Milliard S. Villanueva

Milliard S. Villanueva Contact information, map and directions, contact form, opening hours, services, ratings, photos, videos and announcements from Milliard S. Villanueva, Government Official, Poblacion, Concepcion Iloilo, Concepcion.

Maayong aga mga kasimanwa.Subong nga adlaw kamo gina imbitar nga magtambong kag magpamati sang State of the Municipality...
14/10/2022

Maayong aga mga kasimanwa.

Subong nga adlaw kamo gina imbitar nga magtambong kag magpamati sang State of the Municipality Address ukon SOMA sa aton subong nga termino (CY 2022-2025).

Ini paga hiwaton sa Concepcion Municipal Plaza alas Tres sa hapon (3:00PM).

Ini ang una nga SOMA sa sini nga termino bilang inyo Mayor kag Suluguon,
Milliard S. Villianueva.

On behalf sa LGU Concepcion, nagapasalamat gid kami sa inyo pag suporta sa mga programa kag proyekto sang aton gobyerno.

God Bless Us.
God Bless Concepcion.

WORLD TEACHER'S DAYBag'o matapos ang adlaw nga ini, luyag ko gid tamyawon ang tanan nga mga manunudlo nga nagapadayon ha...
05/10/2022

WORLD TEACHER'S DAY

Bag'o matapos ang adlaw nga ini, luyag ko gid tamyawon ang tanan nga mga manunudlo nga nagapadayon hatag sang may pagpalangga kag mabakod nga inspirasyon kag serbisyo sa ngalan sang maayo kag nagakaangay nga edukasyon sa mga kabataan.

Kabay pa nga nangin malipayon gid ang inyo adlaw subong nga Adlaw sang mga Manunudlo!

Ang akon suporta kag pagpangamuyo sa inyo wala gid sing katapusan.

Madamo gid nga salamat sa inyo pagpalangga kag serbisyo! Para sa ikaayo sang aton banwa, kag sang aton nasyon!

God bless us.
God bless Concepcion!

Aga pa kita subong nga adlaw, Agosto 9, 2022, nag-responde sa Cokaliong nga barko nga nakabunggo alas onse kagab-e, Agos...
09/08/2022

Aga pa kita subong nga adlaw, Agosto 9, 2022, nag-responde sa Cokaliong nga barko nga nakabunggo alas onse kagab-e, Agosto 8, sa Sitio Miape, Barangay Igbon, Concepcion.

Suno sa aton Municipal Disaster Risk Reduction Management Officer (MDRRMO) Engr. Jhon Rey Asturias, stable na ang barko, may lusbot man ini bangod sa impact sang pagkabunggo pero na-welding na ini kag nasementuhan subong.

Wala sang casualty sa 268 tanan ka mga sakay sang barko, kag amo gid ini ang ginapasalamatan naton sa mahal nga Diyos.

Madamo gid nga salamat sa pag responde sang aton MDRRMO responders, kag Philippine Coast Guard (PCG) Substation Concepcion. Akon man gina pasalamatan ang pagkari kag pagbulig sang Bureau of Customs, kag PCG Substation sang banwa sang Estancia.

Alas dos karun sa hapon, magaabot ang isa pagid ka barko sang Cokaliong para magsugat sa mga nastranded nga nga pasahero pakadto sa Cebu.

Salamat sa inyo nga bulig para sa kaayuhan sang indi lang sang aton mga kasimanwa, kundi sa kaayuhan sang tanan.

God bless us.
God bless Concepcion!

Mga kasimanwa, buligi ninyo ako sa pag-abiabi sa bag-o nga Chief of Police sang banwa sang Concepcion, Police Major SAMU...
13/07/2022

Mga kasimanwa, buligi ninyo ako sa pag-abiabi sa bag-o nga Chief of Police sang banwa sang Concepcion, Police Major SAMUEL VIGO VIPINOSA.

Si PMaj. Vipinosa ang isa ka tumandok sang Barotac Nuevo. Siya ang nag-abot sa aton Munisipalidad kahapon, Hulyo 13, kag gilayon nga nag-courtesy call sa aton opisina. Kaupod nanday Vice Mayor Jovelyn Estrada, SB Members John Arcosa kag Carlito Carrera, aton siya gintagaan sang mainit nga pag-abiabi kag ginpasalig nga aton gid sya paga-sakdagon sa tanan niya nga plano kag pagahimuon basta para sa ikaayo, kaluwasan, kalinong kag kahim-ong sang tagsa ka mga pumuluyo sa bilog nga banwa sang Concepcion.

Welcome to Concepcion, Sir Vipinosa!

God bless us.
God bless Concepcion!

Sang Martes, Hulyo 5, 2022, nagtambong kita sa pinaka-una nga face to face Recognition Program (aga) kag Graduation Rite...
08/07/2022

Sang Martes, Hulyo 5, 2022, nagtambong kita sa pinaka-una nga face to face Recognition Program (aga) kag Graduation Rites (hapon) sang Northern Iloilo State University (NISU) Concepcion Campus matapos ang pandemya.

Akon gid ginagaan importansya ang edukasyon sang aton pinalangga nga mga pamatan-on rason nga sa ginhatag ko nga Congratulatory Message, ginpahanumdum naton sila nga despite the challenges and hardships we are going through, we should keep moving forward, bangod may kadalag-an gid sa ulihi sa tawo nga nagatinguha.

To the NISU Faculty and Staff, congratulations for the very successful Recognition Program and Graduation Ceremony. My warm and heartfelt thanks and appreciation for your efforts and hard work. Indeed, there is strength in unity!

To the graduates, completers, awardees and to the proud parents, congratulations! My hope and prayers to all of you!

Ang Diyos magpakamaayo gid sa aton tanan!

