Municipality of Carmen, Cebu

06/06/2026

𝐂𝐀𝐑𝐌𝐄𝐍’𝐒 𝟏𝟕𝟓𝐭𝐡 𝐅𝐎𝐔𝐍𝐃𝐈𝐍𝐆 𝐀𝐍𝐍𝐈𝐕𝐄𝐑𝐒𝐀𝐑𝐘 𝐑𝐔𝐍

Kabahin sa pagsaulog sa ika-175 nga Founding Anniversary sa Lungsod sa Carmen, giimbitar ang tanang Carmenanons, running enthusiasts, ug mga empleyado sa LGU sa pag-apil sa Carmen's 175th Founding Anniversary Run karong Hunyo 7, 2026 sa Carmen Oval.

Libre ang registration sa tanang categories. Ang mga empleyado sa LGU gidasig sa pag-apil niini nga maong kalihokan.

Gipahinumdoman ang tanang participants nga kinahanglan naa na sa Carmen Oval alas-4:00 sa buntag alang sa Zumba warm-up session. Ang opisyal nga gun start sa lumba magsugod alas-5:00 sa buntag.

Duyog kita sa pagdagan ug paghiusa samtang atong gisaulog ang 175 ka tuig nga kasaysayan, kalamboan, ug paglaum alang sa mas lig-on nga Carmen. ❤️💙

Padayon ta, Carmen!
— Public Information Office, Municipality of Carmen, Cebu.

03/06/2026

𝗖𝗔𝗥𝗠𝗘𝗡𝗖𝗔𝗥𝗘𝗦 | Nagpahigayon og monthly assembly ang Liga ng mga Barangay sa Carmen aron mapalig-on ang koordinasyon ug panaghiusa sa mga barangay sa paghatod og mas epektibong serbisyo ngadto sa katawhan.

Gihisgutan usab atol sa tigum ang mga updates, programa, ug mga pamaagi nga makatabang sa mas hapsay nga pagdumala ug pagserbisyo sa matag barangay.

01/06/2026

𝐉𝐎𝐈𝐍 𝐓𝐇𝐄 𝐂𝐄𝐋𝐄𝐁𝐑𝐀𝐓𝐈𝐎𝐍: 𝐂𝐀𝐑𝐌𝐄𝐍'𝐒 𝟏𝟕𝟓𝐓𝐇 𝐅𝐎𝐔𝐍𝐃𝐈𝐍𝐆 𝐀𝐍𝐍𝐈𝐕𝐄𝐑𝐒𝐀𝐑𝐘 𝐀𝐂𝐓𝐈𝐕𝐈𝐓𝐈𝐄𝐒

Sa pagsaulog sa 175th Founding Anniversary sa Lungsod sa Carmen, atong gipaambit ang opisyal nga iskedyul sa mga kalihokan nga gihikay alang niining mahinungdanong selebrasyon.

Uban sa tema nga “Carmen sa ika-175 nga Tuig: Pagpasidungog sa Kagahapon, Duyog sa Panaghiusa, Pagpalig-on sa Umaabot,” nagkadaiyang mga programa ug kalihokan ang giandam aron sa paghiusa sa mga Carmenanon ug pagpasidungog sa atong kasaysayan samtang nagtan-aw sa mas lig-on nga umaabot.

Tan-awa ang kompleto nga iskedyul ug uban kita sa pagsaulog sa ika-175 nga anibersaryo sa atong minahal nga lungsod.

Padayon ta, Carmen!
— Public Information Office, Municipality of Carmen, Cebu.

01/06/2026

𝗖𝗔𝗥𝗠𝗘𝗡 𝗞𝗜𝗖𝗞𝗦 𝗢𝗙𝗙 𝗜𝗧𝗦 𝟭𝟳𝟱𝗧𝗛 𝗙𝗢𝗨𝗡𝗗𝗜𝗡𝗚 𝗔𝗡𝗡𝗜𝗩𝗘𝗥𝗦𝗔𝗥𝗬 𝗖𝗘𝗟𝗘𝗕𝗥𝗔𝗧𝗜𝗢𝗡 🇵🇭

Pinaagi sa atong regular nga Flag Raising Ceremony, opisyal nga gisugdan karong adlawa ang tibuok bulan nga selebrasyon sa ika-175 nga Founding Anniversary sa Lungsod sa Carmen.

Ang maong kalihokan gitambongan sa mga opisyal sa lokal nga kagamhanan, mga departamento ug ahensya, mga representante gikan sa sektor sa edukasyon, mga lider sa barangay, ug mga empleyado sa munisipyo isip timaan sa panaghiusa ug pagpasidungog sa taas nga kasaysayan sa atong lungsod.

Duyog natong saulogon ang 175 ka tuig sa pag-uswag, kalampusan, ug pag-alagad alang sa katawhan sa Carmen.

Padayon ta, Carmen!
— Public Information Office, Municipality of Carmen, Cebu.

27/05/2026

𝗘𝗜𝗗 𝗔𝗟-𝗔𝗗𝗛𝗔 𝗠𝗨𝗕𝗔𝗥𝗔𝗞 🌙✨

Malipayong pagsaulog sa Eid al-Adha sa atong mga kaigsuonang Muslim!

May this meaningful occasion bring peace, joy, and abundant blessings to you and your families. May your celebration be filled with faith, gratitude, and togetherness as you commemorate this sacred day. ✨

Padayon ta, Carmen!
— Public Information Office, Municipality of Carmen, Cebu.

25/05/2026

𝗖𝗔𝗥𝗠𝗘𝗡𝗖𝗔𝗥𝗘𝗦 | Padayon ang pag-abante nato diri sa Municipality of Carmen pinaagi sa usa na usab ka mahinungdanong kalamboan — ang EV Charging Station nga nahimutang sa atong Tourist Rest Area.

Kini ang usa sa unang pasilidad sa Northern Cebu nga andam mohatag serbisyo alang sa mga Full Electric ug Plug-in Hybrid Vehicles.

𝗘𝗩 𝗖𝗵𝗮𝗿𝗴𝗶𝗻𝗴 𝗦𝘁𝗮𝘁𝗶𝗼𝗻 - Another first sa atong lungsod ug sa northern cebu ❤️

Mahimutang kini sa atong Tourist Rest Area ug mo cater sa klasi-klasi nga Full Electric ug Plug-in hybrid vehicles.

Thank you sa pag bisita Maam Maria Bejoc and Maam Yvonne Castro of ACMobility.

25/05/2026

𝗠𝗢𝗡𝗗𝗔𝗬 𝗙𝗟𝗔𝗚 𝗥𝗔𝗜𝗦𝗜𝗡𝗚 𝗖𝗘𝗥𝗘𝗠𝗢𝗡𝗬 🇵🇭

Maayong Lunes, Carmenanons! Nagkahiusa ang atong mga opisyal ug empleyado sa lokal nga panggamhanan sa regular nga Monday Flag Raising Ceremony isip pagpasiugda sa disiplina, panaghiusa, ug matinud-anong serbisyo publiko.

“Small acts of dedicated service create meaningful impact in the community.”

Padayon ta, Carmen!
— Public Information Office, Municipality of Carmen, Cebu.