Coop Gloria

17/07/2026

07.17.26 | Cooperative Orientation

Nagsagawa ang Cooperative Promotions and Development Office (CPDO) ng Cooperative Orientation para sa dalawampu't tatlong (23) miyembro ng CWASAEW. Layunin ng aktibidad na mabigyan ang mga kalahok ng kaalaman tungkol sa konsepto, mga prinsipyo, at mga pakinabang ng kooperatiba, bilang paghahanda sa posibleng pagtatatag ng kanilang sariling kooperatiba. Inaasahan na sa pamamagitan nito ay higit na mapatatag ang kanilang organisasyon, mapabuti ang pamamahala, at mapalawak ang mga oportunidad para sa kabuhayan ng kanilang mga miyembro.

16/07/2026

07.16.26 | Cooperative Orientation

Nagsagawa ang CPDO ng Cooperative Orientation para sa tatlong samahan: GD Agri Supply SLPA, Gloria Corn Farmers Association, at Sagana Ako Agriculture Association.

Layunin ng aktibidad na ipakilala ang konsepto, mga prinsipyo, at mga benepisyo ng pagtatatag ng kooperatiba bilang daan sa mas matatag na organisasyon, mas mahusay na pamamahala, at mas maraming oportunidad para sa kabuhayan ng mga miyembro.

16/07/2026

06.25.26 | Pre-Registration Seminar (PRS)

Isinagawa ang Pre-Registration Seminar (PRS) para sa dalawang prospective cooperatives—Gloria Night Market Vendors at Gloria Aquaculture sa pangunguna ng CDS II ng CDA MIMAROPA, Sir Mark Manrique.

Layunin ng seminar na mabigyan ang mga magiging kasapi ng tamang kaalaman tungkol sa kooperatiba, mga kinakailangang dokumento, at mga proseso tungo sa opisyal na pagpaparehistro.

Patuloy ang suporta ng LGU Gloria sa pagpapaunlad ng mga kooperatiba bilang katuwang sa inklusibong kaunlaran at mas matatag na kabuhayan ng ating komunidad.

23/06/2026

Hunyo 22, 2026 | Mas pinalakas pa ang kabuhayan ng mga magsasaka!

Nagkaloob ang Pamahalaang Bayan ng Gloria, sa pangunguna ni Mayor Tessie Ong at ng mga Sangguniang Bayan Members sa pangunguna ni VM Will Condesa, ng ₱100,000 financial assistance sa G. Antonino Gloria Farmers Agriculture Cooperative (GAGFACO) bilang dagdag puhunan para sa kanilang agri-supply business.

Tamang-tama rin ang biyayang ito sa nalalapit na pagdiriwang ng kanilang ika-3 anibersaryo. Binabati namin ang kooperatiba at hangad ang mas marami pang tagumpay sa mga susunod na taon!

19/06/2026

29/05/2026

𝐃𝐀𝐘 𝟐 | Necessary Technical Training for Cooperatives
📍Financial Management | May 28, 2026

Patuloy ang pagpapalakas ng kakayahan ng ating mga kooperatiba sa ikalawang araw ng Necessary Technical Training for Cooperatives na nakatuon sa Financial Management.

Nagbahagi ng mahalagang kaalaman at karanasan si Sir G. Cristian B. De Ade, Supervising CDS ng Provincial Cooperative Development Office (PCDO), bilang resource person ng aktibidad.

Taos-puso rin po nating pinasasalamatan ang pagdalo ni Sir Orlando Tizon, Head ng PCDO, bilang pagpapakita ng suporta sa patuloy na pagpapaunlad ng sektor ng kooperatiba.

Ang matagumpay na gawaing ito ay hindi magiging posible kung wala ang suporta ng ating butihing Mayor Tessie Ong at Vice Mayor Will Condesa na patuloy na nagsusulong ng mga programang makatutulong sa paglago at pagpapatibay ng mga kooperatiba sa ating bayan.

27/05/2026

Matagumpay na naisagawa noong Mayo 26, 2026 ang Training on Parliamentary Procedure, Minutes Writing, and Resolution Making na isinagawa ng CPDO para sa mga Chairpersons at Secretaries ng iba’t ibang kooperatiba sa ating bayan.

Lubos po nating pinasasalamatan sina Sir Joseph Panaligan at Ma’am Dorie Saez mula sa Sangguniang Bayan Secretariat bilang mga resource persons na nagbahagi ng kanilang kaalaman at karanasan upang higit pang mapalakas ang kakayahan ng ating mga kooperatiba sa maayos na pamamahala at dokumentasyon.

Hindi rin po magiging posible ang inisyatibong ito kung wala ang patuloy na suporta ng ating butihing Punong Bayan, Mayor Tessie Ong, at ni Konsehal Nelson Diona, Chairperson ng Committee on Cooperatives, NGOs, & POs.

Maraming salamat po sa lahat ng dumalo at nakiisa para sa patuloy na pag-unlad at pagpapalakas ng kilusang kooperatiba sa ating bayan!

13/05/2026