NFA CEBU Branch Office

02/09/2026

𝐀𝐆𝐎𝐒𝐓𝐎 31, 2026 ┃𝐏𝐀𝐓𝐔𝐋𝐎𝐘 𝐂𝐄𝐁𝐔: 𝐍𝐅𝐀 𝐀𝐓 𝐂𝐄𝐁𝐔 𝐏𝐑𝐎𝐕𝐈𝐍𝐂𝐈𝐀𝐋 𝐆𝐎𝐕𝐄𝐑𝐍𝐌𝐄𝐍𝐓, 𝐊𝐀𝐀𝐆𝐀𝐏𝐀𝐘 𝐒𝐀 𝐒𝐄𝐆𝐔𝐑𝐈𝐃𝐀𝐃 𝐒𝐀 𝐏𝐀𝐆𝐊𝐀𝐈𝐍

Idinaos sa Kapitolyo ng Cebu ang ikalawang State of the Province Address (SOPA) ni Cebu Governor Pamela S. Baricuatro, na dinaluhan ng mga pangunahing opisyal ng Cebu—kabilang ang mga miyembro ng Provincial Board, mga alkalde, at mga bise-alkalde—pati na rin ng mga kinatawan mula sa iba't ibang ahensya ng pamahalaan at mga ahensya ng pambansang pamahalaan. Nakilahok din ang National Food Authority Cebu Branch Office, na pinangunahan nina Acting Branch Manager Khristine T. Vincoy at Acting Assistant Branch Manager Maria Odessa G. Mercado.

Sa kanyang SOPA, binigyang-diin ng Gobernador na pangunahing tungkulin ng pamahalaang panlalawigan ang pagtugon sa kagutuman at pagpapaigting ng seguridad sa pagkain sa Cebu. Kabilang sa mga programa ang suporta sa mga magsasaka at mangingisda, pagbibigay ng makinarya, pasilidad, hayop, buto at serbisyong pangkalusugan para sa livestock, pagtatayo ng People’s Markets, at paglulunsad ng Agrilink-Cebu. Iniulat din ng Gobernador ang 312,500 benepisyaryo mula sa iba’t ibang sektor ang nakatanggap ng tig-10 kilong bigas sa ilalim ng Bigay-Bigas sa Masa.

Inihayag din ang plano ng Gobernador na dagdagan ang badyet para sa agrikultura upang mapalawak ang mga programa at mas maraming magsasaka at mangingisda ang makinabang sa suporta ng pamahalaan. Ang pagpapalakas ng sektor ng agrikultura ay mahalaga upang matugunan ang kagutuman, mapabuti ang kabuhayan ng mga Cebuano, at maiangat ang kalidad ng buhay ng mga magsasaka at mangingisda.

Samantala, nakahandang makipagtulungan at sumuporta ang NFA Cebu Branch Office sa mga inisyatiba ng lalawigan para sa patuloy na pag-unlad ng agrikultura sa Cebu lalong-lalo na ang siguraduhin na may sapat na buffer stock o reserba ng bigas na kukunin mula sa mga lokal na magsasaka at ilalabas lalong-lalo na sa panahon ng kalamidad at emerhensya gayundin para sa iba pang programa ng pamahalaan na may kinalaman sa seguridad sa pagkain.

“𝙏𝙞𝙮𝙖𝙠 𝙖𝙣𝙜 𝘽𝙞𝙜𝙖𝙨, 𝙋𝙖𝙣𝙖𝙩𝙖𝙜 𝙖𝙣𝙜 𝘽𝙪𝙠𝙖𝙨”

