Gender and Development Office of El Nido

14/09/2026

𝑾𝑬 𝑰𝑵𝑽𝑰𝑻𝑬 𝒀𝑶𝑼 𝑨𝑳𝑳!

𝐀𝐓𝐓𝐄𝐍𝐓𝐈𝐎𝐍, 𝐋𝐎𝐂𝐀𝐋 𝐕𝐄𝐍𝐃𝐎𝐑𝐒 𝐀𝐍𝐃 𝐅𝐎𝐎𝐃 𝐁𝐔𝐒𝐈𝐍𝐄𝐒𝐒 𝐎𝐖𝐍𝐄𝐑𝐒!

Para sa ating mga local vendors at food business owners, ito na ang pagkakataon ninyong maipakita ang inyong best dishes sa Taraw Festival Food Bazaar! 🎉

📅 𝐒𝐞𝐩𝐭𝐞𝐦𝐛𝐞𝐫 𝟐𝟖 – 𝐎𝐜𝐭𝐨𝐛𝐞𝐫 𝟖, 𝟐𝟎𝟐𝟔
📍 𝐕𝐢𝐝𝐚𝐥’𝐬 𝐏𝐚𝐫𝐤, 𝐁𝐫𝐠𝐲. 𝐌𝐚𝐥𝐢𝐠𝐚𝐲𝐚, 𝐄𝐥 𝐍𝐢𝐝𝐨, 𝐏𝐚𝐥𝐚𝐰𝐚𝐧

𝐊𝐮𝐧𝐠 𝐢𝐧𝐭𝐞𝐫𝐞𝐬𝐚𝐝𝐨, pumunta lamang sa Municipal Gender and Development Office upang malaman ang buong proseso at mga kinakailangang requirements para sa application.

📌 𝐌𝐠𝐚 𝐤𝐚𝐢𝐥𝐚𝐧𝐠𝐚𝐧𝐠 𝐢-𝐜𝐨𝐦𝐩𝐥𝐲:
✔️ Seller/Vendor Undertaking
✔️ Application Form
✔️ Signing of Rules and Regulations
✔️ Valid Health Certificate / Yellow Card
✔️ 2 pcs. of 1x1 ID
✔️ Back-to-back Photocopy of 1 Valid ID

𝑴𝒂𝒈-𝒂𝒑𝒑𝒍𝒚 𝒂𝒕 𝒎𝒂𝒈𝒊𝒏𝒈 𝒃𝒂𝒉𝒂𝒈𝒊 𝒏𝒈 𝒎𝒂𝒔 𝒎𝒂𝒔𝒊𝒈𝒍𝒂 𝒂𝒕 𝒎𝒂𝒔 𝒎𝒂𝒔𝒂𝒓𝒂𝒑 𝒏𝒂 𝑻𝒂𝒓𝒂𝒘 𝑭𝒆𝒔𝒕𝒊𝒗𝒂𝒍!

14/09/2026

14/09/2026

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐚𝐫𝐚𝐰𝐚𝐧 𝐬𝐚 𝐚𝐭𝐢𝐧𝐠 𝐏𝐮𝐧𝐨𝐧𝐠 𝐁𝐚𝐲𝐚𝐧, 𝐇𝐨𝐧. 𝐌𝐚𝐲𝐨𝐫 𝐄𝐝𝐧𝐚 𝐆𝐚𝐜𝐨𝐭-𝐋𝐢𝐦! 💐

Isang taos-pusong pasasalamat ang aming iniaalay para sa inyong tapat at dedikadong pamumuno sa Bayan ng El Nido. Ang inyong patuloy na paggabay at pagmamalasakit sa mamamayan ay tunay na nag-iiwan ng magandang tatak sa ating komunidad.

Hinihiling po namin sa Poong Maykapal ang inyong mahabang buhay, mabuting kalusugan, at tagumpay sa lahat ng inyong mga layunin para sa ating bayan.

𝐌𝐚𝐲 𝐆𝐨𝐝 𝐛𝐥𝐞𝐬𝐬 𝐲𝐨𝐮 𝐦𝐨𝐫𝐞, 𝐌𝐚𝐲𝐨𝐫!

