https://www.facebook.com/673667742500548/

Provincial Government of Maguindanao del Sur, Buluan (2026)

08/09/2026

𝗟𝗘𝗔𝗥𝗡𝗜𝗡𝗚 𝗛𝗨𝗕 | 𝗨𝗣𝗗𝗔𝗧𝗘 𝗡𝗢. 2
𝗛𝗜𝗚𝗜𝗧 𝗦𝗔 𝗣𝗔𝗗𝗘𝗥 𝗔𝗧 𝗦𝗘𝗠𝗘𝗡𝗧𝗢: 𝗟𝗲𝗮𝗿𝗻𝗶𝗻𝗴 𝗛𝘂𝗯, 𝗞𝗮𝗻𝗹𝘂𝗻𝗴𝗮𝗻 𝗻𝗴 𝗞𝗮𝗿𝘂𝗻𝘂𝗻𝗴𝗮𝗻 𝗮𝘁 𝗔𝗱𝗯𝗼𝗸𝗮𝘀𝗶𝘆𝗮 𝗽𝗮𝗿𝗮 𝘀𝗮 𝗞𝗮𝗽𝗮𝘆𝗮𝗽𝗮𝗮𝗻

Ganap nang nagbunga ang mga buwan ng pagsisikap sa bayan ng Datu Unsay ngayong Setyembre 5, 2026, kasabay ng opisyal at 100% completion ng kanilang bagong Learning Hub Building na may kumpleto at gumaganang pasilidad. Mula sa mga nagdaang buwan ng puspusang pagpapatayo sa bawat haligi at silid, ang proyektong ito ay patunay ng hindi matitinag na kalinga ng Pamahalaang Panlalawigan ng Maguindanao del Sur sa ilalim ng pamumuno ni Provincial Governor Datu Ali Midtimbang, katuwang sina Vice Governor Hisham Nando at Congressman Esmael "Toto" Mangudadatu. Sa pakikipag-agapay ng LGU Datu Unsay sa pangunguna ni Municipal Mayor Datu Andal S. Ampatuan V at sa pakikiisa ng Kamalayan Partylist, ang inisyatibong ito ay kaugnay ng ating nagpapatuloy na mga programa sa pagtatayo ng mga training centers, covered courts, at iba pang imprastraktura sa iba't ibang munisipalidad—mga konkretong hakbang upang tiyakin na ang bawat mamamayan ay may maayos at ligtas na pasilidad patungo sa kaunlaran.

Ang opisyal na pagtatapos ng Learning Hub na ito ay hindi lamang isang tagumpay sa pagpapatayo ng gusali, kundi isang madamdaming simbolo ng ating Peacebuilding Advocacy. Naniniwala ang ating pamahalaan na ang pangmatagalang Peace and Order ay itinuturing na bunga ng pagbibigay ng dangal, karunungan, at panibagong pag-asa sa ating mga constituents upang magkaroon ng ligtas na "safe space" ang ating mga mag-aaral at kabataan.

Ang pasilidad na ito ay magsisilbing kanlungan ng kapayapaan at bagong simula para sa mga pamilya sa Datu Unsay—isang buhay na patunay ng ating Serbisyong May Puso na laging dumaramay, nakikinig, at yumayakap sa mga pangarap ng mamamayan. Sa magkatuwang na pagsisikap ng panlalawigan at lokal na pamahalaan, patuloy nating itataguyod ang isang mas matatag, ligtas, at payapang Maguindanao del Sur para sa lahat.

Hub

08/09/2026

𝗖𝗢𝗡𝗦𝗧𝗥𝗨𝗖𝗧𝗜𝗢𝗡 𝗨𝗣𝗗𝗔𝗧𝗘 𝗡𝗢. 𝟭 | 𝗠𝗔𝗡𝗚𝗨𝗗𝗔𝗗𝗔𝗧𝗨, 𝗠𝗗𝗦
𝗣𝗨𝗡𝗗𝗔𝗦𝗬𝗢𝗡 𝗡𝗚 𝗞𝗔𝗣𝗔𝗬𝗔𝗣𝗔𝗔𝗡: 𝗕𝗮𝗴𝗼𝗻𝗴 𝗧𝗿𝗮𝗶𝗻𝗶𝗻𝗴 𝗖𝗲𝗻𝘁𝗲𝗿, 𝗦𝗲𝗻𝘁𝗿𝗼 𝗻𝗴 𝗣𝗲𝗮𝗰𝗲𝗯𝘂𝗶𝗹𝗱𝗶𝗻𝗴 𝗔𝗱𝘃𝗼𝗰𝗮𝗰𝘆