#𝘽𝙖𝙜𝙤𝙣𝙜 𝙉𝙁𝘼 #𝙈𝙖𝙮𝙈𝙖𝙡𝙖𝙨𝙖𝙠𝙞𝙩 #𝙏𝙪𝙢𝙪𝙩𝙪𝙜𝙤𝙣 #𝙈𝙖𝙖𝙖𝙨𝙖𝙝𝙖𝙣

29/08/2026

𝙰𝙶𝙾𝚂𝚃𝙾 28, 2026 ┃ 𝙺𝙰𝚁𝙰𝙶𝙳𝙰𝙶𝙰𝙽𝙶 𝙱𝙸𝙶𝙰𝚂 𝙿𝙰𝚁𝙰 𝚂𝙰 𝙲𝙴𝙱𝚄: 𝚂𝚄𝙿𝙻𝙰𝚈 𝙽𝙰 𝙷𝙰𝚃𝙸𝙳, 𝚂𝙴𝙶𝚄𝚁𝙸𝙳𝙰𝙳 𝙽𝙰 𝚃𝙸𝚈𝙰𝙺

Matagumpay na naisagawa ang vessel inspection ng MV ANIKA TV, na may kargang 30,000 sako ng lokal na bigas mula sa NFA Occidental Mindoro. Kaagad ding sinimulan ang unloading operations matapos ang inspeksyon ng barko. Pinangunahan ang operasyon ng Dispersal Team ng NFA Cebu Branch Office sa pangunguna ni Acting Branch Manager Khristine Vincoy.

Ang pagdating ng karagdagang suplay ay bahagi ng patuloy na pagsisikap ng National Food Authority (NFA), partikular ng NFA Cebu Branch Office, na palakasin ang imbentaryo ng bigas upang matiyak ang sapat at tuloy-tuloy na buffer stock ng bansa, lalo na sa panahon ng kalamidad, sakuna, at iba pang emerhensya.

Kasabay nito, nakatutulong ang pagpapalakas ng imbentaryo sa patuloy na pagsuporta ng ahensya sa mga programa ng pamahalaan na naglalayong mailapit sa mga Pilipino ang abot-kaya at dekalidad na bigas, higit lalo sa mga pamilyang higit na nangangailangan. Sa pamamagitan ng maayos na paggalaw at pagbili ng ani mula sa ating mga lokal na magsasaka, nakatutulong din ang NFA sa pagbibigay ng mas tiyak na pamilihan para sa kanilang mga ani.

Sa bawat sako ng bigas na naihahatid, hindi lamang suplay ang pinatitibay kundi pati ang seguridad sa pagkain, suporta sa mga magsasaka, at kahandaan ng bawat pamayanan sa panahon ng pangangailangan.

Ang pagpapalakas ng suplay ng bigas ay pagpapalakas din ng pagkalinga sa mga magsasaka at proteksyon sa bawat pamilyang Pilipino.

"Tiyak ang Bigas, Panatag Ang Bukas”

12/08/2026

𝗔𝗚𝗢𝗦𝗧𝗢 𝟭𝟭, 𝟮𝟬𝟮𝟲 ┃ 𝗧𝗨𝗥𝗡𝗢𝗩𝗘𝗥 𝗖𝗘𝗥𝗘𝗠𝗢𝗡𝗬 🤝🗝

Ang simbolikong seremonya ng pagpasa ng susi ng responsibilidad mula kay Outgoing Branch Manager Annie dL. De La Cerna papunta kay Incoming Acting Branch Manager Khristine T. Vincoy at mula kay Outgoing Assistant Branch Manager Khristine T. Vincoy papunta kay Incoming Acting Assistant Branch Manager Maria Odessa G. Mercado ay sinaksihan ng mga empleyado ng NFA Central Visayas Regional Office sa pamumuno ni Acting Regional Manager II Liza R. Balagot at ng mga empleyado ng Cebu Branch Office.

Taos-pusong nagpapasalamat ang NFA Central Visayas Region at NFA Cebu Branch Office para sa paglago at tagumpay ng Cebu Branch sa ilalim ng pamumuno ni Outgoing Branch Manager Annie dL. De La Cerna. Ang kanyang pamumuno, dedikasyon, at kasipagan ay nag-iwan ng hindi malilimutang marka sa mga empleyado ng Cebu Branch Office. Kasabay nito, masayang tinanggap din ng sangay ang pamumuno ni Incoming Acting Branch Manager Khristine T. Vincoy at Acting Assistant Branch Manager Maria Odessa G. Mercado nang may kumpiyansa at tiwala na kanilang pamumunuan ang sangay tungo sa mas mataas na tagumpay.