02/09/2026

The Municipal Gender and Development (GAD) Office actively participated in the 126th Civil Service Month Celebration of the Municipal Government of El Nido, joining fellow public servants in commemorating the dedication, commitment, and invaluable contributions of government employees in delivering responsive and gender-responsive public service to the community.

30/08/2026

Isang Pangako, Labing-isang Nag-I Do!

Matagumpay na idinaos ng Lokal na Pamahalaan ng El Nido ang ikalawang (2nd) Kasalang Bayan 2026 sa Barangay Bagong Bayan, kung saan opisyal na pinagbuklod ang labing-isang (11) couples sa isang pormal at hindi malilimutang seremonya na pinangunahan mismo ng ating Punong Bayan bilang solemnizing officer.
Ang milestone event na ito ay naging posible sa pamamagitan ng masipag na collaboration ng Gender and Development (GAD) Office, Municipal Registrar’s Office, Municipal Mayor’s Office (MMO), at Admin Office. Ipinapakita ng pagtutulungang ito ng iba't ibang departamento ang patuloy na komitment ng lokal na pamahalaan na ilapit ang mga importanteng serbisyong sibil sa bawat barangay at patatagin ang legal na pundasyon ng ating mga pamilya.
Para masiguradong accessible at walang alalahanin sa gastos ang pagbuo ng pamilya, naghanda ang LGU El Nido ng fully funded na package para sa lahat ng nakiisang magkasintahan:
• Libreng Pre at Post-Marriage Legal Assistance na tulong sa pagproseso ng mga kailangang dokumento bago ang kasal, pati na rin ang patuloy na suporta pagkatapos ng seremonya para sa legal na pagkilala at pagpapatibay ng mga papel ng kanilang mga anak.
• Libreng mga rings para sa bawat pares bilang simbolo ng kanilang legal at taos-pusong commitment sa isa't isa.
• Magandang venue setup para sa isang formal wedding experience, na may kasama pang catered reception at traditional wedding cakes.
Mananatiling tapat ang Lokal na Pamahalaan ng El Nido sa layunin nitong itaguyod ang kapakanan ng pamilya, pangalagaan ang karapatang sibil, at ihatid ang mga pangunahing serbisyo sa bawat mamamayan ng El Nido sa lahat ng barangay.
Isang mainit na pagbati para sa 11 bagong kasal sa inyong panimula ng bagong yugto ng buhay!

21/08/2026

𝐀𝐧𝐠 𝐆𝐞𝐧𝐝𝐞𝐫 𝐚𝐧𝐝 𝐃𝐞𝐯𝐞𝐥𝐨𝐩𝐦𝐞𝐧𝐭 (𝐆𝐀𝐃) 𝐚𝐲 𝐡𝐢𝐧𝐝𝐢 𝐥𝐚𝐦𝐚𝐧𝐠 𝐭𝐮𝐧𝐠𝐤𝐨𝐥 𝐬𝐚 𝐋𝐆𝐁𝐓𝐐𝐈𝐀+ 𝐚𝐭 𝐥𝐚𝐥𝐨𝐧𝐠 𝐡𝐢𝐧𝐝𝐢 𝐢𝐭𝐨 𝐧𝐚𝐧𝐠𝐚𝐧𝐠𝐚𝐡𝐮𝐥𝐮𝐠𝐚𝐧𝐠 “𝐩𝐚𝐦𝐛𝐚𝐤𝐥𝐚”. Ang GAD ay isang paraan ng pagtiyak na ang bawat tao - babae man, lalaki, o may iba’t ibang SOGIESC - ay nabibigyan ng pantay na pagkakataon, karapatan, proteksyon, at paggalang sa lipunan.

