Butuan City Housing and Homesite Development Department

03/06/2026

BUILD HOME, SHAPE COMMUNITIES, SERVE THE PEOPLE — YOUR EXPERTISE MATTERS HERE!

𝐖𝐄’𝐑𝐄 𝐇𝐈𝐑𝐈𝐍𝐆!

The City Housing and Homesite Development Department (CHHDD) is opening opportunities for passionate and qualified individuals!

We are looking for:
• Civil Engineers
• Engineering Assistants (Draftsmen)

Be part of a team that helps build sustainable communities and decent housing for all.

📍 Submit your application at CHHDD Office, City Hall Compound, Butuan City
📅 Deadline: June 12, 2026

Don’t miss this opportunity to grow your career in public service!

Apply now and make a difference!

13/05/2026

508 KA PAMILYA SA MANAGLAING SUBDIVISION, NAKADAWAT NA SA SERTIPIKO SA GI-AWARD NGA YUTA

Personal nga gitunol ni Mayor Law Fortun ang mga sertipiko ngadto sa 508 ka pamilya atol sa tigum sa Komite sa Paghatag sa Yuta.

Gipasalig niya ang padayon nga paghatag aron ang tanang takus nga Butuanon makabaton og desente nga pabalay. “Maningkamot ang Dakbayan nga matubag ang panginahanglan sa tanan — basta sundon lamang ang saktong pamaagi,” matod pa niya.

Kini nga dokumento maoy lig-on nga pamatuod sa ilang katungod. Magamit kini sa pagkuha og tax declaration ug paghimo sa opisyal nga titulo — human sa hingpit nga pagbayad ug pagsunod sa mga kondisyon nga gilatid sa sertipiko.

Pasalig sa LGU Butuan pinaagi sa CHHDD magpabiling hapsay, matarong ug patas ang sistema aron maseguro ang legal nga katungod sa matag benepisyaryo.

Mitambong sila Konsehal Arturo Gado, Konsehal Gian Carlo Sanchez, mga opisyal sa barangay, ug mga pangulo sa lokal nga departamento ning siyudad.

Photo Courtesy:Butuan City PIO

09/05/2026

09/05/2026

IKA-TULONG TIGUM SA COMMITTEE ON LOT AWARDS, MALAMPUSON ALANG SA MAS MAAYONG PABALAY PARA SA KATAWHANG BUTUANON

Gipahigayon sa CLA ang ilang ika-3 nga regular nga tigum aron hisgutan ug solbaron ang mga isyu bahin sa yuta ug pabalay—pagpamatuod sa pasalig sa syudad sa patas, tin-aw, ug katawhan-ugat nga mga programa.

Girepaso ang mga termino sa pagbayad, gisusi ang 97 ka CIGLA assignee nga wala Absentee Homeowner, gitimbang ang mga hangyo sa pag-usab sa gidak-on sa yuta, ug gitubag direkta ang mga kabalaka sa mga benepisyaryo.

Pinaagi niini, padayon ang syudad sa pagtukod og hapsay, malamboon nga komunidad ug paghatag og serbisyo nga tinuod nga motubag sa panginahanglan sa matag Butuanon.

08/05/2026

BALANGAYAN SPIRIT GIBUHI! 12 KA AHENSYA UG LGU BUTUAN, NAGHIUSA PARA SA MAS MAAYONG PUY-AN

Dakong kalamposan ug rason sa pagmaya kay ang 12 ka Regional Line Agencies ug ang Kagamhanan sa Butuan City nagkahiusa na pinaagi sa pagpirma sa MOA. Gipasukad kini sa diwa sa Balangayan—ang panaghiusa, tinabangay, ug responsibilidad—aron masiguro nga ang atong mga komunidad mahimong organisado, lig-on, ug malungtaron.

Tumong niini nga mapataas ang kalidad sa mga subdivision sa gobyerno aron makaabot sa sumbanan sa DHSUD Scorecard. Bisan tuod abante na ang uban, sigurado kita nga pinaagi niini nga hiniusang suporta ug pagbansay, mas modan-ag pa ang kalambuan sa atong lugar.

Labaw sa tanan, maayong balita kini para sa atong mga kaigsounang Butuanon. Gipahibalo ni Mayor Law Fortun nga karong Mayo 12, human sa kapin sa 10 ka tuig nga paghulat, 508 ka lote na ang ihatag ngadto sa mga benepisyaryo gikan sa mga danger zones. Kini ang inyong bag-ong puy-anan nga luwas ug malinawon.

Ang DOLE, DepEd, DTI, DA, DSWD, HSAC, DHSUD, DILG, POPCOM, DOH, DENR, ug TESDA, uban ang Butuan City Subdivisions HOAI Federation, andam na motabang. Dungan ta magtinabangay para sa mas nindot nga kaugmaon sa Butuanon ug malungtarong Kalambuan sa Dakbayan.

07/05/2026

GROUNDBREAKING CEREMONY SA BCNV II ALANG SA BAG-ONG PANIMALAY OG BAG-ONG PAGLAUM SA MGA PAMILYANG NANIMUYO SA DELIKADO NGA LUGAR GISUGDAN NA.

Puno sa kalipay ang kasingkasing sa mga Butuanon human masiguro ang kaluwasan sa mga pamilyang nanimuyo sa delikadong lugar, ilabi na sa daplin sa suba, nahimo nang prayoridad—usa kini ka tin-awng pagpakita sa pag-atiman sa atong kagamhanan.