God Bless Us.
God Bless Concepcion.

Sa tanan nga nag tamyaw sa akon kaadlawan ,salamat guid sa inyo tanan. Indi ko man kamo ma isa isa pero nagapasalamat gi...
08/05/2022

Sa tanan nga nag tamyaw sa akon kaadlawan ,salamat guid sa inyo tanan.

Indi ko man kamo ma isa isa pero nagapasalamat gid ako kag ang amon pamilya kag partido sa inyo pag dumdum kag pag pahayag sang suporta.

God Bless Us.
God Bless Concepcion.

Sin-o si Milliard S. Villanueva?Sya naging SB member sang Concepcion halin sang 2004 asta 2007. Kag naging Mayor sang sy...
07/05/2022

Sin-o si Milliard S. Villanueva?

Sya naging SB member sang Concepcion halin sang 2004 asta 2007.
Kag naging Mayor sang syam ka tuig, ini tatlo ka termino halin sang 2010 tubtub 2019

Madamo sya sang mga pagtilaw nga naagyan bilang mayor, isa sa mga ini ang 2013 Super Typhoon Yolanda,
kung sa diin nahalitan gd ang imprastraktura sa kag pangabuhi-an sang tanan nga Concepcionanon.

Madasig ang pagbangon sang banwa, tanda sang maayo kag epektibo nga liderato kag kooperasyon sang tanan nga sektor sa idalom sang iya pamunuan bilang mayor, nahatagan sang madamo nga pagkilala ang banwa sang Concepcion sang mga masunod nga mga padungog:

SEAL OF GOOD HOUSEKEEPING (duwa ka beses)

SEAL OF GOOD LOCAL GOVERNANCE (duwa ka beses)

SEAL OF GOOD EDUCATION GOVERNANCE (duwa ka beses)

EXCELLENCE AWARD ON HEALTH BY ZUILIG FAMILY FOUNDATION (duwa ka beses)

Ini pagkilala sa TAMPAD, EPEKTIBO kag MAAYO nga pamalakad sang isa ka lokal nga gobyerno

Pero diin sya halin?

Sya natawo sang Mayo 8, 1953
Sa banwa sang Concepcion

Ika duha nga anak ni Candido V. Villanueva Sr. Kag Estrella T. Sonza

May ara sya 4 ka utod nga lalake
Kag duha ka utod nga babaye

Sya Nagtapos sang elementarya sa Concepcion Central School

Kg sa Central Philippine university naman sang iya high school kag nag kolehiyo kag siya nakatapos sa kurso nga Electrical Engineering.

Bilang isa ka aktibo nga estudyante,naging representante sya sang Student Government Organization for Engineering

Kag naging topnotcher sa ROTC theoretical Exam 3rd infantry brigade.

Tungod sang iya manami nga grado kag record bilang estudyante gilayon sya naka ubra sa
National Steel Corporation sa Iligan City (1975 - 1978) bilang INDUSTRIAL ENGINEER.

Sang June 7 1980, sya gng kasal kay Excel C. Manipula (Nene Excel)

Kag nabugayan sila tatlo ka kabataan

Si Milliard Allan Villanueva
isa ka Retired US Navy

Si Estelle Villanueva Acosta nga ara nagapangabuhi sa America

Kag Millex Villanueva isa ka negosyante.

Nag ubra sya sa NAPOCOR bilang isa ka Department Engineer sa Philippine Nuclear Power plant sa sulod sang 22 ka tuig 1978 - 2000.

Kag sang 1997 iya mn nakuha ang iya Masters in Business Management sa University of Manila

Si Milliard S. Villanueva isa ka

Registered Electrical Engineer
Nuclear Engineer
Former SB member
Former Mayor (3 Consecutive Terms)
kag Current Vice Mayor

Kag may yara man sya sang
Career Executive Service Eligibility ukon CESE

Ang CESE isa ka mataas nga kwalipikasyon sang isa ka indibidwal nga naga trabaho sa gobyerno, kun sa diin gina issue ini sang Career Executive Service Board (CESB) halin sa central office under sa Office of the President, Malacañang Palace.

Siya subong naga serbisyo bilang Vice mayor sang Concepcion
kag nagapapili liwat bilang mayor sang banwa para iya mapadayon ang pag bulig kag pag serbisyo sa mga mga Concepcionanon.

God Bless Us.
God Bless Concepcion.

07/05/2022

Kung kamo may concern ukon may gusto ipaabot nga mensahe, pwede nyo i message ang page nga ini.

God Bless us. God bless Concepcion

Kami bug-os nga naga pasalamat sa inyo gugma sa Team United Concepcion, aton kaupod si Congressman "BOBOY Tupas, Mam Bin...
07/05/2022

Kami bug-os nga naga pasalamat sa inyo gugma sa Team United Concepcion,
aton kaupod si Congressman "BOBOY Tupas, Mam Binky Tupas kag Sir Aris Tedoco.

Sa aton nga mga supporters nga naga experensya sang pamahog, pressure kag hostility
indi kita magkahadlok.

tungod nga ang mga leader nga may maayo kag puro nga intensyon amo gid ang hatagan sang pabor
sang aton Mahal nga Ginoo.

Salamat sa inyo pag palangga, suporta kag pag salig sa amon nga kawsa kag partido.

Blessings are on the head of the righteous,
but the mouth of the wicked conceals violence. -Proverbs 10:6

God Bless us.
God Bless Concepcion.

Address

Poblacion, Concepcion Iloilo
Concepcion
5013

Website

Alerts

Be the first to know and let us send you an email when Milliard S. Villanueva posts news and promotions. Your email address will not be used for any other purpose, and you can unsubscribe at any time.

Shortcuts

Share

Category