02/06/2026
Ania ang mga importanteng detalye gikan sa MalacaΓ±ang Press Briefing karong Hunyo 2, 2026.
Narito ang mga mahahalagang detalye mula sa ginanap na MalacaΓ±ang Press Briefing ngayong araw, Hunyo 2, 2026, kasama si Palace Press Officer Undersecretary Claire Castro:
-Pinangunahan ni Pangulong Ferdinand R. Marcos Jr. ang paglulunsad ng Brigada Eskwela sa Kapitbahayan Elementary School sa Navotas City upang ihanda ang mga paaralan sa muling pagbubukas ng mga klase sa ika-8 ng Hunyo.
-Binigyang-diin ng pamahalaan ang "whole-of-government approach" upang matiyak na ang mga pasilidad ay ligtas, inklusibo, at nakatuon sa kapakanan ng mga mag-aaral at g**o. Kasabay nito, sinuportahan din ang mga inisyatiba ng DSWD at ang TUPAD program ng DOLE na nakatakdang magbigay ng trabaho sa halos 240,000 manggagawa sa buong bansa.
-Sa ginanap na Vietnam-Philippines Business Forum, hinikayat ng Pangulo ang mga mamumuhunan na samantalahin ang mga reporma sa negosyo sa Pilipinas gaya ng CREATE Law, Amended Foreign Investments Act, at Retail Trade Liberalization Act. Tinalakay rin ang mga prayoridad na industriya para sa hinaharap, kabilang ang paggawa ng electric vehicles (EV) at mga baterya gamit ang yamang nikel ng bansa, paggawa ng mga barko, at pagmamanupaktura para sa depensa.
-Bilang chair ng ASEAN ngayong taon, layon ng bansa na palakasin ang rehiyonal na konektibidad at digital innovation sa pamamagitan ng ASEAN Digital Economy Framework Agreement (DEFA).
-Kasalukuyang sinusuri ng Food and Drug Administration (FDA) ang bakunang TAK-003 (Q-Denga) para sa pampublikong kalusugan. Habang binigyang-diin naman ng World Health Organization at Department of Health na ang vector control o pagpuksa sa pinamumugaran ng mga lamok ang nananatiling pangunahing estratehiya.
-Ipinagpatuloy ng Department of Public Works and Highways ang mga proyekto sa Oplan Kontra Baha, tulad ng dredging at paglilinis ng mga daluyan ng tubig. Habang prayoridad ang mga proyektong ito, ang mga ulat tungkol sa mga nakaraang anomalya ay isinumite na sa Ombudsman para sa kaukulang imbestigasyon.
-Nagkaroon ng kasunduan ang Pilipinas at Vietnam para sa isang Tourism Cooperation Program (2026-2029). Layunin nito na palakasin ang turismo sa pamamagitan ng mas malawak na promosyon ng mga destinasyon, pagpapadali ng paglalakbay, pagsasanay sa tourism workers, at pagsusulong ng sustainable tourism. Kabilang din sa mga plano ang pagpapalawak ng air connectivity at mas maraming direktang biyahe upang higit na mapakinabangan ng mga turistang Pilipino at Vietnamese.
-Nakatakdang pangunahan ni Pangulong Ferdinand R. Marcos Jr. ang mga pulong na nakatuon sa mga usaping pang-enerhiya at ang ika-9 na Philippine Space Council Meeting upang talakayin ang pagpapalakas ng pambansang power grid at pagsusulong ng mga inisyatiba para sa pagpapaunlad ng sektor ng kalawakan sa bansa.
