https://www.facebook.com/898556616963071/

Calapan City, Calapan (2026)

05/06/2026

EDUKASYON AT KAALAMAN, DIREKTANG INIHATID SA BARANGAY MASIPIT! 📚✨

Dumating ang programang "Library in Action" sa Barangay Masipit, isang inisyatibo ng City Government of Calapan sa pangunguna ng City Public Library of Calapan. Layunin ng programang ito na ilapit sa mga pamayanan ang mga libreng libro at iba pang kagamitan sa pagkatuto na magpapalawak sa kaalaman ng ating mga kabataan.

Kitang-kita ang labis na galak at pananabik sa mukha ng mga batang Masipit na maagang nakilahok at nagbasa. Malaking tulong ang mga ganitong aktibidad upang mahubog ang kanilang hilig sa pagbabasa at pag-aaral.

Nakisaya at naghatid naman ng isang makabuluhang inspirational message si City Administrator Angel Navarro, na dumalo bilang kinatawan ng ating ama ng lungsod, City Mayor Doy Leachon.

Buo at walang patid ang suporta ni Mayor Doy Leachon sa mga ganitong programa na naglalayong itaguyod ang edukasyon at patuloy na magbigay ng maliwanag na kinabukasan para sa mga kabataang Calapeño.

04/06/2026

𝐈𝐬𝐢𝐧𝐚𝐠𝐚𝐰𝐚𝐧𝐠 𝐑𝐞𝐨𝐫𝐠𝐚𝐧𝐢𝐬𝐚𝐬𝐲𝐨𝐧 𝐧𝐠 𝐂𝐁𝐌𝐒 𝐂𝐨𝐨𝐫𝐝𝐢𝐧𝐚𝐭𝐢𝐧𝐠 𝐁𝐨𝐚𝐫𝐝, 𝐓𝐢𝐧𝐚𝐥𝐚𝐤𝐚𝐲 𝐚𝐧𝐠 𝐦𝐠𝐚 𝐌𝐚𝐡𝐚𝐡𝐚𝐥𝐚𝐠𝐚𝐧𝐠 𝐏𝐫𝐨𝐠𝐫𝐚𝐦𝐚 𝐚𝐭 𝐈𝐧𝐢𝐬𝐲𝐚𝐭𝐢𝐛𝐨

Matagumpay na isinagawa ang reorganisasyon ng Community-Based Monitoring System (CBMS) Coordinating Board sa pangunguna ng Provincial Statistical Office of Oriental Mindoro at Pamahalaang Lungsod ng Calapan, upang higit na mapalakas ang koordinasyon at pagpapatupad ng mga programang nakabatay sa datos sa lokal na pamahalaan.

Sa pagpupulong, iprinesinta ang overview ng CBMS upang muling maipaalala ang kahalagahan nito bilang pangunahing kasangkapan sa pangangalap ng datos na nagsisilbing batayan sa pagpaplano at pagbuo ng mga programa para sa komunidad. Tinalakay rin ang membership at terms of reference ng CBMS Coordinating Board upang malinaw na maipabatid ang mga tungkulin at responsibilidad ng bawat miyembro.

Kasunod nito, inilahad ang mga nakatakdang capacity strengthening activities para sa mga Local Government Units (LGUs) sa 2026 na naglalayong higit pang paunlarin ang kakayahan ng mga lokal na opisyal at kawani sa paggamit at pagsusuri ng CBMS data. Isa rin sa mga tampok na paksa ang presentasyon ng 2027 CBMS Resource Allocation Tool, na inaasahang magiging mahalagang gabay sa mas epektibo at patas na paglalaan ng mga programa, proyekto, at pondo batay sa aktuwal na pangangailangan ng mga mamamayan. Tinalakay rin ang iba pang mga usaping may kaugnayan sa patuloy na pagpapatupad at pagpapahusay ng CBMS.

Ayon kay Calapan City Mayor Doy C. Leachon, mahalaga ang isinagawang reorganisasyon at pagpupulong dahil pinagtitibay nito ang ugnayan ng mga katuwang na ahensya at tanggapan sa pagpapatupad ng CBMS.

Sa pamamagitan ng malinaw na koordinasyon, kapasidad na pagpapaunlad, at paggamit ng makabuluhang datos, mas magiging epektibo ang pagpaplano at paghahatid ng mga serbisyo ng pamahalaan, na magdudulot ng mas inklusibo at responsibong pag-unlad para sa buong komunidad.

(Kate R. Redublo/CIO)

03/06/2026

𝐏𝐀𝐆𝐓𝐈𝐍𝐃𝐈𝐆 𝐍𝐆 𝐏𝐀𝐆-𝐀𝐒𝐀
𝐇𝐚𝐤𝐛𝐚𝐧𝐠 𝐓𝐮𝐧𝐠𝐨 𝐬𝐚 𝐌𝐚𝐬 𝐌𝐚𝐠𝐚𝐧𝐝𝐚𝐧𝐠 𝐁𝐮𝐤𝐚𝐬!