Isang makabuluhang yugto ng tagumpay ang opisyal na naitala sa bayan ng Mangudadatu ngayong Setyembre 5, 2026, sa ganap at 100% completion ng bagong Training Center Building na may kumpleto at gumaganang pasilidad. Mula sa mga nagdaang buwan ng puspusang pagbuo sa bawat haligi at silid, ang proyekto ay patunay ng hindi matitinag na kalinga ng Pamahalaang Panlalawigan ng Maguindanao del Sur sa ilalim ng pamumuno ni Provincial Governor Datu Ali Midtimbang, katuwang sina Vice Governor Hisham Nando at Congressman Esmael "Toto" Mangudadatu. Sa pakikipag-agapay ng LGU Mangudadatu sa pangunguna ni Municipal Mayor Fiedder Owen Mangudadatu at sa pakikiisa ng Kamalayan Partylist, ang proyektong ito ay bahagi ng patuloy na programa ng lalawigan na magkaloob ng mga training centers, learning hubs, at iba pang imprastraktura sa iba't ibang munisipalidad upang tiyakin na ang bawat mamamayan ay may maayos na pasilidad patungo sa pag-unlad.

Ang opisyal na pagtatapos ng gusaling ito ay hindi lamang pagpapatayo ng imprastraktura, kundi isang madamdaming simbolo ng ating Peacebuilding Advocacy. Naniniwala ang ating pamahalaan na ang pangmatagalang Peace and Order ay itinuturing na bunga ng pagbibigay ng dangal, kasanayan, at panibagong pag-asa sa ating mga constituents upang magkaroon ng ligtas at marangal na pangkabuhayan.

Ang Training Center na ito ay magsisilbing kanlungan ng kapayapaan at bagong simula para sa mga pamilya sa Mangudadatu—isang buhay na patunay ng ating Serbisyong May Puso na laging dumaramay, nakikinig, at yumayakap sa mga pangarap ng mamamayan. Sa magkatuwang na pagsisikap ng panlalawigan at lokal na pamahalaan, patuloy nating itataguyod ang isang mas matatag, ligtas, at payapang Maguindanao del Sur para sa lahat.

08/09/2026

𝗣𝗿𝗼𝘁𝗲𝗰𝘁𝗶𝗼𝗻 𝗔𝗴𝗮𝗶𝗻𝘀𝘁 𝗛𝗮𝘇𝗲: 𝗣𝗮𝗺𝗮𝗵𝗮𝗹𝗮𝗮𝗻𝗴 𝗣𝗮𝗻𝗹𝗮𝗹𝗮𝘄𝗶𝗴𝗮𝗻 𝗻𝗴 𝗠𝗮𝗴𝘂𝗶𝗻𝗱𝗮𝗻𝗮𝗼 𝗱𝗲𝗹 𝗦𝘂𝗿, 𝗡𝗮𝗴-𝘁𝘂𝗿𝗻𝗼𝘃𝗲𝗿 𝗻𝗴 𝗙𝗮𝗰𝗲 𝗠𝗮𝘀𝗸𝘀 𝗽𝗮𝗿𝗮 𝘀𝗮 𝗺𝗴𝗮 𝗘𝘀𝗸𝘄𝗲𝗹𝗮𝗵𝗮𝗻

Tinitiyak ng Pamahalaang Panlalawigan ng Maguindanao del Sur ang kaligtasan at kalusugan ng mga estudyante at g**o laban sa banta ng usok o haze na maaaring magdulot ng ubo at iba pang karamdaman.

Pinangasiwaan nina Provincial General Services Officer Saddam Hussien Nur, kasama sina EnP Nulfarid S. Ampatuan, CoE, MPA, MSRED, PDRRMO Windy Anne Beaty, at PSWDO Naima G. Nor, RSW, ang turnover ng 120,000 protective masks. Mainit itong tinanggap ni Schools Division Superintendent Dr. Alma Abdula M. Nor, na siyang mamamahala sa pagpapadala ng mga mask sa bawat paaralan sa buong lalawigan.

