05/02/2025
Ipinaabot po namin sa lahat ng residente ng Purok 10 na ang nakatakdang dengue fogging ay ikinakansela sapagkat hindi ito pumasa sa isinagawang inspeksyon.
Ang mga pangunahing dahilan ng pagkansela ay ang mga sumusunod:
✅ Madumi ang paligid – May mga nakitang tambak ng basura, baradong kanal, at stagnant water na maaaring maging pinamumugaran ng lamok.
✅ Maraming nakitang posibleng breeding sites ng lamok – Kabilang dito ang mga lumang gulong, bote, at iba pang lalagyan ng tubig na hindi nalinis.
✅ Kakulangan sa kooperasyon ng ilang residente – Ang matagumpay na fogging ay nangangailangan ng malinis na kapaligiran upang mas maging epektibo ang pagsugpo sa dengue-carrying mosquitoes.
PAKIKIUSAP: Upang matuloy ang dengue fogging sa hinaharap, hinihikayat ang lahat ng residente na makiisa sa paglilinis ng paligid, pagtatapon ng basura sa tamang lugar, at pagsasagawa ng "4S Strategy" kontra dengue:
✔ Search and destroy – Hanapin at alisin ang mga lugar na maaaring pamahayan ng lamok.
✔ Self-protection – Gumamit ng insect repellent at magsuot ng damit na may mahabang manggas.
✔ Seek early consultation – Magpatingin agad sa doktor kung may sintomas ng dengue.
✔ Support fogging activities – Makiisa sa programa ng barangay laban sa dengue.
Kung nais ninyong matuloy ang fogging, tiyakin na malinis ang inyong kapaligiran at wala nang posibleng pamugaran ng lamok.