Gimarkahan sa groundbreaking sa Butuan City New Villages 2 (BCNV II) sa Brgy. Mahay ang katumanan sa usa ka saad. Kining yuta, nga kaniadto damgo lang, karon opisyal nang mahimong bag-ong ug malipayong panimalay alang sa mga kwalipikadong benepisyaryo.

Kini gitambongan nila ni Punong Barangay Marilyn C. Burdeos sa Barangay Mahay ug Hon. Yul Liza U. Corvera Punong Barangay sa Baan Riverside, uban ang ilang mga opisyal.

Magsugod kita sa unom (6) ka balay, ug gilauman nga moabot sa napulo (10) ka units karong tuiga. Mas daghan pa ang moabot sa mosunod nga mga tuig, samtang ang komunidad molambo. Kining tanan bunga sa panagtambayayong sa City Government ug iHome Butuan, Inc., sa pagpangulo ni Engr. Anselmo Sang Tian.

Matud ni Mayor Law Fortun, dili lang balay ang gihatag, kundili usa ka kinabuhing mas luwas, lig-on, ug puno sa dignidad. Kini ang gipaabot nga kausaban—usa ka bag-ong sinugdanan alang sa atong Dakbayan.

29/04/2026

SEGURIDAD SA PANIMUYO ALANG KWATRO SIYENTOS OSTO KAPIN KAPAMILYA MAKABATON NA OG CERTIFICATE OF LOT AWARDS ; CLA MEETING NAG MALAMPUSON

Yuta para sa matag pamilya, gisiguro sa kagamhanan sa siyudad malampuson nga gipahigayon ang unang meeting sa Committee on Lot Awards (CLA), kagahapong adalawa Abril 28, 2026 ning Dakbayan.

Pinaagi sa City Housing and Homesite Development Department, Kwatro siyentos otso (408) ka benepisyaryo ang hatagan og award sa yuta, lakip ang 6 ka recipients sa LGU-iHOME project ubos sa usufruct.

Giproseso sa meeting ang transparent nga raffling, confirmation sa awardees, ug hustong presyo sa mga lote sa Barangays Baan KM.3, Mahay, ug Taguibo. Gisiguro usab nga ang matag desisyon nakabase sa balaod ug hustisya aron matubag ang panginahanglan sa komunidad.

Sumala ni Mayor Law Fortun, ang serbisyo kinahanglan patas, episyente, ug may plano. Gipasiugda niya ang paggamit sa mga andam na nga yuta ug bakanteng propyedad para sa kaayohan sa kadaghanan.

Padayon ang LGU Butuan sa pagtukod og mga komunidad nga puno sa paglaom, kauswagan, ug lig-on nga kaugmaon para sa matag Butuanon.

29/04/2026

22/04/2026

DHSUD UG CHHDD, NAGTINABANGAY PARA SA KALAMBUAN SA KATAWHAN

Gihimo ang coordination meeting tali sa Department of Human Settlement and Urban Development (DHSUD) Caraga nga gireprisintahan ni Engr. Joel Lobrino
ug sa CHHDD aron bantayan ang kahimtang sa mga proklamadong luna sa siyudad.

Kini nga panag-uban nagtumong sa pagpataas sa kinabuhi sa mga pamilya nga nanginahanglan. Ang maong mga luna gireserba mismo sa Presidente aron mahatagan og legal nga katungod ang mga urban poor nga mahimong tag-iya sa yuta nga ilang gipuy-an.

Pinaagi niini, masiguro ang hustong paggamit sa kahinguhaan nga dako og ikatampo sa ekonomiya sa lokalidad, nga usa sa mga prayuridad ni Atty. Law Fortun Mayor ning Dakbayan.

21/04/2026

MGA PAMILYANG BENIPISYARYO SA LGU-iHOME PROJECT, MIPAHIGAYON OG OCULAR VISIT

Malampuson nga gihimo ang ocular inspection sa mga pamilya gikan sa Barangay Baan Riverside aron makita ang tukuran sa ilang bag-ong balay sa Butuan City New Villages (BCNV) 2, Mahay Project.

Gipangunahan kini ni Punong Barangay Yul Liza Corvera, kauban si iHOME Manager Lodela Antonio ug ni Romeo Ventura Admin Staff. Girepresentar usab ang LGU Butuan pinaagi sa mga kawani sa CHHDD nga sila si Esther Adiong, Engr. Dimn Lester Rosales, Engr. Laymarc Kim Plaza, ug Engr. Kaisa Canale.

Pinaagi niini, nakita na mismo sa mga pamilya ang ilang bag-ong lugar nga kapuy-an aron makapangandam daan ug maanad sa bag-ong palibot. Ang kolaborasyon sa LGU ug iHOME nagdala og paglaum pinaagi sa mga pabalay nga haom sa katakos makabayad sa mga pamilya daplin sa Suba sa Agusan.

Ubos sa pagpanguna ni Mayor Law Fortun, padayon nga gipaningkamutan sa CHHDD nga mahatagan og luwas, lig-on, ug malungtarong puy-anan ang mga pamilya gikan sa danger zones aron makapuyo sila nga malinawon ug malipayon.

Usa lamang kini sa mga kadala in laing mga programa nga guipanday sa LGU aron haom sa nag kadaiyang kapasidad sa mga residente sa nasanpit nga lugar.