LTO-Cadiz City District Office

17/09/2026

DAY 1 | FREE THEORETICAL DRIVING COURSE

The first day of the Free Theoretical Driving Course (TDC) is currently being conducted today at Balay Cadiznon, Cadiz City, led by the Driver’s Education Center – Negros Island Region (DEC-NIR) headed by Ms. Ruth Ohoylan.

This initiative was made possible through the support of Congressman Alfredo Marañon III, with the unwavering support of Mr. Jeck D. Conlu, OIC-Regional Director, NIR, and Mr. Monico Puentevella Jr., Assistant Regional Director (ARD), in partnership with the Local Government Unit of Cadiz City under the leadership of Hon. Mayor Salvador G. Escalante Jr., and the Municipality of Manapla under the leadership of Hon. Mayor Mikaela Socorro Escalante.

Also present during today’s activity were Mr. Beethoven Fuentesfina Jr., CoMaBoGo Executive Assistant; Hon. Vice Mayor John Vincent Escalante; Hon. City Councilor Cedric Jon Nido Olvido; and PESO Head Ms. Mary Grace Santua of Cadiz City.

The activity is also supported by Ms. Christy Jane Paduano-Dizon, Acting Chief of LTO Cadiz City District Office, whose continued efforts help make this initiative possible.

Together, we remain committed to promoting responsible driving, road safety, and accessible driver education for the people of Cadiz City and Manapla.

16/09/2026

📢 ANNOUNCEMENT!

The LTO Cadiz City District Office together with Driver’s Education Center (DEC) will be conducting a FREE THEORETICAL DRIVING COURSE (TDC) tomorrow, September 17, 2026, at Balay Cadiznon, Cadiz City!

This initiative is made possible through the partnership with the Local Government Unit of Cadiz City and the Municipality of Manapla, with the support of Congressman Alfredo D. Marañon III, Representative of the 2nd District of Negros Occidental.

We also extend our appreciation to Hon. Salvador G. Escalante Jr., City Mayor of Cadiz City, and Hon. Mikaela Socorro L. Escalante, Municipal Mayor of Manapla, for their support in making this initiative possible.

Also with the support of the LTO-NIR, headed by OIC Regional Director Mr. Jeck D. Conlu, Assistant Regional Director Mr. Monico A. Puentevella Jr. and Acting Chief of LTO Cadiz City District Office Ms. Christy Jane Paduano-Dizon.

📌 Qualifications: 17 years old and above
📌 Requirements: PSA Birth Certificate & Valid ID

✨ Don’t miss this opportunity to learn, be informed, and become a safer and more responsible driver!

See you tomorrow! 🚦🚗

16/09/2026

𝐋𝐓𝐎 𝐂𝐇𝐈𝐄𝐅, 𝐈𝐏𝐈𝐍𝐀𝐆-𝐔𝐓𝐎𝐒 𝐀𝐍𝐆 𝐌𝐀𝐇𝐈𝐆𝐏𝐈𝐓 𝐍𝐀 𝐏𝐀𝐆𝐏𝐀𝐏𝐀𝐓𝐔𝐏𝐀𝐃 𝐍𝐆 𝐏𝐀𝐆𝐋𝐈𝐏𝐀𝐓 𝐒𝐀 𝐋𝐓𝐌𝐒; 𝐏𝐀𝐆𝐆𝐀𝐌𝐈𝐓 𝐍𝐆 𝐒𝐓𝐑𝐀𝐃𝐂𝐎𝐌 𝐋𝐓𝐎-𝐈𝐓 𝐒𝐘𝐒𝐓𝐄𝐌, 𝐈𝐇𝐈𝐇𝐈𝐍𝐓𝐎 𝐍𝐀

Iniutos ni Land Transportation Office (LTO) Chief, Assistant Secretary Markus V. Lacanilao, sa lahat ng kinauukulang tanggapan ng ahensya ang agarang paghinto sa paggamit ng LTO-IT System ng STRADCOM sa mga 𝗹𝗮𝗵𝗮𝘁 𝗻𝗴 transaksyon at ang mahigpit na pagpapatupad ng 𝗲𝗸𝘀𝗸𝗹𝘂𝘀𝗶𝗯𝗼𝗻𝗴 𝗽𝗮𝗴 𝗴𝗮𝗺𝗶𝘁 𝗻𝗴 Land Transportation Management System (LTMS).

