26/09/2025
TINGNAN: Pag-iikot at monitoring kasama ang mga miyembro ng PDRRMO sinimulan ngayong araw, Setyembre 26
Nagsagawa ng pag-iikot at monitoring ngayong araw ang mga miyembro ng 2CMO Company, 2CMOBn, CMO Regiment, Philippine Army / Task Force Ugnay, katuwang ang Provincial Disaster Risk Reduction and Management Office (PDRRMO), sa iba't ibang evacuation centers at karatig na lugar sa lalawigan ng Cavite.
Layon ng aktibidad na ito na masuri ang kalagayan ng mga apektadong lugar at matiyak ang kaligtasan ng mga mamamayan, lalo na sa mga lugar na madalas bahain at nakakaranas ng pag-apaw ng tubig.
Ang nasabing hakbang ay tugon sa epekto ng Tropical Storm “Opong,” upang matugunan ang pangangailangan ng mga apektadong pamilya at mabigyang-priyoridad ang kanilang kaligtasan.
Nanawagan ang inyong kasundaluhan sa publiko na maging maingat at patuloy na sumunod sa mga alituntunin ng PDRRMO para sa kaligtasan ng lahat.
"BAGWIS"Company,2CMOBattalion
