Sangguniang Barangay ng San Marcos Calumpit

05/10/2026

TIGNAN: MONITORING NG BAWAT BARANGAY MAKIKINABANG PROGRAM

Nagayong araw isinagawa ang monitoring ng ₱200,000 Socio-Civic Project Fund sa ilalim ng Bawat Barangay Makikinabang Program ni Pangulong Ferdinand "B**g B**g" Marcos Jr. sa pamamagitan ni G. Dhon R. Cruz at pakikipagtulungan ng Sangguniang Barangay ng San Marcos

Ang nasabing pondo ay hinati sa dalawang bahagi:

🎓 ₱100,000 – Presidential Scholars
Ang ₱100,000 ay naipagkaloob na para sa limang (5) Presidential Scholars na kung saan ang bawat isa ay tumanggap ng halagang ₱ 20,000 noong ika-30 ng Hulyo 2026, bilang suporta sa kanilang pag-aaral.

🏘️ ₱100,000 – Barangay Project
Ang natitirang ₱100,000 ay ginamit para sa proyekto ng barangay, partikular sa pagbili ng:

🪑 100 pcs. Monoblock Chairs
⛺ 2 pcs. Steel Pipe Tents

Layunin ng monitoring na matiyak na ang ₱200,000 na pondo ay nagamit nang maayos, wasto, at naaayon sa mga itinakdang guidelines at alituntunin na ibinaba kaugnay ng programa ng Tanggapan ng Pangulo sa ilalim at gabay ng Department of the Interior and Local Government (DILG)

Sa pamamagitan ng wastong paggamit at dokumentasyon ng pondo, sinisiguro na ang bawat halaga ay napupunta sa layuning itinakda at tunay na napapakinabangan ng mga benepisyaryo at ng barangay.

Bawat Barangay, Makikinabang! 🤝

02/10/2026

Pabatid ! 📣

Para sa mga mahal na Senior Citizen ng ating barangay para sa pagsasaayos ng opisyal na listahan ng katandaan hinihiling po na kayo po ay magsumite ng XEROX o PHOTOCOPY ng inyong SENIOR ID na mayroong tatlong pirma dito po sa ating barangay hall.

Note: Para naman po sa mga magdiriwang ng kanilang ika-60 na kaarawan magmula Oktubre 16-31 ngayong taon ay mangyaring magsumite po ng ANY VALID GOVERNMENT ID .

PALALA : Ang DEADLINE po ng pagsusumite ay hanggang ika-15 ng Oktubre, 2026 lamang .

Sa iba pang kalinawan at katanungan palagiang bukas po ang tanggapan ng Samahan ng Senior Citizen ng Barangay San Marcos at lalo't higit ang Tanggapan ng ating Barangay . Salamat po

23/09/2026

𝗦𝗖𝗛𝗘𝗗𝗨𝗟𝗘 𝗡𝗚 𝗣𝗔𝗚𝗛𝗔𝗛𝗔𝗞𝗢𝗧 𝗡𝗚 𝗕𝗔𝗦𝗨𝗥𝗔 𝗦𝗔 𝗕𝗔𝗬𝗔𝗡 𝗡𝗚 𝗖𝗔𝗟𝗨𝗠𝗣𝗜𝗧.🧡 Patuloy nating isinasagawa ang mga kinakailangang hakbang upang matugunan ang mga naipong basura sa ating bayan. Narito ang pansamantalang iskedyul ng paghahakot na inayos batay sa dami ng requests at pangangailangan mula sa ating mga barangay.

Paalala po na hindi permanente ang iskedyul na ito. Ito ay pansamantalang hakbang upang mas mapabilis ang paghahakot sa mga lugar na may naipong basura. Patuloy nating minomonitor ang sitwasyon sa bawat barangay, at kapag nabawasan na ang mga naipong basura, ibabalik natin ang regular na iskedyul ng paghahakot.

Kung may mga lugar na hindi man nabanggit sa iskedyul, patuloy nating aasikasuhin ang mga ito ayon sa pangangailangan at dami ng requests.

