R-PSB Brgy Maysuram Caramoran

28/05/2026

Cat 2nd PMFC, R-PSB Team-Maysuram Weekly Accomplishment Report

28/05/2026

27/05/2026

R-PSB Team Maysuram Matagumpay na Nagsagawa ng Turnover ng Public Comfort Room sa Barangay

Bahagi ng patuloy na pagsusulong ng pampublikong kalusugan, sanitasyon, at napapanatiling kaunlaran sa komunidad, pinangunahan ni Catanduanes Police Provincial Office (CatPPO) Provincial Director PCOL VIRGILIO R BUENA ang pormal na pagbabasbas at turnover ng bagong tayong Public Comfort Room sa Sitio Lusong, Brgy. Maysuram, Caramoran, Catanduanes dakong alas-1:00 ng hapon noong Mayo 26, 2026.

Ang nasabing proyektong pang-imprastraktura ay pinangunahan ng Catanduanes 2nd PMFC Revitalized Pulis sa Barangay (R-PSB) Team Maysuram sa pamumuno ni PCPT BENJAMIN P BU-UCAN, Team Leader, sa pakikipagtulungan ng Local Government Unit (LGU) ng Caramoran, Barangay Council ng Maysuram, Emerald Hardware sa pangunguna ni Ms. Carolyn S. Co, at ni G. Samuel Laynes.

Pinangunahan naman ni Rev. Fr. Jomar Tartacon ang seremonya ng pagbabasbas na dinaluhan ng CatPPO R-PSB Oversight Committee, Catanduanes 2nd PMFC, OIC Asst. Force Commander PMAJ LESTER V QUILILLAN, at mga opisyal ng barangay sa pangunguna ni Punong Barangay Judith Abainza.

Ang proyektong ito ay bunga ng pangangailangang inilahad mismo ng mga residente sa isinagawang comprehensive needs assessment survey ng R-PSB Team sa lugar. Layunin nitong matugunan ang pangunahing suliranin sa sanitasyon at kalinisan ng komunidad sa pamamagitan ng pagbibigay ng maayos, malinis, at ligtas na pasilidad para sa publiko.

Sa pamamagitan ng nasabing proyekto, inaasahang higit pang mapapabuti ang pampublikong kalusugan, personal na kalinisan, at pangkalahatang kapakanan ng mga residente ng Brgy. Maysuram. Isa rin itong patunay ng matagumpay na pagtutulungan ng PNP, lokal na pamahalaan, pribadong sektor, at komunidad tungo sa mas maayos at mas maunlad na pamayanan.

27/05/2026

RPSB Team Maysuram, Nagkaroon ng Pre-onsite Validation

Bilang bahagi ng patuloy na pagpapatibay ng community-centric policing at pagpapanatili ng kapayapaan sa mga barangay, pinangunahan ni PLTCOL JOCERIC O DE LA PEÑA, Deputy Provincial Director for Operations (DPDO) at Chairman ng Provincial Revitalized Pulis sa Barangay (R-PSB) Oversight Committee, ang isinagawang Pre-Onsite Validation at Summing-Up Assessment sa Brgy. Maysuram, Caramoran, Catanduanes dakong alas-9:00 ng umaga noong Mayo 26, 2026.

Isinagawa ang naturang aktibidad sa Multi-Purpose Hall ng Tucao-Maysuram Integrated School upang suriin ang epekto ng mga programang pangkaunlaran, mga hakbang pangseguridad, at kabuuang operational accomplishments ng R-PSB Maysuram.

Dumalo rin sa nasabing aktibidad ang mga miyembro ng Catanduanes Police Provincial Office (CatPPO) Provincial Staff bilang bahagi ng validation committee, kasama sina Caramoran Chief of Police PMAJ JUANITO T TEVAR at Catanduanes 2nd PMFC Assistant OIC Force Commander PMAJ LESTER V QUILILLAN.