Ang direktiba ay alinsunod sa kautusan ng Office of the Ombudsman na naglalayong ihinto ang paggamit ng LTO-IT System ng STRADCOM at tiyakin ang paggamit ng LTMS sa mga transaksyon ng ahensya.

Sa ilalim ng Memorandum No. MVL-2026-207 at Memorandum No. MVL-2026-208, ipinag-utos ang agarang paghinto sa paggamit ng LTO-IT System sa Enhanced Driver’s License System (EDLS) Pilot Sites at sa 42 designated Temporary Offsite Printing Offices (TOPOs).

Saklaw din ng direktiba ang pagproseso ng Certificate of Stock Report (CSR) at New Registration of Motor Vehicles, Motor Vehicle Renewal of Registration, lahat ng Driver’s License transactions, at Miscellaneous Transactions.

Kabilang sa mga transaksyon sa Driver’s License na sakop ng direktiba ang renewal, new application, duplicate o replacement, at change of information.

Ang lahat ng nasabing transaksyon ay dapat nang eksklusibong iproseso sa LTMS.

Inatasan din ni Asec. Lacanilao ang mga kinauukulang tanggapan na makipag-ugnayan sa mga kaukulang opisina ng LTO Central Office upang matiyak ang maayos at tuloy-tuloy na transition, kabilang ang kinakailangang system configuration, user access, at iba pang operational requirements.

Anumang system limitation, technical issue, o operational difficulty na mararanasan sa panahon ng transition ay dapat agad i-report sa Management Information Division (MID) upang mabigyan ng agarang kaukulang aksyon.

“Patuloy nating inaayos at pinapahusay ang mga sistema ng LTO upang maging mas mabilis, maayos, at maaasahan ang ating serbisyo. Ang paglipat sa LTMS ay mahalagang bahagi ng ating pagsisikap na magkaroon ng mas episyenteng proseso at mas mahusay na serbisyo para sa ating mga motorista,” ayon kay Asec. Lacanilao.

Binigyang-diin ng LTO Chief na mahigpit na ipatutupad ang mga direktibang ito upang matiyak ang maayos at tuloy-tuloy na paglipat sa LTMS, kasabay ng pagpapanatili ng episyente at maaasahang serbisyo sa publiko.

16/09/2026

16/09/2026

🚨 𝐒𝐇𝐎𝐖 𝐂𝐀𝐔𝐒𝐄 𝐎𝐑𝐃𝐄𝐑 𝐔𝐏𝐃𝐀𝐓𝐄 🚨

Matapos ang isinagawang pagdinig ng ahensya kaugnay sa kaso ng isang alagad ng batas na inisyuhan ng Show Cause Order (SCO) matapos umanong habulin, banggain, suntukin, tutukan ng baril, at sapilitang dalhin sa himpilan ng pulisya ang isang estudyante, ipinataw ng Land Transportation Office (LTO) ang tuluyang pagbawi sa kanyang driver’s license at pagbabawal na makakuha muli ng panibagong lisensya sa loob ng (2) dalawang taon.

Batay sa naging resulta ng imbestigasyon at pagdinig, napatunayang lumabag ang nasabing driver sa mga probisyon hinggil sa Reckless Driving, Obstruction of Traffic, Compulsory Registration of Motor Vehicles, at Driving While Under the Influence of Liquor or Narcotic Drugs. Dahil dito, idineklara ng LTO ang driver bilang Improper Person to Operate a Motor Vehicle, na nagresulta sa revocation ng kanyang driver’s license at pagbabawal na kumuha ng panibagong lisensya sa loob ng dalawang taon.