Layunin ng inisyatibong ito na mapangalagaan ang kalusugan ng mga mag-aaral laban sa panganib ng haze na nagmula sa forest fires ng Indonesia. Ang naturang programa ay buong-pusong sinusuportahan ng Kamalayan Partylist, sa paniniwalang ang pagsisig**o na ligtas ang mga kabataan ay nagbibigay ng kapanatagan sa mga magulang at g**o.

Sa ilalim ng pamumuno nina Gov. Datu Ali Midtimbang Sr., Vice Gov. Hisham S. Nando, at Cong. Esmael "Toto" Mangudadatu, patuloy ang Pamahalaang Panlalawigan sa pagpapatupad ng mga programang nagtataguyod sa kalusugan at kapakanan ng mamamayan, lalo na sa sektor ng edukasyon.

08/09/2026

𝗖𝗢𝗡𝗦𝗧𝗥𝗨𝗖𝗧𝗜𝗢𝗡 𝗨𝗣𝗗𝗔𝗧𝗘 | 𝗗𝗔𝗧𝗨 𝗔𝗡𝗚𝗚𝗔𝗟 𝗠𝗜𝗗𝗧𝗜𝗠𝗕𝗔𝗡𝗚: 𝗚𝗢𝗔𝗧 𝗛𝗢𝗨𝗦𝗘 (𝗕𝗥𝗘𝗘𝗗𝗜𝗡𝗚 & 𝗕𝗜𝗥𝗧𝗛𝗜𝗡𝗚 𝗙𝗔𝗖𝗜𝗟𝗜𝗧𝗬)

Umuusbong ang panibagong pag-asa sa sektor ng kabuhayan sa bayan ng Datu Anggal Midtimbang ngayong Setyembre 7, 2026, kasabay ng nagpapatuloy na konstruksyon ng Goat House (Breeding & Birthing Facility). Sa nakalipas na mga buwan ng puspusang pagbuo sa pasilidad na ito, ang proyekto ay patunay ng walang humpay na kalinga ng Pamahalaang Panlalawigan ng Maguindanao del Sur sa ilalim ng pamumuno ni Provincial Governor Datu Ali Midtimbang, katuwang sina Vice Governor Hisham Nando at Congressman Esmael "Toto" Mangudadatu. Sa pakikipag-agapay ng LGU Datu Anggal Midtimbang sa pangunguna ni Municipal Mayor Datu Nathaniel Midtimbang at sa pakikiisa ng Kamalayan Partylist, ang inisyatibong ito ay kapantay ng ating mga programa sa pagtatayo ng mga training centers, learning hubs, at solar lights sa iba't ibang munisipalidad—mga konkretong hakbang upang tiyakin na ang bawat pamilya ay may matatag na mapagkukunan ng pangkabuhayan.

Ang pagtatayo ng pasilidad na ito para sa pagpaparami at pag-aalaga ng kambing ay may mas malalim na layunin para sa ating Peacebuilding Advocacy. Naniniwala ang ating pamahalaan na ang tunay na Peace and Order ay higit na napapatatag kapag ang komunidad ay may maayos, sustainable, at marangal na pangkabuhayan na naglalayo sa kanila sa kawalan ng katiyakan.

Ang proyektong ito ay ang buhay na pagpapakita ng ating Serbisyong May Puso—isang uri ng pamumunong dumaramay at yumayakap sa pangangailangan ng ating mga magsasaka at constituents upang iangat ang kanilang pamumuhay. Sa magkatuwang na pagsisikap ng panlalawigan at lokal na pamahalaan, patuloy nating itataguyod ang isang mas masagana, ligtas, at payapang Maguindanao del Sur para sa lahat.

