Barangay San Antonio

Directions Contact the organization

Barangay San Antonio Contact information, map and directions, contact form, opening hours, services, ratings, photos, videos and announcements from Barangay San Antonio, Government Organization, San Antonio Barangay Hall, Calapan.

📸 IN PHOTOS | STATE OF THE BARANGAY ADDRESS (SOBA) – 2ND SEMESTER 2026Bilang bahagi ng Barangay General Assembly – 2nd S...
25/10/2026

📸 IN PHOTOS | STATE OF THE BARANGAY ADDRESS (SOBA) – 2ND SEMESTER 2026

Bilang bahagi ng Barangay General Assembly – 2nd Semester 2026 ng Barangay San Antonio inilahad ni Punong Barangay Hon. Baby Doris Manalo Corcuera ang kanyang State of the Barangay Address (SOBA), kung saan ibinahagi ang mahahalagang impormasyon tungkol sa mga programa, proyekto, at serbisyong naipatupad at patuloy na isinusulong ng pamahalaang barangay.

Kabilang sa mga tinalakay ang Damayan Program, isang programang nagbibigay-diin sa pagtutulungan, malasakit, at pagkakaisa sa pagtugon sa pangangailangan ng mga kabarangay.

Sa pamamagitan ng ulat na ito, nabigyan ng pagkakataon ang mga residente na malaman ang mga nagawa ng barangay, ang mga kasalukuyang programa, at ang mga planong patuloy na isasakatuparan para sa ikabubuti ng ating pamayanan.

Ang SOBA ay mahalagang bahagi ng pagsusulong ng transparency, pananagutan, at bukas na komunikasyon sa pagitan ng pamahalaang barangay at ng mga mamamayan.

Maraming salamat po sa lahat ng dumalo at nakiisa sa ating General Assembly. Patuloy tayong magtulungan at magkaisa tungo sa isang mas maayos, ligtas, at maunlad na Barangay San Antonio!

Sa pangunguna ni Kap Doris, patuloy ang serbisyong may malasakit para sa bawat kabarangay! ❤️

📸 IN PHOTOS | RECOGNITION OF LICENSURE EXAMINATION AND CAREER SERVICE PROFESSIONAL EXAMINATION PASSERS – 2026Isang karan...
25/10/2026

📸 IN PHOTOS | RECOGNITION OF LICENSURE EXAMINATION AND CAREER SERVICE PROFESSIONAL EXAMINATION PASSERS – 2026

Isang karangalan para sa Barangay San Antonio na kilalanin ang tagumpay ng ating mga kabarangay na nagpakita ng sipag, dedikasyon, at determinasyon sa pagkamit ng kanilang mga pangarap.

Iginawad ang mga Certificate of Recognition sa mga sumusunod na indibidwal bilang pagkilala sa kanilang mga natatanging tagumpay:

Ms. Alliah Benedictte P. Sibayan, RN –Top 9, Nursing Licensure Examination

Ms. Jamielyn P. Macalalad, RN – Nursing Licensure Examination Passer

Ms. Jhenzen S. Bon, RN – Nursing Licensure Examination Passer

Ms. Kielly M. Generato, RSW – Social Workers Licensure Examination Passer

Ms. Nichole V. Evora – Career Service Professional Examination Passer

Ang inyong mga tagumpay ay patunay na ang pagsisikap at pagtitiyaga ay nagbubunga ng magagandang oportunidad. Ipinagmamalaki kayo ng Barangay San Antonio! Nawa'y magsilbi kayong inspirasyon sa ating mga kabataan at sa lahat ng patuloy na nagsusumikap upang maabot ang kanilang mga pangarap.

Congratulations sa inyong lahat! Nawa'y maging matagumpay ang inyong mga susunod na hakbang sa inyong mga professional careers. Patuloy na abutin ang mas matataas na pangarap at gamitin ang inyong kaalaman at kakayahan sa paglilingkod sa kapwa.

Mula sa Barangay San Antonio, saludo kami sa inyong tagumpay! ❤️👏

📸 IN PHOTOS | ULAT PINANSIYAL NG BARANGAY AT ULAT NG SANGGUNIANG KABATAANBilang bahagi ng Barangay General Assembly – 2n...
25/10/2026

📸 IN PHOTOS | ULAT PINANSIYAL NG BARANGAY AT ULAT NG SANGGUNIANG KABATAAN

Bilang bahagi ng Barangay General Assembly – 2nd Semester 2026, inilahad ni Barangay Treasurer Alejandro De Guzman ang ulat tungkol sa kalagayang pinansyal ng barangay, kabilang ang mahahalagang impormasyon ukol sa pondo at pananalapi ng ating pamahalaang barangay.