Para sa karagdagang impormasyon kaugnay ng insidenteng ito, maaaring basahin ang paunang pahayag na inilabas ng ahensya. https://web.facebook.com/share/v/1ERsaAwkY2/

16/09/2026

𝐑𝐈𝐃𝐄𝐑 𝐍𝐀 𝐒𝐀𝐍𝐆𝐊𝐎𝐓 𝐒𝐀 𝐇𝐈𝐓-𝐀𝐍𝐃-𝐑𝐔𝐍, 𝐈𝐍𝐈𝐒𝐘𝐔𝐇𝐀𝐍 𝐍𝐆 𝐋𝐓𝐎 𝐍𝐆 𝐒𝐂𝐎; 𝐋𝐈𝐒𝐄𝐍𝐒𝐘𝐀 𝐒𝐔𝐒𝐏𝐄𝐍𝐃𝐈𝐃𝐎, 𝐌𝐎𝐓𝐎𝐑𝐒𝐈𝐊𝐋𝐎 𝐈𝐍𝐀𝐋𝐀𝐑𝐌𝐀

Agad na naglabas ng Show Cause Order (SCO) ang Land Transportation Office (LTO), sa ilalim ng pamumuno ni Assistant Secretary Markus V. Lacanilao, matapos matukoy ang rider ng isang motorsiklo na nakabangga ng kapwa motorista habang gumagawa ng delikadong maniobra.

Batay sa video na nakarating sa ahensya, makikitang dumaan ang rider sa masikip na pagitan ng isang sasakyan at isa pang motorsiklo. Sa ginawang maniobra, natamaan ang kabilang motorsiklo na naging dahilan upang mawalan ng balanse at mahulog sa kalsada ang rider at ang kanyang angkas.

Sa halip na huminto matapos ang insidente, makikitang nagpatuloy sa pagmamaneho ang rider at umalis sa lugar nang hindi nagbigay ng tulong sa mga biktima.

Dahil sa mga natukoy paglabag, inaatasan ng LTO ang rehistradong may-ari at itinalagang rider ng motorsiklo na humarap sa tanggapan ng Intelligence and Investigation Division (IID) ng LTO Central Office sa Setyembre 22, 2026, upang magsumite ng sinumpaang salaysay o paliwanag kaugnay ng insidente.

Kinakailangan ding ipaliwanag ng itinalagang rider kung bakit hindi siya dapat managot sa mga paglabag sa ilalim ng Republic Act No. 4136, kabilang ang Reckless Driving at Duty of the Driver in Case of Accident, gayundin kung bakit hindi siya dapat ideklarang Improper Person to Operate a Motor Vehicle, na maaaring maging batayan para sa pagsususpinde o pagbawi ng kanyang driver’s license.

“Bilang isang lisensyadong motorista, dapat alam mo ang iyong responsibilidad sa kalsada. Kung pagkatapos ng isang insidente ay nagawa pang umalis nang hindi man lang huminto para alamin ang kalagayan ng mga taong nabangga niya, mapapatanong ka talaga kung paano niya nakuha ang kanyang lisensya," pahayag ni Asec. Lacanilao.

“Hindi ito ang asal na inaasahan natin sa isang lisensyadong motorista. Sisiguraduhin natin na mananagot ang mga patuloy na lumalabag sa batas sa kalsada,” dagdag niya.

Samantala, habang nagpapatuloy ang imbestigasyon, isasailalim ang lisensya ng itinalagang rider sa 90 araw na preventive suspension at inatasan siyang agarang isuko ito sa IID. Inilagay na rin sa alarm status ang motorsiklo habang dinidinig ang kaso.

Muling binigyang-diin ng LTO na hindi dapat balewalain ng sinumang motorista ang kanilang responsibilidad matapos masangkot sa isang insidente sa kalsada. Inaasahan ang agarang pagresponde at pagtulong sa mga taong maaaring nasaktan o naapektuhan ng insidente, alinsunod sa kanilang tungkulin bilang motorista.

