Sangguniang Barangay ng Pio Cruzcosa

03/09/2026

📋 LIST OF ELIGIBLE BENEFICIARIES FOR SPECIAL REGISTRATION

Ipinapaalam sa mga potensyal na benepisyaryo ng Pantawid Pamilyang Pilipino Program (4Ps) na ang listahan ng mga pamilya ay nagmula sa datos ng Philippine Statistics Authority (PSA) sa pamamagitan ng Community-Based Monitoring System (CBMS) at dumaan sa itinakdang proseso ng pagpili at validation.

📌 MAHALAGANG PAALALA
• Kinakailangang nakarehistro sa National ID/PhilSys ang lahat ng miyembro ng pamilyang ma-validate na kwalipikado.
• Ihanda at dalhin ang mga kinakailangang dokumento para sa validation.
• Ang listahan ay para sa Community Validation at maaari pang beripikahin ng mga kinauukulan.
• Ang pagkakasama sa listahan ay hindi awtomatikong nangangahulugan ng pagiging kwalipikadong benepisyaryo; isasagawa pa ang kaukulang validation at assessment.

📄 MGA DOKUMENTONG DAPAT IHANDA
Birth Certificate – para sa lahat ng miyembro ng pamilya
Valid ID – para sa lahat ng miyembro ng pamilya, kung mayroon
• PhilSys / National ID
Katibayan ng Civil Status
• Marriage Certificate – kung kasal
• Certificate of Cohabitation mula sa Barangay – kung hindi kasal
School ID at School Certificate – para sa mga nag-aaral na miyembro ng pamilya
Iba pang kaukulang ID, kung mayroon:
• Solo Parent ID
• Person with Disability (PWD) ID
• Senior Citizen ID

Mangyaring pakiintay po ang abiso kung kailan ipapasa ang mga dokumento na kinakailangan..Maraming Salamat po

03/09/2026

📢 PAALALA SA LAHAT NG ATING KABARANGAY

WALA PO MUNANG MAGLABAS NG BASURA hanggang sa susunod na abiso.

Ito po ay dahil hindi makadaan ang ating garbage hauler at malalim ang tubig sa transfer station, kaya hindi po maisagawa ang regular na pangongolekta ng basura.

📌 Mangyaring huwag munang maglabas ng basura sa labas ng inyong mga tahanan. Pakiusap din po na pakisinop at panatilihing maayos ang inyong mga basura upang maiwasan ang pagkalat, mabahong amoy, at iba pang maaaring maging problema sa ating kapaligiran.

Magbibigay po ang Sangguniang Barangay ng Pio Cruzcosa ng abiso kung kailan maaari nang muling maglabas ng basura.

Maraming salamat po sa inyong*pang-unawa, pakikiisa, at disiplina. 🙏

Sangguniang Barangay ng Pio Cruzcosa
Para sa malinis, maayos, at ligtas na barangay. ♻️

03/09/2026

Mahalagang Pabatid!

02/09/2026

Maraming salamat sa ating mga masisipag at dedikadong Barangay Tanod, sa pangunguna ng ating masipag na Punong Barangay Kap. JC Lubaton, kasama sina Kons. Toto Vicente at ang ating mga Kagawad, sa kanilang walang-pagod na pagtutulungan upang maibsan at tuluyang humupa ang tubig sa ating lugar.

Malaking tulong ang paglalagay ng mga water pumps na nakakonekta sa mga subdivision, na naging daan upang mas mabilis na mailabas ang tubig at makatulong na maiwasan ang patuloy na pagbaha sa ating mga kalsada at komunidad.

Taos-puso rin ang aming pasasalamat kay Bokal Michael Fermin at Bokal Mina Fermin sa pagpapahiram ng isang water pump malaking tulong po ito sa agarang pag-apula at pagpapababa ng tubig sa ating lugar. Kay Sir Paul Guevara maraming maraming salamat po din po sa pagtulong sa aming barangay.

Lubos din po ang aming pasasalamat sa Ina ng Bayan ng Calumpit, Mayor Lem Faustino, kasama si Vice Mayor Zar Candelaria at ang Sangguniang Bayan ng Calumpit, sa inyong patuloy na suporta, malasakit, at pagtugon sa pangangailangan ng ating mga kababayan.

