17/05/2022
Sa kanunay Walang Iwanan gyud ta sa tanang Panahon♥️ Mapasalamaton kanunay ang katawhan sa imong serbisyo Papa Gov. Wala gayud nimo pakyasa ang Dabawenyos ug kanunay kang nag tan aw sa kaayuhan sa katawhan. Salamat kaayu Papa Gov, ang katawhan sa Davao de Oro maningkamot nga magkahiusa ug magtinabangay sa pag uswag kauban ang bag ong administrasyon😊
PAPA GOV CHIONGKEE UY MOTABANG GIHAPON, MOSUPORTA SA GONZAGA ADMIN
Naka-move on na si Davao de Oro Senior Board Member 'Papa Gov' Arturo 'Chiongke' Uy gikan sa iyang kapildehan sa bag-ohay lang natapos nga piniliay ug iyang gihangyo ang tanang supporters ug mga opisyales sa lalawigan sa Davao de Oro nga maghiusa sa pagsuporta sa bag-ong administrasyon.
Matod ni Uy nga magpokus una siya sa iyang negosyo ug pamilya, pero andam gihapon nga motabang 'in my own little way' ngadto sa mga Dabawenyos sa Davao de Oro.
Gani, gipalanog usab niya sa iyang mga supporters ug alyadong mga opisyales nga suportahan ang administrasyon ni Governor-elect Dorothy 'DotDot' Gonzaga.
"Nag-level off na mi sa kadtong napilde nga mayors, mao gihapon ang among mando, suportahan ang bag-ong administrasyon," sulti ni Uy, dihang nahinabi sa DXDN Lunes sa buntag.
Gipadangat usab niya ang iyang mainitong pagpasalamat sa mga katawhan nga nagsuporta kaniya sa Davao de Oro.
"Sa Davao de Oro daghan gyud kaayong salamat sa atong supporters sa akong pamilya since 2004 up to the present, up to the last election. Ato gyud na'ng gi-treasure and naningkamot man gyud mi na mahimong progresibo ang atong probinsya but ana man gyud na'ng eleksyon. Naay nipresenta og mas maayong plataporma then atong suportahan pod."
Hangyo lamang ni Papa Gov nga maghiusa ang katawhan--supporters niya ug ang supporters sa bag-ong administrasyon, aron mahimong mas progresibo pa ang probinsya.
"Unta iundang na ang pangdaot kay syempre kung modaog ka na man gud, you should unite the people. Dili pwede nga hangtod sa hangtod i-divide nimo ang katawhan. Not healthy sa imong administrasyon kung magpabilin nga divisive ang isa ka lugar. Dili gyud na maayo as per experience nako nga naa ko diha since 2004 as provincial board member ko. We just just hope nga mas molungtad, mas progresibo ang atong probinsya."
"Naa ra ko diha's daplin anytime kung kinahanglan akong tabang without any political motive kay daan na man kung nagsulti nga mo-retire na gyud ko. I'm still very much willing to help in my own little way. Daghan kaayong salamat sa tanan..." panapos nga mensahe ni Uy.