Ipinakita rin sa aktibidad ang matibay na pagpapatupad ng Whole-of-Nation Approach sa pamamagitan ng aktibong partisipasyon ng iba’t ibang sektor ng komunidad. Kabilang sa mga dumalo ang Barangay Council sa pangunguna ni Punong Barangay Judith Abainza, mga miyembro ng Barangay Peacekeeping Action Teams (BPATs/BPKIs), Barangay-Based Institutions (BBIs), at mga lokal na People’s Organizations.

Nakiisa rin ang mga kinatawan mula sa religious at sectoral groups gaya nina Rev. Fr. Jomar Tartacon ng Parish of St. Ignatius of Loyola, Bro. Elmer R. Bunos ng Members Church of God International, at Ms. T. Bongon mula sa TESDA. Ang kanilang partisipasyon ay nagpapatunay sa patuloy na pagkakaisa at pagtutulungan ng iba’t ibang sektor upang mapanatili ang kapayapaan, kaayusan, at pangmatagalang kaunlaran sa komunidad.

Sa kabuuan, naging matagumpay ang isinagawang validation at assessment na nagsilbing patunay ng dedikasyon ng PNP at ng mga katuwang nitong sektor sa pagpapatibay ng seguridad at mas pinaigting na serbisyo publiko sa mga barangay.

10/05/2026

R-PSB Team Maysuram Nagsagawa ng Pagkukumpuni ng MRF at Waste Segregation

Nagsagawa ng Good Deeds activity ang mga tauhan ng CAT 2nd PMFC R-PSB Team Maysuram noong Mayo 9, 2026 sa Brgy. Maysuram, Caramoran, Catanduanes kaugnay sa pagkukumpuni at rehabilitasyon ng Materials Recovery Facility (MRF) at pagsasagawa ng waste segregation activity.

Pinangunahan ni PCpl Deojay C. Cano, Assistant Team Leader, kasama ang mga barangay officials, BPAT members, at mga residente ang sama-samang pagsasaayos ng mga nasirang bahagi ng MRF upang muling maging maayos at kapaki-pakinabang ang pasilidad sa wastong pamamahala ng basura sa barangay. Kabilang din sa isinagawang aktibidad ang paglilinis sa paligid ng MRF, pangangalap ng mga kalat, at tamang paghihiwalay ng nabubulok at di-nabubulok na basura.

Ipinakita ng nasabing aktibidad ang pagkakaisa at pagtutulungan ng kapulisan at komunidad sa pagpapanatili ng kalinisan at kaayusan sa barangay. Layunin din nito na mapalakas ang kamalayan ng mamamayan sa kahalagahan ng tamang waste disposal at pangangalaga sa kalikasan upang maiwasan ang polusyon at iba pang suliraning pangkapaligiran.

08/05/2026

Cat 2nd PMFC, R-PSB Team-Maysuram Weekly Accomplishment Report

08/05/2026

Pulisya at mga Magsasaka, Nagkapit-Bisig sa Pagpapatayo ng Communal Fishpond.

Sa gitna ng diwa ng bayanihan, matagumpay na isinagawa ang konstruksyon ng isang Communal Fishpond sa Sitio Lusong, Brgy. Maysuram, Caramoran, nitong ika-8 ng Mayo, 2026, bandang alas-7:30 ng umaga.

Ang nasabing inisyatibo ay pinangunahan ng mga tauhan ng Catanduanes 2nd PMFC R-PSB Team, katuwang ang mga kasapi ng MAYLUFA Organization sa ilalim ng pamumuno ng kanilang Pangulo na si G. Joe Bermejo, at sa suporta ng Department of Agriculture (DA).

Ang proyektong ito ay bahagi ng 'Project LAWA at BINHI', isang programa na naglalayong labanan ang epekto ng pagbabago ng klima at kahirapan. Sa pamamagitan ng sistemang Cash-for-Work, nabibigyan ang mga residente ng agarang kita habang nagtutulungan sa pagtatayo ng pasilidad na magsisilbing pangmatagalang mapagkukunan ng pagkain at kabuhayan.

Ang pagkakaisa ng kapulisan, mga organisasyon ng magsasaka at mga ahensya ng gobyerno ay patunay ng matibay na ugnayan upang iangat ang antas ng pamumuhay ng mga mamamayan sa malalayong lugar ng Catanduanes.