07/04/2022
5:15 AM 08APRIL2022
Basi sa Weather Forecast sa PAGASA ganihang 4:00 sa buntag, walay bagyo apan ang gibantanyang Low Pressure Area (LPA) nga anaa subay sa Intertropical Convergence Zone (ITCZ) sulod sa Philippine Area of Responsibility (PAR) anaa na sa gilay-ong 350 km Sidlakan Amihanang-sidlakan (East Northeast) nga bahin sa Hinatuan, Surigao del Sur.
Ang tibuok Mindanao dili apektado sa Northeasterly Surface Windflow apan makasinati sa mapanganuron nga kalangitan inubanan sa katag katag nga pag ulan, kilat ug pagpanalugdog tungod sa LPA/ITCZ.
Samtang ang gibantayang Bagyo (Tropical Depression) GAWAS sa PAR anaa na sa gilay-ong 2,270 km Sidlakan (East) nga bahin sa Mindanao; kakusgong 55 kph ug paglihok nga 10 kph Kasadpan (Westward) ganihang 3:00 sa buntag. Ang Bagyo walay direktang epekto sa nasud apan posibling mosulod sa PAR karong Lunes (April 11).
Kasarangan (moderate) nga hangin gikan sa Amihanang-kasadpan (Northwest) ngadto sa Habagatang-kasadpan (Southwest) nga maoy mo-resulta sa 1.2 - 2.5 meters nga balud sa kadagatan sa tibuok Mindanao.
Nagpabiling hinay (light) nga pag ulan ang nasinati sa CDO karong orasa.
Nagpabiling hinay (light) nga pag ulan ang nasinati sa ubang parti sa Libona; Mampayag, Dahilayan ug Lindaban, Manolo Fortich.
Nagpabiling hinay (light) nga pag ulan usab ang nasinati sa ubang parti sa Talakag ug Baungon.
NORMAL ang LEVEL sa tubig sa mga suba sa Cagayan ug Iponan.
CDRRMD pabilin sa pag monitor.
