21/08/2026
PARA SA LAHAT NG RESIDENTE NG BARANGAY 22-A LEO
Para po sa lahat ng residente ng Barangay 22-A Leo, nais po naming magbigay ng paglilinaw tungkol sa pamamahagi ng sampung (10) kilong bigas mula sa ating national government sa ilalim ng programang “Bawat Bayan Makikinabang.”
Ang pamamahagi po ng bigas ay hindi per family at hindi per botante. Ang magiging basehan po ay HOUSEHOLD.
Ano po ang ibig sabihin ng household?
Ang household po ay tumutukoy sa mga aktwal na nakatira sa loob ng vicinity ng Barangay 22-A Leo, kahit hindi sila rehistradong botante ng ating barangay. Ibig sabihin, hindi po botante ang pinag-uusapan kundi ang mga taong aktwal na naninirahan dito.
Para naman po sa mga rehistradong botante ng Barangay 22-A Leo na hindi na kasalukuyang nakatira dito o wala nang bahay sa ating barangay, sa barangay kung saan na po kayo kasalukuyang naninirahan at kung saan kayo kabilang sa census/record ng PSA, doon po kayo dapat kumuha ng inyong ayuda.
Sa kasalukuyan, mahigit 260 lamang na household ang nakatalagang bilang para sa Barangay 22-A Leo sa listahang ibinaba sa atin, samantalang ang nasa barangay record ay humigit-kumulang 532 household.
Dahil dito, hindi po lahat ng household na nasa barangay record ay kasama sa listahang ibinaba sa ating barangay. Gayunpaman, makakaasa po kayo na ang buong pamunuan ng Barangay 22-A Leo ay gagawin ang lahat ng makakaya, ayon sa kakayahan ng budget ng ating barangay, upang mapunan ang mga kakulangan.
Hangad po namin na maging pantay-pantay ang pagkakataon at mabigyan ang lahat ng household na aktwal na naninirahan sa ating barangay, sa abot ng ating makakaya at sa kung ano ang kaya ng pondo ng barangay.
Ang pagbibigay po ng naturang stub at ibabahay bahay ng ating mga officials, at ipapaalam po sa mga kwalipikadong household ang schedule at iba pang kinakailangang detalye.
Maraming salamat po sa inyong pang-unawa, pakikiisa, at pasensya.
— Pamunuan ng Barangay 22-A Leo
(Para po sa mga katanungan, bukas po ang comment section at ating barangay hall)
