MDRRMO-Bulan Municipal Disaster Risk Reduction & Management Office

06/06/2026

𝐕𝐄𝐇𝐈𝐂𝐔𝐋𝐀𝐑 𝐀𝐂𝐂𝐈𝐃𝐄𝐍𝐓 𝐌𝐔𝐋𝐈𝐍𝐆 𝐍𝐀𝐈𝐓𝐀𝐋𝐀 𝐒𝐀 𝐇𝐈𝐆𝐇𝐖𝐀𝐘 𝐍𝐆 𝐁𝐀𝐑𝐀𝐍𝐆𝐀𝐘 𝐅𝐀𝐁𝐑𝐈𝐂𝐀 𝐒𝐀 𝐂𝐑𝐎𝐒𝐒𝐈𝐍𝐆 𝐍𝐆 𝐒𝐈𝐓𝐈𝐎 𝐁𝐋𝐈𝐒𝐒, 𝐇𝐔𝐍𝐘𝐎 𝟔, 𝟐𝟎𝟐𝟔

𝐃𝐞𝐭𝐚𝐥𝐲𝐞:
Bandang alas-3:30 ng hapon, nakatanggap ng emergency call ang MDRRMO Emergency Operations Center (EOC) mula sa 911 Hotline hinggil sa isang aksidenteng naganap sa kahabaan ng highway ng Barangay Fabrica, partikular sa crossing ng Sitio Bliss, na kinasasangkutan ng dalawang tricycle. Dakong alas-3:31 ng hapon ay agad na rumesponde ang MDRRMO Emergency Response Team (ERT) Alpha at mabilis na nakarating sa lugar ng insidente bandang alas-3:34 ng hapon. Pagdating ng mga responder, kanilang naabutan ang dalawang pasyente na nangangailangan ng agarang atensyong medikal. Ang unang pasyente ay isang 39-anyos na lalaki na nagtamo ng malalim na sugat sa bahagi ng mukha malapit sa ilong na may kasamang aktibong pagdurugo. Samantala, ang ikalawang pasyente ay isang 20-anyos na lalaki na nagtamo ng mga gasgas sa mukha (facial abrasion), gasgas sa kaliwang balikat (left shoulder abrasion), at pananakit ng kanang balikat (right shoulder tenderness). Agad na nagsagawa ng paunang lunas ang mga miyembro ng ERT Alpha sa loob ng rescue vehicle upang maiwasan ang impeksyon ng mga sugat at mapatatag ang kalagayan ng mga pasyente habang sila ay isinugod sa Bulan Medicare Hospital para sa karagdagang pagsusuri at agarang atensyong medikal. Patuloy na pinapaalalahanan ng MDRRMO ang lahat ng mga motorista na maging maingat sa pagmamaneho, sumunod sa mga batas-trapiko, at tiyaking nasa maayos na kondisyon ang kanilang mga sasakyan upang maiwasan ang mga ganitong uri ng insidente at mapanatili ang kaligtasan ng bawat isa sa kalsada.

𝐏𝐡𝐨𝐭𝐨 𝐂𝐨𝐮𝐫𝐭𝐞𝐬𝐲 𝐨𝐟: MDRRMO-Bulan Municipal Disaster Risk Reduction & Management Office

