Provincial DOH Office - Nueva Ecija

12/09/2026

06/09/2026

DOH: HINDI LAHAT NG NARARAMDAMAN PAGKATAPOS MABAKUNAHAN AY DULOT NG BAKUNA

Maraming posibleng dahilan kung bakit maaaring magkaroon ng sintomas o kondisyon ang isang bata. Mahalagang masuri nang maayos ang mga naiulat na kondisyon upang malaman kung may kaugnayan nga ito sa bakuna at matukoy ang posibleng sanhi.

Magtanong at kumuha ng tamang impormasyon mula sa healthcare workers.

Protektahan ang inyong anak laban sa tigdas at tigdas-hangin. Magpabakuna na!

05/09/2026

[𝐓𝐈𝐍𝐆𝐍𝐀𝐍] 𝐈𝐧𝐟𝐨𝐫𝐦𝐚𝐭𝐢𝐨𝐧 𝐚𝐧𝐝 𝐒𝐞𝐫𝐯𝐢𝐜𝐞 𝐂𝐚𝐫𝐚𝐯𝐚𝐧 𝐀𝐠𝐚𝐢𝐧𝐬𝐭 𝐂𝐡𝐢𝐥𝐝 𝐋𝐚𝐛𝐨𝐫 𝐚𝐧𝐝 𝐏𝐫𝐨𝐣𝐞𝐜𝐭 𝐀𝐧𝐠𝐞𝐥 𝐓𝐫𝐞𝐞 𝐧𝐠 𝐃𝐎𝐋𝐄-𝐍𝐮𝐞𝐯𝐚 𝐄𝐜𝐢𝐣𝐚 - September 3, 2026

Matagumpay na isinagawa ng Department of Labor and Employment (DOLE) Nueva Ecija ang Information and Service Caravan Against Child Labor and Project Angel Tree sa SM MegaCenter, Cabanatuan City, Nueva Ecija, na may temang “CLPEP BATA ANG BIDA 2026: Sama-samang Aksyon Kontra Child Labor.”

Layunin ng aktibidad na palakasin ang kamalayan ng mga pamilya at komunidad hinggil sa masamang epekto ng child labor, gayundin ang pagsusulong ng mga programa at serbisyong makatutulong sa mga batang nasa vulnerable na kalagayan. Bahagi rin ng programa ang Project Angel Tree, isang inisyatiba na naglalayong magbigay ng suporta at tulong sa mga child laborers at kanilang mga pamilya.

Nakibahagi sa naturang aktibidad ang Provincial DOH Office – Nueva Ecija, na naghatid ng libreng serbisyong pangkalusugan sa mga dumalo. Kabilang dito ang libreng medical consultation at pamamahagi ng mga libreng gamot, bilang bahagi ng patuloy na pakikiisa ng Provincial DOH Office sa mga programang nagtataguyod ng kalusugan at kapakanan ng mga bata at kanilang pamilya.

Ang aktibidad ay nagsilbing mahalagang plataporma upang mapag-ugnay ang iba't ibang ahensya at katuwang sa komunidad sa pagsusulong ng proteksyon sa mga bata. Sa pamamagitan ng sama-samang pagkilos, ipinakita ng mga kalahok ang kanilang commitment na wakasan ang child labor at tiyaking ang bawat bata ay nabibigyan ng pagkakataong makapag-aral, lumaki nang ligtas, malusog, at may dignidad.

Sa diwa ng “BATA ANG BIDA,” patuloy na hinihikayat ang lahat na maging bahagi ng sama-samang aksyon laban sa child labor at suportahan ang mga programang nagbibigay ng mas magandang kinabukasan para sa bawat batang Pilipino.

05/09/2026

05/09/2026

𝐌𝐑-𝐒𝐈𝐀 𝐂𝐎𝐕𝐄𝐑𝐀𝐆𝐄 𝐀𝐂𝐂𝐎𝐌𝐏𝐋𝐈𝐒𝐇𝐌𝐄𝐍𝐓 𝐑𝐄𝐏𝐎𝐑𝐓
𝐌𝐞𝐚𝐬𝐥𝐞𝐬-𝐑𝐮𝐛𝐞𝐥𝐥𝐚 𝐒𝐮𝐩𝐩𝐥𝐞𝐦𝐞𝐧𝐭𝐚𝐥 𝐈𝐦𝐦𝐮𝐧𝐢𝐳𝐚𝐭𝐢𝐨𝐧 𝐀𝐜𝐭𝐢𝐯𝐢𝐭𝐲 (𝐒𝐈𝐀)

Coverage: August 10 - September 4, 2026
Province of Nueva Ecija

Tagumpay ang ating Measles-Rubella Supplemental Immunization Activity (MR-SIA). Sa sama-samang pagkilos ng ating mga Health Workers, BHWs, mga magulang, lokal na pamahalaan, at buong komunidad, mas marami nating mga bata ang nabigyan ng dagdag na proteksyon laban sa Tigdas at Rubella.

Maraming salamat sa lahat ng nakiisa at sumuporta! Ang bawat bakuna ay isang hakbang tungo sa mas ligtas, mas malusog, at mas protektadong komunidad.

