Butuan City Manpower Training Center

15/01/2026

18 ka STEP Scholars sa SMAW NC I Malampuson nga Nakapasar sa Competency Assessment

Ang 18 ka Special Training for Employment Program (STEP) scholars sa Shielded Metal Arc Welding (SMAW) NC I ang opisyal nga gimarkahan og competent human sa Competency Assessment nga gihimo niadtong Enero 13–14, 2026 sa Merchant Marine Academy Assessment Center.

Sa wala pa ang assessment, ang mga scholars naka-kompleto sa ilang pagbansay sa Butuan City Manpower Training Center gikan Oktubre 10, 2025 hangtod Disyembre 10, 2025. Ang maong pagbansay naghatag kanila og igo nga kahibalo, kahanas, ug hustong pamatasan sa trabaho subay sa mga sumbanan sa Technical Education and Skills Development Authority (TESDA).

Kini nga kalampusan nagpakita sa dedikasyon sa mga scholars, ingon man sa kaepektibo sa programa sa pagbansay ug sa lig-on nga kooperasyon ug suporta tali sa LGU Butuan, TESDA, Training ug Assessment centers.

11/12/2025

Gipangunahan sa Technical Education and Skills Development Authority kon TESDA ang pagpahigayon ug Training Induction Program (TIP) sa 20 ka benepisyaryo sa Shielded Metal Arc Welding (SMAW) NC I nga training ilalum sa programa nga Special Training for Employment kon STEP, kini gi representar ni Ms. Pritzel J. Bucong, Scholarship Focal sa TESDA-Agusan Del Norte.

Ang mga benepisyaryo niini nag gikan sa mga musunod nga barangay: Brgy. Bugsukan, Lumbocan, Ong Yiu, Doongan, Ampayon ug Libertad.

Ang training gisugdan niadtong Octobre 10, 2025 og mahuman kini sulod sa 37 ka adlaw hantud Disyembre 2, 2025.

Ang lokal nga panggamhanan sa LGU Butuan inubanan sa City Employment Services Department (CESD) ug TESDA, mapasalamaton sa tanang nagsuporta ug naghatag og inspirasyon sa pagmugna ani nga programa para sa katawhan.

24/09/2025

10/09/2025

𝔼𝕪𝕖𝕤 ℍ𝕖𝕣𝕖 𝔸𝕘𝕦𝕤𝕒𝕟 𝕕𝕖𝕝 ℕ𝕠𝕣𝕥𝕖 𝕁𝕠𝕓 𝕊𝕖𝕖𝕜𝕖𝕣𝕤!

𝐉𝐨𝐢𝐧 𝐭𝐡𝐞 𝐖𝐨𝐫𝐥𝐝 𝐂𝐚𝐟𝐞 𝐨𝐟 𝐎𝐩𝐩𝐨𝐫𝐭𝐮𝐧𝐢𝐭𝐢𝐞𝐬 𝐨𝐟 𝐓𝐄𝐒𝐃𝐀 𝐀𝐠𝐮𝐬𝐚𝐧 𝐝𝐞𝐥 𝐍𝐨𝐫𝐭𝐞 𝐉𝐨𝐛 𝐒𝐞𝐞𝐤𝐞𝐫𝐬!

𝔽𝕣𝕖𝕖 𝔼𝕟𝕥𝕣𝕪-𝕆𝕡𝕖𝕟 𝕥𝕠 𝔸𝕝𝕝!

When: 𝐒𝐞𝐩𝐭𝐞𝐦𝐛𝐞𝐫 𝟏𝟐, 𝟐𝟎𝟐𝟓
Where: 𝐒𝐨𝐮𝐭𝐡 𝐀𝐭𝐫𝐢𝐮𝐦, 𝐑𝐨𝐛𝐢𝐧𝐬𝐨𝐧𝐬 𝐁𝐮𝐭𝐮𝐚𝐧 𝐂𝐢𝐭𝐲, 𝐀𝐠𝐮𝐬𝐚𝐧 𝐝𝐞𝐥 𝐍𝐨𝐫𝐭𝐞

𝐒𝐞𝐫𝐯𝐢𝐜𝐞𝐬 𝐎𝐟𝐟𝐞𝐫𝐞𝐝:
-Provision of Employment Facilitation Services (Job Fair)
-Releasing of Training Support Fund
-Processing of Enrollment and Assessment Application
-Skills Demo (Barista)
-Application for NBI and Police Clearance

𝕊𝕖𝕖 𝕪𝕠𝕦 𝕥𝕙𝕖𝕣𝕖!

31/07/2025

11 KA BENEPISYARYO NA SCHOLAR SA TWSP HEO (WHEEL LOADER) NC II NGA TRAINING, NI GRADWAR NA.

Gipahigayon niadtong July 18, 2025 sa may DOP Building, Tiniwisan, Butuan City ang graduation sa 11 ka benepisyaryo nga nakalampus sa Heavy Equipment Operation (Wheel Loader) NC II nga training.

