Anakpawis Ilocos

28/06/2022

AMMLU ALERT!
JUNE 28, 2022

Nitong huling nagdaang mga linggo, ngayon patapos na ang termino ng rehimeng Duterte at pasimula ang rehimeng Marcos Jr, tila naghahabol ng qouta ang NTF-ELCAC sa katauhan ng PNP at AFP.

Sunod sunod ang mga ulat ng red tagging at black propaganda, pagmamanman, pagbisita, at pagpapasuko sa mga miyembro at lider ng mga legal na pangmasang organisasyon dito sa rehiyon at maging sa probinsya ng La Union.

Sa mga miyembrong organisasyon ng AMMLU gaya ng Timek ken Namnama daguiti Babassit a Manggalap ti La Union (TIMEK) at Timpuyog daguiti Marigrigat nga Umili iti Naguilian (TIMUN), pinapalabas ng NTF-ELCAC na ito ay mga Communist Front Organizations, isang walang basehang paratang na hindi naman nila mapatunayan.

Sa mga report na natanggap mula sa komunidad, hinahanap ng kapulisan si Edward Kuan, lider ng TIMEK-La Union, sa di malamang dahilan o rason, gustong kumpirmahin ng kapulisan kung pupunta siya sa inagurasyon ni Marcos Jr. sa katapusan ng buwan. Naghahanap din daw sila ng itim na motor.

Nitong hunyo 4, batay sa isang report, sa pinagsamang pwersa ng La Union Provincial Intelligence Unit, Aringay MPS Regional Intelligence Unit 1, Regional Intelligence Division 1, at Technical Support Company ng Regional Force Battalion 1, may sumuko umano na "alias Ka Leonardo" sa PNP RO1 na miyembro umano ng Timek ti La Union o TIMUN.

Sa pinagsamasamang intelligence unit na nabanggit, hindi man lang nila nakuha ng tama kung anong organisasyon ang kinabilangan ni alias Leonardo, kung sa TIMEK ba o sa TIMUN.

Mariing kinukundena ng AMMLU ang desperadong mga aksyon ng NTF-ELCAC para isalba ang kanilang sarili at pagtakpan ang kanilang hungkag na programang kontra insurhensya.
Naglulustay lamang sila ng pondo na sana ay mailaan sa pag ahon sa kahirapang nararanasan ng mamamayan imbes na gamitin sa kanilang mga proyektong puro chismis at haka haka lang ang puhunan.

Patuloy na tumataas ang presyo ng mga pangunahing bilihin, walang tigil ang pag sirit ng presyo ng petrolyo, pinakamataas na ang inabot ng mga presyo ng abono at pestisidyo habang pinakamura na ang pagbili sa mga produkto ng magsasaka at mangingisda.
Kung sinsero ang pamahalaan na solusyunan ang problema ng sambayanan, walang rason na mag reklamo sa gobyerno ang mamamayan.



Kilusang Magbubukid ng Pilipinas - KMP
PAMALAKAYA-Pilipinas
Northern Dispatch
Karapatan

28/06/2022

07/06/2022

Kaisa ang TIMEK sa protesta na isinagawa ngayong araw, June 7, 2022, ng iba't ibang mga progresibong organisasyon, kasama ang Anakpawis Party-list na ibaba ang presyo ng petrolyo. Talagang tuluy-tuloy na napapa- ang mamamayang Pilipino.

Ang tuluy-tuloy na pagtaas ng presyo ng langis ay mas lalong nagsasadlak sa aming mga mangingisda sa matinding kahirapan. Kung sa dating presyo, minimum ng P300 ang nagagastos para sa 7-8 litro ng gasolina sa bawat pagpapalaot, ngayo'y umaabot na sa P600 ang kailangan para sa isang palautan.

Malaki ang epekto nito lalo at nabubuhay lamang ang mga mangingisda sa probinsya sa mas mababa pa sa P200 kada araw.

Marami na sa amin ang hindi na nakakayanang pumalaot dahil sa kakulangan o kawalan ng pantustos para sa gasolina.

Ikinagalit naming mga mangingisda ang pagpapanatili sa excise tax at value added tax sa langis na siyang nagpapamahal pa lalo sa presyo ng petrolyo. Sobra-sobra kung makapaningil ang pamahalaan ng buwis mula sa mamamayang naghihirap ngunit walang kimi sa paniningil ng buwis mula sa mga dambuhalang kumpanya na kumikita ng bilyun-bilyon.