Maraming salamat po sa inyong walang-sawang serbisyo at pagtulong sa panahon ng pangangailangan! 🙏💙

01/09/2026

Mula po sa komunidad ng Pio Cruzcosa taos-puso po ang aming pasasalamat kay Senator Loren Legarda sa kanyang malasakit at pagkalinga sa ating mga kababayang naapektuhan ng pagbaha at kalamidad.

Malaking tulong po sa ating mga residente ang mga relief goods na inyong ipinagkaloob. Sa panahon ng pangangailangan, ang ganitong uri ng suporta ay nagbibigay hindi lamang ng tulong kundi pati ng pag-asa at lakas sa ating mga kabarangay upang makabangon mula sa mga pagsubok.

Lubos din po ang aming pasasalamat sa aming kabarangay na si Connie Villaruel, na naging mahalagang instrumento at tulay upang makarating ang tulong na ito sa ating mga kabarangay.

Hindi rin po namin nakakalimutang pasalamatan si Mayor Lem Faustino sa kanyang patuloy na suporta, malasakit, at pakikipagtulungan para sa kapakanan ng ating mga kabarangay. Ang inyong suporta ay malaking bagay upang mas mapabilis ang pag-abot ng tulong sa mga pamilyang nangangailangan.

At higit sa lahat, maraming salamat po sa mga masisipag na DSWD Staff, BFP, Volunteers, Tanod,Staff ng Barangay, Kagawad at sa ating Punong Barangay Kap. JC Lubaton na walang pagod na naghatid, nag-asikaso, at tumulong sa maayos na pamamahagi ng mga relief goods.

Maraming-maraming salamat po, Senator Loren Legarda, sa inyong patuloy na pagmamalasakit at serbisyo para sa ating mga kababayan. Nawa’y pagpalain pa po kayo upang patuloy na maging instrumento ng tulong at pag-asa sa ating mga nangangailangan.

31/08/2026

Maraming salamat po kay Senator B**g Go sa taos-pusong pangangamusta at pag-alala sa aming mga kabarangay na naapektuhan ng pagbaha. Lubos po naming pinahahalagahan ang inyong malasakit at agarang pagtugon sa pangangailangan ng ating mga kababayan.

Maraming salamat din po sa inyong pagbibigay ng relief goods na malaking tulong sa mga pamilyang dumaranas ng pagsubok. Ang inyong kabutihan at malasakit ay nagbibigay ng pag-asa at lakas sa aming komunidad.

Mula po sa Sangguniang Barangay ng Pio Cruzcosa sa pangunguna ni Kap JC Lubaton at sa aming mga kabarangay, maraming-maraming salamat po, Senator B**g Go. Nawa’y patuloy po kayong pagpalain at gamitin bilang instrumento ng pagtulong sa ating mga kababayan. Mabuhay po kayo! 🙏❤️

31/08/2026

Mula po sa Sangguniang Barangay ng Pio Cruzcosa, sa pangunguna ng ating masipag at mapagkalingang Punong Barangay Kap. JC Lubaton, taos-puso po kaming nagpapasalamat sa ating Punong Lalawigan sa pagkakaloob ng mga relief goods para sa ating mga kababayan na kasalukuyang nasa Evacuation Center sa Lexber.

Malaking tulong po ang inyong agarang pagtugon at malasakit sa ating mga kababayan, lalo na sa panahon ng pangangailangan. Ang inyong suporta ay patunay ng tunay na pagmamalasakit at serbisyo para sa ating komunidad.

Maraming, maraming salamat po! 🙏🤝❤️

31/08/2026

Simula alas-5 pa lamang ng umaga hanggang gabi, patuloy na nakamonitor ang ating Punong Barangay Kap. JC Lubaton, kasama ang mga Kagawad at mga Tanod, sa ating water pump upang makatulong sa pagpapababa ng tubig-baha sa ating lugar.

Ginagawa ang lahat ng paraan upang mapabilis ang pag-agos ng tubig at mabawasan ang pagbaha, para sa kaligtasan at kapakanan ng ating mga kabarangay.

Maraming salamat sa ating mga lingkod-barangay sa kanilang walang sawang pagbabantay, sakripisyo, at malasakit. 💙🙏

Serbisyo at malasakit, araw man o gabi para sa ating barangay!

31/08/2026

🌾 Bayanihan para sa Malinis na Barangay!

