30/11/2025
🌿 HYDROPONICS TRAINING PARA SA ATONG MGA KABABAYEN-AN! 🌿
Ang tibook Barangay Council sa Ilang na gipangunahan ni Acting Punong Barangay Walter R. Hugo, nagpaabot sa among dakong kalipay ug pagpasalamat sa tanang kababayen-an nga mitambong sa maong Hydroponics Training atong November 29, 2025!
Bisan pa nga lisod usahay ang pagkat-on og bag-ong pamaagi sa pagtanom ilabi na nga walay gamit nga yuta, inyong gipakita ang tinuod nga kadasig, gugma sa kahibalo, ug kusog nga molambo para sa inyong pamilya ug komunidad. 🌱✨
Ang natun-an ug gihisgutan ang:
✔ Unsa ang hydroponics ug ngano kini praktikal bisag gamay ang lugar
✔ Pag-andam sa nutrient solution
✔ Pag-andam sa seedlings ug pagbalhin sa tanom
✔ Mga paagi aron mas mudaghan ug mas mohimsog ang ani
✔ Mga oportunidad panginabuhi nga pwede sa kababayen-an🌿
Mas nindot pa gyud kay nag conduct og demo atong speakers kung unsa ang mga angay andamon og pagkabuhaton. Sa umaabot nga panahon, atong makita ang pagtubo sa atong mga tanom, pero karon pa lang, klaro na nga mas mutubo ang kahibalo ug kumpiyansa nga inyong nakuha gikan sa training.
Kini nga aktibidad dili lang bahin sa pagtanom, kundili bahin usab sa paghatag og higayon sa kababayen-an nga makakat-on, makasugod og gamay nga negosyo, ug mahimong inspirasyon sa uban. 💪💚
Daghang salamat sa Barangay Ilang Women's Federation sa inyong aktibong partisipasyon ilabi na sa mga opisyales na nagpaluyo na mahitabo kining maong training! Padayon ta sa maalamon nga pagtanom, pag-atiman sa kinaiyahan, ug pagtanom og kauswagan para sa atong komunidad. 🌱🌿
Magkahiusa ta sa pagtubo ug paglambo!