Oil price hike, pahirap sa masa!
Excise tax at VAT sa langis, suspendihin!
Oil deregulation law, ibasura!






Basahin ang pahayag ng Anakpawis Partylist dito:
https://m.facebook.com/story.php?story_fbid=391311599701637&id=100064684003554&sfnsn=mo

06/06/2022

PAHAYAG NG AMMLU
Hinggil sa patuloy na pagtaas ng presyo ng farm and fishing inputs
June 6, 2022

Sa huling buwan ng administrasyong Duterte, pinakamatinding pasakit ang iiwan niya sa masang anakpawis. Kaliwa't kanan ang pagtaas ng presyo ng mga pangunahing bilihin, lalo na ang langis at abono.

Sa La Union, natutulak ang mga magsasaka na ipaupa na lamang sa iba ang kanilang mga taniman sapagkat kinakapos na sila sa puhunan, dulot ng paglobo ng presyo ng mga farm input. Umabot sa halos 300% ang itinaas ng presyo ng bawat kaban ng abono, mula sa dating P900-P1,100 patungong P3000-P3,200.

Samantala, nakaambang tumaas ang presyo ng diesel ng P6.60 kada litro at ang presyo ng gasolina ng 2.80 kada litro. Ang dating halos P40 per litro, ngayo'y naglalaro na sa P80 per litro.

Sa ganitong kalagayan, mas lalo pang nasasadlak sa hirap ang sektor ng magsasaka at mangingisda. Ngayon, lubhang mas mababa na sa P200 kada araw nabubuhay ang masang anakpawis ng La Union.

May hakbang man ang pamahalaan, kulang naman ang mga ito upang tugunan ang suliranin. Iilan lang ang naging benepisyaryo sa probinsya ng fertilizer subsidy program ng DA. Hindi rin sapat ang natanggap ng bawat benepisyaryo. Samantala, mayroon namang nakalaang P4 billion na fertilizer subsidy para sa mga magsasaka sa buong bansa [1].

Sa kabilang banda, kakaunting bilang lang ng mga mangingisda ng probinsya ang nabigyan ng fuel subsidy na ipinamahagi ng DA-RFO1 sa probinsya noong Mayo [2].

Nananatili ang panawagan ng Alyansa dagiti Mannalon ken Mangngalap ti La Union na ibaba ang presyo ng langis at abono. Ipamahagi na ang sapat na subsidyo sa abono at krudo para sa lahat ng magsasaka at mangingisda na apektado.

Ngunit, higit pa sa subsidyo, iginigiit ng AMMLU na itigil ang patakarang liberalisasyon sa abono at ibasura ang excise tax at value added tax sa krudo. Ito ang magititiyak sa pagiging abot-kaya ng presyo ng parehong produkto.

Sinusuportahan din ng AMMLU ang panawagan ng Anakpawis Party-list na maglunsad ng special session ang mga mambabatas upang tugunan ang mahal na petrolyo.

Hinahamon ng AMMLU ang mga bagong halal na lingkod-bayan ng La Union na pakinggan at tugunan ang hinaing ng kanyang mamamayan. May P1.8 bilyon na pondo mula sa RA 7171 at RA 8240 na maaaring pagmumulan ng subsidyo. Dagdag pa, maging katuwang ang Provincial Government of La Union sa pagpapanawagan ng dagdag pondo para sa sektor ng agrikultura.

Mga magsasaka at mangingisda, sama-sama nating igiit ang ating mga kahilingan:

PRESYO NG ABONO AT LANGIS, IBABA!
EXCISE TAX SA LANGIS, TANGGALIN!
IBASURA ANG OIL DEREGULATION LAW!






References:
[1] ABS-CBN News. DA allots P4 billion subsidy for farmers amid soaribg prices. 24 March 2022. https://news.abs-cbn.com/business/03/24/22/p4-b-fertilizer-subsidy-allotted-for-farmers
[2] Rafis Ilocos Region. DA distributes fuel discount vouchers to fishers in Ilocos, rice farmers also receive cash assistance through RFFA. 5 May 2022. https://m.facebook.com/story.php?story_fbid=5213377608725350&id=100001594882948

Kilusang Magbubukid ng Pilipinas - KMP PAMALAKAYA-Pilipinas

20/04/2022

PAHAYAG NG TIMUN
Hinggil sa patuloy na red-tagging at harasment
April 20, 2022

Muling naranasan ng mga lider at kasapian ng Timpuyog dagiti Marigrigat nga Umili ti Naguilian o TIMUN, isa sa mga founding organization ng Alyansa Dagiti Marigrigat nga Mannalon ken Manggalap o AMMLU, ng red-tagging at panggigipit nitong nakaraang buwan.