Isinagawa ika-3 ng Hunyo ang Prosthetic Legs Measurement Activity ng Pamahalaang Lungsod ng Calapan sa pangunguna ni Mayor Doy C. Leachon, sa pamamagitan ng Persons with Disability Affairs Office (PDAO) sa pamamahala ni Ms. Glenda D. Valerio, PDAO OIC, katuwang ang Orthofit Prosthetics and Orthotics Ph.

Layunin ng gawaing ito na mabigyan ng pagkakataon ang mga benepisyaryong nangangailangan ng prosthetic legs upang muling makalakad nang may dignidad, kumpiyansa, at pag-asa. Sa pamamagitan ng maayos na pagsukat, masisig**o ang angkop at komportableng prosthetic legs para sa bawat kwalipikadong indibidwal.

Patunay ang programang ito ng patuloy na malasakit ng Pamahalaang Lungsod ng Calapan sa sektor ng mga Persons with Disabilities (PWDs). Higit pa sa pagbibigay ng kagamitan, ito ay pagbibigay ng pagkakataong muling makabangon, maging produktibo, at makilahok nang ganap sa komunidad. Ang mga ganitong programa ay nagpapakita ng isang inklusibo at makataong pamahalaan na walang iniiwan at walang pinapabayaan sa pag-abot ng kaunlaran.

Sa prosthetic legs, bagong lakas, bagong bukas.

(Kate R. Redublo/CIO)

03/06/2026

𝐋𝐈𝐁𝐑𝐀𝐑𝐘 𝐈𝐍 𝐀𝐂𝐓𝐈𝐎𝐍

Sa kabila ng pabago-bagong panahon, matagumpay na naisagawa ng Calapan City Public Library ang programang Library in Action sa Barangay Nag-iba II, na naglalayong mailapit ang mga aklat at iba't ibang serbisyong pang-aklatan sa mga kabataang Calapeño.

Pinangunahan ni Ms. Claire P. Benter, City Librarian, ang nasabing aktibidad bilang bahagi ng patuloy na adhikain ng tanggapan na mapaunlad ang kultura ng pagbabasa at mapalawak ang akses ng komunidad sa mga mapagkakatiwalaang sanggunian at kaalaman.

Sa pamamagitan ng programang ito, nabigyan ng pagkakataon ang mga kabataan na makilahok sa mga gawaing pang-edukasyon at makaranas ng makabuluhang paglalakbay sa mundo ng pagbabasa. Ang inisyatibang ito ay patunay ng dedikasyon ng Pamahalaang Lungsod ng Calapan, sa pangunguna ni Mayor Doy C. Leachon, na itaguyod ang edukasyon at intelektuwal na pag-unlad ng bawat mamamayan.

Patuloy na nagsisilbing tulay ang Calapan City Public Library upang maihatid ang kaalaman, mapayabong ang imahinasyon, at mahikayat ang mga kabataan na yakapin ang pagbabasa bilang susi sa mas maliwanag at matagumpay na kinabukasan.

Sa bawat pahinang nabubuksan at bawat kuwentong natutuklasan, mas lalo pang napapalapit ang mga kabataang Calapeño sa kanilang mga pangarap at mithiin sa buhay.

(Kate R. Redublo/CIO)

03/06/2026

𝐋𝐈𝐁𝐑𝐀𝐑𝐘 𝐈𝐍 𝐀𝐂𝐓𝐈𝐎𝐍

Sa kabila ng pabago-bagong panahon, matagumpay na naisagawa ng Calapan City Public Library ang programang Library in Action sa Barangay Nag-iba II, na naglalayong mailapit ang mga aklat at iba't ibang serbisyong pang-aklatan sa mga kabataang Calapeño.

Pinangunahan ni Ms. Claire P. Benter, City Librarian, ang nasabing aktibidad bilang bahagi ng patuloy na adhikain ng tanggapan na mapaunlad ang kultura ng pagbabasa at mapalawak ang akses ng komunidad sa mga mapagkakatiwalaang sanggunian at kaalaman.
Sa pamamagitan ng programang ito, nabigyan ng pagkakataon ang mga kabataan na makilahok sa mga gawaing pang-edukasyon at makaranas ng makabuluhang paglalakbay sa mundo ng pagbabasa. Ang inisyatibang ito ay patunay ng dedikasyon ng Pamahalaang Lungsod ng Calapan, sa pangunguna ni Mayor Doy C. Leachon, na itaguyod ang edukasyon at intelektuwal na pag-unlad ng bawat mamamayan.

