GMA Anti-Nuisance

06/08/2021

"Napakagaling! Kung kagaya nyo po ang lahat ng Mayor, maganda ang kalalagyan ng ating bayan."
-Raffy Tulfo

Noong Martes (Aug. 3) po ay muling nakapanayam ng inyong lingkod si Sir Raffy Tulfo tungkol sa inerereklamong basura sa Brgy.Malia. Agad po natin itong inaksyunan at personal din po akong pumunta upang tulungan ang ating barangay na isaayos ang mga basura.

Panoorin ang buong video: https://www.youtube.com/watch?v=qHQAJ16JsMU&t=192s

03/08/2021

[OPISYAL NA PAHAYAG SA PAGBITIW SA PWESTO NI MAYOR WALTER D. ECHEVARRIA JR.]

Simula 1972 noong ako’y naglilingkod pa lamang bilang Barangay Secretary ng Area J, batid ko ang pangangailangan ng bayan para sa isang lider na may prinsipyo at handang tumulong sa kanyang kapwa. Hindi ako nag-atubili at mas nagbigay serbisyo bilang Konsehal ng Bayan ng anim na taon, nagsilbing Vice Mayor ng tatlong taon, at dahil sa inyong walang sawang pagtitiwala, ako po ay naglingkod bilang Punong Bayan mula 2001-2010 at muling nahalal noong 2013 hanggang sa kasalukuyan. Halos buong buhay akong naglingkod para sa pagpapaunlad ng ating minamahal na bayan. Dala ng paglipas ng panahon, akin na pong nararamdaman ang pag-iba sa aking pisikal na pangangatawan kaya naman po ang inyong Agila ay ipapahinga muna ang kanyang mga pakpak.

Nais kong ipaalam sa inyong lahat na simula sa araw na ito, akin pong binibitawan ang aking pwesto sa pagka-Alkalde ng bayan ng Gen. Mariano Alvarez. Buhat ng pagbabago sa aking kalusugan, ako po ay lubos na nagpapakumbabang iwan ang aking pwesto upang kayo po ay mapaglingkuran ng mas tapat at nararapat. Maging ako po ay nalulungkot sa aking naging desisyon subalit mas kailangan natin ng isang lider na may kakayahang pamunuan ang bayan sa gitna ng pandemya. Nawa ay patuloy po ninyong suportahan ang mga proyekto at programa ng lokal na pamahalaan para sa ikauunlad ng bawat indibidwal sa ating bayan. Ako’y lubos na naniniwala na ang susunod sa aking naumpisahan at magpapatuloy ng aking misyon ay ang karapat-dapat para sa bayan.

Kagaya ng isang Agila, lumipad kayo ng matayog at abutin ang inyong mga pangarap, magkaroon ng matalas na pagtingin sa kasalukuyan maging sa hinaharap, at huwag matakot na harapin ang anumang hamon ng buhay. Ang tangi kong dinarasal sa Poong Maykapal ay bigyan niya pa ako ng mas mahabang buhay upang makita ang mas progresibong bayan. Muli, ito po ang inyong lingkod Walter D. Echevarria Jr., ang inyong Agila sa GMA, maraming salamat po! God bless po sa inyong lahat.

13/07/2021

12/04/2021

[MECQ GUIDELINES]

Narito ang ilan sa mga guidelines na ipatutupad sa ating bayan simula April 12 hanggang April 30 ayon sa Exeuctive Order 19 ng ating Acting Mayor Maricel Torres alinsunod sa inilabas na guidelines ng National Inter-Agency Task Force (IATF).

1. Curfew hours ay mula 10:00pm hanggang 4:30am.

2. Ang mga pinapayagan lamang lumabas ay ang mga Authorized Persons Outside Residence (APOR) o mga nagtatrabaho sa essential industries at may edad 18 hanggang 65 years old at walang comorbidities. Hindi maaaring lumabas ang mga buntis, at ang mga below 18 at above 65 years old. Except kung sila lamang ang maaaring lumabas ng bahay at ang bibili ng essentials. Palaging magdala ng ID o anumang katibayan na may pangalan, address, at trabaho.

3. Lahat ng mass gathering maging ang religious gathering ay hanggang 30% ng venue capacity lamang.

4. Take-out at delivery lamang ang allowed para sa mga restaurant, canteen, at eatery. Kahit al-fresco dining ay ipinagbabawal.

5. Hindi pinahihintulutan ang pagbebenta ng mga ambulant vendors.

6. Ang mga jeepney ay 50% capacity lamang at ang mga tricycle ay isang pasahero lamang.

7. Sarado ang mga sabungan at hindi pinahihintulutang magbukas.

8. Ang mga convenience stores at pharmacies ay maaaring magoperate 24/7.

9. Mananatiling bukas ang mga pamilihang bayan at mga grocery stores. Ang store operation ay based sa curfew hours na ipinatutupad.

10. Walang liquor ban na ipatutupad sa bayan. Subalit, hindi pinahihintulutan ang pag-inom ng alak sa mga pampublikong lugar maging sa mga kalsada o iskinita.

11. Magkakaroon ng Entry at Exit Checkpoints sa mga sumusunod na borders:
- Petron GMA (Entry Only)
- Silcas
- BPI (Exit Only)

Huwag kalimutang maging BIDA Solusyon sa COVID-19! Bawal walang face mask, Isanitize ang kamay, Dumistansiya ng isang metro, at Alamin ang totoong impormasyon.

09/04/2021

ARAW NG KAGITINGAN 2021

Ngayong taon, sa temang “Kagitingan ay Gawing Gabay, Pandemya ay Mapagtatagumpayan,” maging inspirasyon sana ang tapang at determinasyon ng ating mga beterano upang patuloy nating labanan ang mga hamon dulot ng COVID-19.

Ang katapangan at serbisyo ng ating nga Frontliners ay kahanga-hanga at binibigyan din natin ng pagpupugay. Mabuhay ang lahat ng frontliners!

03/04/2021

28/03/2021