Nagbigay rin ng ulat si SK Chairperson Hon.John Clenze Compleza hinggil sa mga programa, proyekto, at mga gawaing isinasakatuparan ng Sangguniang Kabataan para sa kapakanan at kaunlaran ng mga kabataan sa ating barangay.

Ang mga ulat na ito ay bahagi ng pagsusulong ng transparency at pananagutan sa paggamit ng pondo, gayundin ng pagbibigay-kaalaman sa mga kabarangay tungkol sa mga serbisyong ipinagkakaloob ng pamahalaang barangay at Sangguniang Kabataan.

Tapat na paglilingkod, malinaw na ulat, at patuloy na pag-unlad para sa Barangay San Antonio!

Bilang bahagi ng isinagawang Barangay General Assembly nagbahagi ng mahahalagang kaalaman at impormasyon ang ating mga g...
25/10/2026

Bilang bahagi ng isinagawang Barangay General Assembly nagbahagi ng mahahalagang kaalaman at impormasyon ang ating mga guest speakers.

Nagbigay ng talakayan si Retired Major Ermin C. Cabanding, City Public Safety Officer, tungkol sa mga umiiral na ordinansa ng Lungsod ng Calapan upang higit na maunawaan ng mga kabarangay ang mga alituntunin at regulasyong dapat sundin.

Samantala, tinalakay naman ni SFO1 Joann E Lomio ng Calapan City Fire Station ang kahalagahan ng pagiging handa sa oras ng sunog, ang mga nararapat gawin sa panahon ng emergency, at ang tamang paggamit ng fire extinguisher.

Lubos din ang aming pasasalamat sa Calapan City Police Station sa pagpapadala ng kanilang mga personnel upang tumulong sa pagpapanatili ng kaayusan at seguridad sa buong pagtitipon.

Maraming salamat po sa inyong oras, kaalaman, at suporta sa ating mga kabarangay. Ang mga impormasyong ito ay mahalaga upang magkaroon ng mas ligtas, disiplinado, at responsableng pamayanan.

Sa Barangay San Antonio, kaalaman at kahandaan ay mahalaga para sa kaligtasan ng bawat isa! ❤️

📸 IN PHOTOS | PAGBUBUKAS NG BARANGAY GENERAL ASSEMBLY – 2ND SEMESTER 2026Matagumpay na sinimulan ang Barangay General As...
25/10/2026

📸 IN PHOTOS | PAGBUBUKAS NG BARANGAY GENERAL ASSEMBLY – 2ND SEMESTER 2026

Matagumpay na sinimulan ang Barangay General Assembly ng Barangay San Antonio, Calapan City noong Oktubre 24, 2026, sa pangunguna ni Punong Barangay Hon. Baby Doris M. Corcuera, kasama ang mga miyembro ng Sangguniang Barangay at mga kawani ng barangay.

Pinarangalan din ng kanilang pagdalo ang pagtitipon ng mga panauhing pandangal na sina Bokal RL Leachon, Bokal Ryan Arago, Bokal B**g Brucal, at SP Member Konsehal Jun Cabailo, na nagpakita ng suporta sa mga gawain at programa ng ating barangay.

Ang pagtitipong ito ay nagsisilbing mahalagang pagkakataon upang mapalakas ang ugnayan ng pamahalaang barangay at ng mga kabarangay tungo sa mas maayos, nagkakaisa, at maunlad na pamayanan.

Maraming salamat po sa lahat ng dumalo at nakiisa sa ating General Assembly!

Sama-sama para sa patuloy na pag-unlad ng Barangay San Antonio!

BUKAS NA PO ANG ATING GENERAL ASSEMBLY, MGA KABARANGAY!Kayo po ay malugod na inaanyayahang dumalo sa ating Barangay Gene...
23/10/2026

BUKAS NA PO ANG ATING GENERAL ASSEMBLY, MGA KABARANGAY!

Kayo po ay malugod na inaanyayahang dumalo sa ating Barangay General Assembly – 2nd Semester 2026 bukas, Oktubre 24, 2026, sa ganap na 1:00 ng hapon sa San Antonio Covered Court.

Tara na po at makiisa sa ating pagtitipon upang mapakinggan ang mga mahahalagang impormasyon tungkol sa ating barangay.

