The Kutawato Times

14/07/2024

Teduray leaders, suportado ang Bapa Party ng MNLF.

Nagpulong kamakalawa ang mga kilalang leaders ng mga etnikong Teduray, na kabilang sa indigenous non-Moro communities sa Mindanao, at ang presidente ng Bangsamoro Party (BAPA Party) ng Moro National Liberation Front na si Bangsamoro Labor and Employment Minister Muslimin Sema at nagkaisang silang magtulungan sa pagsulong ng peace initiatives ng pamahalaan at mga Moro, non-Moro at indigenous people sa Mindanao.

Ang BAPA Party ng MNLF, pinamumunuan ni Minister Sema, ay rehistrado na sa Commission on Elections at nakatakda ng lalahok sa kaunaunahang parliamentary elections sa Bangsamoro Autonomous Region in Muslim Mindanao sa susunod na taon.

Tatlong Teduray leaders, sina Rex Pablo, Romino Ariston at Orly Benito ang nangako ng suporta sa BAPA Party sa kanilang dayalogo kamakalawa kay MNLF Chairman Sema.

Ang BAPA Party ay popular sa regulasyon nito na mahigpit na nagbabawal sa mga kasapi nito at mga ka-alyado ng pakikipag-away, o bangayan sa mga taga ibang partido batay sa layuning nitong mapalago pa ang tinatawag na cultural at religious solidarity ng mga residente sa BARMM at upang mapangalagaan ang mga dividend, o magagandang resulta ng Mindanao peace process.

Sa tala ng mga local officials, Moro at Teduray tribal leaders at mga pinuno ng MNLF sa anim na probinsya at tatlong lungsod sa BARMM, mahigit 200,000 na ang mga kasapi at suporters ng BAPA Party na pinagbabawalan ng partido na gamitin ang Facebook, mga radio stations at mga peryodiko sa pagtuligsa sa ibang mga regional parties na lalahok din sa Bangsamoro parliamentary elections sa 2025. (July 14, 2024)

14/07/2024

Gov. Mendoza suportado mga LGUs ng 8 bagong BARMM municipalities sa kanyang probinsya

Bagamat hindi na sakop ng kanyang administrasyon, susuportahan ni Cotabato Gov. Emmylou Taliño Mendoza ang mga peace and development programs ng mga bagong talagang mayors, vice mayors at mga municipal councilors ng walong bagong tatag na Bangsamoro municipalities sa kanyang probinsya.

Ito ang pahayag ni Gov. Mendoza nitong Linggo, kasunod ng panunumpa sa katungkulan ng mga bagong talagang municipal officials ng Pahamudin, Kadayangan, Nabalawag, Old Kaabacan, Kapalawan, Malidegao, Tugunan at Ligawasan, sa harap ni Bangsamoro Chief Minister Ahod Balawag Ebrahim nitong Sabado, July 13, 2024, sa Bangsamoro Capitol sa Cotabato City.

Sakop ng naturang walong mga bayan na nasa loob ng Cotabato province ang 63 na mga barangay na naging parte ng teritoryo ng Bangsamoro Autonomous Region in Muslim Mindanao batay sa pag-pabor sa naturang panukala ng mga residente sa pamamagitan ng plebisito noong February 2019 kaugnay ng kasunduang pangkapayapaan ng Moro Islamic Liberation Front at ng Malacañang.

Kilala si Gov. Mendoza, chairperson ng Regional Development Council 12, sa kanyang extensibong pagsuporta sa peace process ng pamahalaan at ng M**F at ng Moro National Liberation Front na may mga kampo sa mga bayan na sakop niya.

Ayon kay Mendoza, mananatiling bukas ang kanyang tanggapan sa Cotabato provincial capitol sa Kidapawan City sa mga residente at mga bagong talagang mga opisyales ng walong Bangsamoro municipalities sa probinsya kung sila ay may mga pangangailang serbisyo publiko na kayang tugunan ng kanyang administrasyon. (July 14, 2024)

12/07/2024

Isa patay, dalawa sugatan sa aksidente sa Davao de Oro

Patay ang sakay ng isang pick-up truck na bumangga sa kasulubong na delivery van sa isang bahagi ng highway sa Barangay Tuboran sa bayan ng Mawab, Davao de Oro kamakalawa.

