27/02/2024
CHA-CHA NI MARCOS, BIBIGUIN NG MAMAMAYAN 🗑️‼️
ICYMI: Nakiisa ang ANAKBAYAN South Caloocan, kasama ang iba't ibang sektor ng Caloocan, Malabon, Navotas, at Valenzuela (CAMANAVA) sa EDSA@38; mula sa Monumento Circle hanggang sa EDSA Shrine.
Patuloy na ngang tumataas ang presyo ng mga pagkain, tubig, pamasahe, at matrikula sa mga pamantasan, tulad lamang ng inaasahang 6% Tuition and Other Fees Increase (TOFI) sa University of the East Caloocan, ang tugon pa ni Marcos Jr. sa krisis na ito ay Charter Change (Cha-Cha).
Sa panahon kung saan ang mga kabataan mula sa iba't ibang sektor ng ating lipunan ay apektado ng krisis sa ekonomiya, transportasyon, at edukasyon, ang Cha-Cha ng rehimeng US-Marcos II na layon ay buksan ang ating ekonomiya sa mga dayuhan ay magsisilbing dagdag pahirap lamang.
Hindi sagot sa krisis ang Cha-Cha ng US-Marcos II, kundi ang pagtanggal ng mga hadlang sa edukasyon, pambansang industriyalisasyon, tunay na reporma sa lupa, at pagtigil ng kaniyang pagiging tuta sa imperyalistang Estados Unidos. Maaasahan natin na kapag natuloy ang Cha-Cha, patuloy, at mas lalala, ang pribatisasyon at komersalisayon ng ating mga karapatan— patuloy at mas lalala ang krisis sa ating lipunan.
Hamon ngayong Ika-38 na andibersaryo ng EDSA People Power Revolution (PPR) ang muling pagsanib ng mga kabataan sa mga batayang sektor ng ating lipunan upang sama-sama nating matutulan ang maka-dayuhan at anti-mamamayan na Cha-Cha ng US-Marcos II.
Hindi natatapos sa paggugunita sa EDSA PPR, ang ating laban. Sa panahon ng pagbalik nanaman ng pasistang US-Marcos sa ating bayan, ating alalahanin na ang tunay na tigapaglikha ng kasaysayan ay ang sambayanan parin mismo.
Kabataan, tutulan ang ChaCha!
Buhayin ang diwa ng EDSA!
SUMALI SA ANAKBAYAN SOUTH CALOOCAN:
bit.ly/Join-ABSouthCalo