Kita-kits po tayo bukas, mga kabarangay! Ang inyong pagdalo ay mahalaga!

Ang Sangguniang Barangay ng San Antonio, sa pangunguna ni Punong Barangay Hon. Doris Manalo Corcuera, ay lubos na nagpap...
23/10/2026

Ang Sangguniang Barangay ng San Antonio, sa pangunguna ni Punong Barangay Hon. Doris Manalo Corcuera, ay lubos na nagpapasalamat kay Vice Mayor Bim Ignacio sa pagkakaloob ng libreng serbisyo ng pagpapagapas (grass cutting) sa ating barangay.

Malaking tulong po ang inyong suporta sa pagpapanatili ng kalinisan, kaayusan, at kaaya-ayang kapaligiran sa ating barangay.

Maraming salamat po sa inyong malasakit at suporta sa Barangay San Antonio. Tunay na malaking bagay ang inyong pakikiisa sa pagpapanatili ng maayos at malinis na kapaligiran para sa ating mga kabarangay.

Maraming salamat po, Vice Mayor Bim Ignacio! 💚

23/10/2026

Mga Minamahal na Ka-barangay:

Ipinapaalam po sa lahat na pansamantala munang ititigil ang paghahakot at pagtatapon ng basura sa ating Material Recovery Facility (MRF) simula ngayong araw hanggang bukas.

Ito ay upang mapanatili ang kalinisan at kaayusan ng ating MRF bilang paghahanda sa gaganaping Barangay General Assembly bukas, Oktubre 24, 2026.

Hinihiling po ang inyong pang-unawa at pakikiisa. Maraming salamat po sa inyong kooperasyon!

GRAND FINALS & AWARDING | SK SPORTSFEST 2026 – BASKETBALL LEAGUE Isang matagumpay at kapana-panabik na pagtatapos ng SK ...
22/10/2026

GRAND FINALS & AWARDING | SK SPORTSFEST 2026 – BASKETBALL LEAGUE

Isang matagumpay at kapana-panabik na pagtatapos ng SK Sportsfest 2026 Basketball League na buong pusong sinuportahan ng Sangguniang Barangay sa pangunguna ni Punong Barangay Hon. Doris Manalo Corcuera.

Sa kanyang mensahe, nagpaabot ang ating Punong Barangay ng taos-pusong pasasalamat sa lahat ng mga koponang lumahok, mula sa Inter-Sitio hanggang Inter-Barangay, sa kanilang dedikasyon, husay, at sportsmanship na naging bahagi ng tagumpay ng palarong ito.

Congratulations sa Sangguniang Kabataan sa pangunguna ni SK Chairperson Hon. John Clenze Compleza, sa matagumpay na pagsasagawa ng Sportsfest 2026! Isang pagbati rin sa lahat ng mga nagwaging koponan at indibidwal na nagpakita ng galing, determinasyon, at tunay na diwa ng pagkakaisa sa larangan ng sports.

Patuloy nating suportahan ang mga programang nagbibigay ng oportunidad sa ating kabataan upang malinang ang kanilang talento, disiplina, at pagkakaisa sa pamamagitan ng palakasan!

Mabuhay ang kabataan ng Barangay San Antonio! ❤️💙

Isinagawa ng Sangguniang Barangay San Antonio, sa pangunguna ni Punong Barangay Hon. Doris Manalo Corcuera , ang pagbisi...
19/10/2026

Isinagawa ng Sangguniang Barangay San Antonio, sa pangunguna ni Punong Barangay Hon. Doris Manalo Corcuera , ang pagbisita sa kasalukuyang isinasagawang proyekto para sa Improvement of Barangay Road, na pinopondohan mula sa 20% Barangay Development Fund (BDF).

Layunin ng pagbisitang ito na masubaybayan ang progreso ng proyekto at matiyak ang maayos na pagpapatupad nito para sa kapakinabangan ng mga mamamayan ng Barangay San Antonio.

Patuloy ang pagsisikap ng pamunuan ng barangay na maisulong ang mga proyektong naglalayong mapabuti ang imprastraktura at serbisyong hatid sa ating mga kabarangay.

Address

San Antonio Barangay Hall
Calapan
5200

Opening Hours

Monday 8am - 5pm
Tuesday 8am - 5pm
Wednesday 8am - 5pm
Thursday 8am - 5pm
Friday 8am - 5pm
Saturday 8am - 5pm

Website

Alerts

Be the first to know and let us send you an email when Barangay San Antonio posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Barangay San Antonio:

Shortcuts

Share

Category