City Agriculture Office - Cagayan de Oro

26/08/2026

𝐀𝐏𝐎𝐎 𝐍𝐚𝐧𝐠𝐮𝐧𝐚 𝐬𝐚 𝐄-𝐓𝐔𝐊𝐎𝐃 𝟐𝟎𝟐𝟔 𝐂𝐨𝐦𝐦𝐮𝐧𝐢𝐭𝐲 𝐈𝐦𝐦𝐞𝐫𝐬𝐢𝐨𝐧

CAGAYAN DE ORO CITY — Nanguna ang Office of the Agricultural Productivity Operations Office (APOO) sa Community Immersion sa .tukod 2026 Committee on Agriculture, Environment, and Economic Empowerment niadtong Agosto 19 sa Barangays Pagatpat ug San Simon.

Gihatagan og higayon ang mga youth delegates nga masinati mismo ang mga inisyatibo sa komunidad sa agrikultura, environmental protection, waste management, ug livelihood development.

Sa Pagatpat Cagayan de Oro Farmers Agriculture Cooperative (PACAFACO), ubos sa pangulo ni Mr Ronny Obsioma, ilang nasaksihan ang Material Recovery Facility, urban farm, ug biowaste facility. Nakakat-on usab sila sa hot composting, vermicomposting, ug slow composting isip mga pamaagi sa pag-convert sa organic waste ngadto sa mapuslanong agricultural inputs.

Gipasiugda sa immersion ang importansya sa waste segregation ug waste diversion, ug kung giunsa niini pagtabang sa pagpanalipod sa kinaiyahan, panglawas, ug food production. Sa seedlings nursery sa San Simon, gipakita usab ang sustainable agricultural practices nga naghiusa sa environmental management ug farming.

Kabahin sa immersion ang pagpakita sa Farm and Fisherfolk Youth Development Program (FFYDP) sa APOO, nga nagpalig-on sa partisipasyon sa kabatan-onan sa agrikultura ug fisheries pinaagi sa leadership, skills development, enterprise, ug community engagement.

Pinaagi niini, nasabtan sa mga delegado nga ang kabatan-onan dili lang benepisyaryo, kundili importante nga partners sa pagpalambo sa agrikultura ug komunidad.

Ubos sa pagpangulo ni OIC City Agriculturist Engr. Bernie A. Daba Jr., padayon ang APOO sa paghatag og mga oportunidad alang sa kabatan-onan nga makakat-on, manguna, ug mahimong kabahin sa sustainable agricultural development sa Cagayan de Oro.

26/08/2026

25/08/2026

𝐋𝐀𝐂𝐄𝐖𝐈𝐍𝐆: 𝐍𝐀𝐓𝐔𝐑𝐀𝐋 𝐍𝐆𝐀 𝐊𝐀𝐋𝐀𝐁𝐀𝐍 𝐁𝐀𝐓𝐎𝐊 𝐒𝐀 𝐌𝐆𝐀 𝐏𝐄𝐒𝐓𝐄 𝐒𝐀 𝐆𝐔𝐋𝐀𝐘𝐀𝐍

Canitoan, Cdeo — Nagapadayon ang Agronomy Division sa Agricultural Productivity Operations Office (APOO) sa paghatag og lacewing eggs ngadto sa mga mag-uuma isip pamaagi sa biological control batok sa aphids, mealybugs, ug whiteflies nga moatake sa mga gulayan.

Niadtong August 5, 2026, sa Zone 5, Barangay Canitoan, nakadawat si Edgardo Del Agua og 189 lacewing eggs, samtang si Rodulfo Ugmad nakadawat og 124 lacewing eggs. Niadtong August 18, nakadawat usab si Jehu Reyes sa Zone 1 og 259 lacewing eggs nga gigamit sa iyang tanom nga kalabasa.

Kabahin kini sa pagpalambo sa mas natural ug malungtarong pamaagi sa pagkontrolar sa peste, uban sa aktuwal nga demonstrasyon ug pagpasabot ngadto sa mga mag-uuma kung unsaon paggamit sa lacewings sa ilang mga tanom.

Kining mga mag-uuma nagatanom og nagkalain-laing klase sa mga tanom nga walay paggamit og kemikal. Pinaagi sa lacewings, makatabang sa natural nga pagpakunhod sa mga peste samtang mamenosan ang pagsalig sa kemikal nga pestisidyo.

Dili lamang niini mapanalipdan ang mga tanom ug mag-uuma, makatabang usab kini sa pagprodyus og mas luwas nga produkto ug pagpanalipod sa kinaiyahan.

Padayon ang APOO sa pagpalig-on sa mga pamaagi sa sustainable ug environment-friendly nga pagpanguma alang sa mas himsog ug produktibong mga gulayan sa Cagayan de Oro, ubos sa pagdumala ni OIC City Agriculturist Engr. Bernie A. Daba Jr.