08/09/2026

𝗣𝗥𝗢𝗝𝗘𝗖𝗧 𝗖𝗢𝗠𝗣𝗟𝗘𝗧𝗜𝗢𝗡 | 𝗕𝗔𝗥𝗔𝗡𝗚𝗔𝗬 𝗕𝗔𝗗𝗔𝗞, 𝗚𝗦𝗞𝗣: 𝟰𝟬 𝗨𝗡𝗜𝗧𝗦 𝗡𝗚 𝗦𝗢𝗟𝗔𝗥 𝗟𝗜𝗚𝗛𝗧𝗦, 𝟭𝟬𝟬% 𝗡𝗔𝗡𝗚 𝗡𝗔𝗚-𝗜𝗜𝗟𝗔𝗪 𝗦𝗔 𝗞𝗢𝗠𝗨𝗡𝗜𝗗𝗔𝗗

Hatid ang liwanag ng bagong pag-asa sa Barangay Badak, General Salipada K. Pendatun ngayong Setyembre 7, 2026, kasabay ng opisyal at 100% completion ng pagpapakabit ng 40 units ng Solar Lights. Sa loob ng mga nagdaang buwan ng pagsisikap upang maiilawan ang mga dating madidilim na lansangan, ang tagumpay na ito ay patunay ng hindi matitinag na kalinga ng Pamahalaang Panlalawigan ng Maguindanao del Sur sa ilalim ng pamumuno ni Provincial Governor Datu Ali Midtimbang, katuwang sina Vice Governor Hisham Nando at Congressman Esmael "Toto" Mangudadatu.

Sa pakikipag-agapay ng LGU GSK Pendatun sa pangunguna ni Municipal Mayor Mielyn D. Ali at sa pakikiisa ng Kamalayan Partylist, ang proyektong ito ay kaakibat ng ating patuloy na programa sa pagtatayo ng mga training centers, learning hubs, at iba pang mahalagang imprastraktura sa iba't ibang munisipalidad—mga hakbang na naglalayong tiyakin na ang bawat barangay ay naaabutan ng sapat na seguridad at pag-unlad.

Ang pagliliwanag sa mga daan ng Barangay Badak ay hindi lamang paglalagay ng pasilidad, kundi isang madamdaming simbolo ng ating Peacebuilding Advocacy. Naniniwala ang ating pamahalaan na ang isang maliwanag na pamayanan ay nagpapatatag sa Peace and Order, dahil binibigyan nito ang ating mga kabataan, pamilya, at buong constituents ng kalayaan at kapanatagang maglakad nang ligtas at walang takot sa gabi.

Ang bawat ilaw na nagningning ngayong araw ay ang tunay na manifestation ng ating Serbisyong May Puso—isang uri ng pamumunong gumagawa ng mga konkretong paraan upang yakapin, protektahan, at iangat ang antas ng pamumuhay ng ating mga mamamayan. Sa magkatuwang na pagsisikap ng panlalawigan at lokal na pamahalaan, patuloy nating itataguyod ang isang mas maliwanag, ligtas, at payapang Maguindanao del Sur para sa lahat.

07/09/2026

𝗧𝗿𝗶𝗽𝗹𝗲 𝗩𝗶𝗰𝘁𝗼𝗿𝘆!: 𝗠𝗮𝗴𝘂𝗶𝗻𝗱𝗮𝗻𝗮𝗼 𝗱𝗲𝗹 𝗦𝘂𝗿, 𝗜𝗯𝗶𝗻𝗶𝗱𝗮 𝗮𝗻𝗴 𝗠𝗮𝘆𝗮𝗺𝗮𝗻𝗴 𝗞𝘂𝗹𝘁𝘂𝗿𝗮 𝗮𝘁 𝗡𝗮𝗴-𝘂𝘄𝗶 𝗻𝗴 𝗣𝗮𝗿𝗮𝗻𝗴𝗮𝗹 𝘀𝗮 𝟯𝟳𝘁𝗵 𝗣𝗵𝗶𝗹𝗶𝗽𝗽𝗶𝗻𝗲 𝗧𝗿𝗮𝘃𝗲𝗹 𝗠𝗮𝗿𝘁

Ibinida ng Provincial Tourism Office (PTO) ng Maguindanao del Sur, sa pangunguna ni Provincial Tourism Officer Riselle Abo, sa temang "Nurturing the NEXT GEN Tourism, Discover Your Philippines" sa ginanap na 37th Philippine Travel Mart mula Setyembre 4 hanggang 6, 2026 sa SMX Convention Center, Pasay City.

Naging sentro ang pampublikong pagtatanghal ng tradisyunal at fusion na mga kasuotang Inaul, ang pambansang habi ng Maguindanao del Sur, kabilang ang Inaul Fashion Collections ng designer na si Jearson C. Demavivas.

Buong-pusong sinuportahan ni Provincial Administrator Datu Nur Ali Midtimbang, na nakasuot ng tradisyunal na Inaul, ang pagpalo sa ceremonial gong bilang hudyat ng soft launch ng "Maguindanao del Sur Inaul Festival". Kasama niya si Vice Mayor Maryjoy Estephanie Uy-Midtimbang na nagsuot naman ng Filipino Fusion Inaul. Naging masigla ang pagtatanghal sa indak at tunog ng Kulintang ensemble, kasabay ng mahuhusay na mananayaw ng Maguindanao del Sur Adat Betad Dance Group na nagpamasid sa mga tradisyon ng pamilyang Maguindanaon.

