11/08/2026
ππ₯πππππ‘π π‘ππͺπ¦: πππ¬ππ‘ π‘π ππππ¨π π£ππ§, ππ¦ππ‘ππππππ π‘π π¦π π¦π§ππ§π π’π πππππ ππ§π¬ π§‘π΅ππ¨ Bilang inyong Ina ng Bayan, ipinapaalam ko sa inyo na opisyal nang isinailalim ang Bayan ng Calumpit sa State of Calamity dahil sa malawakang pagbahasa lahat ng 29 nating barangay at patuloy na epekto ng matinding pag-ulan sa ating bayan.
Ang hakbang na ito ay batay sa aktuwal na sitwasyon sa ating bayan ang lawak ng mga lugar na naapektuhan ng baha, mga pamilyang kinailangang lumikas patungo sa mga evacuation center, patuloy na pagtaas at pananatili ng tubig sa mga mabababang lugar, at lumalawak na pangangailangan para sa rescue, relief at iba pang pangunahing serbisyo.
Batay sa assessment at monitoring ng ating Calumpit Municipal Disaster Risk Reduction and Management Council (MDRRMC), nagbigay ito ng rekomendasyon sa Sangguniang Bayan ng Calumpit na isailalim ang buong bayan sa State of Calamity upang higit na mapalakas at mapabilis ang pagtugon sa mga pangangailangan ng ating mga kababayan.
Sa pamamagitan nito, mas mapagtitibay natin ang ating mga hakbang para sa rescue, relief, evacuation, recovery at iba pang kinakailangang intervention para sa mga apektadong pamilya at komunidad.
Bilang inyong Ina ng Bayan, tinitiyak ko sa inyo na patuloy nating babantayan ang kalagayan ng bawat barangay. Hindi natin hihintaying lumala pa ang sitwasyon bago kumilos.
Hinihiling ko ang inyong patuloy na pakikiisa at pag-unawa.
Mag-ingat po tayong lahat. Manatiling alerto, makinig sa opisyal na mga abiso at unahin ang kaligtasan ng inyong pamilya.
Sa panahon ng kalamidad, iisa ang ating layunin na mailigtas ang buhay, matugunan ang pangangailangan ng bawat CalumpiteΓ±o, at sama-sama tayong makabangon.
Kumikilos tayo. Hindi tayo mag-iiwanan.
