Calumpit Municipal Health Office

03/03/2026

𝗟𝗜𝗕𝗥𝗘𝗡𝗚 𝗖𝗛𝗘𝗦𝗧 𝗫-𝗥𝗔𝗬 𝗔𝗧 𝗧𝗕 𝗦𝗖𝗥𝗘𝗘𝗡𝗜𝗡𝗚 𝗦𝗔 𝗔𝗧𝗜𝗡𝗚 𝗕𝗔𝗥𝗔𝗡𝗚𝗔𝗬! 🧡🩻 Mga kababayan, prayoridad po natin ang kalusugan ng bawat Calumpiteño! Sa pakikipagtulungan ng ating Municipal Health Office (MHO) at ng Pamahalaang Bayan ng Calumpit, sa pangunguna ng ating Ina ng Bayan, Mayor Lem Faustino, hatid po namin ang libreng serbisyo para sa inyo.

Magsisimula ang serbisyo sa ganap na 8:30 AM sa mga sumusunod na lokasyon: MARCH 5 sa Buguion (Aglipay Church). Sa darating na MARCH 9 ay nasa San Miguel (Barangay Health Station). Sa MARCH 16, sabay tayong magkikita sa Frances (Covered Court) at Iba O’ Este (Covered Court). At sa MARCH 30, ang mobile clinic ay nasa Meysulao (Barangay Health Station).

Hinihikayat po natin ang mga may edad na 60 pataas, ang mga naninigarilyo o smokers, at ang mga may sakit na Diabetes (DM) na magpasuri para sa inyong kaligtasan.

Huwag kalimutang ibahagi ang impormasyong ito sa inyong mga kapamilya at kapitbahay! Ang maagang pagsusuri ay susi sa mas malusog na pangangatawan. Ingat po tayo, Calumpiteños!

19/11/2025

Ang Bayan ng Calumpit ay buong pagmamalaking tumanggap ng 93% na rating at opisyal na kinikilalang Functional Municipal Epidemiology and Surveillance Unit (MESU).

Sa ngalan ng aming Municipal Health Officer, Dr. Rizallie L. Santos-Lucas, at ng buong Municipal Epidemiology and Surveillance Unit, ipinapaabot namin ang taos-pusong pasasalamat sa aming minamahal na Punong Bayan, Kgg. Glorime M. Faustino, para sa kanyang walang sawang suporta at dedikasyon sa pagpapatibay ng epidemiology, surveillance, at lahat ng aming mga programang pangkalusugan.

Ang tagumpay na ito ay sumasalamin sa ating pinagsamang hangarin na mapangalagaan ang kalusugan at kapakanan ng bawat Calumpiteño.

10/11/2025

🚨 FIRST AID SA HYPOTHERMIA SAKALING MATAGAL NA MABABAD SA ULAN AT HANGIN🚨

Kapag nakapansin ng senyales ng hypothermia o labis na panlalamig dahil sa pagkakababad sa ulan at malakas na hangin, agad na humingi ng tulong o tumawag sa National Emergency Hotline 911.

Habang naghihintay ng rescue, maaaring gawin ang mga sumusunod para maiwasan ang komplikasyon ng hypothermia.

09/11/2025

𝗛𝗢𝗧𝗟𝗜𝗡𝗘! 🧡⛈️⚠️ Narito ang Hotline Number ng ating Calumpit Municipal Disaster Risk Reduction and Management Office para sa anumang tulong kaugnay sa ngayong patuloy na nararanasan natin ang bagsik ng Super Typhoon .

Manatili po tayong ligtas, mga kababayan!

09/11/2025

09/11/2025

Dahil sa Super Typhoon Uwan, ilan sa ating mga kababayan ang lumikas na at kasalukuyang nanunuluyan sa mga evacuation centers.

Narito ang ilang paalala para sa malinis at ligtas na evacuation center.