Duero News Update

Duero News Update Disclaimer: Please be informed that this page is community/fan initiated and is not owned by Mr. Al Taculad. This page was made to inspire people in Duero.

Born in Duero, Al Taculad, is a kind man with a big heart for helping those who are in need.

✅ MAYOR AL TACULAD, TOP 4 PERFORMING MAYOR SA BOHOL SA 2ND QUARTER 2026DUERO, BOHOL – Giila si Mayor Al Cadorniga Tacula...
23/08/2026

✅ MAYOR AL TACULAD, TOP 4 PERFORMING MAYOR SA BOHOL SA 2ND QUARTER 2026

DUERO, BOHOL – Giila si Mayor Al Cadorniga Taculad isip Top 4 Performing Mayor sa tibuok Probinsya sa Bohol alang sa ikaduhang quarter sa 2026, human nakakuha og 90.80% average rating ubos sa Governance and Participation Index (GPI) “Pulso ng Bayan.”

Ang maong pagkilala gibase sa tingog sa mga Bol-anon pinaagi sa usa ka independent province-wide survey nga gihimo sa 4,000 ka hamtong nga respondents gikan sa mga lungsod ug siyudad sa Bohol.

Sumala sa LGU Duero, nagpakita ang resulta sa pagsalig ug kumpiyansa sa katawhan sa pagpangulo ni Mayor Taculad ug sa hiniusang paningkamot sa mga empleyado sa lokal nga kagamhanan.

Gisukod sa maong indeks ang nag-unang aspeto sa pagdumala, lakip ang good governance, transparency ug accountability, citizen participation, disaster resiliency ug social protection, ug infrastructure with impact.

Matud pa sa LGU Duero, nagpadayon kining mga prinsipyo nga mahimong giya sa paghatag og responsive ug makahuloganong serbisyo alang sa matag Duerohanon.

Gipahayag usab sa lokal nga kagamhanan nga ang maong kalampusan dili lamang personal nga pagkilala kang Mayor Taculad, kondili usa usab ka pag-ila sa kolektibong paningkamot sa tibuok LGU Duero.

Gilauman nga mahimong inspirasyon ang maong pagkilala aron mas mapalig-on pa ang panaghiusa sa LGU Duero sa paghatag og transparent, responsive ug people-centered nga serbisyo.

Padayon sa Pagpangalagad nga Puno sa Gugma!

SHINE DUERO, SHINE! 🌟

✅ DUERO DISTRICT MEET 2026, GIPASIKAD ANG TALENTO SA MGA BATANG ATLETADUERO, BOHOL – Gipahigayon ang Duero District Meet...
23/08/2026

✅ DUERO DISTRICT MEET 2026, GIPASIKAD ANG TALENTO SA MGA BATANG ATLETA

DUERO, BOHOL – Gipahigayon ang Duero District Meet 2026 nga nahimong higayon alang sa mga batan-ong atleta sa lungsod nga ipakita ang ilang talento, kahanas ug determinasyon sa nagkalain-laing dula.

Ang maong kalihokan gitambongan sa mga student-athletes nga nakigkompetensya sa espiritu sa sportsmanship, panaghigalaay ug respeto sa matag usa.

Gipasalamatan sa LGU Duero ang Duero Department of Education (DepEd) ug si Acting School District Supervisor Dr. Vincent Salazar alang sa imbitasyon ug sa paghatag og higayon sa mga estudyante nga mapakita ang ilang mga abilidad ug gugma sa sports.

Gidasig usab ang mga batan-ong atleta nga magdula nga adunay kasingkasing, makigkompetensya nga may garbo ug himoong oportunidad ang matag duwa aron makakat-on ug molambo.

Gipahinungod usab ang pahinumdom nga dili kanunay ang kadaugan ang labing importante, kondili ang paghatag sa pinakamaayo ug dili pagsurender bisan unsa pa ang resulta sa kompetisyon.

Nagpadayon ang suporta sa LGU Duero sa mga batan-ong atleta ug sa pagpalambo sa sports isip kabahin sa pag-amuma sa talento sa kabatan-onan.

