MISOR-Provincial Agriculture Office

03/08/2026

💚💚💚

22/06/2026

💚💚💚

11/06/2026

💚💚💚

🌟 SPECIAL MESSAGE FOR THE YOUTH 🌟

"You are not just the leaders of tomorrow, you are the leaders of today." ✨

A powerful reminder from our Provincial Coordinator, Francis John Llanita, during the youth fest. Every connection made, every potential discovered, and every act of service extended right now creates a ripple effect of positive impact in our community.
To all our young participants, continue to step up, make good decisions, and lead with a heart for service! 💚✊

m

18/05/2026

10/05/2026

BALITANG PAGRO | Red Tilapia Culture Project, Gipalig-on sa Probinsyal nga Kagamhanan sa Tagoloan

Baluarte, Tagoloan, MisOr — Padayon nga gipalig-on sa probinsyal nga kagamhanan sa Misamis Oriental pinaagi sa Provincial Agriculture Office (PAGRO) ang programa sa aquaculture aron masuportahan ang panginabuhian sa mga mangingisda sa lalawigan.

Usa sa mga gipasiugdahan karon mao ang Red Tilapia Culture (Oreochromis spp.), usa ka klase sa hybrid tilapia nga adunay pink ngadto sa p**a nga kolor ug nailhan tungod sa kadako niini.

Subay sa inisyatiba ni Governor Juliette Uy, mitubag ang Provincial Agriculture Office ubos sa pagpanguna ni Michelle Ross Valmores Lace pinaagi sa paghatag og mga fish nets isip suporta sa pagpalapad ug pagpalambo sa pasilidad sa proyekto.

Ang Baluarte Small Fisherfolks Association o BASFA maoy unang giila nga mahimong modelo sa pagpalambo sa Red Tilapia Culture sa lugar.

Plano usab sa probinsyal nga kagamhanan uban sa Department of Agriculture Region 10 ubos sa pagpanguna ni Regional Executive Director Jose Apollo Pacamalan nga mapalambo pa ang maong proyekto ngadto sa usa ka aqua-marine park nga mahimong sentro sa produksyon sa tilapia, pansat, alimango, ug uban pang produktong pangisda.

Gipahinumduman usab nga gikan sa PAGRO ug DA-10 ang suporta sa materials, feeds, fingerlings, technical assistance, ug trainings alang sa mga benepisyaryo sa proyekto.

08/05/2026

Mga Abono ug Binhi Alang sa mga Mag-uuma sa Misamis Oriental, Miabot na sa Provincial Agricultural Development Complex

BALITANG PAGRO | CLAVERIA, MISAMIS ORIENTAL — Miabot na sa Misamis Oriental Provincial Agricultural Development Complex sa Claveria ang ayuda nga abono ug mga binhi alang sa mga mag-uuma sa lalawigan gikan sa National Government pinaagi sa Department of Agriculture.

Sumala sa Provincial Agriculture Office ubos sa pagpanguna ni OIC-Provincial Agriculturist Michelle Ross Valmores Lace, kabahin kini sa padayon nga paningkamot sa administrasyon ni Governor Juliette Uy aron mapalig-on ang sektor sa agrikultura ug masuportahan ang panginabuhi sa mga mag-uuma sa lalawigan.

Ang maong programa gipatuman uban sa kooperasyon sa Department of Agriculture Regional Office 10 ubos sa pagpanguna ni Regional Executive​ Director Jose Apollo Pacamalan.

Sa pagkakaron, anaa na sa provincial facility ang mga abono ug binhi aron maandam ang hustong pag-apod-apod niini ngadto sa matag lungsod pinaagi sa Provincial Agriculture Office.

Gilauman nga dako kining tabang sa pagpalambo sa produksyon sa agrikultura ug pagsiguro nga adunay igong suporta ang mga mag-uuma alang sa umaabot nga panahon sa pagpanguma. 📷 | Eliseo Padla Casiño Jr.