Sa panghuling mensahe ni Acting Regional Manager II Liza R. Balagot, hinikayat niya ang lahat na magpatuloy bilang isang samahan na may iisang layunin, at iisang pangako bilang mga lingkod-bayan.
Minarka ng seremonya ang opisyal na paglilipat ng pamumuno at muling pinagtibay ang pangako ng NFA Cebu Branch Office na patuloy na magtulungan sa pagtupad ng mandato ng ahensya. 🌾🇵🇭

“Tiyak ang Bigas, Panatag ang Bukas”

12/08/2026

𝐏𝐚𝐠𝐩𝐚𝐩𝐚𝐥𝐚𝐤𝐚𝐬 𝐧𝐠 𝐊𝐨𝐨𝐫𝐝𝐢𝐧𝐚𝐬𝐲𝐨𝐧, 𝐏𝐚𝐡𝐮𝐬𝐚𝐲𝐢𝐧 𝐚𝐧𝐠 𝐊𝐚𝐡𝐚𝐧𝐝𝐚𝐚𝐧 𝐚𝐭 𝐏𝐚𝐠𝐭𝐮𝐠𝐨𝐧 𝐬𝐚 𝐒𝐚𝐤𝐮𝐧𝐚🤝🇵🇭

𝐀𝐆𝐎𝐒𝐓𝐎 𝟎𝟒-𝟎𝟔, 𝟐𝟎𝟐𝟔┃Ang Sangay ng National Food Authority (NFA) sa Cebu, na kinatawan nina Statistician Charito N. Peras, Truck Driver Jayson M. Tantano, at Accounts Analyst/Branch Information Officer Emerlinda R. Rosalina, ay aktibong lumahok sa Incident Command System (ICS) Executive Course na isinagawa ng Office of Civil Defense (OCD)-Central Visayas. Bilang miyembro ng Regional Disaster Risk Reduction and Management Council (RDDRMC), patuloy na pinapakita ng NFA ang kanilang dedikasyon sa pagpapalakas ng koordinasyon sa pagitan ng mga ahensya, pagpapahusay ng kahandaan sa sakuna, at pagtitiyak ng epektibo at pinag-isang pagtugon sa oras ng kagipitan at kalamidad.

Sa pamamagitan ng pakikilahok nito sa ICS Executive Course, lalo pang pinapalakas ng NFA ang kakayahan nito na epektibong makapag-ambag sa isang maayos, organisado, at magkakaisang tugon sa rehiyon, habang pinapanatili ang mahalagang mandato nito na tiyakin ang seguridad sa pagkain at pagkakaroon nito sa panahon ng krisis at emerhensya. Patuloy na nakikipagtulungan ang NFA sa mga regional partners nito para sa isang mas ligtas, handa, at matibay na Central Visayas. 🤝🌾

“𝐓𝐢𝐲𝐚𝐤 𝐚𝐧𝐠 𝐁𝐢𝐠𝐚𝐬, 𝐏𝐚𝐧𝐚𝐭𝐚𝐠 𝐚𝐧𝐠 𝐁𝐮𝐤𝐚𝐬”

