26/05/2026
Ang “BUFFER STOCKING” ng bigas na minandato sa National Food Authority sa bisa ng Rice Tariffication Law (RA11203) ay ang pagpapanatili ng sapat na imbentaryo o reserbang bigas ng gobyerno para magamit sa panahon ng kalamidad, emergency, o kakulangan sa suplay.
Bumibili ang NFA ng palay mula sa lokal na magsasaka Ang binibiling palay ay iniimbak sa mga bodega ng NFA bilang reserve stock.
GAANO KARAMI ANG BUFFER STOCK NG NFA?
Sa kasalukuyang mandato, target ng NFA ang humigit-kumulang 15 days national rice buffer stock.
Ibig sabihin: Bigas para sa emergency consumption ng bansa sa loob ng mga 15 araw.
ILANG PORSYENTO NG KABUUANG ANI NG PILIPINAS ANG KAILANGANG BILHIN NG NFA PARA SA BUFFER STOCKING?
Noong 2024, sa datos ng Philippine Statistics Authority, umabot ang kabuuang palay production ng Pilipinas sa 19.09 million metric tons habang ang procurement ng NFA ay 443,600 metriko tonelada.
Umabot lamang sa 2% hanggang 3% ng kabuuang palay production ng bansa ang direktang nabibili ng NFA.
ANO ANG SISTEMA NG NFA SA PAMIMILI NG PALAY?
Dahil maliit lamang ang bahagi ng kabuuang ani ng bansa na direktang binibili ng NFA, kaya ang nakikita sa sistema nila ay:
- hindi agresibong farmgate procurement,
-walang malawakang hauling operations,
-at modernong drying facilities na direktang kontrolado ng gobyerno.
Sa aktwal na setup, madalas:
-magsasaka pa ang naghahatid ng palay sa buying stations,
-sila rin ang kailangang magpatuyo upang pumasa sa moisture standards,
-habang ang NFA ay limitado lamang sa pagtanggap ng kwalipikadong palay.