𝐀𝐧𝐠 𝐆𝐀𝐃 𝐚𝐲 𝐭𝐮𝐦𝐮𝐭𝐮𝐠𝐨𝐧 𝐬𝐚 𝐦𝐠𝐚 𝐢𝐬𝐲𝐮𝐧𝐠 𝐦𝐚𝐲 𝐤𝐚𝐮𝐠𝐧𝐚𝐲𝐚𝐧 𝐬𝐚 𝐡𝐢𝐧𝐝𝐢 𝐩𝐚𝐠𝐤𝐚𝐤𝐚𝐩𝐚𝐧𝐭𝐚𝐲-𝐩𝐚𝐧𝐭𝐚𝐲, 𝐝𝐢𝐬𝐤𝐫𝐢𝐦𝐢𝐧𝐚𝐬𝐲𝐨𝐧, 𝐤𝐚𝐫𝐚𝐡𝐚𝐬𝐚𝐧, 𝐚𝐭 𝐦𝐠𝐚 𝐡𝐚𝐝𝐥𝐚𝐧𝐠 𝐧𝐚 𝐧𝐚𝐫𝐚𝐫𝐚𝐧𝐚𝐬𝐚𝐧 𝐧𝐠 𝐢𝐛𝐚’𝐭 𝐢𝐛𝐚𝐧𝐠 𝐤𝐚𝐬𝐚𝐫𝐢𝐚𝐧. 𝐋𝐚𝐲𝐮𝐧𝐢𝐧 𝐧𝐢𝐭𝐨𝐧𝐠 𝐦𝐚𝐠𝐤𝐚𝐫𝐨𝐨𝐧 𝐧𝐠 𝐢𝐬𝐚𝐧𝐠 𝐥𝐢𝐩𝐮𝐧𝐚𝐧𝐠 𝐰𝐚𝐥𝐚𝐧𝐠 𝐢𝐧𝐢𝐢𝐰𝐚𝐧, 𝐤𝐮𝐧𝐠 𝐬𝐚𝐚𝐧 𝐚𝐧𝐠 𝐛𝐚𝐰𝐚𝐭 𝐢𝐬𝐚 𝐚𝐲 𝐦𝐚𝐲 𝐩𝐚𝐧𝐭𝐚𝐲 𝐧𝐚 𝐩𝐚𝐠𝐤𝐚𝐤𝐚𝐭𝐚𝐨𝐧𝐠 𝐦𝐚𝐤𝐢𝐥𝐚𝐡𝐨𝐤, 𝐮𝐦𝐮𝐧𝐥𝐚𝐝, 𝐚𝐭 𝐦𝐚𝐦𝐮𝐡𝐚𝐲 𝐧𝐚𝐧𝐠 𝐦𝐚𝐲 𝐝𝐢𝐠𝐧𝐢𝐝𝐚𝐝.

Ang GAD ay hindi tungkol sa kung sino ang iyong minamahal o kung paano mo ipinapahayag ang iyong sarili. Ito ay tungkol sa pagkilala sa dignidad, karapatan, at pantay na oportunidad ng bawat tao.

𝑮𝑨𝑫 𝒊𝒔 𝒏𝒐𝒕 “𝒑𝒂𝒎𝒃𝒂𝒌𝒍𝒂.” 𝑮𝑨𝑫 𝒊𝒔 𝒑𝒂𝒓𝒂 𝒔𝒂 𝒍𝒂𝒉𝒂𝒕.

21/08/2026

Day 2 complete, and the energy is even higher! 🔥

Mas lalong lumalim ang kwentuhan at kaalaman ng ating El Nido ladies pagdating sa smart investments, business mindset, and long-term financial security. Proof na kapag empowered ang kababaihan, buong komunidad ang umaangat. Saludo muli sa LGU El Nido – GAD Office sa patuloy na pag-akay sa ating financial freedom journey! On to the next step! 💼💡

21/08/2026

Matagumpay na naisagawa noong 𝐀𝐮𝐠𝐮𝐬𝐭 𝟏𝟖–𝟐𝟎, 𝟐𝟎𝟐𝟔 ang tatlong araw na 𝐅𝐢𝐧𝐚𝐧𝐜𝐢𝐚𝐥 𝐋𝐢𝐭𝐞𝐫𝐚𝐜𝐲 𝐓𝐫𝐚𝐢𝐧𝐢𝐧𝐠 𝐟𝐨𝐫 𝐖𝐨𝐦𝐞𝐧, na isinagawa sa tatlong batches upang mas maraming kababaihan ang mabigyan ng pagkakataong matuto at mapalawak ang kanilang kaalaman sa tamang paghawak at pamamahala ng pera.

