24/10/2026
๐๐จ๐ง๐จ๐๐ก ๐๐๐ง๐ฌโ๐ฆ ๐ง๐ฅ๐๐ก๐ฆ๐๐ข๐ฅ๐ ๐๐ง๐๐ข๐ก ๐๐ข๐จ๐ฅ๐ก๐๐ฌ, ๐๐๐๐๐๐ ๐ฆ๐ ๐๐๐ก๐ฌ๐จ๐๐๐ฌ ๐ก๐๐ง๐๐ข๐ก๐๐ ๐ฃ๐จ๐๐๐๐ ๐ฆ๐๐ฅ๐ฉ๐๐๐ ๐ฆ๐จ๐ ๐ ๐๐ง
Gipaambit sa City Government of Butuan ang transformation journey niini sa unang BANYUHAY National Public Service Summit nga gipahigayon niadtong Oktubre 22 hangtod 23, 2026, sa The Manila Hotel.
Sa tanang local government units, ang Butuan City mismo ang gipili sa Civil Service Commission (CSC) Central Office aron ipaambit ang kasinatian niini sa pagpatuman sa mga reporma ug pagpauswag sa lokal nga pagdumala.
Gitambongan sa mga Government leaders, policymakers ug human resource experts ang maong summit aron hisgotan ang estratehiya ug direksiyon sa pagbag-o sa serbisyo sibil sa Pilipinas gikan sa 2026 hangtod 2030. Aduna kini temang โReimagining Public Service: Strategic Transformation of the Philippine Civil Serviceโ ug gipangunahan ni CSC Chairperson Atty. Marilyn B. Yap ang pag-abli sa kalihokan.
Mitambong sa ikaduhang adlaw si kanhi Butuan City Mayor Engr. Ronnie Vicente C. Lagnada, kauban si Mayor Law Fortun ug mga department head sa City Government of Butuan.
Giimbitahan si Lagnada sa diskusyon ug gihisgotan ang transformation journey sa Butuan Cityโgikan sa pagpalig-on sa mga sistema sa lokal nga pagdumala hangtud sa pagpatuman sa mga reporma nga nagtumong sa mas episyente, transparent ug responsive nga serbisyo publiko. Gibutyag niini nga ang tinuod nga pagbag-o dili lamang masukod sa mga nahimo nga proyekto, kundili usab sa pagpalambo sa mga proseso, pagpalig-on sa mga institusyon ug paghatag og mas maayong serbisyo sa katawhan.
Gihisgotan usab sa summit ang mga paagi aron mapaayo ang serbisyo publiko, sama sa pagpalambo sa maayong pamatasan sa mga kawani, pagpili og empleyado base sa ilang abilidad ug kwalipikasyon, pagpaayo sa mga balaod ug polisiya, ug paggamit sa teknolohiya aron mas mapadali ang serbisyo sa katawhan.
Pinaagi sa mga diskusyon ug mga ideya gikan sa mga eksperto, tinguha sa BANYUHAY nga mapalambo ang maayong pagpangulo, mapaayo ang sistema sa pagdumala sa mga kawani ug mas mapadali ang paghatag og serbisyo sa publiko.
Ang BANYUHAY, nga nagpasabot og โpagbibigay ng bagong anyo,โ nagdala sa mga prinsipyo sa Pamana, Pamumuno, at Paglilingkod ug sa giya sa CSC nga Puso, Dangal, at Galing para sa Bayan.