04/09/2026

𝑷𝒂𝒈𝒑𝒖𝒑𝒖𝒈𝒂𝒚 𝒂𝒕 𝑷𝒂𝒔𝒂𝒔𝒂𝒍𝒂𝒎𝒂𝒕 𝒔𝒂 𝒎𝒈𝒂 𝑩𝒂𝒚𝒂𝒏𝒊 𝒏𝒈 𝑳𝒊𝒈𝒕𝒂𝒔 𝑻𝒊𝒈𝒅𝒂𝒔 𝑪𝒂𝒎𝒑𝒂𝒊𝒈𝒏!

Sa pagtatapos ng Measles-Rubella Supplemental Immunization Activity (MR-SIA) Campaign, taos-puso nating ipinapaabot ang ating pagpupugay at pasasalamat sa lahat ng mga Bayani ng Ligtas Tigdas—ang ating mga healthcare workers, vaccinators, volunteers, partner agencies, lokal na pamahalaan, at lahat ng indibidwal na naging bahagi ng matagumpay na kampanya.

Ang inyong walang sawang serbisyo, dedikasyon, at malasakit ay naging mahalagang bahagi sa pag-abot sa mas maraming bata at pagbibigay sa kanila ng proteksyon laban sa tigdas at rubella.

Maraming salamat sa inyong patuloy na pakikiisa. Sama-sama, tungo sa mas ligtas at mas malusog na kinabukasan para sa bawat bata!

02/09/2026

𝑯𝒂𝒑𝒑𝒚 𝑩𝒊𝒓𝒕𝒉𝒅𝒂𝒚, 𝑺𝒊𝒓 𝑨𝒍𝒗𝒊𝒏!🎂

May your special day be filled with happiness, good health, and meaningful moments. May you continue to inspire others through your dedication, leadership, and service.

Warmest birthday greetings from your:
Provincial DOH Office – Nueva Ecija Family

02/09/2026

[𝐇𝐀𝐁𝐀𝐆𝐀𝐓 𝐑𝐄𝐒𝐏𝐎𝐍𝐒𝐄] 𝐏𝐀𝐆𝐁𝐈𝐒𝐈𝐓𝐀 𝐒𝐀 𝐌𝐆𝐀 𝐄𝐕𝐀𝐂𝐔𝐀𝐓𝐈𝐎𝐍 𝐂𝐄𝐍𝐓𝐄𝐑𝐒 𝐒𝐀 𝐁𝐀𝐘𝐀𝐍 𝐍𝐆 𝐙𝐀𝐑𝐀𝐆𝐎𝐙𝐀, 𝐍𝐔𝐄𝐕𝐀 𝐄𝐂𝐈𝐉𝐀 - September 1, 2026

Bilang tugon sa epekto ng habagat, nagsagawa ng pagbisita ang Provincial DOH Office (PDOH) Nueva Ecija, kasama ang Municipal Health Office (MHO) ng Zaragoza, sa mga evacuation centers sa Bayan ng Zaragoza, Nueva Ecija upang masuri ang kalagayan at mga pangangailangang pangkalusugan ng mga pamilyang pansamantalang nanunuluyan sa mga nasabing lugar.

Kasabay ng pagbisita, nagbigay ang mga health personnel ng ilang kinakailangang health supplies at Doxycycline bilang bahagi ng patuloy na pagtugon at paghahanda laban sa mga posibleng banta sa kalusugan, alinsunod sa pangangailangan ng mga apektadong komunidad.

Sa pamamagitan ng pagtutulungan ng Municipal Health Office ng Zaragoza at Provincial DOH Office Nueva Ecija, patuloy na isinusulong ang maagap na pagbibigay ng serbisyong pangkalusugan at suporta upang mapangalagaan ang kalusugan, kaligtasan, at kapakanan ng bawat evacuee.

02/09/2026

𝑴𝒂𝒍𝒖𝒈𝒐𝒅 𝒏𝒂 𝒑𝒂𝒈𝒃𝒂𝒕𝒊 𝒔𝒂 𝒑𝒂𝒈𝒈𝒖𝒏𝒊𝒕𝒂 𝒏𝒈 𝑰𝒌𝒂-130 𝑨𝒏𝒊𝒃𝒆𝒓𝒔𝒂𝒓𝒚𝒐 𝒏𝒈 𝑼𝒏𝒂𝒏𝒈 𝑺𝒊𝒈𝒂𝒘 𝒏𝒈 𝑵𝒖𝒆𝒗𝒂 𝑬𝒄𝒊𝒋𝒂! - September 2, 2026

Nawa’y patuloy nating parangalan ang kabayanihan, katapangan, at pagmamahal sa bayan ng mga Novo Ecijano na nagbigay-inspirasyon sa ating kasaysayan.

Isang makasaysayang paggunita, isang nagkakaisang Nueva Ecija, at isang patuloy na pag-alala sa diwa ng kalayaan!

Mabuhay ang Nueva Ecija! Mabuhay ang sambayanang Pilipino!