Ang mga kalahok ay binuo ng mga kababaihan mula sa iba’t ibang barangay ng El Nido, mga kinatawan mula sa business sector, at mga empleyado ng Municipal Government of El Nido. Layunin ng pagsasanay na mabigyan sila ng praktikal na kaalaman tungkol sa wastong pagba-budget, pag-iimpok, responsableng paggamit ng pera, at iba pang mahahalagang konsepto sa financial literacy na maaaring makatulong sa kanilang pang-araw-araw na buhay at kabuhayan.

Isinagawa ang training ng 𝐁𝐮𝐫𝐞𝐚𝐮 𝐨𝐟 𝐭𝐡𝐞 𝐓𝐫𝐞𝐚𝐬𝐮𝐫𝐲 – 𝐏𝐚𝐥𝐚𝐰𝐚𝐧 𝐏𝐫𝐨𝐯𝐢𝐧𝐜𝐢𝐚𝐥 𝐎𝐟𝐟𝐢𝐜𝐞, sa pakikipagtulungan ng 𝐌𝐮𝐧𝐢𝐜𝐢𝐩𝐚𝐥 𝐆𝐞𝐧𝐝𝐞𝐫 𝐚𝐧𝐝 𝐃𝐞𝐯𝐞𝐥𝐨𝐩𝐦𝐞𝐧𝐭 (𝐆𝐀𝐃) 𝐎𝐟𝐟𝐢𝐜𝐞 𝐨𝐟 𝐄𝐥 𝐍𝐢𝐝𝐨, bilang bahagi ng patuloy na pagsusulong ng women’s empowerment at economic empowerment.

Naging resource speaker si 𝐌𝐬. 𝐒𝐡𝐢𝐞𝐥𝐚 𝐌𝐚𝐲 𝐑. 𝐏𝐚𝐧𝐢𝐬𝐚𝐥𝐞𝐬-𝐆𝐮𝐧𝐨, 𝐂𝐡𝐢𝐞𝐟 𝐓𝐫𝐞𝐚𝐬𝐮𝐫𝐲 𝐎𝐩𝐞𝐫𝐚𝐭𝐢𝐨𝐧𝐬 𝐎𝐟𝐟𝐢𝐜𝐞𝐫 𝐈𝐈 / 𝐏𝐫𝐨𝐯𝐢𝐧𝐜𝐢𝐚𝐥 𝐇𝐞𝐚𝐝 𝐧𝐠 𝐁𝐮𝐫𝐞𝐚𝐮 𝐨𝐟 𝐭𝐡𝐞 𝐓𝐫𝐞𝐚𝐬𝐮𝐫𝐲 – 𝐏𝐚𝐥𝐚𝐰𝐚𝐧 𝐏𝐫𝐨𝐯𝐢𝐧𝐜𝐢𝐚𝐥 𝐎𝐟𝐟𝐢𝐜𝐞. Sa pamamagitan ng kanyang malinaw, makabuluhan, at praktikal na pagbabahagi, mas naunawaan ng mga kalahok kung paano magiging mas responsable at mas maalam sa kanilang mga desisyong pinansyal.

Nagpaabot din ng suporta at mensahe ng inspirasyon sina 𝐌𝐮𝐧𝐢𝐜𝐢𝐩𝐚𝐥 𝐌𝐚𝐲𝐨𝐫 𝐇𝐨𝐧. 𝐄𝐝𝐧𝐚 𝐆𝐚𝐜𝐨𝐭-𝐋𝐢𝐦, 𝐌𝐮𝐧𝐢𝐜𝐢𝐩𝐚𝐥 𝐀𝐝𝐦𝐢𝐧𝐢𝐬𝐭𝐫𝐚𝐭𝐨𝐫 𝐂𝐡𝐫𝐢𝐬𝐭𝐢𝐧𝐞 𝐍𝐢𝐜𝐨𝐥𝐞 𝐋𝐢𝐦-𝐆𝐚𝐛𝐚𝐫𝐫𝐚, 𝐒𝐚𝐧𝐠𝐠𝐮𝐧𝐢𝐚𝐧𝐠 𝐁𝐚𝐲𝐚𝐧 𝐌𝐞𝐦𝐛𝐞𝐫 𝐃𝐚𝐧𝐠 𝐓𝐫𝐢𝐧𝐢𝐝𝐚𝐝, 𝐚𝐭 𝐆𝐀𝐃 𝐅𝐨𝐜𝐚𝐥 𝐏𝐞𝐫𝐬𝐨𝐧 𝐉𝐚𝐧 𝐆𝐢𝐛𝐛 𝐂. 𝐑𝐞𝐥𝐚𝐭𝐚, bilang pagpapakita ng patuloy na suporta ng Pamahalaang Bayan sa mga programang naglalayong palakasin ang kakayahan at oportunidad ng kababaihan.