Patuloy na nagsisilbing tulay ang Calapan City Public Library upang maihatid ang kaalaman, mapayabong ang imahinasyon, at mahikayat ang mga kabataan na yakapin ang pagbabasa bilang susi sa mas maliwanag at matagumpay na kinabukasan.
Sa bawat pahinang nabubuksan at bawat kuwentong natutuklasan, mas lalo pang napapalapit ang mga kabataang Calapeño sa kanilang mga pangarap at mithiin sa buhay.

(Kate R. Redublo/CIO)

02/06/2026

𝐏𝐞𝐧𝐬𝐢𝐨𝐧 𝐚𝐧𝐠 𝐇𝐚𝐭𝐢𝐝, 𝐍𝐠𝐢𝐭𝐢’𝐲 𝐊𝐚𝐩𝐚𝐥𝐢𝐭

Bilang patuloy na pagkilala at pag-aaruga ng Pamahalaang Lungsod sa pangunguna ni Calapan City Mayor Doy C. Leachon, sa ating mga nakatatandang mamamayan, sinimulan kahapon, unang araw ng Hunyo, ang Social Pension Payout para sa mga kwalipikadong senior citizen sa Lungsod ng Calapan sa pangunguna ng City Social Welfare and Development Department sa ilalim ng pamamahala ni CSWDO Madam Juvy Bahia RSW.

Aabot sa humigit-kumulang 6,996 na benepisyaryo mula sa 62 barangay ng lungsod ang makatatanggap ng tig ₱3,000 na social pension. Ang payout ay tatagal ng ilang araw upang matiyak na maayos at maipagkakaloob sa bawat benepisyaryo ang tulong na nararapat para sa kanila.

Higit pa sa halagang kanilang matatanggap, ang social pension ay simbolo ng pagpapahalaga ng pamahalaan sa mga senior citizen na minsang nagsilbing haligi ng kanilang pamilya at komunidad. Para sa marami sa kanila, ang ayudang ito ay malaking tulong sa pagbili ng gamot, pagkain, at iba pang pang-araw-araw na pangangailangan.

Sa bawat pag-abot ng tulong, kasabay nitong naihahatid ang mensahe na hindi nakakalimutan ng pamahalaan ang kanilang mga sakripisyo at ambag sa lipunan. Ang mga ngiting makikita sa mga benepisyaryo ay patunay na ang simpleng pagkalinga ay may malaking epekto sa kanilang buhay.

Patuloy na isinusulong ng Pamahalaang Lungsod ng Calapan ang mga programang nagbibigay-dangal, suporta, at pag-asa sa mga mamamayan ng Calapan, lalo na sa mga nakatatanda. Sapagkat sa isang lungsod na may malasakit, bawat senior citizen ay mahalaga, pinapahalagahan, at hindi naiiwan.

(Kate R. Redublo/CIO)

01/06/2026

𝐁𝐑𝐈𝐆𝐀𝐃𝐀 𝐄𝐒𝐊𝐖𝐄𝐋𝐀 𝟐𝟎𝟐𝟔

Ika-1 ng Hunyo, 2026, ganap na ika-8:00 ng umaga, isinagawa ang 𝐁𝐫𝐢𝐠𝐚𝐝𝐚 𝐄𝐬𝐤𝐰𝐞𝐥𝐚 𝟐𝟎𝟐𝟔: Bayanihan sa Paaralan: Nagkakaisa para sa Kaayusan at Kaalaman sa 𝐕𝐢𝐜𝐞𝐧𝐭𝐞 𝐚𝐧𝐝 𝐀𝐬𝐭𝐫𝐨𝐧𝐢𝐜𝐚 𝐆𝐨𝐳𝐚𝐫 𝐒𝐚𝐦𝐚𝐥𝐚 𝐍𝐚𝐭𝐢𝐨𝐧𝐚𝐥 𝐇𝐢𝐠𝐡 𝐒𝐜𝐡𝐨𝐨𝐥 sa ilalim ng 𝐒𝐜𝐡𝐨𝐨𝐥𝐬 𝐃𝐢𝐯𝐢𝐬𝐢𝐨𝐧 𝐨𝐟 𝐂𝐚𝐥𝐚𝐩𝐚𝐧 𝐂𝐢𝐭𝐲, na naglalayong palakasin ang pagtutulungan ng paaralan at komunidad para sa kahandaan sa pasukan.

Nagsimula ang programa sa Welcome Message ni 𝐌𝐚’𝐚𝐦 𝐇𝐞𝐬𝐭𝐢𝐚 𝐌𝐚𝐫𝐢𝐞 𝐍. 𝐀𝐫𝐞𝐥𝐥𝐚𝐧𝐨, Officer-in-Charge at Statement of Purpose, 𝐌𝐚’𝐚𝐦 𝐌𝐚𝐫𝐢𝐭𝐞𝐬 𝐏. 𝐏𝐞𝐫𝐞𝐳, EdD, Assistant Schools Division Superintendent.