Maraming salamat sa ating Municipal Environment and Natural Resources Office sa pamumuno ni Engr. Eva Valentin sa patuloy na pagtutok at pagkilos upang matugunan ang pangangailangan sa paghahakot ng basura sa ating bayan.

Maraming salamat po sa inyong pang-unawa, pasensya, at pakikiisa.

23/09/2026

📢 ANNOUNCEMENT | ASSESSMENT PARA SA ELIGIBLE 4Ps MEMBERS

Magkakaroon po ng Assessment para sa mga Eligible 4Ps Members sa ating barangay hall.

📌 1st Batch – List 1–25
📅 September 28, 2026 (Lunes)
🕘 9:00 AM
📍 Barangay Hall

📌 2nd Batch – List 26–50
📅 September 29, 2026 (Martes)
🕘 9:00 AM
📍 Barangay Hall

Paalala: Mangyaring tingnan ang inyong pangalan sa listahan at dumalo sa itinakdang araw at oras ng inyong assessment.

Mangyaring pakidala po ang mga kaukulang dokumento na hinihingi ng tanggapan ng 4Ps.

Maraming salamat po sa inyong pakikiisa at kooperasyon. 🤝

20/09/2026

18/09/2026

🏆🇵🇭 BARANGAY SAN MARCOS — REGIONAL AWARDEE! 🇵🇭🏆

Isang makabuluhang tagumpay at malaking karangalan para sa buong Barangay San Marcos ang pagkamit ng iba’t ibang pagkilala mula sa Department of the Interior and Local Government (DILG) Region III ngayong CY 2026.

🥇 REGIONAL AWARDEE — CY 2026 for BEST Barangay

🏅CERTIFICATE OF RECOGNITION - PUNONG BARANGAY IGG. JIMMY C. BERNARDINO

🏅 CERTIFICATE OF RECOGNITION - BARANGAY SECRETARY ROSEANN DC. CUBOS

🥇BARANGAY INFORMATION MANAGEMENT SYSTEM AWARDEE

Ang Barangay San Marcos ay kinilala bilang PASSER sa CY 2026 Building Excellence in Service and Transparency (BEST) for Barangay, isang pagkilalang iginawad ng DILG Region III bilang pagkilala sa mahusay na performance, dedikasyon at pagpapatupad ng mga pamantayan ng mabuting pamamahala sa antas-barangay.

📜 CERTIFICATE OF RECOGNITION — BARANGAY SAN MARCOS
Iginawad bilang pagkilala sa exceptional performance, unwavering dedication, and exemplary governance ng Barangay San Marcos na naging dahilan upang makamit ang pagkilala bilang PASSER sa CY 2026 BEST for Barangay.

🏅 CERTIFICATE OF RECOGNITION — PUNONG BARANGAY JIMMY C. BERNARDINO

Kinilala si Punong Barangay Jimmy C. Bernardino dahil sa kanyang steadfast commitment, excellent service, at visionary leadership na naging mahalagang bahagi ng pagkamit ng Barangay San Marcos ng pagkilalang PASSER sa CY 2026 BEST for Barangay.

Ang pagkilalang ito ay sumasalamin sa kanyang visionary leadership at commitment sa excellence, integrity at good governance, mga prinsipyong nagsisilbing gabay sa pagpapatakbo ng ating barangay.

Sa kanyang pamumuno, patuloy na binibigyang-diin ang kahalagahan ng accountability, transparency, shared responsibility at quality public service, habang isinusulong ang isang pamamahalang nakaugat sa Matino, Mahusay at Maasahang serbisyo.

Kinilala rin sa award ang kanyang mahalagang ambag sa pagtataguyod ng good governance, transparency, accountability at community-rooted public service, na naglalayong magkaroon ng isang barangay na tunay na tumutugon sa pangangailangan ng mga mamamayan.

🏅 CERTIFICATE OF RECOGNITION — BARANGAY SECRETARY ROSEANN DC. CUBOS

Kinilala rin si Barangay Secretary Roseann DC. Cubos bilang pagkilala sa tapat na dedikasyon, unwavering commitment, at exceptional service na naging bahagi ng pagpapaigting ng maayos na dokumentasyon, transparency, accountability at mahusay na serbisyo ng Barangay San Marcos.