SHINE DUERO, SHINE! 💚

✅ DUERO LGU, NAKAPANGHATAG OG 10,560 KILOS NGA BUGAS SA 2ND TRANCHEDUERO, BOHOL – Malampusong nahuman sa Local Governmen...
20/08/2026

✅ DUERO LGU, NAKAPANGHATAG OG 10,560 KILOS NGA BUGAS SA 2ND TRANCHE

DUERO, BOHOL – Malampusong nahuman sa Local Government Unit (LGU) sa Duero ang ikaduhang tranche sa Rice Distribution Program alang sa mga indigent Duerohanon.

Sa maong distribution, mokabat sa 10,560 kilos nga bugas ang naapod-apod ngadto sa mga benepisyaryo gikan sa coastal barangays hangtod sa mga komunidad sa upland areas sa lungsod.

Gipasiugda sa LGU nga ang programa kabahin sa padayong paningkamot sa paghatag og tabang ug suporta nga mas duol sa mga pamilya, ilabina sa mga nanginahanglan.

Gipadayag usab sa LGU ang pagpasalamat sa National Government sa suporta nga nakapahimo sa maong assistance, nga makatabang sa pagpagaan sa adlaw-adlaw nga panginahanglan sa mga Duerohanon.

Gipasalamatan usab ang mga Punong Barangay ug Barangay Council sa ilang kooperasyon, ingon man si MSWDO Avelyn Dizon ug ang tibuok MSWD team, uban sa mga empleyado sa LGU nga nagtambayayong aron masiguro nga hapsay, organisado ug malampuson ang pag-apod-apod.

Gipasiugda sa LGU Duero nga gikan sa mga coastal barangay hangtod sa upland communities, padayon ang pag-abot sa serbisyo ug tabang ngadto sa matag Duerohanon.

SHINE DUERO, SHINE!

✅ DUERO RICE DISTRIBUTION, MIABOT SA SAN ISIDRO; 198 KA BENEPISYARYO NAKADAWATDUERO, BOHOL – Gipadayon sa Local Governme...
20/08/2026

✅ DUERO RICE DISTRIBUTION, MIABOT SA SAN ISIDRO; 198 KA BENEPISYARYO NAKADAWAT

DUERO, BOHOL – Gipadayon sa Local Government Unit (LGU) sa Duero ang ikaduhang tranche sa Rice Distribution Program, diin ikaduhang hunong ang Barangay San Isidro.

Giapod-apod ang rice assistance alang sa mga benepisyaryo gikan sa Cansuhay, Mambool ug San Isidro.

Sa maong distribution site, mokabat sa 198 ka benepisyaryo ang nakadawat og tabang nga bugas.

Kabahin kini sa padayong programa sa LGU Duero aron mahatagan og suporta ang mga pamilya ug mas mapalapad ang pag-abot sa serbisyo ngadto sa mga Duerohanon.

Padayon ang pag-apod-apod sa tabang sa nagkalain-laing barangay sa lungsod isip kabahin sa paningkamot sa administrasyon ni Mayor Al Taculad nga maserbisyohan ang katawhan.

Shine Duero, Shine!

✅ DUERO LGU, NAGPAHIGAYON SA 2ND TRANCHE SA RICE DISTRIBUTION PROGRAMDUERO, BOHOL – Gipahigayon sa Local Government Unit...
20/08/2026

✅ DUERO LGU, NAGPAHIGAYON SA 2ND TRANCHE SA RICE DISTRIBUTION PROGRAM

DUERO, BOHOL – Gipahigayon sa Local Government Unit (LGU) sa Duero ang ikaduhang tranche sa Rice Distribution Program karong adlawa sa Duero Gymnasium.

Giapod-apod ang 10 kilos nga bugas alang sa mga benepisyaryo gikan sa siyam ka barangay, nga mao ang Alejawan, Madua Sur, Madua Norte, Mawi, San Pedro, San Antonio, Itum, Langkis ug Guinsularan.

Sa maong distribution site pa lamang, mokabat sa 446 ka benepisyaryo ang nadawat og tabang.

