26/05/2026
Official Statement kang Sangguniang Kabataan of Harobay manungod sa issue kang naganap na Miss Busay 2026.
Bilang organizer kang nasambitang pageant, boot mi pong magtaong kalinawan sa gabos dahil nagdadakula na po ang issue asin gulpi ng naiimbweltong tao.
-base sa validation kang event organizer, mayong nahiling na naggamit ning auto-likes maski kiisay sa pitong kandidata.
-sa pagpuon kang programa malinaw na binasa asin ipinaliwanag kang host ang criteria for judging.
-ang scores kang lambang judges pigpapasa sa official tabulator kang The Grand Creation na mayo sa maski isay na SK Official ang may direktang pakaaram kung ano ang score asin isay ang gana.
-igwang apat na judges na credible, fair, asin mayong bistado o koneksyon sa dawa isay na kandidata.
-sana po naiintindihan man nindo na ang satuyang brgy nasa bukid, mayo sa siyudad kung sain maluya asin wara-wara ang wifi orog na sa lokasyon kang si event. ginibo mi ang samong makakaya na ma-ilive stream si pageant alagad talagang dae kaya kang si available na WiFi provider na maipadalan saindong malinaw. inaako mi ang mga komento nindo alagad sana dae man kamo malingaw na ang lokasyon na tigtutuyaw nindo nasa bukid.
ang lambang saro igwang kalayaan na magpost alagad sana magmangno kita kung ang satuyang post nakakaapektar na sa sarong indibidwal orog kung ini menor de edad.
igwa po kitang kanya kanyang paborito asin suportadong kandidata alagad sana malinaw sato gabos na ini kompetisyon may gana, may daog asin igwa ning board of judges na iyo ang nagdeterminar segun sa saindang nahiling na performance kang kada kandidata.
ang obheto kang Miss Busay 2026, maipahiling kang mga jovenes ang saindang mga talento asin matabangan ang saindang personal growth asin confidence. alagad sa mga nababasa ming FB post asin comments, garo naglilihis na kita sa pinakaobheto kang pageant asin nakakaapektar na emosyonal lalo na sa mga kandidatang imbwelto.
nagpapasalamat po kami sa gabos na mga magurang na nagsuporta sa saindang mga aki sa pagsali sa Miss Busay 2026. lugod po mahiling ta si positibong parte asin makanuod kitang mag-ako kang resulta, ma-gana man o madaog.
Dios Mabalos po!
