04/05/2026
Una sa lahat pagpupuri at pagpapasalamat sa Panginoong Diyos sa pagbibigay ng biyaya sa ating lahat!
Isang taos-pusong pasasalamat po ang ipinaaabot ng Pamahalaang Barangay ng Barangay Carlosa, sa pangunguna ng aming butihing Punong Barangay, Kapitan William Rasdas, kay Hon. Mayor Rico Puno, sa kanyang walang sawang suporta at malasakit sa aming komunidad.
Lubos po naming ipinagpapasalamat ang pagpapatayo ng stage sa aming covered court na magsisilbing mahalagang lugar para sa iba’t ibang programa, pagtitipon, at aktibidad ng aming mga kabarangay, higit sa lahat ng aming Paaralan. Ang proyektong ito ay malaking ambag sa patuloy na pag-unlad at pagkakaisa ng aming barangay.
Maraming salamat po sa inyong dedikasyon sa paglilingkod. Nawa’y patuloy kayong gabayan at pagpalain ng Poong Maykapal sa inyong mga adhikain para sa kapakanan ng inyong nasasakupan.
Lubos po kami nagpapasalamat sa palagi ninyo po pagalalay sa aming mahal na Punong Barangay Kap William Rasdas sa mga proyekto ng aming barangay.