Kabahin kini sa padayong programa sa LGU Duero aron makatabang sa mga pamilya ug masiguro nga maabot ang suporta sa matag Duerohanon.

Gipasiugda sa LGU ang padayong paningkamot sa paghatag og serbisyo ug tabang ngadto sa mga residente, ilabina sa mga pamilya nga nanginahanglan og suporta.

Shine Duero, Shine!

Pagpangalagad nga Puno sa Gugma.

✅ TULO KA PROPOSED PROJECT SA DUERO, NADAWAT NA SA OFFICE OF THE PRESIDENTTulo ka proposed project requests sa lungsod s...
17/08/2026

✅ TULO KA PROPOSED PROJECT SA DUERO, NADAWAT NA SA OFFICE OF THE PRESIDENT

Tulo ka proposed project requests sa lungsod sa Duero ang opisyal nang nadawat sa Office of the President, nga naghatag og dugang paglaum alang sa pagpalambo sa mga pasilidad ug imprastraktura sa lungsod.

Gipahibalo kini ni Duero Mayor Al Taculad pinaagi sa iyang post, diin gilista ang mosunod nga mga proyekto:

✅ Duero Public Market – ₱300 milyon
✅ Rehabilitation sa Sitio Bugang Bridge – ₱150 milyon
✅ Construction and Rehabilitation sa Seawall sa Madua Norte – ₱30 milyon

Sumala kang Mayor Al, ang mga proposed project request gitumong alang sa kaayohan sa tibuok lungsod ug sa katawhan sa Duero.

Gipaabot usab sa mayor ang positibong tubag alang sa maong mga proyekto, samtang naghangyo sa katawhan nga maghulat, mag-ampo ug maglaum alang sa maayong resulta.

Kung maaprobahan, ang mga proyekto gilauman nga makatampo sa pagpalambo sa merkado, pagpaayo sa konektibidad sa mga barangay ug pagpalig-on sa proteksyon batok sa epekto sa baybayon.

Padayon ang paningkamot sa administrasyon ni Mayor Al Taculad sa pagpangita og mga proyekto ug suporta nga makatabang sa dugayng kaayohan ug kalamboan sa Duero.

Pagpangalagad nga puno sa gugma.

Shine Duero Shine!


✅ PAYAO-IMELDA ROAD CONCRETING, PADAYON; DUERO MAYOR AL TACULAD NAGPAHIMANGNO SA MGA RESIDENTEPadayon ang pag-uswag sa P...
13/08/2026

✅ PAYAO-IMELDA ROAD CONCRETING, PADAYON; DUERO MAYOR AL TACULAD NAGPAHIMANGNO SA MGA RESIDENTE

Padayon ang pag-uswag sa Payao-Imelda Concreting of Roads sa lungsod sa Duero, Bohol, diin makita na ang dakong kausaban sa proyekto base sa latest accomplishment report as of Agosto 8, 2026.

Para sa mga residente sa Barangay Imelda, klaro na ang aktuwal nga development sa maong lugar. Gihulagway kini isip usa sa mga dalan nga kaniadto layo ug dili maayo ang kahimtang, apan karon nagkaduol na sa pagkahuman ug mahimong usa sa mas lapad ug mas nindot nga kalsada sa lugar.

Gipaabot nga mga duha na lang ka bulan ug mahuman ang maong proyekto, diin mas komportable ug mas sayon na ang pagbiyahe sa mga residente ug mga motorista nga moagi sa Payao-Imelda area.

Matud pa sa mensahe ni Duero Mayor Al Taculad, gamay na lang gyud ang kinahanglan nga pag-antus sa mga residente samtang gipadayon ang proyekto.

“Gamay na lang gyud antus, two months time! Di na gyud mo malapukan anhang areaha,” mensahe ni Mayor Al.

Gipasiugda usab sa mayor nga ang dugay nga paghulat dili pasabot nga nahikalimtan ang usa ka lugar, kundili kabahin kini sa proseso aron matagamtaman sa katawhan ang dugang nga serbisyo ug imprastraktura.

