UNLAD Dolores

09/10/2026

𝐅𝐀𝐌𝐈𝐋𝐘 𝐅𝐔𝐍 𝐃𝐀𝐘 𝟐𝟎𝟐𝟔

Mahigit 320 pamilyang Doloresin ang nagsama-sama at nakibahagi sa masaya at makabuluhang pagdiriwang ng Family Fun Day 2026 na may temang “Kapit-Bisig na Pamilya: Tungo sa Ligtas, Malusog at Matatag na Pamayanan,” na ginanap sa Alcala Covered Court, Brgy. Silanganan.

Pinangasiwaan ito ng tanggapan ng MSWD sa pangunguna ni Ms. Cipriana A. Montierro at sa gabay at suporta ng ating butihing Mayor Orlan A. Calayag.

Personal na dumalo rin ang ating butihing Mayor Orlan A. Calayag upang magbahagi ng isang makabuluhang mensahe na nagbibigay-diin sa kahalagahan ng matatag na pamilya bilang pundasyon ng isang ligtas, malusog, at nagkakaisang pamayanan. Nakiisa rin sa okasyon ang mga miyembro ng Sangguniang Bayan, kabilang sina Committee on Social Welfare Chairperson Kons. Joed Reyes, Kons. Ai-Ai Cabrera, Kons. Chai Amat, at Kons. Beth Acuña.

Naging mas makulay at masaya ang pagdiriwang sa pamamagitan ng iba’t ibang aktibidad na nilahukan ng mga pamilya, gaya ng Family Got Talent, Creative Frame Making Contest, Family Games, face painting, at photobooth. Naghatid din ng dagdag na saya sa mga bata ang pagbisita ni Jollibee, na nagbigay ng mas masayang karanasan sa mga dumalo.

Bukod sa mga aktibidad pampamilya, nagsagawa rin ang M Lhuillier ng talakayan tungkol sa insurance at payroll. Bilang bahagi ng kanilang pakikiisa, nagkaloob din sila ng tatlong canopy para sa tanggapan ng MSWD.

Patuloy ang Lokal na Pamahalaan ng Dolores sa pamumuno ng ating butihing Mayor Orlan A. Calayag, sa pagsuporta at pagsusulong ng mga programang naglalayong palakasin ang bawat pamilyang Doloresin at itaguyod ang kapakanan ng ating mga kababayan.

09/10/2026

𝐃𝐎𝐋𝐎𝐑𝐄𝐒𝐈𝐍𝐒, 𝐒𝐔𝐏𝐎𝐑𝐓𝐀𝐇𝐀𝐍 𝐍𝐀𝐓𝐈𝐍 𝐀𝐍𝐆 𝐀𝐓𝐈𝐍𝐆 𝐌𝐆𝐀 𝐋𝐎𝐊𝐀𝐋 𝐍𝐀 𝐇𝐎𝐆 𝐑𝐀𝐈𝐒𝐄𝐑𝐒!

Sa bawat pagpili ng lokal na karneng baboy, sinusuportahan natin ang sipag at pagsisikap ng ating mga hog raiser, ang kabuhayan ng mga manggagawa, at ang kinabukasan ng mga pamilyang Pilipino, lalo na ang ating kapwa Doloresin!

Bilang mga Doloresin, mayroon tayong mahalagang papel sa pagsuporta sa sektor na ito. Sa pamamagitan ng pagtangkilik sa lokal na karneng baboy, naipakikita natin ang pagpapahalaga sa ating mga lokal na mag-aalaga ng baboy at sa kanilang ambag sa agrikultura at ekonomiya ng ating komunidad.

Huwag nating hayaang masayang ang kanilang pagsisikap. Sa halip, sama-sama nating palakasin ang isang industriyang nagbibigay ng kabuhayan, oportunidad, at pag-asa sa maraming pamilyang Pilipino.

Ang suporta mo ay mahalaga! Maging bahagi ng pagbabago sa pamamagitan ng pagpili sa sariling atin. Ipakita natin na ang mga Doloresin ay nagkakaisa sa pagsuporta sa lokal na industriya at sa mga kababayang patuloy na nagsisikap para sa mas magandang kinabukasan.

Ipagmalaki ang sariling atin. Suportahan ang ating mga hog raiser!

09/10/2026

BASAHIN | Ipinamahagi ang mga gulay at prutas sa mga mag-aaral ng Don Eulogio Capino Elementary School sa Dolores, Quezon bilang bahagi ng programang “Masaganang Ani, Food Para sa Community.”

Layunin ng pamamahagi na madagdagan ang access ng mga mag-aaral sa masustansyang pagkain at mahikayat silang kumain ng gulay at prutas.

Patuloy namang isasagawa ang programa sa mga piling paaralan sa Dolores upang maipamahagi ang ani ng mga lokal na magsasaka sa komunidad.

Ipinamahagi ang mga gulay at prutas sa mga mag-aaral ng Don Eulogio Capino Elementary School sa Dolores, Quezon bilang bahagi ng programang “Masaganang Ani, Food Para sa Community.”

