27/10/2022
PAGASA BUTUAN WEATHER FORECAST:
Ang Butuan City, Agusan del Norte,Dinagat Islands ug Surigao del Norte makasinati og mapanganud nga kalangitan inubanan sa katag-katag nga mga pag-ulan, kilat ug dalugdog tungod sa Trough of TD / Shear Line. Posible ang kalit na pagbaha ug pagdahili sa yuta sa panahong adunay kasarangan ngadto sa panalagsang makusog na pagbundak sa ulan.
Ang Agusan del Sur ug Surigao del Sur makasinati og may pagkamapanganuron ngadto na sa mapanganud nga kalangitan inubanan sa mga lumalabay nga pag-ulan, kilat ug dalugdog tungod sa Localized Thunderstorm. Posible ang pagbaha ug pagdahili sa yuta kung adunay dalugdug o severe thunderstorms na masinati sa inyong lugar.
KONDISYON SA HANGIN UG KADAGATAN:
Hinay ngadto sa kasarangan nga hangin nga magagikan sa Amihanang-sidlakan ngadto sa Amihanang-kasadpan nga direksiyon ang magapasulabi sa rehiyon, samtang gagmay ngadto sa kasarangan ang mga balud sa kadagatan /(0.8 to 2.5 meters).
TAMBAG UG PAGPASABOT:
Taas ang tsansa nga makasinati og mga pag-ulan ang Butuan City, Agusan del Norte,Dinagat Islands ug Surigao del Norte. Giabisuhan ang mga residente nga mangandam sa posibleng pagbaha ug pagdahili sa yuta sa panahong adunay kasarangan ngadto sa makusog nga pag ulan ug dalugdug nga masinati sulod o sa upstream sa inyong lugar labi na ang anaa sa low-lying ug flood/landslide prone areas.
Samtang, taas ang tsansa nga maayo ang dagan sa panahon sa Agusan del Sur ug Surigao del Sur. Kung aduna may mga pag-ulan, sa pipila lamang kini nga dapit ug dili magdugay. Hinuon, giabisuhan gihapon ang mga residente nga mangandam sa posibleng pagbaha kung adunay dalugdug o localized thunderstorm nga masinati sa inyong lugar. Giabisuhan usab ang tanan sa pagpangandam sa mga higayon nga mainit ang panahon tungod sa taas na temperature ug humidity.