Ang proyekto nagpakita sa padayong paningkamot sa lokal nga panggamhanan sa pagpauswag sa mga imprastraktura, ilabi na ang mga dalan nga direktang makatabang sa transportasyon ug pang-adlaw-adlaw nga kalihokan sa mga residente.



✅ MAYOR AL TACULAD CHAMPION, PERSONAL NGA GIHATOD NI PMAJ. JUSTEOFINO M. HINLAYAGAN, HEPE SA DUERO MPS ANG TROPHY!Nakapa...
12/08/2026

✅ MAYOR AL TACULAD CHAMPION, PERSONAL NGA GIHATOD NI PMAJ. JUSTEOFINO M. HINLAYAGAN, HEPE SA DUERO MPS ANG TROPHY!

Nakapahimutang og maayong resulta si Duero Mayor Al Taculad isip champion sa RD’s Cup Invitational 2026, Level 2 Sanctioned Match, nga gipahigayon sa Cebu Wonderland Shooting Range sa Barangay Agus, Lapu-Lapu City, Cebu.

Personal nga gihatud ni Police Major Justeofino M. Hinlayagan, Chief of Police sa Duero Municipal Police Station (MPS), ang trophy ngadto kang Mayor Al Taculad isip pagpasidungog sa iyang pagkadaog sa maong kompetisyon.

Apil sa maong kalihokan ang mga personnel sa Duero MPS ubos sa pagpangulo ni PMaj. Hinlayagan, diin nahimong higayon ang kompetisyon aron mapalig-on ang camaraderie tali sa mga pulis ug lokal nga panggamhanan, ingon man ang pagpalambo sa responsableng pagdumala sa armas ug public safety.

Nahimamat usab ni Mayor Al Taculad ang Regional Director sa Police Regional Office 7 ug si Sto. Tomas, Batangas Mayor Art Marasigan atol sa maong kalihokan.

Gipasiugda sa maong panagtapok ang importansya sa lig-on nga partnership, koordinasyon ug panaghiusa tali sa mga law enforcement personnel ug mga lokal nga lider alang sa mas maayong pagserbisyo sa komunidad.



✅ DSWD NAG-INSPEKSYON SA ₱349,000 NGA WAREHOUSE PARA SA RELIEF GOODS SA DUEROGipahigayon sa Department of Social Welfare...
12/08/2026

✅ DSWD NAG-INSPEKSYON SA ₱349,000 NGA WAREHOUSE PARA SA RELIEF GOODS SA DUERO

Gipahigayon sa Department of Social Welfare and Development (DSWD) ang inspeksyon sa warehouse sa lungsod sa Duero nga nagkantidad og ₱349,000, isip kabahin sa pagpangandam sa lokal nga panggamhanan alang sa posibleng mga kalamidad.

Pinaagi sa administrasyon ni Mayor Al Taculad, gipresentar ni Executive Secretary Ma. Silva Huyad ang maong pasilidad ngadto sa mga staff sa DSWD alang sa ilang pag-assess ug rekomendasyon sa hustong pagtipig sa mga relief goods ug emergency supplies.

Giatubang usab ni Mayor Al Taculad ang mga staff sa DSWD aron hisgutan ang mga kinahanglanon ug saktong pamaagi sa pag-organisa ug pagtipig sa mga suplay aron andam kining magamit kung adunay kalamidad o emerhensiya.

Gilauman nga ipahimutang sa maong warehouse ang 1,500 ka relief packs, 60 ka modular tents, 40 ka sleeping kits, ug uban pang gikinahanglang emergency supplies.

Sumala sa administrasyon ni Mayor Al Taculad, padayon nilang gihatagan og prayoridad ang disaster preparedness aron masiguro nga andam ang lungsod sa pag-atubang sa bisan unsang kalamidad ug dali nga mahatagan og tabang ang mga apektadong residente.


Address

Duero, Bohol
Duero
6309

Telephone

+639281714044

Website

Alerts

Be the first to know and let us send you an email when Duero News Update posts news and promotions. Your email address will not be used for any other purpose, and you can unsubscribe at any time.

Shortcuts

Share

Category