📜 CERTIFICATE OF COMMENDATION — 100% OR HIGHER BARANGAY INHABITANTS ENCODING

Isa rin sa mahalagang pagkilala ang Certificate of Commendation para sa Barangay San Marcos dahil sa pagkamit ng 100% or Higher Barangay Inhabitants Encoding, batay sa 2024 Census of Population ng Philippine Statistics Authority (PSA), sa ilalim ng Barangay Inhabitants Profiling System (BIPS) Module of the Barangay Information Management System (BIMS).

Ang achievement na ito ay nangangailangan ng tuloy-tuloy na koordinasyon sa ating mga residente, masusing pag-verify ng mga entry, maayos na pagtatala ng impormasyon at pagtitiyak na kumpleto at na-upload sa system ang kinakailangang records.

Ang mga parangal na ito ay sumasalamin sa sama-samang pagsisikap ng ating Punong Barangay, mga Barangay Kagawad, Barangay Secretary, Barangay Treasurer, mga kawani, katuwang na volunteers, at higit sa lahat, ng ating mga kabarangay sa pagpapanatili ng maayos, episyente, transparent at responsableng pamamahala.

✨ MULA SA BARANGAY, PARA SA ATING MGA KABARANGAY

Ang mga pagkilalang ito ay higit pa sa isang sertipiko na maipagmamalaki. Ito ay bunga ng tuloy-tuloy na pagtutulungan, disiplina, responsibilidad at malasakit sa serbisyo publiko.

Ang bawat dokumentong maayos na naitala, bawat impormasyon na naproseso, bawat programa na naisakatuparan, at bawat serbisyong naihatid sa ating mga kabarangay ay bahagi ng kwento ng tagumpay na ito.

Taos-pusong pasasalamat sa DILG Region III sa pagkilala sa pagsisikap ng Barangay San Marcos. Ang mga parangal na ito ay magsisilbing inspirasyon upang patuloy nating itaguyod ang transparency, accountability, mahusay na serbisyo at mabuting pamamahala.

At higit sa lahat, ang pagkilalang ito ay para sa BUONG BARANGAY SAN MARCOS. ❤️

Isang Barangay. Isang Layunin. Isang Serbisyo.
BARANGAY SAN MARCOS — REGIONAL AWARDEE! 🏆🇵🇭

Matino. Mahusay. Maasahan.
Patuloy na naglilingkod para sa bawat mamamayan 🧡

14/09/2026

TULONG MO. TULONG KO. TULONG NIYO.

Ang Sangguniang Barangay po ng Barangay San Marcos ay taos-pusong nagpapasalamat sa ating mahal na Punong Bayan, Mayor Lem Faustino, sa pagaabot ng biyaya para sa ating mga kabarangay.

Lubos po naming pinahahalagahan ang inyong malasakit, suporta, at patuloy na pagtulong sa ating mga mamamayan. Ang bawat tulong na inyong ibinabahagi ay malaking ginhawa para sa mga pamilyang nangangailangan at patunay ng inyong tunay na malasakit sa kapakanan ng ating mga kababayan.

Sa pamamagitan ng ganitong pagkakaisa at pagtutulungan ng ating pamahalaang bayan at barangay, mas napapalakas natin ang pagtugon sa pangangailangan ng ating komunidad. Nawa’y magsilbi itong inspirasyon upang patuloy nating isabuhay ang diwa ng bayanihan at malasakit sa isa’t isa.

Tulong Mo. Tulong Ko. Tulong Niyo.
Sa pagkakaisa at pagtutulungan, mas malakas ang ating Bayan 🤝🧡

09/09/2026

09.09.2026

Lubos pong nagpapasalamat ang bumubuo ng Sangguiniang Barangay ng San Marcos sa St. Martin’s Foundation. Inc sa kanilang ipinaabot na tulong sa ating mga ka barangay at mga pamilya na kasalukuyang nakalikas na sa ating evacuation centers. 🧡