. Konsehal Elmer S. Santos
4. Konsehal Lamberto T. Villanueva
5. Konsehal Kenneth A. Bautista, Jr.

18/05/2022

NO QUORUM sa Unang Karaniwang Pulong ng Sangguniang Bayan matapos ang Halalan 2022

Hindi naabot ang sapat na bilang upang makapagsagawa ng Karaniwang Pulong ang Sangguniang Bayan ngayong araw, 18 Mayo 2022.

Inimbitahan din ng SB ang bagong halal na Pangalawang Punong Bayan Igg. Ma. Rosario “Charo” M. Sy-Alvarado – Mendoza upang personal na masaksihan at maobserbahan ang daloy ng pulong na kanyang pamumunuan sa susunod na administrasyon na magsisimula sa hapon ng 30 Hunyo 2022.

MGA DUMALO:
Pangalawang Punong Bayan AngelBoy L. Cruz, Jr.
Konsehal Millord S. Cruz
Konsehal Lamberto T. Villanueva
Konsehal Michael Darwin M. Cruz
Konsehal Kenneth A. Bautista, Jr.

MGA HINDI DUMALO:
Konsehal Raulito C. Manlapaz, Jr.
Konsehal Reynaldo O. Santos
ABC Jhane Dela Cruz
SK Carlo DJ. Cudia
Konsehal Ma. Cristina G. Perez (Excuse)
Konsehal Elmer S. Santos (Excuse)

16/05/2022

Clean Water Ordinance ng Hagonoy, PINAG-USAPAN NA

Ngayong araw (16 Mayo 2022) ay nagpatawag ng Pulong ang Tagapangulo ng Lupon sa Pangangalagang Pangkalikasan na si Igg. Millord S. Cruz upang pag-usapan na ang Panukalang Kautusan 2022-255 o Proposed Clean Water Ordinance of Hagonoy Bulacan.

Katuwang ang Technical Working Group ay kanilang tinalakay ang Kabanata I, II – Artikulo 1, 2, 3, at 4 (pahina 1-9) ng nasabing Panukalang Kautusan. Layunin nito na masuri at maitama ng mga dalubhasa at tanggapang nakasasakop ng paksa ang Panukalang Kautusan bago isalang sa Pampublikong Pagdinig at bago pa man talakayin sa hapag ng Sangguniang Bayan.

TECHNICAL WORKING GROUP:
*Igg. Angel L. Cruz, Jr. (Tagapangulo ng Lupon sa Katubigan)
*Igg. Millord S. Cruz (Tagapangulo ng Lupon sa Pangangalagang Pangkalikasan)
*Norberto Pulumbarit (Division Chief, PENRO)
*G. Joseph Dela Cruz (Pangulo ng MFRAMC)
*Engr. Alberto S. Lopez (Division Manager, Hagonoy Water District)
*Atty. Mildred F. Ople (Executive Assistant)
Igg. Elmer S. Santos (Tagapangulo ng Lupon sa Kalusugan at Pampublikong Sanitasyon)
Engr. Eugene C. Miguel (Pambayang Inhinyero)
Gng. Cristina Manio (Pinuno, Tanggapan ng Pambayang Agrikultura)

* - Dumalo

Address

Poblacion, Bulacan
Hagonoy
3002

Website

facebook.com

Alerts

Be the first to know and let us send you an email when Kasangguni - Sangguniang Bayan ng Hagonoy posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Kasangguni - Sangguniang Bayan ng Hagonoy:

Shortcuts

Want your organization to be the top-listed Government Service in Hagonoy?

Kasangguni - Sangguniang Bayan ng Hagonoy

30/06/2022

30/06/2022

30/06/2022

30/06/2022

29/06/2022

29/06/2022

29/06/2022

28/06/2022

28/06/2022

15/06/2022

18/05/2022

16/05/2022

Address

Website

Alerts

Contact The Organization

Shortcuts

Share

Category