𝑰𝑴𝑷𝑶𝑹𝑻𝑨𝑵𝑻𝑬 𝑵𝑨 𝑷𝑨𝑰𝑺𝑰:
1. 𝑨𝒏 𝑴𝑫𝑹𝑹𝑴𝑶 𝑩𝒖𝒍𝒂𝒏 𝒅𝒊𝒓𝒆 𝒏𝒂𝒈𝒍𝒂𝒍𝒂𝒕𝒉𝒂𝒍𝒂 𝒔𝒊𝒏 𝒑𝒂𝒏𝒈𝒂𝒓𝒂𝒏 𝒔𝒊𝒏 𝒎𝒈𝒂 𝑻𝑨𝑾𝑶 𝒏𝒂 𝒔𝒂𝒏𝒈𝒌𝒐𝒕 𝒔𝒂 𝒎𝒈𝒂 𝑨𝑲𝑺𝑰𝑫𝑬𝑵𝑻𝑬/𝑰𝑵𝑺𝑰𝑫𝑬𝑵𝑻𝑬 𝒏𝒂 𝒔𝒂𝒂𝒎𝒐 𝒊𝒏𝒓𝒆𝒓𝒆𝒔𝒑𝒐𝒏𝒅𝒆𝒉𝒂𝒏 𝒃𝒊𝒍𝒂𝒏𝒈 𝒑𝒂𝒈𝒔𝒖𝒏𝒐𝒅 𝒏𝒂𝒕𝒐 𝒔𝒂 𝑫𝑨𝑻𝑨 𝑷𝑹𝑰𝑽𝑨𝑪𝒀 𝑨𝑪𝑻 (𝑹𝑨 10173). 𝑨𝒏 𝒔𝒂𝒂𝒎𝒐 𝑶𝒑𝒊𝒔𝒊𝒏𝒂 𝒂𝒏 𝒏𝒂𝒈𝒉𝒊𝒉𝒊𝒎𝒐 𝒑𝒂𝒂𝒈𝒊 𝒃𝒂𝒔𝒊 𝒎𝒂𝒌𝒂𝒑𝒂𝒊𝒔𝒊 𝒌𝒂𝒎𝒊 𝒔𝒂 𝑷𝑨𝑴𝑰𝑳𝒀𝑨 𝒏𝒊𝒓𝒂 𝒐 𝒔𝒂 𝒎𝒈𝒂 𝑨𝒉𝒆𝒏𝒔𝒚𝒂 𝒏𝒂 𝒎𝒂𝒌𝒂𝒅𝒂𝒏𝒐𝒏 𝒔𝒂 𝒑𝒂𝒈 𝒂𝒔𝒊𝒌𝒂𝒔𝒐 𝒔𝒂 𝒑𝒂𝒏𝒈𝒚𝒂𝒚𝒂𝒓𝒊.
2. 𝑰𝒏𝒊 𝒏𝒂 𝒎𝒈𝒂 𝒑𝒐𝒔𝒕/ 𝒃𝒂𝒍𝒊𝒕𝒂 𝒎𝒂𝒚 𝒌𝒂𝒕𝒖𝒚𝒖𝒉𝒂𝒏 𝒏𝒂 𝒊𝒕𝒂𝒂𝒔 𝒂𝒏 𝒂𝒏𝒕𝒂𝒔 𝒔𝒊𝒏 𝑷𝑼𝑩𝑳𝑰𝑪 𝑨𝑾𝑨𝑹𝑬𝑵𝑬𝑺𝑺/ 𝑷𝑨𝑮𝑴𝑨𝑵𝑮𝑵𝑶 𝒎𝒂𝒏𝒖𝒏𝒈𝒐𝒅 𝒔𝒂 𝑷𝑨𝑮-𝑰𝑰𝑵𝑮𝑨𝑻 𝒏𝒂𝒏 𝑲𝑨𝑳𝑰𝑮𝑻𝑨𝑺𝑨𝑵 𝑺𝑨 𝑻𝑰𝑵𝑨𝑴𝑷𝑶/ 𝑴𝑮𝑨 𝑰𝑵𝑺𝑰𝑫𝑬𝑵𝑻𝑬.
3. 𝑲𝒖𝒏 𝒊𝒏𝒊 𝒏𝒂 𝑷𝒐𝒔𝒕 𝒈𝒂𝒈𝒂𝒎𝒊𝒕𝒖𝒏 𝒔𝒂 𝑼𝑺𝑨𝑷𝑰𝑵𝑮 𝑳𝑬𝑮𝑨𝑳, 𝒎𝒂𝒈𝒓𝒂𝒏𝒊 𝒏𝒂 𝒍𝒂𝒏𝒈 𝒕𝒂𝒃𝒊 𝒔𝒂 𝑴𝑫𝑹𝑹𝑴𝑶 𝒐 𝒔𝒂 𝒎𝒈𝒂 𝒕𝒂𝒎𝒂 𝒏𝒂 𝒂𝒉𝒆𝒏𝒔𝒚𝒂 𝒏𝒂 𝒎𝒂𝒌𝒂𝒉𝒂𝒕𝒂𝒈 𝒔𝒊𝒏 𝑶𝑷𝑰𝑺𝒀𝑨𝑳 𝒏𝒂𝒏 𝑩𝑬𝑹𝑰𝑷𝑰𝑲𝑨𝑫𝑶 𝒏𝒂 𝑫𝑶𝑲𝑼𝑴𝑬𝑵𝑻𝑶/ 𝑹𝑬𝑷𝑶𝑹𝑻.