25/08/2026

𝐌𝐆𝐀 𝐌𝐀𝐆-𝐔𝐔𝐌𝐀 𝐒𝐀 𝐓𝐀𝐁𝐋𝐎𝐍, 𝐍𝐀𝐆𝐏𝐀𝐇𝐈𝐆𝐀𝐘𝐎𝐍 𝐒𝐀 𝐔𝐍𝐀𝐍𝐆 𝐀𝐄𝐒𝐀 𝐏𝐀𝐑𝐀 𝐒𝐀 𝐎𝐑𝐆𝐀𝐍𝐈𝐊𝐎𝐍𝐆 𝐏𝐑𝐎𝐃𝐔𝐊𝐒𝐘𝐎𝐍

TABLON, CdeO— Padayon ang praktikal ug hands-on nga pagkat-on sa mga farmer-participants sa Season-Long Organic Vegetable Production Farmer Field School (FFS) pinaagi sa pagpahigayon sa ilang unang Agro-Ecosystem Analysis (AESA) karong adlawa sa Tablon, August 25.

Ang AESA usa ka importanteng kalihokan sa Farmer Field School diin ang mga mag-uuma aktibong nag-obserba ug nag-analisar sa aktuwal nga kahimtang sa uma. Ilang gisusi ang pagtubo ug kahimtang sa mga tanom, kondisyon sa yuta, presensya sa mga peste ug mapuslanong organismo, ingon man ang ubang environmental factors nga mahimong makaapekto sa produksyon.

Pinaagi niini, ang mga farmer-participants dili lamang makakat-on sa teorya apan makat-on usab sa paghimo og desisyon base sa ilang aktuwal nga obserbasyon sa uma—usa ka pamaagi nga nagpalig-on sa ilang abilidad sa pagdumala sa produksyon sa utanon sa mas epektibo ug malungtarong paagi.

Kabahin usab sa kalihokan ang pag-ani sa mga organic concoctions nga gihimo isip natural ug environment-friendly nga farm inputs. Kini naghatag sa mga partisipante og praktikal nga kasinatian sa paggamit sa mga pamaagi nga mosuporta sa organikong panguma samtang giminusan ang pagsalig sa synthetic agricultural inputs.

Ang kalihokan kabahin sa padayon nga programa sa Agricultural Productivity Operations Office (APOO) alang sa pagpalambo sa kapasidad ug kahibalo sa mga mag-uuma sa Cagayan de Oro ubos sa pagpanguna ni OIC City Agriculturist Engr. Bernie A. Daba Jr.

Gihatagan og importansya sa programa ang farmer-centered ug learning-by-doing approach, diin ang mga mag-uuma mismo ang aktibong mo-obserba, moanalisa, mosulay ug magpatuman sa mga pamaagi nga ilang nakat-unan sa uma.

Pinaagi sa Season-Long Organic Vegetable Production FFS, padayon nga gipalig-on ang kahibalo ug kahanas sa mga mag-uuma aron mapalambo ang malungtaron, luwas, ug environment-friendly nga produksyon sa utanon sa Cagayan de Oro.

Gikan sa pag-obserba sa uma hangtod sa pag-ani sa ilang gihimo nga organic inputs, ang mga farmer-participants nagpakita nga ang tinuod nga pagkat-on sa agrikultura ginasinati ug ginabuhat mismo sa uma.

24/08/2026

𝐀𝐏𝐎𝐎 𝐌𝐀𝐑𝐒𝐇𝐀𝐋𝐋𝐒: 𝐅𝐑𝐎𝐍𝐓𝐋𝐈𝐍𝐄𝐑𝐒 𝐁𝐄𝐇𝐈𝐍𝐃 𝐓𝐇𝐄 𝐄𝐕𝐄𝐍𝐓

Beyond the excitement of the were the 2026 𝙃𝙞𝙜𝙖𝙡𝙖𝙖𝙮 𝘾𝘿𝙊 𝙉𝙖𝙩𝙞𝙤𝙣𝙖𝙡 𝙃𝙤𝙧𝙨𝙚 𝙎𝙝𝙤𝙬 & 𝘾𝙤𝙢𝙥𝙚𝙩𝙞𝙩𝙞𝙤𝙣 dedicated APOO Marshalls who helped keep the event organized, safe, and running smoothly.

From managing the crowd and assisting participants to ensuring order around the competition area, our Marshalls stood ready throughout the event.

Salute to our APOO Marshalls for their commitment and service! Your work behind the scenes helped make the horse show a successful and memorable Higalaay celebration.

24/08/2026

𝐇𝐚𝐩𝐩𝐲 𝐁𝐢𝐫𝐭𝐡𝐝𝐚𝐲, 𝐒𝐢𝐫 𝐉𝐞𝐫𝐫𝐲! 🎉
Field Operations Division

May your special day be filled with joy, good health, and meaningful moments with the people who matter most. We appreciate your dedication, hard work, and commitment to serving our agricultural communities.

Wishing you continued success, personal growth, and abundant blessings in the year ahead.

Happy Birthday, Sir Jerry! 🎂🌱

24/08/2026

𝐇𝐚𝐩𝐩𝐲 𝐁𝐢𝐫𝐭𝐡𝐝𝐚𝐲, 𝐌𝐬. 𝐉𝐨𝐫𝐠𝐞𝐧𝐞! 🎉
Field Operations Division

May this special day bring you good health, happiness, and renewed inspiration. Your dedication and commitment to public service are truly valued as we continue working together to bring agricultural programs and services closer to our communities.

Wishing you a meaningful year ahead filled with new opportunities, personal fulfillment, and well-deserved success.

Happy Birthday, Jing! 🎂🌱

23/08/2026

23/08/2026