11/08/2026

24/07/2026

𝗢𝗡𝗟𝗜𝗡𝗘 𝗦𝗣𝗘𝗖𝗜𝗔𝗟 𝗝𝗢𝗜𝗡𝗧 𝗠𝗘𝗘𝗧𝗜𝗡𝗚 𝗢𝗙 𝗖𝗘𝗕𝗨 𝗣𝗥𝗢𝗩𝗜𝗡𝗖𝗜𝗔𝗟 𝗣𝗘𝗔𝗖𝗘 𝗔𝗡𝗗 𝗢𝗥𝗗𝗘𝗥 𝗖𝗢𝗨𝗡𝗖𝗜𝗟 (𝗣𝗣𝗢𝗖) 𝗔𝗡𝗗 𝗖𝗘𝗕𝗨 𝗣𝗥𝗢𝗩𝗜𝗡𝗖𝗜𝗔𝗟 𝗧𝗔𝗦𝗞 𝗙𝗢𝗥𝗖𝗘 𝗧𝗢 𝗘𝗡𝗗 𝗟𝗢𝗖𝗔𝗟 𝗖𝗢𝗠𝗠𝗨𝗡𝗜𝗦𝗧 𝗔𝗥𝗠𝗘𝗗 𝗖𝗢𝗡𝗙𝗟𝗜𝗖𝗧 (𝗣𝗧𝗙-𝗘𝗟𝗖𝗔𝗖)

𝟮𝟰 𝗛𝘂𝗹𝘆𝗼 𝟮𝟬𝟮𝟲┃Aktibong lumahok ang NFA Cebu Branch Office na pinangunahan ni Branch Manager Annie dL. De La Cerna sa espesyal na pinagsamang pagpupulong ng Cebu Provincial Peace and Order Council at Cebu Provincial Task Force to End Local Communist Armed Conflict (PTF-ELCAC) na isinagawa sa pamamagitan ng online conferencing.

Isinagawa ang pagpupulong upang talakayin sa mga ahensyang miyembro ng PTF-ELCAC at ng Pamahalaang Panlalawigan ng Cebu ang nakatakdang Caravan of Services para sa Retooled Community Support Program (RCSP) na naglalayong abutin ang mga lokal na yunit ng pamahalaan sa lalawigan ng Cebu. Binigyang-diin din sa pagpupulong ang "whole-of-nation approach" ng Executive Order No. 70 na lumikha sa RCSP upang tugunan ang mga ugat ng lokal na armadong tunggalian sa pamamagitan ng pagdadala ng mga serbisyo ng pamahalaan nang mas malapit sa mga komunidad na apektado ng tunggalian at mga bulnerableng sektor. Isinaayos muli (retooled) ang RCSP upang palakasin ang pinag-isang tugon ng pamahalaan sa mga komunidad na apektado ng tunggalian sa pamamagitan ng pagtugon sa mga pangunahing sanhi nito, tulad ng kahirapan, kawalan ng akses sa mga pangunahing serbisyo, kawalan ng katarungan, at mahinang lokal na pag-unlad. Ang pangunahing layunin ng aktibidad ay palakasin ang koordinasyon, isulong ang kapayapaan at kaayusan, at tiyakin ang paghahatid ng serbisyo sa mga komunidad na nangangailangan sa pamamagitan ng pinagsama-samang serbisyo ng pamahalaan at pakikipag-ugnayan sa komunidad.

Nagpahayag ng suporta ang NFA Cebu para sa RCSP at sa Caravan of Services, at nangakong makikipag-ugnayan sa mga katuwang na ahensya para sa mga posibleng tulong at inisyatiba sa paghahatid ng serbisyo sa mga lokal na komunidad.

Ang pakikilahok ng NFA ay nakatulong sa pinagsama-samang layunin na tugunan ang mga pangunahing pangangailangan, pagbutihin ang kapakanan ng publiko, at suportahan ang mga pagsisikap sa pagkamit ng kapayapaan sa pamamagitan ng pagsasama-sama ng mga serbisyo ng pamahalaan.

"𝙎𝙖 𝙎𝙚𝙧𝙗𝙞𝙨𝙮𝙤𝙣𝙜 𝙋𝙖𝙩𝙖𝙨 𝙖𝙩 𝙏𝙖𝙥𝙖𝙩, 𝘽𝙞𝙜𝙖𝙨 𝙖𝙮 𝙇𝙖𝙜𝙞𝙣𝙜 𝘿𝙚𝙠𝙖𝙡𝙞𝙙𝙖𝙙."