Ang mga ni gradwar nakadawat sa ilang Certificate of Completion kabahin sa ilang kalampusan sulod 20 ka adlaw nga training. Ang training gisugdan niadtong April 21, 2025 ning tuiga, kini nga programa namugna pinaagi sa Training for Work Scholarship Program (TWSP) nga gitagana sa Technical Education and Skills Development Authority (TESDA) ug National Grid Corporation of the Philippines (NGCP). Natapos ang training adtong May 21, 2025.

Mapasalamaton ang mga benepisyaryo sa ilang kalampusan ug sa mga skills nga ilang nahibaloan gikan sa training kay magamit nila kini sa ilang pag pangaplay og trabaho sa umaabot.

Ang lokal nga panggamhanan sa LGU Butuan inubanan sa BCMTC ug TESDA, mapasalamaton sa tanang mga ni gradwar sa ilang kalampusan ug pag suporta niini nga programa.

21/06/2025

HAPPENING NOW!!!

Kasamtangan nagpahigayon karong adlawa ang Butuan City Manpower Training Center (BCMTC) og Libreng massage, manicure ug pedicure alang sa mga lumulupyo sa Brgy. Baan Km.3, Butuan City. Kini gipahigayon atol sa Butuan on Wheels Serbisyo Caravan nga aktibidad sa LGU Butuan, inubanan sa nagkalain laing departamento ug ahensiya sa gobyerno. Kini nga programa namugna ubos sa liderato ni Mayor RCL dinhi sa Brgy. Baan Km.3, Butuan City, Sabado, June 21, 2025.

01/05/2025

19/02/2025

23 KA BENEPISYARYO NA ISKOLARS SA TWSP DRIVING NC II 2024 NGA TRAINING, NAKALAMPOS NA.

Gipahigayon adtong Pebrero 7, 2025 sa may DOP Building, Tiniwisan, Butuan City ang graduation sa 23 ka benepisyaryo nga nakalampos sa Driving NC II nga training.

Ang mga ni gradwar nakadawat sa ilang Certificate of Completion kabahin sa ilang kalamposan sulod 15 ka adlaw nga training. Ang training gisugdan niadtong Disyembre 27, 2024 niaging tuig, kini nga programa namugna pinaagi sa Training for Work Scholarship Program (TWSP) nga gitagana gikan sa Technical Education and Skills Development Authority (TESDA) nga gipundohan gikan sa Congressional District Office. Natapos ang training niadtong Enero 22, 2025.

Mapasalamaton ang mga benepisyaryo sa ilang kalampusan kay dakung tabang kini sa ilahang panginabuhian ug pagpangaplay og trabaho.

Ang lokal nga panggamhanan sa LGU Butuan inubanan sa BCMTC ug TESDA, nagapasalamat sa tanan ni suporta ani nga programa.

22/11/2024

25 KA BENEPISYARYO NA ISKOLARS SA STEP SMAW NC I 2024 NGA TRAINING, NI GRADWAR NA.

Gipahigayon karon adlawa Nobyembre 22, 2024 sa may DOP Building, Tiniwisan, Butuan City ang graduation sa 25 ka benepisyaryo nga nakalampus sa Shielded Metal Arc Welding (SMAW) NC I nga training.

Ang mga ni gradwar nakadawat sa ilang Certificate of Completion kabahin sa ilang kalampusan sulod 37 ka adlaw nga training. Ang training gisugdan niadtong Setyembre 26, 2024 ning tuiga, kini nga programa namugna pinaagi sa Special Training for Employment Program (STEP) nga gitagana sa Technical Education and Skills Development Authority (TESDA) nga gipundohan gikan sa Congressional District. Natapos ang training kagahapong adlawa Nobyembre 21, 2024.

Mapasalamaton ang mga benepisyaryo sa ilang kalampusan ug sa mga skills nga ilang nahibaloan gikan sa training kay magamit kini nila sa ilang pag pangaplay og trabaho.

Ang lokal nga panggamhanan sa LGU Butuan inubanan sa BCMTC ug TESDA, nagpasalamat sa tanan mga ni gradwar sa ilang kalampusan ug pag suporta niini nga programa.

09/10/2024

Gipangunahan sa Technical Education and Skills Development Authority kon TESDA-Agusan Del Norte ang pagpahigayon ug Training Induction Program (TIP) sa 25 ka benepisyaryo sa Shielded Metal Arc Welding (SMAW) NC I nga training ilalum sa programa nga Special Training for Employment Program kon STEP nga gitagana karung tuiga.

Ang mga benepisyaryo nag gikan sa mga musunod nga barangays: De Oro, Tiniwisan, Bugsukan, Paining, Baan Km.3, Mahay, Doongan, Ampayon ug Libertad.

Ang training gisugdan niadtong Setyembre 26, 2024 og mahuman kini sulod sa 37 ka adlaw hantud Nobyembre 21, 2024.