Agaw-eksena ang Pavilion ng lalawigan dahil sa kaakit-akit nitong arkitektura na may mga golden accent sa archway at golden dome. Sa loob nito, tampok ang tradisyunal na Dulang (isang low-dining arrangement ng mga Maguindanaon), mga brassware, at iba pang lokal na gawa mula sa lalawigan. Nagkaroon din dito ng live na Inaul weaving kung saan ipinakitang-gilas ng mga lokal na habi ang masusing proseso ng paghabi ng Inaul. Nagmistulang Grand Slam Win ang parangal na iginawad ng Philtoa sa Maguindanao del Sur ng tatlong awards tulad ng Best Booth (Provincial Category), People’s Choice Award for Best Booth, at Best Presentation na tunay na nagsasalamin ng napakagandang pagtanggap ng mga nagsidalo .

Sa taong ito, layunin ng Philippine Travel Mart na itampok ang mga lokal na destinasyon at ipakita ang kahandaan ng turismo sa bansa. Isang mahalagang oportunidad ito para sa Maguindanao del Sur upang maipagmalaki ang ganda at kultura ng lalawigan at makahikayat ng mas maraming bisita sa ating lalawigan at makilala ang makulay na pamumuhay ng mga tao sa Maguindanao del Sur.

07/09/2026

🏆 IPINAGMAMALAKI KA NAMIN, MAGUINDANAO DEL SUR!

Congratulations sa ating matagumpay na paglahok sa Philippine Tourism Mart (PTM)! Ipinakita natin ang yaman ng ating kultura, ganda ng ating turismo, at puso ng ating mga kababayan.

🏅 Best Cultural Presentation
🏅 Best Booth Award
🏅 People’s Choice Award

Mabuhay ang Maguindanao del Sur!💚

07/09/2026

𝗟𝗶𝗳𝗲 𝗦𝗮𝗳𝗲𝘁𝘆: 𝗠𝗴𝗮 𝗙𝗿𝗼𝗻𝘁𝗹𝗶𝗻𝗲𝗿, 𝗠𝗮𝘁𝗮𝗴𝘂𝗺𝗽𝗮𝘆 𝗻𝗮 𝗡𝗮𝗴𝘁𝗮𝗽𝗼𝘀 𝘀𝗮 𝗦𝗲𝗮𝗿𝗰𝗵 𝗮𝗻𝗱 𝗥𝗲𝘀𝗰𝘂𝗲 𝗔𝘂𝘅𝗶𝗹𝗶𝗮𝗿𝘆 𝗧𝗿𝗮𝗶𝗻𝗶𝗻𝗴

Naging puspusan ang pagsasanay sa Rope Rescue bilang bahagi ng Search and Rescue Auxiliary Training (SARAT) na isinagawa sa Buluan noong Agosto 30 hanggang Setyembre 4, 2026. Natutuhan ng mga kalahok, tulad ng mga frontliner, ang wastong paggamit ng lubid at mga kagamitan upang magligtas ng buhay sa panahon ng kalamidad. Pinangunahan ito ng PDRRMO sa pangangasiwa ni Windy Anne Beaty, sa pakikipagtulungan ng Philippine Air Force 505th Search and Rescue Group.

Ang rope rescue ay isang teknikal na pamamaraan ng paglikas mula sa mga delikadong lugar tulad ng bangin at matataas na gusali gamit ang mga lubid at rigging. Isang inisyatibo ito na sinusuportahan ng Kamalayan Partylist upang pataasin ang antas ng paghahanda at pagpapahalaga sa buhay sa oras ng sakuna.

Matagumpay namang ginanap ang SARAT Graduation Ceremony sa Kalilintad Hall, Provincial Capitol, Maguindanao del Sur. Nagsilbi itong pagkilala sa ipinamalas na dedikasyon, disiplina, at masigasig na pakikilahok ng mga nagtapos, na kinatampukan din ng paggawad ng kanilang mga sertipiko.

Ang gawaing ito ay bahagi ng patuloy na pagsisikap ng pamahalaang panlalawigan sa ilalim ng pamumuno nina Gov. Datu Ali M. Midtimbang Sr., Vice Gov. Hisham S. Nando, at Cong. Esmael “Toto” Mangudadatu upang tiyaking laging handa ang lalawigan sa anumang banta ng sakuna.