Ang gawaing ito ay patunay na ang kaalaman sa pananalapi ay mahalagang bahagi ng pagiging empowered. Sa pamamagitan ng tamang kaalaman at wastong pagpapasya sa pera, mas nagiging handa ang kababaihan na pangalagaan ang kanilang sariling kinabukasan, pamilya, kabuhayan, at komunidad.

𝑲𝒂𝒑𝒂𝒈 𝒂𝒏𝒈 𝒌𝒂𝒃𝒂𝒃𝒂𝒊𝒉𝒂𝒏 𝒂𝒚 𝒎𝒂𝒚 𝒌𝒂𝒂𝒍𝒂𝒎𝒂𝒏, 𝒎𝒂𝒔 𝒏𝒂𝒈𝒊𝒈𝒊𝒏𝒈 𝒎𝒂𝒕𝒂𝒕𝒂𝒈 𝒂𝒏𝒈 𝒑𝒂𝒎𝒊𝒍𝒚𝒂 𝒂𝒕 𝒎𝒂𝒔 𝒍𝒖𝒎𝒂𝒍𝒂𝒌𝒂𝒔 𝒂𝒏𝒈 𝒌𝒐𝒎𝒖𝒏𝒊𝒅𝒂𝒅.

18/08/2026

Done with Day 1! 🎉

Simula pa lang, dami nang natutunan na budgeting at ipon tips ng ating El Nido ladies. Big salute sa LGU El Nido – GAD Office for this initiative. Ready na agad for Day 2! 💸✨

13/08/2026

Matagumpay na naisagawa ang PAG-ASA (Pangkabuhayan at Asenso ng Sambayanan) Payout para sa mga Solo Parent, bilang bahagi ng patuloy na pagsusulong ng Lokal na Pamahalaan ng El Nido ng mga programang nagbibigay ng konkretong suporta sa kabuhayan.

Sa ilalim ng programa, ang mga benepisyaryo ay tumatanggap ng kabuuang livelihood assistance na nagkakahalaga ng ₱12,000, na gagamitin para sa pagbababuyan.

Sa pagkakataong ito, ang kasalukuyang benepisyaryo ay nakatanggap ng dalawang biik o cash na nagkakahalaga ng ₱7,000, na nagmula sa naunang benepisyaryo bilang bahagi ng pagpapatuloy at pag-ikot ng tulong pangkabuhayan. Dagdag dito, naglaan ang Lokal na Pamahalaan ng ₱5,000 karagdagang puhunan, kaya umabot sa ₱12,000 ang kabuuang halaga ng natanggap na livelihood assistance—katumbas ng halagang ipinagkaloob sa unang batch.

Sa ganitong paraan, hindi kinakailangang muling maglabas ng buong ₱12,000 ang Pamahalaan para sa bawat bagong benepisyaryo. Sa halip, ang bahagi ng tulong ay patuloy na umiikot mula sa isang benepisyaryo patungo sa susunod, habang ang Lokal na Pamahalaan ay nagdaragdag ng kinakailangang puhunan. Isang halimbawa ito ng sustainable at revolving livelihood assistance na nagbibigay ng mas maraming oportunidad sa mga Solo Parent.

Dumalo at nakibahagi sa aktibidad sina Mayor Edna Gacot-Lim, SB Leonor Corral, SB Val Austria , MLGOO Melissa Magbanua, at mga miyembro ng PAG-ASA Committee.

Mula sa unang batch hanggang sa kasalukuyang batch, patuloy na naipapasa ang tulong, pagkakataon, at pag-asa. 💜

PAG-ASA (Pangkabuhayan at Asenso ng Sambayanan.)