03/09/2025
๐๐๐๐ ๐๐๐ซ๐๐ ๐ 4๐๐ฌ ๐๐๐๐ ๐๐ข๐๐ข๐ฌ๐ข๐ญ๐ ๐ฌ๐ ๐๐ซ๐ ๐ฒ. ๐๐๐ฎ๐ ๐๐ญ๐จ๐ฅ ๐ฌ๐ ๐
๐๐ฆ๐ข๐ฅ๐ฒ ๐๐๐ฏ๐๐ฅ๐จ๐ฉ๐ฆ๐๐ง๐ญ ๐๐๐ฌ๐ฌ๐ข๐จ๐ง
Ang Department of Social Welfare and Development (DSWD) Field Office Caraga, pinaagi sa 4Ps Regional Program Management Office (RPMO), nibisita sa Barangay Maug sa Butuan City kaniadtong Setyembre 3, 2025, atol sa pagdumala sa Family Development Session (FDS).
Ang Family Development Session usa ka matag-buwan nga kalihukan ubos sa Pantawid Pamilyang Pilipino Program (4Ps) ug usa sa mga kondisyon sa programa. Ang team sa RPMO, gipangulohan ni Ms. Crislea Celeste, Regional Program Coordinator, uban nila si Ms. Analiza Navia, FDS focal, ug si Ms. Elvie Mae Bagaipo-Edubas, IP focal, nagdumala sa monitoring visit sa maong sesyon.
Si Barangay Chairperson Hon. Michael Duro maoy unang nagabiabi sa mga partisipante sa pagsugod sa kalihukan. Iyang gipahayag ang iyang mapainubsanon nga hangyo ngadto sa mga benepisyaryo sa 4Ps nga motambong nga magpadayon sa ilang aktibong partisipasyon, dili lang sa Family Development Sessions, apan apil usab sa mga kalihukan nga gipangulohan sa barangay.
"Ang ako lang, isip Punong Barangay, kung naay mga kalihukan nga kinahanglan mo nga ma-involve, mangayo ko og suporta sa inyo. โฆSo gikinahanglan gyud nga aside sa inyong FDS, naa pud moy involvement sa atong barangay," matod pa ni Hon. Duro.
Si Ms. Jenny Ybaรฑez, ang giasayn nga Municipal Link (ML) sa barangay, maoy nagdumala sa Family Development Session nga nagtutok sa hilisgutan kabahin sa mental health awareness. Naatol og baynte kwatro (24) ka mga benepisyaryo sa 4Ps ang mitambong. Si Ms. Cyren Reboldad, SWO III sa Agusan del Norte, ug si Ms. Christine Mission, Team A ug Team B leader sa Butuan City, mitabang usab atol sa kalihukan.
Ang monitoring visit gitumong aron maobserbahan kung giunsa sa mga implementers ang pagdumala sa maong major component sa programa ug aron masiguro ang kalidad sa serbisyo nga gihatag sa mga benepisyaryo, nga nagpakita sa padayon nga paningkamot sa programa alang sa pagka-eksellente.
Gilunsad niadtong 2008 ug pormal nga gi-institusyonalisa niadtong 2019 pinaagi sa Republic Act No. 11310 o 4Ps Act, kini nagsilbing pangunang estratehiya sa nasud batok sa kalisod ug usa ka inisyatibo alang sa human capital investment. Naghatag kini og conditional cash assistance ngadto sa kwalipikadong kabus nga mga panimalay sulod sa pito (7) ka tuig, nga nagtumong sa pagpauswag sa ilang panglawas, nutrisyon, ug edukasyon.