𝗳𝗼𝗿 𝗺𝗼𝗿𝗲 𝗶𝗻𝗳𝗼𝗿𝗺𝗮𝘁𝗶𝗼𝗻 𝗽𝗹𝗲𝗮𝘀𝗲 𝗰𝗼𝗻𝘁𝗮𝗰𝘁 𝘂𝘀 𝘁𝗼 𝗠𝗗𝗥𝗥𝗠𝗢 𝗕𝘂𝗹𝗮𝗻 𝗛𝗼𝘁𝗹𝗶𝗻𝗲:
𝗟𝗮𝗻𝗱𝗹𝗶𝗻𝗲 𝗡𝗼. (𝟬𝟱𝟲) 𝟮𝟭𝟭-𝟳𝟬𝟮𝟴
𝗠𝗼𝗯𝗶𝗹𝗲 𝗡𝗼. 𝟬𝟵𝟭𝟲𝟲𝟳𝟲𝟱𝟯𝟱𝟲/𝟬𝟵𝟲𝟭𝟴𝟮𝟯𝟰𝟭𝟯𝟮

06/06/2026

06/06/2026

𝐀𝐊𝐒𝐈𝐃𝐄𝐍𝐓𝐄 𝐒𝐀 𝐁𝐀𝐑𝐀𝐍𝐆𝐀𝐘 𝐙𝐎𝐍𝐄 𝟑; 𝐈𝐒𝐀𝐍𝐆 𝐌𝐄𝐍𝐎𝐑 𝐃𝐄 𝐄𝐃𝐀𝐃 𝐒𝐔𝐆𝐀𝐓𝐀𝐍, 𝐇𝐔𝐍𝐘𝐎 𝟔, 𝟐𝟎𝟐𝟔

𝐃𝐞𝐭𝐚𝐥𝐲𝐞:
Ngayong araw, bandang 2:13 ng hapon, nakatanggap ng ulat ang Municipal Disaster Risk Reduction and Management Office (MDRRMO) Emergency Operations Center (EOC) mula sa isang Public Safety Officer, kaugnay ng isang insidente ng aksidente sa J. Gerona Street, Barangay Zone 3, Bulan, Sorsogon, na kinasasangkutan ng isang menor de edad na lalaki. Kaagad namang rumesponde ang MDRRMO Emergency Response Team (ERT) Alpha sa kaparehong oras at nakarating sa lugar ng insidente dakong 2:15 ng hapon. Sa pagdating ng mga responders, kanilang nadatnan ang biktima na nakaupo sa gilid ng kalsada at nagtamo ng multiple abrasions o mga gasgas sa iba't ibang bahagi ng katawan, gayundin ng pananakit sa kanang balikat (right shoulder tenderness). Sa tulong ng ilang kawani ng Bulan MPS, PSO at BDRRMC ng Barangay Zone 3 Agad na isinagawa ng ERT Alpha ang pagbibigay ng kinakailangang paunang lunas at masusing minonitor ang vital signs ng pasyente upang matiyak na nananatili itong nasa stable na kondisyon. Matapos ang inisyal na pangangalaga, maingat na inalalayan ng mga responders ang pasyente patungo sa rescue vehicle para sa ligtas na transportasyon. Ang nasabing biktima ay dinala sa Bulan Medicare Hospital upang mabigyan ng karampatang atensyong medikal at karagdagang pagsusuri ng mga healthcare professionals. Patuloy na pinaaalalahanan ng MDRRMO ang publiko, lalo na ang mga motorista at mga magulang, na pairalin ang ibayong pag-iingat sa kalsada upang maiwasan ang mga katulad na insidente at mapanatili ang kaligtasan ng bawat mamamayan.

