PIA Lanao del Sur

03/06/2026

👀 𝗜𝗟𝗔𝗬𝗔𝗡𝗚𝗞𝗔 | 🍫 Mula kakaw hanggang de-kalidad na produktong tsokolate!

Nagsagawa ang Technology Transfer Section ng Science and Technology Services Division ng Ministry of Science and Technology-BARMM (MOST-BARMM) ng Technology Transfer Training on Chocolate Processing para sa mga miyembro ng Kamapiyaan sa Tagoranao Marketing Cooperative sa Marawi City.

Sa pagsasanay, natutunan ng mga kalahok ang tamang paggamit at pamamahala ng chocolate processing equipment sa pamamagitan ng mga lecture at hands-on activities. Layunin ng programa na mapalawak ang kaalaman at kasanayan ng mga kooperatiba sa pagproseso ng tsokolate bilang suporta sa pagpapaunlad ng mga lokal na negosyo.

Sa pamamagitan ng agham, teknolohiya, at inobasyon, mas nabibigyan ng pagkakataon ang mga lokal na negosyo na mapahusay ang kanilang mga produkto at kabuhayan.

03/06/2026

03/06/2026

👀 𝗜𝗟𝗔𝗬𝗔𝗡𝗚𝗞𝗔 | Natanggap ng Pamahalaang Bayan ng Lumbayanague ang resulta ng 2024 Community-Based Monitoring System (CBMS) sa isinagawang data turnover ceremony noong Hunyo 1, kasama ang paglagda sa Data Turnover Agreement sa pagitan ng lokal na pamahalaan at ng Philippine Statistics Authority.

Ang datos mula sa CBMS ay magsisilbing mahalagang sanggunian sa pagpaplano ng mga programa at proyekto, pati na sa pagtukoy ng mga pangangailangan ng mga komunidad sa Lumbayanague upang mas matiyak na ang mga serbisyo ng pamahalaan ay naaayon sa aktuwal na kalagayan ng mga mamamayan.

03/06/2026

Ang edukasyon ay nananatiling isa sa mga prayoridad ng administrasyon ni Pangulong Bongbong Marcos 📚🎓🇵🇭

Ayon sa Pangulo, magpapatuloy ang pagpapatupad ng programa ng administrasyon na nagbibigay ng tulong pinansyal para sa pag-aaral sa mahigit 200,000 na Presidential Scholar mula sa 42,000 na barangay sa Pilipinas.

03/06/2026

NEWS UPDATE: Pormal nang itinalaga ang dating Mayor ng Taguig na si Lino Cayetano bilang bagong General Manager ng People's Television Network, ayon kay PCO Secretary Dave Gomez.

| Itinalaga si dating Taguig City Mayor at film at television director Lino Cayetano bilang General Manager ng People’s Television Network (PTV-4), ayon kay PCO Secretary Dave Gomez.

03/06/2026

👀 𝗜𝗟𝗔𝗬𝗔𝗡𝗚𝗞𝗔 | 🚒🏫 Sama-sama para sa mas ligtas at mas maayos na pagbubukas ng klase!

Nakilahok ang mga tauhan ng Kapatagan Fire Station sa Brigada Eskwela sa Don Pablo Hofer Elementary School sa Kapatagan, Lanao del Sur bilang bahagi ng paghahanda para sa pagbabalik-eskwela ng mga mag-aaral.

Sa pamamagitan ng pagtutulungan ng mga kawani ng pamahalaan, mga opisyal ng paaralan, at mga boluntaryo mula sa komunidad, naging mas malinis, mas ligtas, at mas angkop ang kapaligiran ng paaralan para sa pagkatuto.

Muling ipinakita ng diwa ng bayanihan na ang edukasyon ay pananagutan ng buong komunidad.

03/06/2026

👀 𝗜𝗟𝗔𝗬𝗔𝗡𝗚𝗞𝗔 | Handa na ba ang mga paaralan para sa pagbubukas ng klase? 📚🏫

Nakibahagi ang Malabang District Jail sa Brigada Eskwela 2026 Kick-Off Ceremony sa OCSIO Memorial Elementary School bilang bahagi ng sama-samang paghahanda para sa nalalapit na pagbubukas ng klase.

Sa temang, “Bayanihan sa Paaralan: Nagkakaisa para sa Kaayusan at Kaalaman,” pinagtibay ng aktibidad ang diwa ng pagtutulungan ng iba't ibang sektor at mga boluntaryo upang matiyak ang isang malinis, ligtas, at maayos na kapaligiran sa pag-aaral para sa mga mag-aaral.

Patunay ito na sa pamamagitan ng bayanihan at pakikipagtulungan ng komunidad, mas napaghahandaan natin ang isang mas produktibo at matagumpay na taon ng pag-aaral.

03/06/2026

Payo ni Pangulong Ferdinand R. Marcos Jr. sa bawat Iskolar ng Pangulo na gamitin nang mabuti ang ₱20,000 na tulong pinansyal para sa kanilang pag-aaral.

Ayon kay PBBM, sa pamamagitan nito, mapapaganda nila ang kanilang buhay at ng kanilang mga pamilya, pati na rin ng kanilang komunidad.

MAGANDANG KINABUKASAN PARA SA BAWAT KABATAAN 🎓❤️

Payo ni Pangulong Bongbong Marcos sa bawat Presidential Scholar, gamitin nang wasto at lubos na pakinabangan ang P20,000 kaloob ng pamahalaan para sa kanilang pag-aaral.

Ayon sa Pangulo, sa ganitong paraan ay mapapaganda ng mga iskolar ang kanilang sariling buhay, ang kinabukasan ng kanilang pamilya, at ang kaunlaran ng kanilang komunidad.

Dahil sa mas pinatibay na ugnayan ng pamahalaang nasyunal at lokal na pamahalaan, inaasahang makakarating ang bawat piso ng pondong ito para sa pag-aaral ng mga natatanging iskolar at sa mga prayoridad na proyekto na magpapaunlad sa buong pamayanan.

03/06/2026

WATCH: President Ferdinand R. Marcos Jr. leads the ceremonial turnover of the Socio-Civic Projects Fund (SCPF) Financial Assistance during a meet and greet with the Presidential Scholars in Manila today, June 3.

03/06/2026

👀 𝗜𝗟𝗔𝗬𝗔𝗡𝗚𝗞𝗔 | Mas pinalakas ang kakayahan ng Philippine Coast Guard sa BARMM matapos ang turnover ng dalawang coastal patrol craft para sa mas mahusay na pagpapatrolya at pagpapatupad ng batas sa mga katubigan ng rehiyon. 🚤

Isa sa mga patrol boat ay inilaan sa PCG Station sa Lanao del Sur, na makatutulong sa coastal monitoring, search and rescue operations, emergency response, at pagsugpo sa mga ilegal na aktibidad sa mga daluyan ng tubig. Ang isa naman ay ipinagkaloob sa PCG Station sa Maguindanao.

Sa pamamagitan ng mga kagamitang ito, higit pang mapapalakas ang kakayahan ng mga awtoridad na tumugon sa mga insidente at mapanatili ang kaligtasan at kaayusan sa mga komunidad na nakapalibot sa mga katubigan ng BARMM.