01/09/2026
📢 PAHINUMDOM UG PAGPASABOT SA MGA RESIDENTE
Ang gihimong ocular inspection sa Sitio Sto. Rosario usa ka gikinahanglan nga lakang tungod kay adunay nadawat nga reklamo kabahin sa maong livestock farm. Ang tumong niini mao ang pagsusi sa sitwasyon, kalimpyo, waste management, ug posibleng epekto niini sa palibot ug sa mga residente.
Ang tag-iya sa maong livestock farm nahibalo na ug mailhan na, ug siya imbitahon sa sesyon sa Barangay aron makahatag sa iyang pagpasabot ug aron maistoryahan ang maong concern sa hustong paagi.
Among hangyo sa tanan nga dili unta gamiton ang maong isyu isip political agenda. Dili kini panahon sa pagpasangil o pag-insinuate og political bias batok sa Punong Barangay o sa mga opisyal sa Barangay, ilabi na nga ang maong concern naa na sa proseso ug adunay mga lakang nga gihimo aron matubag ang reklamo.
Dili maayo nga ang usa ka lehitimong reklamo sa katawhan himoon nga instrumento sa politika. Ang atong tumong mao ang pagsulbad sa problema, dili ang pagpalala sa panagbangi.
Kung adunay concern, atong atubangon pinaagi sa sakto nga proseso, hustong pag-istorya, ug patas nga paghatag og higayon sa tanang partido nga makapahayag sa ilang bahin.
Serbisyo sa Katawhan, dili politika.
Barangay Ruparan | Serbisyo para sa Katawhan