𝐏𝐡𝐨𝐭𝐨 𝐂𝐨𝐮𝐫𝐭𝐞𝐬𝐲 𝐨𝐟: MDRRMO-Bulan Municipal Disaster Risk Reduction & Management Office

𝑰𝑴𝑷𝑶𝑹𝑻𝑨𝑵𝑻𝑬 𝑵𝑨 𝑷𝑨𝑰𝑺𝑰:
1. 𝑨𝒏 𝑴𝑫𝑹𝑹𝑴𝑶 𝑩𝒖𝒍𝒂𝒏 𝒅𝒊𝒓𝒆 𝒏𝒂𝒈𝒍𝒂𝒍𝒂𝒕𝒉𝒂𝒍𝒂 𝒔𝒊𝒏 𝒑𝒂𝒏𝒈𝒂𝒓𝒂𝒏 𝒔𝒊𝒏 𝒎𝒈𝒂 𝑻𝑨𝑾𝑶 𝒏𝒂 𝒔𝒂𝒏𝒈𝒌𝒐𝒕 𝒔𝒂 𝒎𝒈𝒂 𝑨𝑲𝑺𝑰𝑫𝑬𝑵𝑻𝑬/𝑰𝑵𝑺𝑰𝑫𝑬𝑵𝑻𝑬 𝒏𝒂 𝒔𝒂𝒂𝒎𝒐 𝒊𝒏𝒓𝒆𝒓𝒆𝒔𝒑𝒐𝒏𝒅𝒆𝒉𝒂𝒏 𝒃𝒊𝒍𝒂𝒏𝒈 𝒑𝒂𝒈𝒔𝒖𝒏𝒐𝒅 𝒏𝒂𝒕𝒐 𝒔𝒂 𝑫𝑨𝑻𝑨 𝑷𝑹𝑰𝑽𝑨𝑪𝒀 𝑨𝑪𝑻 (𝑹𝑨 10173). 𝑨𝒏 𝒔𝒂𝒂𝒎𝒐 𝑶𝒑𝒊𝒔𝒊𝒏𝒂 𝒂𝒏 𝒏𝒂𝒈𝒉𝒊𝒉𝒊𝒎𝒐 𝒑𝒂𝒂𝒈𝒊 𝒃𝒂𝒔𝒊 𝒎𝒂𝒌𝒂𝒑𝒂𝒊𝒔𝒊 𝒌𝒂𝒎𝒊 𝒔𝒂 𝑷𝑨𝑴𝑰𝑳𝒀𝑨 𝒏𝒊𝒓𝒂 𝒐 𝒔𝒂 𝒎𝒈𝒂 𝑨𝒉𝒆𝒏𝒔𝒚𝒂 𝒏𝒂 𝒎𝒂𝒌𝒂𝒅𝒂𝒏𝒐𝒏 𝒔𝒂 𝒑𝒂𝒈 𝒂𝒔𝒊𝒌𝒂𝒔𝒐 𝒔𝒂 𝒑𝒂𝒏𝒈𝒚𝒂𝒚𝒂𝒓𝒊.
2. 𝑰𝒏𝒊 𝒏𝒂 𝒎𝒈𝒂 𝒑𝒐𝒔𝒕/ 𝒃𝒂𝒍𝒊𝒕𝒂 𝒎𝒂𝒚 𝒌𝒂𝒕𝒖𝒚𝒖𝒉𝒂𝒏 𝒏𝒂 𝒊𝒕𝒂𝒂𝒔 𝒂𝒏 𝒂𝒏𝒕𝒂𝒔 𝒔𝒊𝒏 𝑷𝑼𝑩𝑳𝑰𝑪 𝑨𝑾𝑨𝑹𝑬𝑵𝑬𝑺𝑺/ 𝑷𝑨𝑮𝑴𝑨𝑵𝑮𝑵𝑶 𝒎𝒂𝒏𝒖𝒏𝒈𝒐𝒅 𝒔𝒂 𝑷𝑨𝑮-𝑰𝑰𝑵𝑮𝑨𝑻 𝒏𝒂𝒏 𝑲𝑨𝑳𝑰𝑮𝑻𝑨𝑺𝑨𝑵 𝑺𝑨 𝑻𝑰𝑵𝑨𝑴𝑷𝑶/ 𝑴𝑮𝑨 𝑰𝑵𝑺𝑰𝑫𝑬𝑵𝑻𝑬.
3. 𝑲𝒖𝒏 𝒊𝒏𝒊 𝒏𝒂 𝑷𝒐𝒔𝒕 𝒈𝒂𝒈𝒂𝒎𝒊𝒕𝒖𝒏 𝒔𝒂 𝑼𝑺𝑨𝑷𝑰𝑵𝑮 𝑳𝑬𝑮𝑨𝑳, 𝒎𝒂𝒈𝒓𝒂𝒏𝒊 𝒏𝒂 𝒍𝒂𝒏𝒈 𝒕𝒂𝒃𝒊 𝒔𝒂 𝑴𝑫𝑹𝑹𝑴𝑶 𝒐 𝒔𝒂 𝒎𝒈𝒂 𝒕𝒂𝒎𝒂 𝒏𝒂 𝒂𝒉𝒆𝒏𝒔𝒚𝒂 𝒏𝒂 𝒎𝒂𝒌𝒂𝒉𝒂𝒕𝒂𝒈 𝒔𝒊𝒏 𝑶𝑷𝑰𝑺𝒀𝑨𝑳 𝒏𝒂𝒏 𝑩𝑬𝑹𝑰𝑷𝑰𝑲𝑨𝑫𝑶 𝒏𝒂 𝑫𝑶𝑲𝑼𝑴𝑬𝑵𝑻𝑶/ 𝑹𝑬𝑷𝑶𝑹𝑻.

