05/04/2022
Ang Paquibato Cacao nakadaog sa Salon du Chocolat in Paris, France niadtong 2019. This is undisputed. Buot pasabot, di na gyod mabag-o ang kamatuoran nga ang kalidad sa Paquibato Cacao kay supremely world-class.
Kini dako kaayo nga oportunidad alang sa atoang mga cacao farmers sa Paquibato. Apan ngano man gyod nga ang buying sa wet beans ug dry beans hastang mubua? Ngano man gyod nga hantod karon, wala pa gyod ekonomikanhong nakalampos ang kasagarang farmers nato? Dungag pa anang sagubangon kay ang taas nga international demand sa Paquibato Cacao versus low volume.
Aron masulbad ni, tistingan natog adapt ang new and improved technology sa Cacao. Basin tungod niini mudaghan na ang harvest, mas mudako ang liso, mas mudako pod ang income sa atuang farmers bisan pa wet or dry beans ang ibaligya.
Uban ang mga cacao experts sa atong pinalanggang siyudad, akoang paningkamutan ning programaha nga maghatag og series of training alang sa atong mga cacao farmers. Tudluan ang mga karaan ug ang mga bag-o unsa ang saktong pagseedling, pagtanom, pagpul-ong, pag-abuno, pagmentenar, pagharvest, pagferment, pagdrying, ug pagbaligya.
Basin tungod niini makalampos na gyod ang atong mga farmers sa kalisod unya mapasa nila ilang kaalam sa sunod nga henerasyon aron padayong mailhan ang Paquibato Cacao as one of the top three best in the world.