06/05/2026

Balitang PAGRO | DA-10 ug Probinsyal nga Gobyerno Nagpalig-on sa Suporta sa mga Mag-uuma sa Misamis Oriental

Bisan pa sa kakulang sa pondo sa panudlanan sa probinsyal nga kagamhanan, nagpadayon gihapon ang paghatag og tabang sa lokal nga mga mag-uuma pinaagi sa suporta gikan sa nasyonal nga gobyerno.

Pinaagi sa paningkamot ni Regional Executive Director Jose Apollo Y. Pacamalan sa Department of Agriculture Region 10, napadangat ang ayuda alang sa mga mag-uuma sa tibuok probinsya. Kini nga lakang subay sa BANGON Strategic Agenda sa probinsyal nga kagamhanan ubos sa pagpangulo ni Governor Juliette Uy.

Gipasalig sa mga otoridad nga ang distribusyon sa mga binhi ug uban pang suporta sa agrikultura maabot gyud sa tinuod nga mga mag-uuma pinaagi sa pakigtambayayong sa mga Municipal Agriculture Office ug sa Provincial Agriculture Office nga gipangulohan ni OIC-PA Michelle Ross Valmores Lace.

Gipasalamatan usab sa probinsyal nga kagamhanan ang kontribusyon ni FBM Eric Khu, nga mitabang sa teknikal nga aspeto isip tulay sa koordinasyon tali sa regional office ug sa mga mag-uuma.

Gipasiugda sa mga opisyal nga kini nga inisyatiba nagtinguha sa pagpalig-on sa produksyon sa agrikultura ug sa paghatag og malungtarong suporta sa mga komunidad sa mag-uuma sa probinsya. 🎥 ​| Eliseo Padla Casiño Jr.

06/05/2026

PAGRO ug PCO Naghiusa sa Pagpalambo sa Kooperatiba sa Talisayan

Ang Provincial Agriculture Office – Misamis Oriental, ubos sa pagpanguna ni OIC – Provincial Agriculturist Michelle Ross Valmores Lace, mitubag sa hangyo sa Municipal Agriculture Office sa Talisayan alang sa pagpahigayon og preliminary orientation seminar isip suporta sa inisyatiba sa tulo ka asosasyon nga magtukod sa ilang kaugalingong kooperatiba, mao ang:

• Punta Santiago Fisherfolks and Women Boneless Bangus Association
• Talisayan Fish Landing and Brokers' Association
• Sibantang Mahayag Abaca Farmers' Association

Sa pakigtambayayong sa Provincial Cooperative Office ubos sa pagpanguna ni kanhi Mayor Alberto “Boboy” Acain, ang mga nagtinguha nga mahimong miyembro sa kooperatiba gihatagan og kinatibuk-ang pagsabot (overview) sa kooperatiba nga kalamboan. Gisakupan niini ang mga batakang konsepto, organisasyonal nga estruktura, pagdumala (governance), ug mga inisyal nga rekisitos sa rehistrasyon isip pagpangandam sa mas lawom ug mandatory nga orientation nga ipahigayon sa Cooperative Development Authority. Ang sesyon gipasiugdahan ni Ms. Cecille Nebrija, PCO Staff.

Malampuson nga napahigayon ang kalihokan karong adlawa, Miyerkules, Mayo 6, 2026, sa Municipal Agriculture Office sa Talisayan, ubos sa pagpanguna ni Municipal Agriculture Officer Stewart Leif Rosabal.

Kini nga inisyatiba nagpakita sa lig-on nga pasalig sa PAGRO sa pagpalig-on sa mga komunidad sa mangingisda, pagpausbaw sa mga organisasyon sa grassroots, ug pagpalambo sa malungtarong panginabuhian pinaagi sa kooperatiba nga kalamboan, uban sa bug-os nga suporta ni Governor Juliette Uy.