Municipality of Mabini Davao de Oro

21/08/2026

Linggo ng Kabataan Provincial Competition

Mainitong gidawat sa Local Government Unit sa Mabini, ubos sa lig-on nga liderato ni Mayor Emerson Luego, ang malampusong pagpahigayon sa Linggo ng Kabataan Provincial Competition, pinaagi nila Local Youth Development Officer Ms. Hannah Lou G. Balladares ug Sangguniang Kabataan Municipal Federation President Hon. Erick Bill M. Ledesma, uban sa mga aktibong Sangguniang Kabataan (SK) Officials.

Ang maong kalihokan nahimong mahinungdanong higayon aron mapalambo ang talento, abilidad, pagsalig sa kaugalingon, ug panaghiusa sa kabatan-onan sa tibuok probinsya sa Davao de Oro. Gitambongan kini sa mga kabatan-onan gikan sa onse (11) ka munisipalidad sa probinsya, nga mipakita sa ilang mga talento ug kaalam sa nagkalain-laing kompetisyon.

Lakip sa mga kompetisyon nga gipahigayon mao ang Singing Duet Competition, diin gipakita sa mga partisipante ang ilang talento sa pagkanta ug ilang abilidad sa pagtinabangay; MTV Spoof Competition, nga naghatag og higayon sa mga kabatan-onan sa pagpakita sa ilang pagkamamugnaon ug kahanas sa pagpasundayag; Quiz Bowl Competition, diin nasulayan ang ilang kahibalo, katulin sa panghunahuna, ug abilidad sa paghatag og hustong tubag; ug ang Dance en Quatro Competition, nga nagpakita sa ilang kahanas sa pagsayaw, koordinasyon, disiplina, ug teamwork.

Labaw pa sa kompetisyon, ang kalihokan nahimong usa ka plataporma alang sa mga kabatan-onan aron magkahiusa, makig-amigo sa ilang isigka-kabatan-onan gikan sa nagkalain-laing munisipalidad, ug makakat-on gikan sa usag usa. Gipakita usab niini nga ang kabatan-onan sa Davao de Oro adunay daghang talento, potensyal, ug abilidad nga angay suportahan ug hatagan og higayon nga molambo.

Ang kalampusan sa maong kalihokan usa ka pagpamatuod nga kung ang kabatan-onan suportahan, hatagan og higayon, ug saligan, sila mahimong kusgan nga pwersa sa positibong kausaban ug kalamboan sa komunidad.

20/08/2026

HEADS UP MABINIANS‼️

Sa gusto mag request ug SecPa or PSA copy sa birth, marriage, death and cenomar/ advisory of marriage pwede pa magrequest karon.

Cut off: August 28, 2026
Date of Release: September 7, 2026

Birth Cert., Marriage Cert. & Death Certificate with service fee = Php 305.00

Cenomar & Advisory of Marriage with Service fee = Php 360.00

Duol lang sa Office of the Municipal Civil Registrar, Atrium-Municipal Hall Building ug pangitaa lang si Olga Morilla.

Send a message to learn more

17/08/2026

13/08/2026

PUBLIC SERVICE!

Pahibalo:
Basin adunay naka kita og Black wallet gikan sa Tagum City paingon sa Mabini, Davao de Oro nga adunay sulod nga National ID, BPI ATM Card, Pag-ibig Loyalty Card Plus, Landbank ATM Card, LGU ID ug Receipt sa motor.

Mamahimong i-uli lang sa ICT Room, Ground floor, Municipal Hall, Mabini Davao de Oro or tawag lang kay Abdul Jares Kiram sa 0994 788 5409.

Daghang Salamat.

08/08/2026

08/08/2026

JS Gaisano Mabini Groundbreaking Ceremony

Gipahigayon karong Agosto 8, 2026, ganehang alas 8:00 sa buntag, ang Groundbreaking Ceremony sa JS Gaisano Mabini sa Cuambog, Mabini, Davao de Oro.

Ang pagtukod sa JS Gaisano Mabini usa ka maayong balita alang sa atong komunidad. Maghatag kini og dugang nga kasayon sa mga residente sa pagpangita ug pagpalit sa ilang mga panginahanglanon sa adlaw-adlaw.

Dugang pa niini, gilauman nga maghatag usab kini og bag-ong oportunidad sa trabaho ug panginabuhian, ug makatampo sa padayon nga pagpalambo sa lokal nga ekonomiya.

Usa na usab kini ka timailhan nga padayon ang pag-uswag sa Mabini.

07/08/2026

7-Eleven Store sa Barangay Pindasan, Mabini, Davao de Oro, abli na!

Bag-o lang nag-abli ang 7-Eleven Store sa Barangay Pindasan, Mabini, Davao de Oro, nga naghatag og dugang nga serbisyo ug kasayon sa mga residente sa barangay ug sa mga kasikbit nga lugar.

Ang pag-abli sa maong tindahan usa ka maayong oportunidad alang sa komunidad tungod kay mas dali na alang sa mga residente ang pagpalit sa ilang mga panginahanglanon sama sa pagkaon, ilimnon, snacks, ug uban pang mga produkto nga ilang gikinahanglan sa adlaw-adlaw.

Ang presensya sa 7-Eleven sa Barangay Pindasan makatabang usab sa paghatag og dugang nga oportunidad sa trabaho ug mahimong makatampo sa pagpalambo sa lokal nga ekonomiya. Dugang pa niini, mahimo kining mahimong accessible nga lugar alang sa mga lumulupyo ug mga biyahero nga nanginahanglan og pagkaon ug uban pang basic nga panginahanglanon.

📸 Mayor Emerson Luego

05/08/2026

AUGUST 5, 2026

PRE-PROCUREMENT CONFERENCE

CONFERENCE ROOM, 2ND FLOOR, MUNICIPAL HALL, MABINI, DAVAO DE ORO.

05/08/2026