Sinundan ito ng mensahe mula sa 𝐂𝐢𝐭𝐲 𝐕𝐢𝐜𝐞 𝐌𝐚𝐲𝐨𝐫 𝐁𝐢𝐦 𝐈𝐠𝐧𝐚𝐜𝐢𝐨 at Sangguniang Panglungsod ng Calapan. Buong puso ring nagbigay ng suporta ang 𝐏𝐮𝐧𝐨𝐧𝐠 𝐋𝐮𝐧𝐠𝐬𝐨𝐝 𝐧𝐠 𝐂𝐚𝐥𝐚𝐩𝐚𝐧, 𝐌𝐚𝐲𝐨𝐫 𝐃𝐨𝐲 𝐂. 𝐋𝐞𝐚𝐜𝐡𝐨𝐧.

Naging bahagi ng programa ang pagtatanghal ng mga mag-aaral mula sa Baruyan Elementary School, gayundin ang suporta ng Barangay Chairperson, Alumni President, SPTA President, at School Major Stakeholder, kasabay ng Acceptance of Donations and Pledges. Nagbigay rin ng mensahe at opisyal na pahayag ng Brigada Eskwela 2026 si 𝐌𝐚’𝐚𝐦 𝐒𝐮𝐬𝐚𝐧𝐚 𝐌. 𝐁𝐚𝐮𝐭𝐢𝐬𝐭𝐚, School Division Superintendent. Katuwang ng programa ang 𝐃𝐞𝐩𝐚𝐫𝐭𝐦𝐞𝐧𝐭 𝐨𝐟 𝐄𝐝𝐮𝐜𝐚𝐭𝐢𝐨𝐧 (DepEd), kabilang na ang mga dumalo na mga opisyal ng SDO, mga punong-g**o, g**o, at Lokal na Pamahalaan ng Calapan.

Sa pangalawang bahagi ng programa, isinagawa ang Groundbreaking Ceremony at ang aktuwal na paglulunsad ng Brigada Eskwela bilang simbolo ng pagsisimula ng sama-samang pagkilos para sa kaayusan at kahandaan ng paaralan para sa bawat mag-aaral. Pinangunahan ang daloy ng programa nina Ma'am 𝐃𝐨𝐧𝐧𝐚 𝐍. 𝐃𝐞𝐥𝐨𝐬 𝐒𝐚𝐧𝐭𝐨𝐬 at Ma'am 𝐌𝐚𝐫𝐢𝐚 𝐌. 𝐂𝐚𝐫𝐚𝐧𝐝𝐚𝐧𝐠.

(Michaella Noche / CIO Intern)

01/06/2026

𝐌𝐀𝐁𝐈𝐋𝐈𝐒, 𝐋𝐈𝐆𝐓𝐀𝐒, 𝐀𝐓 𝐃𝐈𝐆𝐈𝐓𝐀𝐋 𝐍𝐀 𝐒𝐄𝐑𝐁𝐈𝐒𝐘𝐎 𝐏𝐀𝐑𝐀 𝐒𝐀 𝐌𝐆𝐀 𝐂𝐀𝐋𝐀𝐏𝐄Ñ𝐎! 📱💼

Ganoon na lang kadali! Pormal nang nilagdaan ang isang Memorandum of Agreement (MOA) sa pagitan ng ating City Government of Calapan at ng GCash upang ihatid ang mas mabilis, hassle-free, at digital na paraan ng pagbabayad para sa mga transaksyon sa ating City Hall.

Sa pamamagitan ng inisyatibong ito na personal na isinusulong ng ating ama ng lungsod, City Mayor Doy Leachon, hindi na kailangan pang pumila nang matagal ng ating mga kababayan. Bukod sa mas pinabilis na proseso, malaking hakbang din ito upang mabawasan ang mga paperworks sa pamahalaan tungo sa isang mas eco-friendly at modernong pamamalakad.

Ang tagumpay na ito ay naging posible sa ilalim ng pamamahala at teknikal na paggabay ng ating Management and Information Systems Office (MISO) sa pamumuno ni Engr. Alven De Guzman.
Patuloy ang ating lokal na pamahalaan sa paghahanap ng mga makabagong solusyon upang mas mapalapit at mapadali ang serbisyo publiko para sa bawat Calapeño. Dahil sa Calapan, tuloy-tuloy ang pag-asenso at pagbabago! 🧡➡️📱

Calapan City

05/06/2026

04/06/2026

03/06/2026

03/06/2026

03/06/2026

02/06/2026

01/06/2026

01/06/2026

Address

Website

Alerts

Shortcuts

Share

Category