𝗳𝗼𝗿 𝗺𝗼𝗿𝗲 𝗶𝗻𝗳𝗼𝗿𝗺𝗮𝘁𝗶𝗼𝗻 𝗽𝗹𝗲𝗮𝘀𝗲 𝗰𝗼𝗻𝘁𝗮𝗰𝘁 𝘂𝘀 𝘁𝗼 𝗠𝗗𝗥𝗥𝗠𝗢 𝗕𝘂𝗹𝗮𝗻 𝗛𝗼𝘁𝗹𝗶𝗻𝗲:
𝗟𝗮𝗻𝗱𝗹𝗶𝗻𝗲 𝗡𝗼. (𝟬𝟱𝟲) 𝟮𝟭𝟭-𝟳𝟬𝟮𝟴
𝗠𝗼𝗯𝗶𝗹𝗲 𝗡𝗼. 𝟬𝟵𝟭𝟲𝟲𝟳𝟲𝟱𝟯𝟱𝟲/𝟬𝟵𝟲𝟭𝟴𝟮𝟯𝟰𝟭𝟯𝟮

06/06/2026

𝟐𝐍𝐃 𝐂𝐋𝐔𝐒𝐓𝐄𝐑 𝐅𝐈𝐍𝐀𝐋 𝐀𝐂𝐓𝐈𝐕𝐈𝐓𝐘: 𝐂𝐀𝐑𝐄𝐒 𝐓𝐑𝐀𝐈𝐍𝐈𝐍𝐆 𝐍𝐆 𝟏𝟔𝐓𝐇 𝐒𝐏𝐄𝐂𝐈𝐀𝐋 𝐅𝐎𝐑𝐂𝐄𝐒 𝐂𝐎𝐌𝐏𝐀𝐍𝐘; 𝐌𝐃𝐑𝐑𝐌𝐎 𝐍𝐀𝐆𝐁𝐈𝐆𝐀𝐘 𝐍𝐆 𝐓𝐄𝐂𝐇𝐍𝐈𝐂𝐀𝐋 𝐀𝐒𝐒𝐈𝐒𝐓𝐀𝐍𝐂𝐄 𝐒𝐀 𝐌𝐀𝐒𝐒 𝐂𝐀𝐒𝐔𝐀𝐋𝐓𝐘 𝐈𝐍𝐂𝐈𝐃𝐄𝐍𝐓 𝐒𝐈𝐌𝐔𝐋𝐀𝐓𝐈𝐎𝐍, 𝐇𝐔𝐍𝐘𝐎 𝟔, 𝟐0𝟐𝟔

Ngayong araw ng Sabado, Hunyo 6, 2026, matagumpay na isinagawa ng 16th Special Forces “Pak Nuntius” Company sa ilalim ng 4th Special Forces “Dolphin Warriors” Battalion ang kanilang pangwakas na aktibidad para sa Community Action for Resilience and Emergency Support (CARES) Training sa 2nd Cluster Barangays na ginanap sa Sitio Layuan, Barangay Aquino, Bulan, Sorsogon. Bilang bahagi ng pagtatapos ng pagsasanay, muling inimbitahan ang mga kawani ng Municipal Disaster Risk Reduction and Management Office (MDRRMO) upang magsilbing technical resource persons at magbigay ng technical assistance sa isinagawang Mass Casualty Incident (MCI) Simulation Exercise. Layunin ng nasabing simulation na masukat at mapaunlad ang kakayahan ng mga kalahok sa wastong pagtugon, koordinasyon, at pamamahala ng mga insidenteng may maraming biktima sa panahon ng sakuna at iba pang emergency situations. Aktibong lumahok sa pagsasanay ang mga opisyal at kinatawan mula sa