Kinumpirma ng Mawab Municipal Police Station na nasawi sa naturang aksidente ang isang pasahero ng pick-up truck habang nagtamo naman ng mga sugat at pasa sa katawan ang driver nito at ang driver ng delivery van na nasangkot sa aksidente.

Nawalan diumano ng control ang driver ng isa sa dalawang sasakyan dahil sa naging madulas ang highway sanhi ng malakas na ulan sa kapaligiran. (July 12, 2024)

11/07/2024

Mahigit 10K residente ng BARMM sapol ng baha .

Hindi bababa sa 10,000 na mga residente ng apat na magkakalapit na mga bayan sa Maguindanao del Norte at Lanao del Sur ang apektado ng flashfloods nitong gabi ng Martes, kasunod ng malakas na ulan sa kapaligaran.

Sa ulat nitong Huwebes ni Brig. Gen. Prexy Tanggawohn, director ng Police Regional Office-Bangsamoro Autonomous Region, tumutulong ang kanilang mga units sa paghanap sa mga batang magkapatid na sina Sheila at Ela Abdulah na tinangay ng rumaragasang baha matapos mawasak nito ang kanilang tahanan sa Barangay Molimok sa Balabagan, Lanao del Sur.

Nagpaabot na ng inisyal na ayudang limang toneladang pagkain sa mga binahang mga residente ng Matanog, Maguindanao del Norte at ng Balabagan, Kapatagan at Malabang sa Lanao del Sur ang mga kawani ng Bangsamoro social welfare ministry, pinamumunuan ni Minister Raissa Jadjurie, nitong Miyerkules.

Unang umulan ng malakas at paulit sa mga kabundukan sa kapaligiran ng apat na mga bayan ilang oras bago sinalanta ang mga ito baha na sumira ng mahigit 400 nga mga bahay na gawa sa semi-permanent materials.

Pinasalamatan nitong Huwebes ni Jadjurie at Tanggawohn ang mga opisyal at mga tropa ng 1st Marine Brigade ng Philippine Navy at mga kawani ng Office of Civil Defense Bangsamoro Autonomous Region in Muslim Mindanao sa pag-alalay sa relief operations ng Ministry of Social Services and Development. (July 11, 2024)

11/07/2024

2 kids missing, houses damaged by floods in BARMM towns

COTABATO CITY --- Two children were reportedly swept away by a rampaging flood that hit more than a dozen predominantly Moro villages in Matanog, Maguindanao del Norte and in Balabagan and kapatagan in Lanao del Sur on Tuesday night following torrential rains in mountain ranges around several hours before.

Brig. Gen. Prexy Tanggawohn, director of the Police Regional Office-Bangsamoro Autonomous Region, told reporters on Wednesday morning that municipal police forces have joined local government responders in their search for the siblings Sheila and Ela Abdullah, whose house in Barangay Molimok in Balabagan was reportedly destroyed by rampaging floodwaters.

More than a hundred houses made of semi-permanent materials in the adjoining Balabagan and Matanog towns were reportedly damaged by the floods, spawned by recurring heavy downpours that started early Tuesday.

Local executives dispatched on Wednesday the personnel of their Municipal Disaster Risk Reduction and Management Office to assess the damages to property and crops that the floods had caused and to extend initial relief support for the flood-stricken villagers.

Units of the Philippine Navy’s 1st Marine Brigade in the two towns had also been mobilized to support the rescue and relief missions of the Balabagan and Matanog local government units, the provincial governments of Lanao del Sur and Maguindanao del Norte and the Ministry of Social Services and Development-Bangsamoro Autonomous Region in Muslim Mindanao.

Relief teams led by Maguindanao Gov. Abdulrauf Macacua and Bangsamoro Social Services Minister Raissa Jajurie had initially distributed food rations to hundreds of displaced families.

