05/11/2023
๐๐๐ ๐๐๐๐ ๐๐ ๐๐๐๐๐๐๐๐๐๐๐๐๐๐๐๐ ๐๐๐
๐๐ ๐๐ ๐๐๐๐๐๐๐ ๐๐ โ๐๐๐๐๐๐๐ ๐๐๐๐๐๐๐๐๐โ ๐๐ ๐๐๐๐๐๐๐๐๐๐๐๐ ๐๐๐, ๐๐๐๐๐๐๐๐๐!
AGUAS, RIZAL, OCCIDENTAL MINDORO โ Bangkay nang natagpuan ang isang hinihinalang labi ng CAA sa Sitio Ulango, Brgy Malpalon, Calintaan, Occidental Mindoro habang nagsasagawa ng combat operations ang tropa noong ika-28 ng Oktubre, taong kasalukuyan.
Base sa impormasyong ibinigay ng isang miyembro ng New Peopleโs Army na nauna ng nahuli ng kasundaluhan sa mga nakaraang operasyon ng militar sa Oriental Mindoro, ang nasabing labi ay pinaniniwalaang kay CAA Ruffy Solanoy Avila BT-G16-000081 PA na ibinaon ng grupo sa nasabing lugar ang kaawa awang CAFGU pagkatapos nila itong hatulan ng kamatayan. Matatandaan na noon lamang Enero ng kasalukuyang taon ay naiulat na nawawala ang nasabing personalidad, kasama ang dalawa pang katutubong (Mangyan) sibilyan habang naghahanap ng makakain na pambuhay sa pamilya sa bulubunduking bahagi ng Calintaan, Occidental Mindoro.
Sa kalaunan, napag alaman na ang mga nasabing nawawalang indibidual ay dinukot at karumaldumal na pinaslang ng terroristang grupo na kinabibilangan ng pinagsanib na pwersa ng Main Regional Guerilla Unit (MRGU) na pinangungunahan ni Jovito Marquez at natitirang grupo ng Kilusang Larangang Guerilla Glenn Marie Tamboong (KLG GMT) na pinamunuan ni Reina Grace Tejada , sa utos na rin ng liderato ng Southern Tagalog Regional Party Committee (STRPC). Ang nasabing pagpatay ay isinagawa mismo ni Sonny S. Rogelio , Vice PL ng Main Regional Guerilla Unit (MRGU), ayon sa nahuling rebelde.
Ang pagkakatunton at pagkakadiskubre sa pinaglibingan sa nasabing nawawalang CAA ay bunga ng pakikipagtulungan ng nahuling rebelde na agad namang ipinaalam at inaksyunan ng mga tropa ng 68th Infantry (Kaagapay) Battalion at mga miyembro ng kapulisan mula ng Municipal Police Station ng Calintaan, Occidental Mindoro na nagresulta sa matagumpay na pagkuha sa mga labi ng nasabing bangkay. Patuloy din na hahanapin ang labi ng dalawa pang biktima ng โSummary Executionโ upang magawaran ng disenteng libing at mabigyan ng hustisya.
Samantala, ipinaalam na sa pamilya ng nasabing CAA ang pangyayari habang naghihintay ng โforensic doctorโ mula sa SOCO, Occidental Mindoro para sa malalimang pagsasaliksik sa nasabing bangkay at makumpirma ang pangkakakilanlan nito. Kasama sa proseso ay ang pagsasampa ng kasong โmurderโ at paglabag sa karapatang pantao laban sa terroristang grupo para mabigyan ng hustisya ang sinapit nito. Kaakibat nito ay ang pagbibigay sa labi ng biktima sa kamag-anak upang mabigyan ng maayos na libing.
Ipinaabot naman ni Lieutenant Colonel Marlon T. Salvador, Commanding Officer ng 68th Infantry (Kaagapay) Battalion ang pakikiramay sa magulang at kamag-anak ng mga biktima. Sa kanyang pahayag โAng mga ganitong pangyayari ay isang pagpapatuany ng kalupitan at hindi makatarungang pinaglalaban ng mga teroristang grupo. Malinaw na ito ay paglabag sa karapatang pantao at hindi makatarungan paghatol ng mga liderato ng CPP-NPA-NDF na kung saan ay taliwas sa kanilang isinusulong nga pagkakapantay-pantay at paggalang sa karapatan ng lahat ng taoโ, ani pa niya. Sinisiguro din nya na makuha ng pamilya ang karampatang benepisyo at pagkilala sa kabayanihan kapalit ng pagbubuwis ng buhay alang alang sa pagtupad ng tungkulin bilang CAA ng yunit.
68th Infantry "Kaagapay" Battalion, Philippine Army