Barangay Nasuje, Danao, R. Gerona, Namo, at Inararan. Sa pamamagitan ng mga hands-on exercises at makatotohanang simulation scenarios, nabigyan ang mga kalahok ng mahalagang kaalaman at kasanayan sa incident response, patient triage, evacuation procedures, at inter-agency coordination na mahalaga sa epektibong pagtugon sa mga sakuna at krisis sa komunidad. Ipinakita ng nasabing aktibidad ang kahalagahan ng pagtutulungan ng mga barangay, MDRRMO, at mga yunit ng sandatahang lakas sa pagpapatibay ng kahandaan ng komunidad laban sa mga sakuna at emergency. Naging daan din ito upang higit na mapaigting ang kamalayan at kakayahan ng mga lokal na lider sa pagbuo ng mas ligtas, handa, at matatag na mga pamayanan. Patuloy namang sinusuportahan ng MDRRMO sa pamumuno ni OIC Mr. John Derick C. Grey at Hon. Mayor Romeo A. Gordola, MDRRMC Chairman ang mga programa sa Barangay at komunidad na nakatuon sa disaster preparedness, emergency response, at capacity building upang matiyak ang kaligtasan at kapakanan ng mamamayan sa oras ng pangangailangan.

𝐏𝐡𝐨𝐭𝐨 𝐂𝐨𝐮𝐫𝐭𝐞𝐬𝐲 𝐨𝐟: MDRRMO-Bulan Municipal Disaster Risk Reduction & Management Office







𝕀𝕟𝕔𝕒𝕤𝕖 𝕠𝕗 𝕖𝕞𝕖𝕣𝕘𝕖𝕟𝕔𝕪 𝗽𝗹𝗲𝗮𝘀𝗲 𝗰𝗼𝗻𝘁𝗮𝗰𝘁 𝘂𝘀 𝘁𝗼 𝗠𝗗𝗥𝗥𝗠𝗢 𝗕𝘂𝗹𝗮𝗻 𝗛𝗼𝘁𝗹𝗶𝗻𝗲:
𝗟𝗮𝗻𝗱𝗹𝗶𝗻𝗲 𝗡𝗼. (𝟬𝟱𝟲) 𝟮𝟭𝟭-𝟳𝟬𝟮𝟴
𝗠𝗼𝗯𝗶𝗹𝗲 𝗡𝗼. 𝟬𝟵𝟭𝟲𝟲𝟳𝟲𝟱𝟯𝟱𝟲/𝟬𝟵𝟲𝟭𝟴𝟮𝟯𝟰𝟭𝟯𝟮