Layunin ng pamamahagi na madagdagan ang access ng mga mag-aaral sa masustansyang pagkain at mahikayat silang kumain ng gulay at prutas.

Patuloy namang isasagawa ang programa sa mga piling paaralan sa Dolores upang maipamahagi ang ani ng mga lokal na magsasaka sa komunidad.

08/10/2026

DAY 6 | Pagdarasal ng Santo Rosaryo sa Pamumuno ng Office of the Municipal Planning and Development Coordinator

08/10/2026

𝐆𝐀𝐍𝐈𝐓𝐎 𝐀𝐍𝐆 𝐌𝐀𝐆𝐒𝐀𝐒𝐀𝐊𝐀 𝐒𝐀 𝐁𝐀𝐘𝐀𝐍 𝐍𝐆 𝐃𝐎𝐋𝐎𝐑𝐄𝐒 👏🙌

𝑨𝒏𝒈 𝒃𝒂𝒘𝒂𝒕 𝒂𝒏𝒊 𝒂𝒚 𝒃𝒊𝒚𝒂𝒚𝒂. 𝑨𝒕 𝒔𝒂 𝑩𝒂𝒚𝒂𝒏 𝒏𝒈 𝑫𝒐𝒍𝒐𝒓𝒆𝒔, 𝒂𝒏𝒈 𝒃𝒊𝒚𝒂𝒚𝒂𝒏𝒈 𝒊𝒕𝒐 𝒂𝒚 𝒉𝒊𝒏𝒅𝒊 𝒍𝒂𝒎𝒂𝒏𝒈 𝒊𝒏𝒂𝒂𝒏𝒊 𝒂𝒕 𝒊𝒑𝒊𝒏𝒂𝒈𝒃𝒊𝒃𝒊𝒍𝒊, 𝒊𝒕𝒐 𝒂𝒚 𝒊𝒃𝒊𝒏𝒂𝒃𝒂𝒉𝒂𝒈𝒊 𝒂𝒕 𝒊𝒃𝒊𝒏𝒂𝒃𝒂𝒍𝒊𝒌 𝒔𝒂 𝒂𝒕𝒊𝒏𝒈 𝒌𝒐𝒎𝒖𝒏𝒊𝒅𝒂𝒅.

| Noong Oktubre 6, 2026, nagpatuloy ang programang “Masaganang Ani, Food Para sa Community” ng Municipal Agriculture and Fishery Council (MAFC), katuwang ang Office of the Municipal Agriculturist (OMA) sa pamumuno ni Sir Eldrin Rubico, at ng Lokal na Pamahalaan ng Dolores sa pamumuno ng ating butihing Mayor Orlan A. Calayag.

Sa pagkakataong ito, iba't ibang masusustansyang gulay at prutas ang ipinamahagi sa mga mag-aaral ng Don Eulogio Capino Elementary School.

Ang programang ito ay isang pagbabalik-handog at pagpapasalamat ng ating mga magsasaka para sa masaganang ani, habang naipapakita rin sa mga kabataan ang kahalagahan ng pagsuporta sa ating mga magsasaka at sa lokal na produksyon.

Higit pa rito, layunin ng programa na mahikayat ang mga kabataang mag-aaral na kumain ng masusustansyang pagkain upang mapanatili ang kanilang kalusugan at wastong nutrisyon.

Samantala, patuloy na iikot ang MAFC sa mga piling paaralan sa Bayan ng Dolores upang mas marami pang mag-aaral ang mabigyan ng masustansyang gulay at prutas mula sa ating mga lokal na magsasaka.

07/10/2026

𝐂𝐎𝐍𝐆𝐑𝐀𝐓𝐔𝐋𝐀𝐓𝐈𝐎𝐍𝐒 𝐃𝐄𝐏𝐄𝐃- 𝐃𝐎𝐋𝐎𝐑𝐄𝐒 𝐃𝐈𝐒𝐓𝐑𝐈𝐂𝐓

Ipinresenta ng DepEd Dolores District, sa pangunguna ni PSDS Sir Gilbert C. Alva, sa ating butihing Mayor Orlan A. Calayag ang tropeo ng Dolores bilang Overall 3rd Runner-Up sa 2nd Congressional District Festival of Talents 2026.

Pagbati sa ating mga mag-aaral, g**o, coaches, at sa buong DepEd Dolores District sa kanilang pagsisikap at dedikasyon. Ang tagumpay na ito ay inspirasyon upang patuloy nating linangin at suportahan ang kakayahan ng bawat kabataang Doloresin.

Asahan ninyo ang patuloy na suporta ng Lokal na Pamahalaan ng Dolores, sa pamumuno ng ating butihing Mayor Orlan A. Calayag, sa pagsusulong ng mga programa at oportunidad na nagbibigay-daan upang higit pang malinang at maipamalas ng ating mga kabataan ang kanilang talento at kakayahan tungo sa patuloy na pag-UNLAD.

