13/04/2026
๐ ๐๐ข๐ก๐๐ฅ๐๐ง๐จ๐๐๐ง๐๐ข๐ก๐ฆ, ๐๐๐ก๐๐ข ๐๐๐ง๐ฌ! ๐๐ฃ๐ฃ๐ฅ๐ข๐ฉ๐๐ ๐๐๐จ๐ฃ ๐ฎ๐ฌ๐ฎ๐ฏโ๐ฎ๐ฌ๐ฏ๐ฎ ๐ข๐๐๐๐๐๐๐๐๐ฌ ๐ฃ๐ฅ๐๐ฆ๐๐ก๐ง๐๐ ๐๐ง๐จ๐๐๐ก๐๐๐ก ๐ฆ๐ ๐ญ๐ณ๐ง๐ ๐ฆ๐๐ก๐๐๐จ๐ก๐๐๐ก๐ ๐ฃ๐๐ก๐๐๐๐๐ช๐๐๐๐ก ๐ข๐ ๐๐๐๐จ
Ang City Government of Danao mitambong sa regular nga sesyon sa 17th Sangguniang Panlalawigan sa Cebu karong adlawa (Abril 13, 2026) sa Cebu Provincial Capitol Session Hall, aron ipahibalo sa mahinungdanonโg unod sa Comprehensive Land Use Plan (CLUP) 2023โ2032 ug ang Revised Comprehensive Zoning Ordinance, subay sa SP Resolution No. 1084-2026.
Mipresentar alang sa dakbayan si City Vice Mayor Ivy Duranoโ kauban ang mga lokal nga mambabalaod City Councilors Glee Delicano, Roland Perez, Pangging Arias, Calvin Tuadles, Adano Roble, Jojo Roble ug si City Planning and Development Office OIC Ramon Gorre Jr., nga naglatid sa updated planning framework sa Danao nga nakatutok sa sustainable development, orderly growth, ug long-term spatial direction sa Danao.
Masayran nga ang CLUP ug Zoning Ordinance napasa na sa lebel sa dakbayan subay sa kasamtanganโg mga balaod ug polisiya, ug miagi na usab sa review sa Cebu Provincial Government. Ang maoโng presentasyon kabahin sa final nga mga lakang sa approval ug endorsement process, aron masiguro ang hingpit nga pag-align sa provincial standards ug development priorities.
Mahinumdoman nga gihimo na ang deliberation ug committee hearing mahitungod ani sa wala pa kini giaproba.
Sa mensahe ni Mayor Nito Duranoโ nga gipresentar ni Vice Mayor Ivyโ gipasiugda nga ang CLUP ug zoning ordinance maoy giya sa dakbayan sa pagplano sa kalamboan ug kahapsay sa komunidad, uban sa tumong nga mapataas ang lebel sa ekonomiya, makadani og dugang investments, makamugna og trabaho, increase food security, ug mapalapad ang social services nga dili makompromiso ang kinaiyahan.
Gihimug-atan sab niya nga kiniโng CLUP maoy halad sab sa Danao alang sa kinatibuk-an nga kalamboan sa Probinsya sa Sugbo. Kini makatabang sab aron makaginhawa sab ang tri-cities (Cebu City, Mandaue -City, Lapu-Lapu City) ug makahatag og ekonomikhan-onโg oportunidad sa mga lugar sa mid-North Cebuโ alang sa pagtukod og safe, secured, ug malungtaronโg kaugmaon.
Matud ni CPDO OIC Gorre nga ang maonโng CLUP usa ka hinungdanonโg instrumento aron maprotektahan ang kinaiyahan ug kaluwasan sa komunidad, ilabi na human sa kasinatian sa Bagyong Tino. Pinaagi niini, adunay klaro nga giya ug lig-on nga regulasyon sa paggamit sa yuta aron malikayan ang pagtukod og kabalayan sa mga delikadoโng lugar.
Gipasabot niya nga ang nahitabo sa Bagyong Tinoโ diin adunay mga kabalayan nga nabanlas tungod kay nahimutang sa daplin sa sapaโnagpamatood nga dili angay puy-an ang maoโng mga lugar tungod sa dakong risgo.
Busa, pinaagi sa CLUP, masiguro nga ang kalamboan sa dakbayan planado, luwas, ug responsableโng nakaangay sa kinaiyahan, aron malikayan ang susamaโng insidente sa umaabot ug maprotektahan ang kinabuhi ug kabtangan sa mga Danawanon.
Kini nga kalamboan nagpakita sa padayon nga paningkamot sa Danao City, ubos sa Lideratoโng Durano, sa strategic urban planning, responsable nga paggamit sa yuta, ug inclusive development, aron masiguro nga ang kalamboan makatubag sa panginahanglan karon ug sa umaabot nga henerasyon.