05/06/2026

EXTENDED WEATHER OUTLOOK

June 6–9, 2026

Weather Outlook:
Inaasahan ang bahagyang maulap hanggang maulap na kalangitan na may mga panaka-nakang pag-ulan at pagkulog-pagkidlat, lalo na sa hapon at gabi. Mananatiling mainit at maalinsangan ang panahon sa buong araw.

Wind Condition:
Mahina hanggang katamtamang hangin mula Timog hanggang Timog-Kanluran (South to Southwest).

Coastal Waters:
Bahagya hanggang katamtaman ang pag-alon ng karagatan. Pinapayuhan ang mga mangingisda at maliliit na sasakyang pandagat na maging maingat sa paglalayag lalo na kapag may thunderstorm.

PUBLIC ADVISORY

⚠️ Magdala ng payong o kapote kapag lalabas.
⚠️ Mag-ingat sa biglaang pagkulog at pagkidlat.
⚠️ Iwasan ang paglalagi sa ilalim ng puno at malapit sa mga poste kapag may thunderstorm.
⚠️ Bantayan ang mga opisyal na abiso mula sa PAGASA at MDRRMO Bulan para sa mga pinakabagong update.

Source: PAGASA Southern Luzon
MDRRMO Bulan Hotline: 09166765356 / 09618234132

05/06/2026

ULAT PANAHON PARA SA SLPRSD

Inisyu: 5:00 AM, 6 Hunyo 2026
Mula 5:00 AM ngayong araw hanggang 5:00 AM bukas

Panahon:
Maaliwalas hanggang maulap na kalangitan na may mga pulu-pulong pag-ulan o pagkidlat at pagkulog ang mararanasan sa Rehiyong Bicol, Hilagang Samar, Oriental Mindoro, Marinduque, at Romblon dulot ng mga lokal na thunderstorm. Posible ang biglaang pagbaha (flash flood) at pagguho ng lupa sa mga lugar na makararanas ng matitinding pagkidlat at pagkulog.

Mahina hanggang katamtamang hangin na umiihip mula Timog hanggang Timog-Kanluran ang mananaig sa mga nabanggit na lugar. Ang karagatan sa mga baybaying-dagat ay magiging banayad hanggang katamtaman ang pag-alon.

Paalala: Mag-ingat sa mga biglaang pag-ulan at pagkulog, lalo na sa mga mabababang lugar, bulubundukin, at mga baybaying komunidad. Patuloy na makinig sa mga opisyal na abiso at babala mula sa mga kinauukulang ahensya.

05/06/2026

05/06/2026

05/06/2026

05/06/2026

𝐌𝐃𝐑𝐑𝐌𝐎 𝐍𝐀𝐆𝐒𝐀𝐆𝐀𝐖𝐀 𝐍𝐆 𝐌𝐀𝐓𝐀𝐆𝐔𝐌𝐏𝐀𝐘 𝐍𝐀 𝟑-𝐃𝐀𝐘 𝐁𝐀𝐒𝐈𝐂 𝐋𝐈𝐅𝐄 𝐒𝐔𝐏𝐏𝐎𝐑𝐓 𝐀𝐓 𝐁𝐀𝐒𝐈𝐂 𝐅𝐈𝐑𝐒𝐓 𝐀𝐈𝐃 𝐓𝐑𝐀𝐈𝐍𝐈𝐍𝐆 𝐏𝐀𝐑𝐀 𝐒𝐀 𝐌𝐆𝐀 𝐒𝐓𝐔𝐃𝐄𝐍𝐓 𝐕𝐎𝐋𝐔𝐍𝐓𝐄𝐄𝐑𝐒 𝐍𝐆 𝐒𝐎𝐑𝐒𝐎𝐆𝐎𝐍 𝐒𝐓𝐀𝐓𝐄 𝐔𝐍𝐈𝐕𝐄𝐑𝐒𝐈𝐓𝐘 – 𝐁𝐔𝐋𝐀𝐍 𝐂𝐀𝐌𝐏𝐔𝐒, 𝐇𝐔𝐍𝐘𝐎 𝟓, 𝟐𝟎𝟐𝟔