07/10/2026

𝐁𝐀𝐆𝐎𝐍𝐆 𝐃𝐔𝐌𝐏 𝐓𝐑𝐔𝐂𝐊, 𝐃𝐀𝐆𝐃𝐀𝐆-𝐊𝐀𝐆𝐀𝐌𝐈𝐓𝐀𝐍 𝐏𝐀𝐑𝐀 𝐒𝐀 𝐌𝐀𝐒 𝐌𝐀𝐀𝐘𝐎𝐒 𝐍𝐀 𝐒𝐄𝐑𝐁𝐈𝐒𝐘𝐎𝐍𝐆 𝐏𝐀𝐍𝐆𝐊𝐀𝐋𝐈𝐊𝐀𝐒𝐀𝐍

| Sa patuloy na pagsusulong ng ating butihing Mayor Orlan A. Calayag ng mga programang pangkalikasan, isinagawa kanina ang blessing ng bagong dump truck ng Municipal Environment and Natural Resources Office (MENRO) na magsisilbing karagdagang kagamitan sa pagpapanatili ng kalinisan at pangangalaga sa ating kapaligiran.

Pinangunahan ni Mayor Orlan A. Calayag ang nasabing blessing ceremony na pormal namang binasbasan ni Rev. Fr. Felix Ayala Jr. Dinaluhan din ito ng Tanggapan ng MENRO sa pangunguna ni Mr. Randy Matibag, kasama sina Municipal Engineer Isaiah Dominic Alilio, MBO Ms. Vivien Felismino at ilang kawani ng Lokal na Pamahalaan.

Ang bagong dump truck na ito ay magiging mahalagang dagdag sa kagamitan ng MENRO para sa mas maayos at episyenteng pagsasagawa ng mga gawaing pangkalinisan, waste management, at iba pang serbisyong may kaugnayan sa pangangalaga sa kapaligiran.

Patuloy ang pagsisikap ng Lokal na Pamahalaan sa pamumuno ng ating butihing Mayor Orlan A. Calayag na mapalakas pa ang mga programang pangkalinisan at pangangalaga sa kapaligiran, upang higit na mapabuti ang serbisyong pangkalikasan at maisulong ang isang malinis, maayos, at ligtas na Bayan ng Dolores para sa bawat Doloresin.

07/10/2026

𝐅𝐢𝐫𝐬𝐭 𝐖𝐞𝐝𝐧𝐞𝐬𝐝𝐚𝐲 𝐌𝐚𝐬𝐬 | 𝐎𝐂𝐓𝐎𝐁𝐄𝐑 𝟐𝟎𝟐𝟔

The Local Government Unit of Dolores, Quezon, headed by Mayor Orlan A. Calayag, together with the department heads, employees, and OJTs, attended today’s Holy Eucharistic Celebration at the Municipal Hall Building—the LGU’s First Wednesday Mass for October 2026.

The Mass was officiated by the Parochial Vicar of Parish and National Shrine of Our Lady of Sorrows, Rev. Fr. Felix S. Ayala Jr., with the assistance of Municipal Tourism Office headed by Sir EA Jason Ocado and MDRRMO headed by Ms. April Reyes Cruz.

07/10/2026

𝐊𝐀𝐒 𝐒𝐎𝐋𝐔𝐓𝐈𝐎𝐍𝐒 𝐂𝐎𝐍𝐅𝐄𝐑𝐄𝐍𝐂𝐄 𝟐𝟎𝟐𝟔: “𝐁𝐔𝐈𝐋𝐃𝐈𝐍𝐆 𝐂𝐎𝐌𝐏𝐄𝐓𝐈𝐓𝐈𝐕𝐄 𝐋𝐆𝐔𝐒 𝐅𝐎𝐑 𝐓𝐇𝐄 𝐅𝐈𝐋𝐈𝐏𝐈𝐍𝐎

TINGNAN: Dumalo ang ating butihing Mayor Orlan A. Calayag sa KAS Solutions Conference 2026: “Building Competitive LGUs for the Filipino” na ginanap kahapon, Oktubre 6 sa Conrad Manila.

Kasama rin sa naturang conference ang ilang department heads, kabilang sina MPDC Ms. Sheryl Cabrera, MDRRMO Ms. April Reyes Cruz, BPLO Ms. Sheena Borja, at Municipal Engineer Engr. Isaiah Dominic Alilio.

Tinalakay dito ang mga konkretong solusyon at pamamaraan upang higit na mapalakas ang competitiveness ng mga lokal na pamahalaan at makapaghatid ng mas mabilis, accessible, inclusive, at responsive na serbisyo para sa ating mga mamamayan.

Binigyang-diin din ang pagpapahusay ng public services, local infrastructure, climate resilience, at paglikha ng mas maraming oportunidad para sa ating mga kababayan.

Patuloy ang ating pamahalaang lokal sa pamumuno ng ating butihing Mayor Orlan A. Calayag sa paglinang ng kaalaman, pagpapalawak ng kakayahan, at pagkatuto mula sa mga makabagong pamamaraan upang higit pang mapabuti ang serbisyo publiko tungo sa patuloy nap ag-UNLAD ng ating Bayan.