16/09/2026

𝐒𝐔𝐕 𝐃𝐑𝐈𝐕𝐄𝐑 𝐍𝐀 𝐒𝐀𝐍𝐆𝐊𝐎𝐓 𝐒𝐀 𝐏𝐀𝐆𝐊𝐀𝐒𝐀𝐖𝐈 𝐍𝐆 𝐌𝐄𝐍𝐎𝐑 𝐃𝐄 𝐄𝐃𝐀𝐃 𝐌𝐀𝐓𝐀𝐏𝐎𝐒 𝐌𝐀𝐒𝐀𝐆𝐀𝐒𝐀𝐀𝐍 𝐈𝐓𝐎 𝐒𝐀 𝐏𝐀𝐒𝐈𝐆 𝐂𝐈𝐓𝐘, 𝐀𝐆𝐀𝐃 𝐈𝐍𝐈𝐒𝐘𝐔𝐇𝐀𝐍 𝐍𝐆 𝐒𝐂𝐎 𝐍𝐆 𝐋𝐓𝐎; 𝐋𝐈𝐒𝐄𝐍𝐒𝐘𝐀 𝐒𝐔𝐒𝐏𝐄𝐍𝐃𝐈𝐃𝐎, 𝐒𝐀𝐒𝐀𝐊𝐘𝐀𝐍 𝐈𝐍𝐀𝐋𝐀𝐑𝐌𝐀

Agad na umaksyon ang Land Transportation Office (LTO), sa direktiba ni Assistant Secretary Markus V. Lacanilao, matapos maiulat sa 24 Oras ang insidente kung saan isang menor de edad ang nasagaan ng isang SUV at kalaunan ay nasawi sa Victorino St. malapit sa Pinagbuhatan Arch, Pasig City noong Setyembre 10, 2026.

Batay sa incident report, bandang alas-singko ng hapon nang masangkot sa insidente ang naturang SUV habang minamaneho sa nasabing lugar. Ayon sa ulat, habang tumatawid ang menor de edad, tinamaan ito ng kanang bahagi ng harapan ng sasakyan at tuluyang nasagasaan ng harap at likurang gulong nito.

Agad na isinugod ang biktima sa Prime Hospital para sa kaukulang atensyong medikal. Gayunman, idineklara itong dead on arrival.

Kaugnay nito, nag-isyu ang LTO ng Show Cause Order (SCO) laban sa rehistradong may-ari at itinalagang driver ng naturang SUV at inatasan silang humarap sa Intelligence and Investigation Division (IID) ng LTO East Avenue sa Setyembre 22, 2026, upang magsumite ng sinumpaang salaysay o paliwanag at mga kaukulang dokumento kaugnay ng insidente.

Kabilang sa mga paglabag na tinukoy sa SCO ang Reckless Driving at Improper Person to Operate a Motor Vehicle, bukod pa sa iba pang pananagutan na maaaring matukoy sa nagpapatuloy na imbestigasyon.

Samantala, isasailalim sa 90-araw na preventive suspension ang driver’s license ng sangkot na drayber at inatasan siyang agad na isuko ito sa IID.

Inilagay na rin sa alarm ang naturang SUV at driver’s license habang nagpapatuloy ang kaukulang proseso at imbestigasyon ng ahensya.

“Sa bawat pagmamaneho, mahalagang siguraduhin muna nating malinaw ang ating dadaanan bago umandar, lalo na sa mga lugar na maraming tao, at kailangang suriing mabuti ang paligid upang tiyaking walang pedestrian o batang maaaring malagay sa panganib. Mahalaga rin ang paggabay ng mga magulang upang hindi hayaang mag-isa ang mga bata sa kalsada. Sa simpleng pag-iingat at responsableng pagmamaneho, maiiwasan natin ang mga aksidenteng maaaring magkaroon ng mabigat na kahihinatnan,” ayon kay Asec. Lacanilao.

Muling pinaalalahanan ng LTO ang lahat ng motorista na laging pairalin ang dobleng pag-iingat, disiplina, at responsableng pagmamaneho upang maiwasan ang mga ganitong insidente. Kasabay nito, hinihikayat ang publiko na maging maingat sa paggamit ng kalsada at tiyaking ligtas ang mga bata at iba pang pedestrian sa tuwing tatawid o nasa paligid ng mga lansangan. Sa sama-samang pag-iingat at pagsunod sa mga alituntunin, makatutulong ang bawat isa sa pagpapanatili ng ligtas na kalsada para sa lahat.

16/09/2026

We are back ONLINE!
✅ SYSTEM FULLY RESTORED

We are pleased to inform the public that our system has been fully restored. All system-related transactions have resumed.

Thank you for your patience and understanding.

16/09/2026