Ngayong Biyernes, Hunyo 5, 2026, matagumpay na isinagawa ang ikatlo at huling araw ng 3-Day Basic Life Support (BLS) and Basic First Aid Training na pinangunahan ng MDRRMO Training Team sa ilalim ng pangangasiwa ni Mr. John Derick C. Grey, OIC-MDRRMO, alinsunod sa mandato ni Hon. Mayor Romeo A. Gordola, MDRRMC Chairman. Ang pagsasanay ay ginanap sa Session Hall ng Sorsogon State University (SorSU) – Bulan Campus. Ang nasabing pagsasanay ay isinagawa bilang tugon sa pormal na kahilingan ni Mr. Homer G. Fuentes, SDRRM Coordinator ng unibersidad, at nilahukan ng tatlumpung (30) piling student volunteers na nagnanais mapalawak ang kanilang kaalaman at kasanayan sa pagtugon sa mga emerhensiya. Sa morning session, nagsagawa ng mga demonstrasyon ukol sa wastong bandaging techniques at spineboard management. Sinundan ito ng tatlong (3) skills evaluation stations kung saan sinubok ang kakayahan ng mga kalahok sa splinting, bandaging, patient lifting and moving, at spineboard management upang matiyak ang kanilang kahandaan sa aktuwal na sitwasyon ng pagresponde. Samantala, sa afternoon session ay isinagawa ang isang actual emergency scenario simulation na nagbigay-daan upang maisabuhay ng mga kalahok ang mga natutunang kasanayan sa paghawak ng mga trauma at medical emergency cases. Sa pamamagitan ng hands-on na pagsasanay, higit na nahasa ang kanilang kakayahan sa tamang pag-assess, pagbigay ng paunang lunas, at ligtas na paghawak sa mga pasyente. Sa pagtatapos ng programa, matagumpay na nakumpleto ng lahat ng aktibong kalahok ang tatlong araw na pagsasanay. Inaasahang magiging mahalagang katuwang sila ng paaralan at komunidad sa pagtataguyod ng kaligtasan, kahandaan, at maagap na pagtugon sa panahon ng mga sakuna at emerhensiya.

𝐏𝐡𝐨𝐭𝐨 𝐂𝐨𝐮𝐫𝐭𝐞𝐬𝐲 𝐨𝐟: MDRRMO-Bulan Municipal Disaster Risk Reduction & Management Office

&SFAT





𝕀𝕟𝕔𝕒𝕤𝕖 𝕠𝕗 𝕖𝕞𝕖𝕣𝕘𝕖𝕟𝕔𝕪 𝗽𝗹𝗲𝗮𝘀𝗲 𝗰𝗼𝗻𝘁𝗮𝗰𝘁 𝘂𝘀 𝘁𝗼 𝗠𝗗𝗥𝗥𝗠𝗢 𝗕𝘂𝗹𝗮𝗻 𝗛𝗼𝘁𝗹𝗶𝗻𝗲:
𝗟𝗮𝗻𝗱𝗹𝗶𝗻𝗲 𝗡𝗼. (𝟬𝟱𝟲) 𝟮𝟭𝟭-𝟳𝟬𝟮𝟴
𝗠𝗼𝗯𝗶𝗹𝗲 𝗡𝗼. 𝟬𝟵𝟭𝟲𝟲𝟳𝟲𝟱𝟯𝟱𝟲/𝟬𝟵𝟲𝟭𝟴𝟮𝟯𝟰𝟭𝟯𝟮