#𝐓𝐢𝐲𝐚𝐤𝐀𝐧𝐠𝐁𝐢𝐠𝐚𝐬𝐏𝐚𝐧𝐚𝐭𝐚𝐠𝐀𝐧𝐠𝐁𝐮𝐤𝐚𝐬
#𝐁𝐚𝐠𝐨𝐧𝐠𝐍𝐅𝐀 #𝐌𝐚𝐲𝐌𝐚𝐥𝐚𝐬𝐚𝐤𝐢𝐭 #𝐌𝐚𝐚𝐬𝐚𝐡𝐚𝐧 #𝐓𝐮𝐦𝐮𝐭𝐨𝐠𝐨𝐧

24/07/2026

𝙉𝙁𝘼 𝘾𝙚𝙗𝙪 𝘽𝙧𝙖𝙣𝙘𝙝 𝙊𝙛𝙛𝙞𝙘𝙚, 𝙉𝙖𝙜𝙨𝙖𝙜𝙖𝙬𝙖 𝙣𝙜 𝘽𝙧𝙖𝙣𝙘𝙝 𝙈𝙖𝙣𝙖𝙜𝙚𝙢𝙚𝙣𝙩 𝘾𝙤𝙢𝙢𝙞𝙩𝙩𝙚𝙚 (𝘽𝙧𝙖𝙈𝙖𝙣𝘾𝙤𝙢) 𝙈𝙚𝙚𝙩𝙞𝙣𝙜

𝓗𝓾𝓵𝔂𝓸 23, 2026┃Matagumpay na naisagawa ng NFA Cebu Branch ang Branch Management Committee (BraManCom) Meeting sa pangunguna nina Branch Manager Annie dL. De La Cerna at Assistant Branch Manager Khristine T. Vincoy, bilang bahagi ng mga pagsisikap na patuloy na palakasin ang koordinasyon at pagbutihin ang operasyon ng ahensya.

Nakatuon ang pagpupulong sa pagtalakay ng mahahalagang direktiba at mga usaping may kinalaman sa pagpapatupad ng mga programa at serbisyo ng ahensya. Naglahad ng mga ulat ang mga Section Chief mula sa iba't ibang yunit hinggil sa kasalukuyang kalagayan ng kanilang operasyon, mga hamong kinaharap, at mga mungkahing hakbang upang lalong mapabuti ang paghahatid ng serbisyo. Masusing tinalakay ang bawat isyu, at bumuo ng mga kaukulang rekomendasyon at plano ng aksyon para sa agaran o nakatakdang pagpapatupad.

Nagtapos ang pagpupulong ng may mas matibay na koordinasyon ng bawat isa at pagpapahalaga ng tungkulin sa pagpapaunlad ng mga programa at serbisyo ng ahensya para sa masa.

"𝙎𝙖 𝙎𝙚𝙧𝙗𝙞𝙨𝙮𝙤𝙣𝙜 𝙋𝙖𝙩𝙖𝙨 𝙖𝙩 𝙏𝙖𝙥𝙖𝙩, 𝘽𝙞𝙜𝙖𝙨 𝙖𝙮 𝙇𝙖𝙜𝙞𝙣𝙜 𝘿𝙚𝙠𝙖𝙡𝙞𝙙𝙖𝙙."


#𝐁𝐚𝐠𝐨𝐧𝐠𝐍𝐅𝐀 #𝐌𝐚𝐲𝐌𝐚𝐥𝐚𝐬𝐚𝐤𝐢𝐭 #𝐌𝐚𝐚𝐬𝐚𝐡𝐚𝐧 #𝐓𝐮𝐦𝐮𝐭𝐨𝐠𝐨𝐧

19/07/2026

"Isusulong po natin na maisaayos ang RTL".
- NFA Administrator Larry R. Lacson
"Tiyak ang Bigas, Panatag ang Bukas"
sa