NCIP CSC Buenavista

16/10/2025

|| September 24, 2025

Ang Validation Team sa NCIP Buenavista Community Service Center nagpahigayon og Field-Based Investigation (FBI) kalabot sa aplikasyon sa San Lorenzo de Manila Quasi-Parish, nga nahimutang sa Purok 1, Barangay Casiklan, Las Nieves.
Ang maong aktibidad gipahigayon sa Session Hall sa Barangay Casiklan aron hisgutan ang proseso sa Free and Prior Informed Consent (FPIC).
Ang tumong sa kalihukan mao ang pagpasayon sa pagpagawas sa NCIP Certification isip usa sa mga rekisitos sa proyekto.
Ang kalihukan gitambongan sa maong proponent, Nayo Clan Representative, Datu Lakad-Lakad Rashel Julom, inubanan ni Bae Melinda Masiste ug Datu Agnes Maca gikan sa Duminda Clan.

07/10/2025

|| September 23, 2025

Gipahigayon sa CALOM Team ug mga personahe sa NCIP Buenavista Community Service Center (CSC) ang CADT 252 ADMC Meeting sa Giling Territory may kalabutan sa pag-isyu sa Certificate of Ancestral Land Ownership Mapping (CALOM) sa Barangay Durian, Las Nieves, Agusan del Norte. Ang maong kalihukan gitambongan sa mga rekognisadong lider sa matag clan nga sakop sa Giling Territory, lakip na ang presensya sa mga Barangay IPMRs — Bae Nay Akuman Lita Salinay sa Simbalan, Bae Mae-an Mangumihay sa Lower Olave, Datu Kasilungan Ricky Ambongan sa Guinabsan, ug Datu Janiel Mandahinog sa Camagong — ingon man usab ang presensya ni Datu Leopoldo Bentad, Sinaligan ku Ininay sa Simbangon nga Teritoryo.

Ang tumong sa maong panagtapok mao ang pagpalig-on sa ilang mga polisiya ug pamaagi sa paghatag ug CALOM ngadto sa mga migranteng aplikante.

Ang maong aktibidad gipangulohan sa duha ka Ininay/Inamay sa CADT 252 — sila si Datu Mantinahud Bagay Sulhayan, Ininay/Inamay sa Bungkatol nga Teritoryo, ug si Datu Manlugsadan Lino Monsalao, Ininay/Inamay sa Giling Territory — uban ang suporta ug presensya sa Municipal IPMR sa Buenavista nga si Datu Manlagdaan Virgilio Cadeniag, Jr.

07/10/2025

|| September 18-19, 2025

Nagpahigayon ug duha ka adlaw nga aktibidad ang NCIP Agusan del Norte kabahin sa Policy Formulation/Adoption sa CADT 118 Indigenous Political Structure (IPS). Gipahigayon kini sa Tribal House, Interim Barangay Bokbokon. Ang maong kalihukan gitambongan sa mga rekognisadong lider sa CADT 248 ug CADT 118 Council of Elders uban ang Manguanta Clan, Barangay Council, ug mga representante gikan sa AFP, lakip na ang mga miyembro sa ICCs/IPs sa maong lugar.

Ang tumong ug tinguha sa maong aktibidad mao ang paghan-ay ug pagpalig-on sa ilang Policy Making aron maplastar ang estruktura sa pamalaod sa ilang IPS, ug aron masabtan ug matino ang kasaysayan niini.

Gipangulohan kini sa tulo ka Ininay/Inamay sa CADT 252 — sila si Datu Mantinahud Bagay Sulhayan, Ininay/Inamay sa Bungkatol nga Teritoryo; Datu Jaime Man-abudan, Ininay sa Pinaglao nga Teritoryo; ug Datu Ruben Mandahinog, Sinaligan ku Ininay sa Pinaglao nga Teritoryo — inubanan sa presensya ni Datu Manlagdaan Virgilio Cadeniag, Jr., Municipal IPMR sa Buenavista.

07/10/2025

|| September 18, 2025

Gipahigayon sa Validating Team sa NCIP Buenavista Community Service Center (CSC) ang usa ka Pre-FBI Conference may kalabutan sa Work Order No. 224-25-07, Special Land Use Permit (SLUP) Application ni Mr. Prince Lao Cu alang sa Radio Transmitter Station nga nahimutang sa Barangay Nongnong, Butuan City, Agusan del Norte. Ang maong kalihukan gipahigayon sa buhatan sa NCIP Buenavista CSC.

07/10/2025

|| September 16, 2025

Ang NCIP Buenavista Community Service Center (CSC) nagpadala ug mga imbitasyon may kalabutan sa pagformulate sa IPS Policy alang sa CADT 118.

07/10/2025

|| September 15, 2025

Gipahigayon ang ika-pito (7) nga regular nga miting sa kahugpongan sa mga lider sa tribong Higaonon sa Munisipyo sa Buenavista, Agusan del Norte, nga nailhan usab nga Municipal Cultural Council of IP Leaders o (MCCIL). Ang maong kalihukan gitambongan sa mga personahe gikan sa NCIP Buenavista Community Service Center (CSC) ug sa mga representante sa mga kaliwatan nga tag-iya sa Yutang Kabilin sulod sa CADT 252.

Ang katiguman gipangulohan sa duha ka Ininay/Inamay sa Giling ug Bungkatol nga Teritoryo — sila si Datu Manlugsadan Lino C. Monsalao ug Datu Mantinahud Bagay P. Sulhayan — uban sa pag-asister sa Buenavista Municipal IPMR nga si Datu Manlagdaan Virgilio D. Cadeniag, Jr., Barangay IPMR sa Simbalan nga si Bae Nay Akoman Lita S. Salinay, Bae Mae-An Mangumihay- Barangay IPMR sa Lower Olave, ug Datu Kasilungan Ricky Ambongan- Barangay IPMR sa Guinabsan, Buenavista, Agusan del Norte.

07/10/2025

|| September 15, 2025

Ang NCIP Buenavista Community Service Center (CSC) Office mi-accommodate sa mga walk-in clients gikan sa DENR Mines and Geosciences Bureau (MGB) alang sa usa ka courtesy call may kalabutan sa assessment sa rock formulation to formation sulod sa CADT 252 ug 118.

07/10/2025

|| September 12, 2025

Gitambongan sa NCIP Buenavista Community Service Center (CSC) ang presentasyon sa CY 2025 Characterization and Vulnerability Assessment Reports ug sa draft nga Memorandum of Agreement (MOA) alang sa pagmugna sa Guihao-an River Watershed, nga gipahigayon sa DENR CENRO, Nasipit, Agusan del Norte.

07/10/2025

07/10/2025

07/10/2025

Seen this before? 🌿 At the crater lake of Mt. Pinatubo, the ancestral domain of the Ayta ICCs/IPs spans more than 11,000 hectares across Tarlac’s mountains and sitios. This domain was formally recognized under CADT No. R03-BAM-1215-195 on December 8, 2015. ✨