07/09/2026

𝗖𝗲𝗹𝗲𝗯𝗿𝗮𝘁𝗶𝗻𝗴 𝗦𝗲𝗿𝘃𝗶𝗰𝗲 𝘄𝗶𝘁𝗵 𝗮 𝗛𝗲𝗮𝗿𝘁: 𝗣𝗮𝗴𝗱𝗶𝗿𝗶𝘄𝗮𝗻𝗴 𝗻𝗴 𝗜𝗸𝗮-𝟭𝟮𝟲 𝗻𝗮 𝗔𝗻𝗶𝗯𝗲𝗿𝘀𝗮𝗿𝘆𝗼 𝗻𝗴 𝗣𝗵𝗶𝗹𝗶𝗽𝗽𝗶𝗻𝗲 𝗖𝗶𝘃𝗶𝗹 𝗦𝗲𝗿𝘃𝗶𝗰𝗲 𝗖𝗼𝗺𝗺𝗶𝘀𝘀𝗶𝗼𝗻

Nagtipon at nagdiwang ang mga empleyado at kawani ng Provincial Government ng Maguindanao del Sur sa lobby ng kapitolyo ngayong araw, Setyembre 7, 2026.

Nagbigay ng inspirasyonal na paunang mensahe si OPPDC EnP Nulfarid S. Ampatuan, CoE, MPA, MSRED, upang mas lalo pang pagbutihin ng mga kawani ang kanilang paglilingkod sa bayan. Sinundan ito ng mensahe mula kay PHRMO Dra. Minambay A. Salim, Ed.D., ay masayang ibinalita ang pagkapanalo ng Maguindanao del Sur bilang Champion sa Philippine Travel Mart 2026.

Tampok din sa kaganapan ang paggawad ng Certificate of Recognition sa mga tanggapang maagang nagsumite ng kanilang Strategic Performance Management System (SPMS):

Category A: Provincial Administrator’s Office, Office of the Provincial Internal Auditor, at Provincial Disaster Risk Reduction and Management Office

Category B: Office of the Provincial Planning and Development, Provincial Governor’s Office, at Provincial General Services

Special Recognition Award for SPMS: Office of the Secretary to the Sangguniang Panlalawigan, Sangguniang Panlalawigan, Office of the Provincial Veterinarian, Office of the Provincial Agriculturist, Provincial Social Welfare and Development Office, Provincial Treasurer’s Office, Provincial Assessor's Office, Provincial Legal Office at Provincial Engineering Office.

Nagdulot naman ng sigla at saya ang inihandang trivia game kung saan sinubok ang kaalaman ng mga kawani ukol sa Civil Service Commission, pangkalahatang kaalaman, at mga natutunan mula sa iba't ibang pagsasanay at seminar.

Bilang pagtatapos, nagkaroon ng isang Commitment Wall kung saan malayang isinulat ng mga Department Heads at kawani ang kanilang mga pangalan bilang simbolo ng pagkakaisa at patuloy na dedikasyon sa pagbibigay ng serbisyong may puso.

06/09/2026

BALIKAN NATIN ANG LINGGONG NAGDAAN | PART 2

Patuloy ding pinapalakas ng Pamahalaang Panlalawigan ang mahusay na pamamahala, agrikultura, at seguridad sa Maguindanao del Sur. Kabilang dito ang LoGFA validation para sa mas mahusay na serbisyo publiko, paghahanda para sa Provincial Rice Techno Farm Harvest Festival, at pamamahagi ng 500 handheld metal detectors sa mga paaralan upang higit na maprotektahan ang mga estudyante at g**o.

Samantala, 29 na PDRRMO staff at Philippine Army personnel ang nakapagtapos sa Search and Rescue Auxiliary Training (SARAT), na naglalayong palakasin ang kanilang kakayahan sa rescue at emergency response. Sa sama-samang pagkilos ng pamahalaan at mga katuwang na ahensya, tuloy ang mga hakbang tungo sa isang mas ligtas, mas handa, at mas matatag na Maguindanao del Sur.

Provincial Government of Maguindanao del Sur

08/09/2026

08/09/2026

08/09/2026

08/09/2026

08/09/2026

07/09/2026

07/09/2026

07/09/2026

07/09/2026

06/09/2026

Address

Website

Alerts

Shortcuts

Share

Category

Listing takedown request