Barangay Saui Cabagan Isabela

23/08/2026

"Panatilihing Malinis ang Kapaligiran: Responsibilidad ng Bawat Isa!"

Mga kapwa residente ng Brgy. Saui, nais naming ipaalala na ang kalinisan ng ating komunidad ay hindi lamang tungkulin ng ating mga Barangay Officials. Ang pagpapanatili ng kaayusan at kalinisan sa ating mga tapat, kalsada, at pampublikong lugar ay responsibilidad ng bawat isa sa atin.

Ang ating mga opisyal ay nakatutok sa pagpapanatili ng kapayapaan at kaayusan ng buong barangay—ngunit ang kalinisan ng ating sariling bakuran at kapaligiran ay nasa ating mga kamay. Huwag nating hintayin na iba pa ang maglinis para sa atin.

Magtulungan tayo. Panatilihing malinis ang Saui, para sa mas ligtas at malusog na komunidad!

21/08/2026

Ligtas Tuwing Gabi, Handa Kahit Brownout

Isang malaking hakbang para sa kaligtasan ng Barangay Saui — matagumpay nang nakapaglagay ng mga solar streetlights sa ating komunidad! Hindi lang iyon — may mga solar lights ding naka-install bilang backup tuwing nawawalan ng kuryente. Kahit anong oras, kahit anong mangyari — may ilaw tayo. Hindi madilim ang daanan, hindi nakakatakot maglakad, mas naiiwasan ang anumang panganib sa ating paligid. Ito ay paghahanda hindi lang para sa gabi — kundi para sa anumang oras na kailangan natin ng liwanag.

Salamat kay Punong Barangay Lee Ann Taguba Garcia at sa kanyang mga opisyales — sa pagbibigay-prioridad sa ating kaligtasan at pag-iisip ng mga paraan para mas mapaganda pa ang ating barangay. Salamat sa walang pagod na serbisyo!

Taos-puso rin kaming nagpapasalamat sa ating Inang Bayan at Alkalde ng Cabagan Manang Milet Albano at kay Governor Rodito Albano — sa pagkakaloob ng mga solar lights na ito. Ang inyong suporta ay nagbibigay-liwanag hindi lang sa ating kalsada, kundi pati na rin sa ating mga puso na alam nating may nagmamalasakit sa atin.

Handa, ligtas, at maliwanag — ang ating Barangay Saui! ✨

10/08/2026

👋 HELLO MGA KAPITBAHAY! PAALALA LANG PO 😊

Alam niyo ba na sa ilalim ng ating “Tapat Ko, Linis Ko” Ordinansa, bawat isa sa atin ay may malinaw na responsibilidad?

Opo— ang tapat ninyo, linis ninyo! Ang simpleng pagwawalis, pag-iwas sa pagkakalat, at pag-aayos ng paligid ay obligasyon natin bilang bahagi ng barangay. Mas madali at mas masaya kung lahat tayo ay gagawa ng ating bahagi. Para sa ating kalusugan, kaligtasan, at ganda ng ating lugar — sama-sama nating gampanan ito!

10/08/2026

UPDATE: PAGPAPALAWAK AT REHABILITASYON NG TULAY SA BRGY. SAUI

Isinasagawa na ngayon ang patuloy na pagpapalawak at rehabilitasyon ng tulay sa ating lugar. Ito ay sa pamumuno at inisyatiba ni Punong Barangay Lee Ann Garcia, upang matugunan ang mga panganib at isyu sa kaligtasan ng ating mga residente, mga dumadaan, at lahat ng gumagamit ng nasabing daanan.

Lubos kaming nagpapasalamat sa ating butihing Alkalde Milette Albano sa pagtugon at pagbibigay-daan sa kahilingang ito para sa mas ligtas at maayos na imprastraktura.

MAHALAGANG PAALALA:
Hinihiling namin ang inyong buong pang-unawa at kooperasyon. Ang pagsunod sa mga nakapaskil na babala ay responsibilidad ng bawat isa—para sa kaligtasan ninyo, ng inyong pamilya, at ng buong komunidad.