Photo show policemen and villagers struggle to remove a light truck that got stuck in the middle of a highway in Balabagan amid Tuesday night’s flash floods that left the thoroughfare covered with thick mud. (JULY 10, 2024)

11/07/2024

11/07/2024

Mga kawani ng isang BARMM agency, nadamay sa ambush.

Limang bala ang tumama sa isang service van ng Bangsamoro Board of Investment (BBOI) na naipit sa naganap na pag-ambush sa isang barangay chairman sa Barangay Linek sa Datu Odin Sinsuat, Maguindanao del Norte nitong Miyerkules, July 10, 2024.

Sa inisyal na ulat ng mga lokal na kinauukulan, si Dodie Sinsuat, chairman ng Barangak Badak sa Datu Odin Sinsuat ang target ng pananambang at nataon lang na padaan din ang sasakyan ng BBOI na may sakay na walong empleyado na magsasagawa sana ng inspection ng mga malalaking mga negosyo na umusbong sa mga beachfront areas sa ilang barangay sa naturang bayan nitong nakalipas na mga taon.

Nakaligtas si Chairman Sinsuat sa naturang ambush na kagagawan diumano ng kanyang mga nakagalit kaugnay ng kanilang mga law-enforcement activities katuwang ang pulisya at ang military.

Limang butas at na-flat pa ang kaliwang unahang gulong ng van ng BBOI sanhi ng tama ng mga bala.

Nagpasalamat nitong Huwebes, July 11, 2024, si BBOI Chairman Mohammad Omar Pasigan sa local government unit ng Datu Odin Sinsuat at sa mga kasapi ng Datu Odin Sinsuat Municipal Police Station sa agarang pagbigay ng proteksyon sa walong mga kawani ng kanilang ahensya at pagmanman sa kanilang na-damage na sasakyan hanggang sa maiuwi ito sa Cotabato City na siyang kabisera ng Bangsamoro region. (July 11, 2024)

11/07/2024

SAF commando na nasawi sa engkwentro sa mga tulisan, bibigyan ng parangal.

Bibigyan ng kaukulang parangal at ayuda para sa kanyang pamilya ng pamumunuan ng Police Regional Office-12 at ng national headquarters ng Philippine National Police ang isang miyembro ng Special Action Force na nasawi sa engkwentro sa mga tulisan sa Barangay New Panay sa Aleosan sa probinsya ng Cotabato sa Region 12.

Ang nasawing SAF commando, si Police Corporal Jed Michael Gregorio, ay kasama sa magkasanib na mga operatiba ng SAF unit na nasa operational control ng PRO-12, mga operatiba ng Aleosan Municipal Police Station at ng Cotabato Provincial Police Office na naatasang mag-search ng mga baril at shabu sa hideout ng tulisan na si Macabuat Salik sa Purok 7 sa Barangay New Panay.

Nauwi sa engkwentro ang naturang dapat sana ay mapayapang search operation batay sa isang warrant na mula sa isang korte ng pumalag ang bandidong si Macabuat at apat na mga kasama. Silang lima ay napatay ng mga pulis sa naturang engkwentro.

Tatlong mga SAF commandos ang sugatan sa insidente, ginagamot na sa isang hospital.

Nasamsam ng mga pulis ang mga assault rifles ng mga napatay na mga tulisan, mga pampasabog at shabu.

Ayon sa mga opisyal ng Cotabato provincial police force at kay Brig. Gen. Placer, inaalam na ng mga police intelligence agents ang ulat ng mga residente ng Aleosan na konektado ang napatay na si Macabuat sa mga grupong Dawlah Islamiya at Bangsamoro Islamic Freedom Fighters. (JULY 11, 2024)

07/03/2024

In celebration of Women's Month, let us honor the countless contributions, achievements, and resilience of women around the world. This is a time to recognize and amplify the voices of women, both past and present, who have paved the way for progress and equality in every facet of society.

Let's continue to advocate for gender equality, support one another, and strive towards a future where every woman has the opportunity to thrive and succeed. Together, let's make every month Women's Month by championing empowerment, inclusivity, and respect for all.

MAPIYA KA GAID, BAI!

03/03/2024

March 03, 2024 | Pumanaw na sa edad na 59 ang beteranang aktres na si Jaclyn Jose.