Patuloy ang paglilinis ng irrigation canal kasama ang masipag na Punong Barangay Kap. JC Lubaton at ang ating mga masisipag na Barangay Tanod. 🤝

Saludo sa inyong sipag at malasakit para sa kalinisan, kaayusan, at kapakanan ng buong komunidad! 💚

Sama-sama, malinis na kanal, mas maayos na barangay! 🌱

31/08/2026

Mahalagang Pabatid!

🚨𝐏𝐀𝐁𝐀𝐓𝐈𝐃 𝐒𝐀 𝐀𝐌𝐈𝐍𝐆 𝐌𝐆𝐀 𝐌𝐈𝐍𝐀𝐌𝐀𝐇𝐀𝐋 𝐍𝐀 𝐓𝐀𝐆𝐀𝐓𝐀𝐍𝐆𝐊𝐈𝐋𝐈𝐊💧

Kaugnay po ng aming pabatid nuong ika-29 ng Agosto 2026 hinggil sa aming pinangangambahang posibilidad na abutin na ng tubig baha ang aming mga deep wells, magalang pong ipinababatid ng Calumpit Water District (CWD) na dahilan sa mataas nang level ng tubig baha ay 𝐤𝐢𝐧𝐚𝐤𝐚𝐢𝐥𝐚𝐧𝐠𝐚𝐧 𝐧𝐚 𝐩𝐨 𝐧𝐚𝐦𝐢𝐧𝐠 𝐢𝐡𝐢𝐧𝐭𝐨 𝐚𝐧𝐠 𝐨𝐩𝐞𝐫𝐚𝐬𝐲𝐨𝐧 𝐧𝐠 𝐚𝐦𝐢𝐧𝐠 🏭𝐏𝐮𝐦𝐩𝐢𝐧𝐠 𝐒𝐭𝐚𝐭𝐢𝐨𝐧 𝐬𝐚 𝐆𝐑𝐄𝐄𝐍 𝐏𝐋𝐀𝐈𝐍𝐒 𝐒𝐔𝐁𝐃𝐈𝐕𝐈𝐒𝐈𝐎𝐍 bilang pagsasaalang-alang sa ⚠️𝐋𝐈𝐅𝐄 𝐀𝐍𝐃 𝐒𝐀𝐅𝐄𝐓𝐘 ng mga residente at ganoon din ang 𝐊𝐀𝐋𝐈𝐃𝐀𝐃 𝐍𝐆 𝐓𝐔𝐁𝐈𝐆 na maisu-supply sa mga kabahayan. Bagamat mayroon po tayong supply ng tubig na nagmumula sa Bulacan Bulk Water Supply, ito po ay hindi sapat para sa pangangailangan ng lahat ng residente sa Metro San Marcos.

Dahil po dito, nais po naming ipabatid na magkakaroon po ng paghina hanggang pagkawala ng tubig sa mga sumumusunod na lugar:

📍𝐆𝐫𝐞𝐞𝐧 𝐏𝐥𝐚𝐢𝐧𝐬 𝐒𝐮𝐛𝐝𝐢𝐯𝐢𝐬𝐢𝐨𝐧
📍𝐁𝐫𝐠𝐲. 𝐏𝐢𝐨 𝐂𝐫𝐮𝐳𝐜𝐨𝐬𝐚
📍𝐁𝐫𝐠𝐲. 𝐂𝐚𝐥𝐮𝐦𝐩𝐚𝐧𝐠
📍𝐁𝐫𝐠𝐲. 𝐋𝐨𝐧𝐠𝐨𝐬, 𝐂𝐚𝐥𝐮𝐦𝐩𝐢𝐭
📍𝐁𝐫𝐠𝐲. 𝐋𝐨𝐧𝐠𝐨𝐬, 𝐌𝐚𝐥𝐨𝐥𝐨𝐬
📍𝐏𝐚𝐫𝐭𝐞 𝐧𝐠 𝐁𝐫𝐠𝐲. 𝐒𝐚𝐧 𝐌𝐚𝐫𝐜𝐨𝐬

Amin pong pinapayuhan ang mga apektadong residente na mag-ipon 🪣 ng tubig na magagamit sa panahon ng mataas na pangangailangan.

Umaasa po kami sa inyong lubos na pang-unawa. 🙏 💙

𝑴𝒖𝒍𝒂 𝒔𝒂 𝑷𝒂𝒎𝒖𝒏𝒖𝒂𝒏 𝒏𝒈 𝑪𝑾𝑫.