Noong Marso 26, sa labas ng barangay hall ng Gusing Norte, Naguilian, nakasabit ang mga sakong poster na may nakalagay na pagbibintang na si Eduardo Rimando, chairperson emeritus ng TIMUN at kasalukuyang Spokesperson ng Bagong Alyansang Makabayan (BAYAN) Ilocos, ay isa umanong NPA recruiter. Nang lapitan ito ni Rimando, nakita niyang basa pa ang pintura sa sako at sa tantya niya ay madaling araw ito inilagay. Wala namang nakakita kung sino ang naglagay ng mga poster na iyon doon sa labas ng barangay hall.

Dagdag pa, noong Marso 30, pinigilan ng lokal na pamahalaan ng Naguilian ang mga delegado ng TIMUN sa pagpunta sa isang Peasant Assembly sa San Fernando, La Union na kung saan tinalakay ang iba’t ibang mga suliraning kinakaharap ng mga magsasaka hinggil sa presyo ng farm inputs at agrikultural na produkto at ang kakulangan ng ayuda. Kinausap ng LGU ang mga drayber ng mga inarkilang jeep na huwag silang makibahagi sa kahit anumang aktibidad na inilulunsad ng mga “tagasuporta ng Makabayan”.

Maging sa pagpunta nina Leni at Kiko dito sa La Union noong April 12 ay pinigilan ng LGU ng Naguilian ang mga delegado ng Mamat-ing Norte. Dahil nag-abang ang mga kagawad ng barangay sa inarkilang jeep, natakot ang mga delegado at hindi na tumuloy sa pagpunta sa .

Ang mga harasment na ito sa TIMUN ay karugtong sa serye ng panggigipit na isinasagawa ng RTF-ELCAC magmula pa noong nakaraang mga taon. Dati nang pinag-iinitan ang TIMUN dahil ito umano ay suporter ng NPA. Ngunit, kilala ng mamamayan ang TIMUN bilang isang lehitimong progresibong organisasyon na tumitindig at ipinaglalaban ang kapakanan ng masang anakpawis sa munisipyo.

Sa ilalim ng Anti-Terror Law at programa ng NTF-ELCAC, nahihikayat ang mga LGU na gipitin at ipahamak ang kanyang mamamayan na nagsusulong lamang ng kanilang kolektibong interes. Sumasakay pa ang mismong LGU ng Naguilian sa mga paratang ng administrasyong Duterte hinggil sa Makabayan bloc. May kalayaan ang kahit sinong indibidwal at organisasyon na magpakita ng kanyang suporta para sa mga entidad na tunay na naglilingkod sa kapakanan ng mamamayan.

Mariing kinukundena ng TIMUN ang mga atakeng ito. Patuloy na ipinananawagan ng organisasyon ang pagbabasura ng Anti-Terrow Law at pagbuwag sa NTF-ELCAC. Sa darating na , malinaw ang suporta ng TIMUN para sa mga kandidatong bitbit ang layuning wakasan ang red-tagging at harasment at itaguyod ang demokratikong karapatan ng mamamayan sa pagpapahayag.

ITIGIL ANG RED-TAGGING AT HARASMENT!
ANTI-TERROR LAW, IBASURA!
NTF-ELCAC, BUWAGIN!

15/04/2022

13/04/2022

13/04/2022

13/04/2022

https://m.facebook.com/story.php?story_fbid=354545326711598&id=100064684003554

MAGLINGKOD SA SAMBAYANAN

Binabati namin ang lahat ng mga bagong abogado -- sa 8,421 na nakapasa sa Bar Exam 2020-2021. Sana'y maging tanglaw at tagapagtaguyod kayo ng batas na magbibigay ng katarungan at kumikiling sa mas nakararaming mamamayan na pinagkaitan ng hustisya.

Mga bagong abogado ng bayan, paglingkuran ang sambayanan!