07/08/2026

01/08/2026

ISANG PUSONG PAGTATANIM NG MALUNGGAY SA BARANGAY SAUI

Ngayong Agosto 1, 2026, nagsama-sama ang mga residente ng Barangay Saui sa malawakang pagtatanim ng punong malunggay — isang inisyatiba ng ating mahal na Punong Barangay Lee Ann Garcia.

Ang gawaing ito ay isinagawa alinsunod sa Municipal Malunggay Planting Program, na nag-aatas sa bawat sambahayan na magtanim, magpalaki, at mapanatili ang hindi bababa sa isang punong malunggay.

Hindi lamang ito pagtatanim — ito ay paghahanda para sa masustansyang kinabukasan ng bawat pamilya. Ang malunggay ay madaling palaguin, walang masyadong alagaan, at punong-puno ng sustansya — tunay na regalo ng kalikasan!

Salamat sa bawat residenteng nagbigay ng oras at lakas. Ang bawat punong lumalaki ay patunay ng ating pagmamahal sa kalusugan at kinabukasan ng ating komunidad. Mabuhay ang Barangay Saui!

30/07/2026

KILOS PARA SA KALUSUGAN, PAGHANDA SA KALAMIDAD 🇵🇭

Isinagawa ngayong araw, Hulyo 30, 2026, ang masusing paglilinis sa paligid ng Barangay Saui Hall at karatig-lugar para sa patuloy na laban sa dengue at pagdiriwang ng Buwan ng Katatagan sa Kalamidad.

Pinangunahan ito ni Kapitan Lee Ann Garcia kasama ang mga opisyal ng barangay. Masiglang lumahok ang mga tanod, utility personnel, mga boluntaryo, at mga mamamayan upang alisin ang mga pwedeng pagmulan ng sakit at pinsala.

Ang ating pagkakaisa ay susi sa mas ligtas na Saui! ✨

27/07/2026

🥗 NUTRISYON, SUSI SA KALUSUGAN AT PAG-ASA! 🥦

Masiglang ipinagdiwang ng Barangay Saui ang Buwan ng Nutrisyon sa Barangay Saui Hall, kung saan ang ating mga maliliit na mag-aaral mula sa Kindergarten ang naging pangunahing bituin ng okasyon! 🎉

Naging matagumpay ang gawain sa pamumuno ng ating masipag na Punong Barangay Lee Ann Garcia, kasama ang kanilang g**o na si Sir Waldy Miguel at Komite sa Edukasyon sa pamumuno ni Kagawad Revelita Soriano. Lubos din po naming pinasasalamatan ang mga opisyal ng barangay, Kagawad Marites Vinarao, Kagawad Jenelyn Bagunu, Kagawad Lelita Gatan, Kagawad Salvacion Garcia, Kagawad Benjie Agabin, Kagawad Domingo Gumiran, sa mga magulang, mga boluntaryo, at ang mga kinatawan ng ating LGU, Mam Roselily, Mam Lorna, Mam Grace, Sir Juan, na nakiisa at tumulong upang maisakatuparan ang aktibidad na ito.

Puno ng tawanan at sigla ang bawat sandali—nagkaroon ng masasayang laro, masasarap at masustansyang pagkain, at ang makabuluhang pagbibigay ng mga parangal at premyo sa ating mga batang kalahok bilang pagkilala sa kanilang pakikilahok at masiglang diwa!

Ang tagumpay ng pagdiriwang na ito ay patunay na kapag nagtutulungan ang bawat isa, masisig**o natin ang malusog at masaganang kinabukasan para sa ating mga kabataan.

17/07/2026

Barangay Saui 4Ps
Family Develepment Session
Lubos kaming nagpapasalamat PNP Cabagan
BFP
MDRRMO
RHU
Na nagbigay ng kaalaman para sa aming komunidad. Ang inyong mga pangaral at paalala ay malaking tulong para kahit anong sakuna o kalamidad ang dumating laging handa ang aming kabarangay.

09/07/2026

BARANGAY SAUI
BDRRMC EMERGENCY MEETING
Para sa paghahanda sa posibleng epekto ng BAGYONG INDAY
Manatiling Alerto at
Mapagmatyag
ANG MAY ALAM